البارت الحادي والعشرون
&&
&
((
ياا/ حبيبي ...
في قديم , الذكريات ,
ماسلبني غير صوتك
وفي جديد , الامنيات ,
مارغبت بغير شوفك((
طلعت من المطبخ واتجهت للغرفه اللي الكل مجتمع فيها
ابتهال بصراخ : ييييييييييمممممممممممممممممممممممه ....الكل انفجع من صرخت ابتهال
الكل: ويش فيك
ابتهال ودموعها على خدودها : ليش يمه تسوون كذا ؟؟!!!
امها: علامك يمه ويش صاير لك !!!!!
ابتهال: ليش ابوي يملك لي على فارس ..وماتشاوروني
الجده: انتي ماوافقتي بالبدايه
ابتهال: الحين ما ابيه ....وتصرخ ..ما ابيييييييييييييه
بدر: ليش ..ما تبينه ؟؟؟
ابتهال: اكرهه ما احبه ... انا ما ابيه
لمياء: بس هو صار زوجك الحين ...
ابتهال: مستحيل اتزوجه .. لو توصل لدرجه اني اهرب وما اتزوجه ... سمع ابوها كلامها ..وصراخها الي واصل للمجلس اللي فيه فراس ومحمد وعبدالله وابو محمد
ابو فراس بصوته الجبلي : ابتهااااااااااااااااااااااااااال ...راحت لابوها ..وهي منهاره تماما
ابتهال : نعـــــــــــــــــــم
ابوها: ويش اللي قاعد اسمعه
ابتهال : ليش يبه تسوي كذا انا مو بنتك ... ما ابيه يبه خله يطلقني ...مااااااابيــــــه
ابوها : بس ..لا كلمــــــــه ... وفارس زوجك على سنة الله ورسوله ...رضيتي او ما رضيتي
ابتهال تتحدى ابوها : والـلـــه ما اخذه لو مابقى غيره بالدنيا
ابوها : قلت لك هو زوجك ما تفهمين انتي ... وانا بسأله متى يبي موعد الزواج
ابتهال: الموت اهون من اني اتزوجه ...
ابوها : اسسسسسسسسسسسسكككككتي ... وشغلك بالبيت
دخلت غرفه لمياء وانهارت من البكاء .. وصوت بكاها يسري بكل البيت
بالمجلس ...
ابو محمد: يابو فراس اذا البنت ماتبيه لاتغصبه ..الغصيبه شينه
ابو فراس : ماعندنا بنات يتشاورون وهي الحين زوجته لو يبي ياخذها هالحين ياخذها ماعندي مانع
فارس((انا خبل ويش اللي سويته ..خليتها تكرهني ... )
محمد: يا عمي ..انت شوف هي ليش معترضه
ابو فراس : كلمتي قلتها .. ماعندنا بنات يتشاورون ...وانت يافارس متى تبي الزواج
فارس: على راحتك ياعمي ... حدد الوقت اللي تبي
ابو فراس : الشهر الجاي ..
فارس: صار .
بغرفه الجده
ام فراس : بروح اشوفها
وصايف: والله غريبه ..اول كانت موافقه ويش اللي غير رايها ؟؟!!!
ملاك: علمي علمك ....
لمياء: اكيد شيء كايد
اليوم اللي بعده ... ببيت ابو محمد
نزلت ملاك من غرفتها ولقت فارس جالس يقلب بالقنوات ...كان شيء لم يكن
ملاك: سلاااااااااااااام
فارس: وعليكم السلام
ملاك: اخبارك بعد احداث الاكشن امس
فارس: عال العال .... دام بتزوج الشهر الجاي .. فانا مستانس
ملاك: فارس ترى البنت ماتبيك ...انت فاهم معنى كلمه ماتبيك
فارس: كلام بنات ... وانا داري هي مقتنعه فيني بس تكابر
ملاك: والله مدري عنك .. بس ترى حياتكم بتصير جحيم
فارس: فكينا من مواعظك يا مريم نور
ملاك: الشرهه علي اللي اقابل هالخشه ..مالت عليك ...
بعد اسبوعين ... بزواج لمياء
ملاك: هاه خلصتي لموش
لمياء: باقي بس الاكسسوارات ..
ملاك تتامل لمياء بالفستان الابيض .. والمكياج الخليجي .. وطالعه ملكه جمال
ملاك تبوسها : الف مبروك حبيبتي ... طالعه تهبلين
لمياء: بالله زين كذا شكلي
ملاك: اقولك تهبلين ... تصدقين
لمياء: ويش ؟؟؟
ملاك: راح افقدك يا دببببببببه
لمياء ماسكه دموعها: ملاك لا تبكيني تراني يادوب ماسكه نفسي ...
ملاك: لا عاد كلش ولا تبكين ... ويخرب كل شيء
دخلت وصايف ... وميساء ..وابتهال اللي مبين عليها الضيقه
الكل: مبررررررررووووووووووك يا احلى عروس ....وطبعا بوسات وضمات .. ونصايح
وصايف : لا اوصيك .. خلك راكز بالزفه
لمياء: ليش قالول مطفوقه
ابتهال: خبرنا بك كذا
الكل: هههههههههههههههه
ميساء: ايه اضحكي .. خلي سنونك تبان
لمياء: يعني اهم شيء سنوني تبان
ملاك: لا ..ياخبله لو تضحكين بيطلعون عليك كلام .. خل مكشره على طول وزعلانه
وصايف : ولا اوصيك اعقديها ....هههههههههههههههههههه
لميا: والله حيرتوني ويش اسوي
الكل: خلك على طبيعتك
لمياء: نشووف ... سكتت شوي ... بنات والله مرعوبه ..خايفه
ميساء: لسى حبيبتي ؟... بدري على الخوف ... لا رحتي معه خافي على كيفك .. اما الحين تطمني .. انتي بامان
وصايف: ميووووووس لا تخوفينا .. شوفي شكلها كيف ..يضحك وهي خايفه
لمياء: الشرهه علي اللي اشكي لكم
ملاك: توكلي على الله .. ولا تخافين .. وترى هذي احلى لحظات العمر ... لا تفوتينها عليك بالخوف
لمياء: لا تتركوني ..
ابتهال: لا ان شاء الله ما حنا تاركينك ياخوافه ...
بدت الزفه .. وانزفت لمياء ...
ابتهال: بسم الله عليها تهبل
ملاك: الدبه .. بتروح عنا هالمطفوقه
ابتهال: مدري كيف راح استانس بدونها
ملاك: ربي يسعدها ...
بعد نهايه الزواج ....راحوا كل الناس ... والكل رجع لبيته منهك تعبان
عبدالله: هاه بشري كيف لمووووش
ملاك ودموعها على خدها : تهبل ...
ثامر: تبكين
ملاك: ايه ابكي .. على بالك مثلك متبلده احساس
فارس: ياربي من البنات .. يبكون حتى بالزواج ... ترى هذي سنه الحياه
ملاك: هذا اللي بيفلقني .. اقول اسكت ابرك ..
عبدالله: ارضي علي شفتي اني انا احسن اخوانك وارقهم مشاعر
ملاك: يقال مداح نفسه كذاب
ثامر وفارس: هههههههههههههههههههههههههههه
ثامر: قووووووووووووووووووووويه ...
فارس: يارقيق المشاعر انت
عبدالله: مقبوله منك ماني براد عليك ملاكوه لاني حاس انك فاقده انسانه خبله مثلك
ملاك تمسح دموعها: مخلين العقل لك يابو العقل ..
بعد يومين ...
ملاك: وحشتني ذي الدبه .. ماصدقت خبر خير انها تزوجت سحبت علي ....
اخذت جوالها ودقت رقم لمياء .... جاها صوت لمياء .. وطفاقتها المعهوده
لمياء: كلووووووووووووش اخيرا دقيتي
ملاك : السلام عليكم
لمياء: وعليكم السلام
ملاك: على طاري الدق اني اللي المفروض تدقين مو انا
لمياء: نسيتي اني عروس ..
ملاك:ههههههههههه عندي شك ... المفروض الحين تركدين مو تزيد طفاقتك
لمياء: ما تدرين ليش ؟؟؟
ملاك: لييييييش ..؟؟؟!!!
لمياء: زوجي العزيز طالع للمطعم .. ولما دقيتي قلت اخيرا في احد بمارس عليه خبالي اللي وحشني
ملاك: مايوحشكيش غالي يا قلبووووووو خخخخخخخخخ
لمياء: تنكتين هين اوريك
ملاك: هاه كيف مع ناصر بشري
لمياء: يؤيؤيؤيؤيؤيؤ يزنن ياناسو يهبل .. طيب حييييييل يا ميمي
ملاك: يعني الحمدلله الاوضاع مستقره
لمياء: الحمدلله ...
ملاك: وين العزم ان شاء الله
لمياء: ابها ... وبعدين جده .. وبعدين نروح للياض نزور اهله وبعدها الشرقيه
ملاك: تتهنين ان شاء الله ... بس هاه لا تجين ويدك فاضيه
لمياء: افا عليك ... من وراكي خمس ريال نسكتكي بها
ملاك: خلف الله على عقلك .. اقول لا يحسبك الرجل جلده .. تبحبحي شو ي
لمياء: هههههههههههههه ولا توصين كم ميمي عندي .. بجيب لك أي شيء يعجبني
ملاك: لاخلاص هونت ما ابي ابيك سالمه غانمه بس .. ماني بناقصه توهيقات
لمياء: اقوووووول
ملاك: ويييييييييييش ؟؟؟!!
لمياء: ملاك حاولي تسحبين ابتهال بالكلام وشوفي هي ليش ما تبي فارس
ملاك: هذا اللي انا ناويه عليه ... تعرفين الحين اخذنا على بعض انا وياها بغيابك صرنا قريبات اكثر من اول
لمياء: يالخاينات .. غيب يا بس العب يا فار
ملاك: هههههههه حشاكي ... بس خلاص ماعاد لك رجعه لجمعتنا
لمياء: طيب انا اوريك بس اشوفك .. واعلمك .. وشلون انا ماعاد لي رجعه لكم
ملاك: اقول لا يكثر بس .. يالله انتظري نصوووووور على ((وتقولها بتمديد )) احررررررررررر من الجمررررررر
لمياء: شوووووووووور بانتظر مهجه الروح .. يا بايخه انتي
ملاك: هههههههاااااي حركات .... مهجه الروح .. ياعيني من اول يومين مهجه الروح وبعدين ...
لمياء: ياكرهي لا جلستي تضحكين يالله عاد ..
ملاك: يالله باااااااااااااااااااي
لمياء : بااااااااي .... قبل لا تلف ..
ناصر : مين مهجه الروح ..... لفت بسرعه وتغير وجهها
لمياء: من متى وانت هنا
ناصر : من قلتي مهجه الروح ....
لمياء: هو .... انا ..... قلت ......ابتسم بخبث .. وغمز لها
ناصر: يالله قلبي .. خلينا نتعشى
بالنسبه لملاك ... ميته ضحك على خالتها ... نزلت للصاله ..ولقت زوجته ابوها
ملاك: هااااااااي
مضاوي: هااااااي
ملاك: غريبه اليوم جالسه مارحتي لاهلك
مضاوي: تعبانه شوي قلت خلوني ارتاح
ملاك: سلامتك .... عسى ماشر ويش يوجعك
مضاوي: مصدعه ... ومالي خلق اروح ..
ملاك: اخذتي مسكن ...
مضاوي: ايه اخذت ...
اندق الباب ...فتحت كاتي .. ودخلت ساره وريم وعبير ... طارت ملاك من الفرحه
ملاك: هــــــــــــــــلا وغــــــــــــــلا ...
الكل: هلا فيك
سلموا على بعض
ملاك: ليش القطيييييييييعه ؟؟!!
ساره: مين اللي مقاطع الثاني
ملاك: والله اعذروني عارفه اني مقصره معاكم ... بس انشغلت بزواج لمياء والحين زواج فارس
عبير: عاذرينك حبيبتي ..اهم شيء اخبارك انتي ويش مسويه .. وانتي مضاوي شخبارك
مضاوي: الحمدلله بخير .. انتم اخباركم ويش مسوين
الكل: تمام ولله الحمد
وبدوا السوالف والاستعدادات لزواج فارس وابتهال ....
ببيت ابو فراس ...
كانت ابتهال توها جايه مع امها من السوق ...
امها: قومي قيسي الملابس .. عشان اشوفها
ابتهال ترمي الاكياس على الكنب : ماني قايسه ...
امها: كيف اعرف هي واسع هاو زين مقاسها
ابتهال: ان شاء الله تطلع علي واسعه .. ماعلي .. من زينه اشتري له ملابس والله ما البسها عنده
امها: ليش يا يمه تسوين كذا .. كل بنت تتمنى تتزوج وانتي ما تبين
ابتهال: يمه هذي اخر مره .. اروح فيها السوق .. تبين تروحين خذي وصايف معك ..انا ماني برايحه
امها: طيب قولي لي ليش ماتبينه
ابتهال: ولد اختك .. ما اطيقه ينرفزني .. واعرفي اني مغصوبه عليه وذنبي برقبه ابوي ماراح اسامحه
امها: لاتقولين كذا ابوك يبي مصلحتك .. وفارس كلنا نعرفه يا ابتهال
ابتهال: يعني عشان تعرفونه ... خلاص ..توافقون عليه
امها: ويش غير رايك ...انتي كنتي ميته عليه والحين يوم بيتزوجك ترفضين ....قامت تبكي
ابتهال: يمه اذا تحبيني .. قولوا له ما ابيه او بيصير شيء ما تتوقعونه مني
امها: يا ابتهال.. لا تضيعين عمرك .. ترى ما احد بيندم غيرك ...راحت لغرفتها ... وهي تبكي قفلت الباب على نفسها ...
ابتهال : طيب يا فارس ... تجبرني اني اتزوجك بس والله مستحيل اخليك تقرب مني .. ما اون بنت محمد اذا ما اوريك كيف .. تفرد عضلاتك علي ..
بالمستشفى ...اللي يشتغل فيها فراس ...
فراس: هذا المريض..لازم له عنايه مشدده.. كل ساعتين ..تقسيون الضغط .. والسكر .. وتعاينون الضغط
الممرض: ان شاء الله دكتور فراس ...
فراس: ما ابي اشوف تهاون ... او ما اشوف تعليماتي منفذه بدقه ..اوكي
الكل: اوكي .... طلع ومر بين الغرف .. ويعاين المرضى ..
دخل مكتبه واسند راسه على الكرسي وغمض عيونه ...
فراس (( ليش لها يومين ما داومت ... عسى المانع خير )) ...ادق الباب
فراس: تفضل .... دخلت ممرضه
الممرضه منال : السلام عليكم
فراس: وعليكم السلام .. خير منال ويش فيه
منال: دكتور فراس.. تفضل ... ومدت له ورقه اجازة اسبوع
فراس: خير ليش هذي الاجازة .. وليش مشاعل ما قدمتها بنفسها
منال: هي طلبت مني اجيبها لك .. لانها ماخذه اجازة اسبوع ...
فراس: طيب هذي من مسؤليه مدير المستشفى ..
منال: وانت رئيسها بعد يا دكتور
فراس يحط يده على راسه : سوري نسيت ... طيب خير ويش سبب الاجازة
منال: لان مشاعل تعبانه .... فتح عيونه على الاخر
فراس: عسى ما فيها شيء ..
منال: لا بس زكام ..وحراره ...
فراس: ماتشوف شر ... على العموم قولي لها.. ترتاح .. ومتى ما حست انها تقدر تداوم .. تداوم ..
منال مشكور ..دكتور .. تامر بشي بروح اشوف شغلي
فراس: قواك الله تفضلي .. طلعت .. وحط راسها على الطاوله .. وافكار توديه وافكار تجيبه
لما طلعت منال ... دقت على طول على مشاعل
مشاعل : بشري منوله
منال: كل شيء تمام ...
مشاعل : حسيتي بشيء
منال :قصدك اشياء ..
مشاعل: قولي ...
منال: لا اذا خلصت شغلي .. ورجعت البيت اجيك ..
مشاعل: انتظرك ...((منال ومشاعل .. بنات عم )) ...
اليوم اللي بعده ...
ملاك: الوووووووووووو
ابتهال: هلا ملوكه
ملاك: اخبارك ...
ابتهال: زينه
ملاك: ابتهال .. ويش رايك اليوم امرك ونروح السوق مع بعض .. ابي اشتري اغراض وابيك تروحين معي
ابتهال: اوكي ...
ملاك: امرك بعد المغرب خلاص
ابتهال: خلاص .... قفلت ... وقامت تجهز نفسها لان الساعه 6 ونص
ابتهال : يمه
الام: نعم
ابتهال: ملاك بتمرني ... وبنروح السوق
امها: طيب روحي بس خذي معك فلوس يمكن يعجبك شيء
ابتهال: اكيد .. باخذ .. ورجعت غرفتها تجهز نفسها
وصايف لالا ابتهال.. متغيره مره
امها: مدري ويش اسوي معاها .. وبدت امها تحكيها عن كلام ابتهال وتهديدها
وصايف : لا تكون ناويه تفشلنا .. ترى تسويها .. هذي ابتهال .. مو أي احد
امها: المشكله اعرف انها لا حطت براسها شيء تسويه ولو على موتها
وصايف : والسوات .. اخاف تسوي شيء .. تاذي فيه نفسها
امها: الله يهديها
مرت ملا ك على ابتهال وراحوا السوق ... وطبعا ملاك .. اخذتها لاماكن الاكسسوارات والساعات .. والشنط .. ولا قربت من محلات الملابس .. ابد ..
ملاك: ويش رايك بذي الساعه ...
ابتهال: مررررره خطيره ..
ملاك: اجل بشتريها ...
ابتهال: وانا باخذ هذي اللي لونها وردي
ملاك: حلوه بعد .. ولونها رووعه ..طلعوا من المحل ... ولفت انتباه ابتهال ..قميص احمر
ابتهال: ملاك ...شوفي هذا ..القميص حلو صح
ملاك اعجبها مررررررره:.. يجنن ..شكله ابداع
ابتهال: تعالي بشتريه ... ودخلت المحل واشترته
بعد ماخلصوا
ملاك: انا عازمتك على العشاء
ابتهال : ما له داعي
ملاك : لا ويش دعوه بنروح مطعم نتعشى به
ابتهال: ياغبيه .. نطلع الدور الثالث .. في مطاعم مو مطعم
ملاك: بس مكشوف حنا نبي ناخذ راحتنا ..
ابتهال : اوكي على راحتك ... نروح مطعم برى..راحوا لمطعم ..بعد ما اكلوا
ملاك: ابتهال
ابتهال: هلا
ملاك: ابي اسئلك ... وابيك تتكلمين وتقولين كل اللي عندك
ابتهال : اسئلي
ملاك: انتي ليش ماتبين فارس ..بليززز لاتخبين علي لاني اخته .. مهما كان ...انا اعرف فارس زين
ابتهال: بقولك وبصراحه ... وبدت تقول لملاك كل اللي جرى بينها وبين فارس
ابتهال: احسه يبي يثبت لي انه يقدر ياخذ اللي يبيه ولو بالغصب ... انا صرت اخاف منه ..عشان كذا ما ابيه ماني مستعد اعيش معاه ومبدأه اخذ اللي ابي وغصب عن الكل
ملاك: انتي متاده من اللي تقولينه
ابتهال ودموعها بدت تنزل: ملاك ... اخوكي مرعب ... حتى نبرته تخووووف
ملاك: لا تخافين ترى هو بس كلام .. اما فعل .. خرطي ماعنده ماعند جدتي ..يعني ريحي بالك ..وصدقيني بكره لما تعيشين معه راح تعرفينه زين
ابتهال: مدري بس انا خاايفه منه
ملاك: ماعليك انتي خليكي كذا بيني له انك ماتبينه .. وخليه يعرف انك ماعليك منه ..ولا يهمك
ابتهال تضحك على ملاك: ههههههههه هذا وهو اخوك وتصحيني اسوي فيه كذا ... صدق انك مصيبه
ملاك:..من تجربتي مع العيال .. اقولك حطيه ورى ظهرك وبكره هو يركض وراك هم كذا يحبون يبينون انه شيء وهم ولا شيء ..((ماحست بزلتها ))
ابتهال: عيال أي عيال ... ؟؟!!!
ملاك: انا قلت عيال
ابتهال: ايه .. قلتي من تجربتك مع العيال ..
ملاك لحقت على عمرها : قصدي اخواني نسيتي ان البيت كله عيال
ابتهال: اهااااااااا قصدك اخوانك .. فجعتيني على بالي احد ثاني ...رقعت ملاك السالفه
ملاك: بس انتي ريحي بالك ..ولا تفكرين فيه ........تطمنت ابتهال من كلام ملاك
بالرياض ...
ام فادي: وين فيصل
فريده: اعتقد مع اصحابه
فاديا: يقول بيطلعون الشرقيه .. يسهرون هناك وبيرجع الفجر
الام: الله يهديه بس يروح ولا يقول لاحد
فريده: ماعنده وقت ..حتى يجلس معانا زي اول
الام: الله لا يغير عليه ...على فكره ترى ولد خالكم عبدالعزيز .. بيجي الاسبوع الجاي ..
فاديا: قصدك ناصر
الام: ايه ... وبيعزمون خوالك وعمات ناصر عشان يتعرفون على زوجته
فريده: ايه صح .. ويش يقولون خوالي عنها
الام: زوجات خوالك ميتين عليها يقولون حلووووووه ...ولا يقولون بعد امها وخواتها وبنات خواتها كلهم حلوين .. ايه وخالك محمد يقول حتى عيالهم رجاجيل بمعنى الكلمه .
فاديا: تحمست اشوفها ...يقول لي احساسي بيصير موقف اكشن هناك
فريده: ياحبك للاكشن
فاديا: يمه ..بروح باريس
الام: ليش ؟؟!!!
فاديا: بروح اشتري لي ملابس ..عشان العزيمه لازم اكون كاشخه
فريده: ويش رايكم نروح كلنا ..يومين قبل العزيمه ونرجع
الام: امممممممم خلاص اجل بس اعطي ابوكم خبر ...
نادر: وانا بعد ابي اروح استانس معاكم
فريده: انت تامر... كم ندوري عندنا
بالمدينه .. بعد اربع ايام ..
الجده: ايه عازميننا بالرياض
بدر: تبين تروحين يمه
الجده: اذا تقدرون نروح ليش لا
عبدالله: ابشري ياجده انا بوديك
بدر: وانا طبعا بروح معاكم
ام فراس: ياسلام عليكم .. سحبتم علي ..
ملاك: روحي ياخالتي ويش رادك
ام فراس: لا ناسيه .. ابتهال لازم نخلص من التجهيز مابقى وقت
الجده: اجل ملاك تروح معي
ملاك: اناااااااااااااااااا
الجده : ايه منها نتطمن على لمياء وانتي بعد تغيرين جو
ملاك: خلاص اجل بروح
سطام: من قدك امي تقولك روحي ..
بدر: وانت سطام لازم تروح عشان يعرفون ان اختي وراها رجال
ثامر: حشى رايحين حرب
عبدالله: ماتعرف الاصول انت
ملاك: خلاااااااااااص بدت المناوشات ...بعد ساعتين رجعت للبيت .. وطبعا قالت لابوها وابوها وافق
دخلت غرفتها وبدلت ملابسها ... ورمت نفسها على السرير ..جاء على بالها ..واسر تفكيرها ..ورجف قلبها لذكراه ..اخذت دفترها وكتبت ..
الجنون عيون وعيونك وطـن ..
و الوطن من غير عينك وش يكون ؟
[ لا شـوارع ، لا آمـاني ، لا سكـن ]
لا حيـاه و لا ممات و لا طعـون !
إنت بلحالك زمن داخل زمـن ..
كيييف عمري ينحسب لو يحسبون
!!
بالرياض ...كان جالس بكوفي ينتظر ماجد اللي دق عليه
فيصل: متى يجي ماجد .... لمح بنت .. وقف قلبه.. ارتجفت يده ماقدر يكمل قهوته راقبها يبي يتاكد هي اللي شاغله باله او مجرد طيف يمر قدام عيونه ..
فيصل ((ملاك ... ملاك .... هي نفسها .))...وقف ... وراح ورى البنت والبنت معاها ثلاث بنات
فيصل ((نفس مشيتها ..يارب تكون هي ... والله لاخطفها واهرب ..)) جاء ..وحط يده على كتفها وقال بصوت متردد
فيصل : ملااااااااااااااااك..لفت البنت وبسرعه بعدت عنه
البنت: نعم
فيصل : ملاااااااااااااااااك
البنت : لا انا ماني ملاك ... حس بخيبه امل فظيعه ..
فيصل : اسف ... ولف روجع لطريقه
فيصل ((يوم صاح [ اللوم ] فيني
غاااب : غاااب : (
كنت [ اعااتب ] جور وقتي .. و [ اقصدك ]
ما تمنيت امسك [ ايدين السحااب ] !
كان كل الحلم :
[ تمسكني يدك ]
قلت [ احبك ]
كثر حبات التراب
حتى اني صرت مني [ احسدك ] ..
عمر عمري .. ما احس الفرح / تااب !
لين ينصفني نصيبي واحصدك ..
لو يصير الحب غالبني { .. عذااب
[ مرحبا به ].. بس تكفى
لا افقدك !!))
رجع للبيت بعد ماقابل ماجد ...لما رجع
فاديا: فيصل بكره بنسافر باريس
فيصل : ليش ؟؟!!
فاديا: تغيير جو وتعرف لازم نشتري لنا اغراض
فيصل: ومين بيروح
فاديا: انا وفريده وامي ونادر
فيصل : اجل بروح معاكم
فاديا: جد ...خلاص جهز نفسك ترى بس بنجلس ثلاث ايام
فيصل : طيب طالع اجهز ملابسي
بالمدينه ..وتحديدا بالمستشفى ...
فراس: يا سامي
سامي: هلا دكتور
فراس: ابي تجيب لي تقرير المريض رقم 7 وابيك تشوف حالته كل ساعتين والظاهر انا معطي تعليماتي قبل كذا
سامي: بس يا دكتور فراس اللي مسؤوله عن هذا المريض هي الممرضه مشاعل
فراس: طيب خلاص انا اتصرف .... راح لمكتبه .. ورفع سماعة التلفون
فراس: لوسمحتي .. قولي للممرضه مشاعل تجيني ضروري ..((وواضح انه معصب ))
منال : مشاااااااعل .... مشااااااعل
مشاعل : نعم ..ويش تبين ..ذبحتيني
منال: الدكتور فراس ..
مشاعل تركت كل اللي بيدها : ويش فيه ..
منال: يبيك .. ضروري .. بس واضح ان في شيء .. صوته مايطمن
مشاعل : طيب الحين بروح اشوف ..بسرعه راحت لمكتبه ..
مشاعل ((يارب ما يعصب علي ... اخاف منه اذا عصب )) ..دقت الباب
فراس وهو يراجع بعض الاوراق : تفــــــــــضـــــــــــل .....دخلت بهدوء
مشاعل : مساء الخير
فراس مارفع راسه : مساء النور ...
مشاعل: انت طلبتني دكتور
فراس: ايه طلبتك ....
مشاعل((لالا شكله مايطمن ...وصوته بعد ..اترحم على نفسي بس )): خير امر
فراس ترك الاوراق ..وضرب المكتب بيده ومشاعل الموت عندها اهون من انه يعصب عليها ((لان فراس شديد مره بالعمل ومايسمح باي غلط ..ومايتهاون ابدا مع الاهمال ..وكل الممرضين يهابونه ويخافون منه))
فراس يصارخ: كيف تهملين المريض
مشاعل ماقامت تجمع : أي مريض يا دكتور
فراس: ماتدرين أي مريض ... طيب انا اقول مريض غرفه 7 ..وين التقرير اللي مكلفك فيه ليش ماتقيسين له الضغط بانتظام ..وكمان السكر ...وكله كوم .. وتاخير ضرب الابر كوم ثاني ..
مشاعل : انااااا .... قاطعها ..
فراس: انتي مهمله بعملك ... يا انسه اذا جايه هنا اعرفي انك مسؤوله عن حياة ناس امانه عندك ..مو جايه لعب وكلام فاضي .. مجالنا ما نسمح فيه باي خطأ .. لان لو خطأ بسيط زي خطائك بتاخير الابر ممكن يؤدي للوفاه ..فهمتي
مشاعل والدموع مجتمعه بعينها : بس انا يا دكتور ..كلفني دكتور سعد بمريض عنده وقال لي هو بيبلغك
فراس وصلت معاه : مين رئيس القسم اللي انتي فيه ؟؟؟!!
مشاعل: انت
فراس: يعني ... انا اللي اقولك سوي كذا ولا تسوي كذا ... مو أي دكتور يجي يملي عليك مهماتك ... سامعه
مشاعل: طيب انا مالي ذنب ... هو قال بيقولك
فراس: مشااااعل .. هذي اخر مره اسمح فيها باهمال .. راح اتغضى هذي المره .. والمره الجايه ..بعطيك فصل تاديبي ..
مشاعل نزلت : دموعها: سو اللي تبيه ... ماعاد يهمني ....
فراس : ويش مايهمك ...لايكون عندك اعتراض وانا ماني داري ..
مشاعل: انت سالتي اول شيء عن الاسباب ماخليتني حتى اشرح لك ..جلس فراس ..حط رجل على رجل
فراس: تفضلي ..اجلسي وقولي اللي عندك ..اسمعك .. بشوف نهايتها معاكي
مشاعل: اولا ..انا كنت تعبانه وماخذه اجازة واعتقد منال جابتها لك توقع عليها ..وثاني شيء ماصر لي يومين مداومه بعد الاجازه وجاني الدكتور سعد وطلب مني اني اشرف على حالة المريض اللي عنده ...والحين جاي تقول لي انا مهمله ..وجايه لعب وكلام ... جيب غير هذا الكلام
فراس: يعين انا ظالمك
مشاعل: اسئل نفسك ....يا دكتور ... وانا ما اسمح لك ترفع صوتك علي ...
فراس: والله طالت وشمخت يا انسه مشاعل .. يعني تغلطين وبالاخر اطلع انا الغلطان
مشاعل : والله احسبها زي ما تبي .. لكن انا .مالي ذنب بكل اللي تقوله .. واذا تبيني ..اتفرغ للمريض اتفرغ له .. وطلعت من عنده ..وراحت بمكان فاضي ..وجلست تبكي ..
منال: هدى ماشفتي مشاعل ..
هدى: لا خبري بتروح للدكتور فراس ..
منال: لها ساعه مو مبينه وموعد الشغل قرب يخلص ..
هدى دقي على جوالها
منال: مغلق...اووووف وين راحت هذي ..راحت تلف بالممرات تدور عليها بس مالقتها
فراس: طيب يا مشاعل .. انا اوريك ..اخذ الخطه وغير فيها شوي .واعطاها بدل المريض 3 مرضى .. وكلهم حالتهم صعبه يبي لهم اشراف دقيق .. ومتابعه ..
منال : مشاعل ...مشاااااااااعل علامك ...ليش تبكين
مشاعل: دكتور فراس .
منال: ويش فيه ... رمت مشاعل نفسها بحضن منال وجلست تبكي هدتها منال
منال: يالله قومي ..خلص الدوام .. خلينا نروح للبيت ... وهي طالعه وعيونها حمراء من البكاء ..
قابلها فراس
فراس: سامي.. بكره تتنفذ هي الخطه .. واي احد يعترض .. باتصرف معه ..
سامي :حاضر دكتور اللي تشوف ..
فراس ((تبكين هاه بكره تبكين زين ... )) ..
اليوم اللي بعده ...
ثامر: انتبهوا للطريق
عبدالله: ان شاء الله
ملاك: يالله تاخرنا على جدتي وخوالي
عبدالله: مع السلامه ... مروا على جدتهم وخوالها ..وسافروا للرياض
بالرياض
ناصر: عسى كل شيء جاهز لجيت اهلك
لمياء: الحمدلله كل شيء تمام
ناصر: اذا ناقص أي شيء قولي ... لاتستحين
لمياء: لا حبيبي ماقصرت كل شيء زين
ناصر : الله الله باهلك ...ما ابيهم يحتاجون شيء لا اوصيك حبيبتي
لمياء: اقول ما كأنك هلكتني بالنصايح ..على بالك بخليهم يموتون جوع
ناصر : مو بعيده عنك
لمياء ترمي عليه المخده: تستهبل ....
ناصر : يازينك اذا زعلتي ..
لمياء: يعني ..بس اعجبك اذا زعلت وباقي الايام .. شينه
ناصر: بكل الاوقات تهبلين ...حتى اذا صحيتي من النوم
لمياء: صدقتك ...بس
بالمستشفى
منال: واااااااااو مين مسوي هذا الجدول
هدى: دكتور فراس
منال: حرام عليه ليش معطي مشاعل 3 مرضى ..ولا وفوق هذا كله .. معطيها مناوبات
هدى: حتى انا مستغربه ..والكل بعد
منال بسرعه راحت لمشاعل اللي جالسه على الرسبشن بعد ما اخذت التحاليل اللي طلبها منها فراس
منال: مشاعل الحقي
مشاعل: خير ويش فيك منخرعه ..كان احد يلاحقك
منال: ماشفتي الجدول الجديد اللي حاطه الدكتور فراس ..
مشاعل عدلت جلستها : لا والله ماشفته ليش ..ويش فيه
منال تسحبها : قومي شوفيه ...قامت مع منال وراحت تشوفه ...انصدمت ..
مشاعل: ليش كذااااااااااااااااا ....حرااااااااااام
منال: الحقير شفتي ويش مسوي ...يبي يعلمك الاهمال من جد انه عبقري
مشاعل: مريض مريضين مو ثلاث ومعاها مناوبات
منال: لازم تدورين حل
مشاعل: هين يا فراس يبيني اجيه واقوله اسفه عشان يخفف عني بس لا والله يحلم راح اسوي كل اللي بالجدول واخليه يعرف اني ما العب معاه
منال: بس انتي اللي تتعبين هو مرتاح ...ولا عليه شيء
مشاعل: ياغبيه ماشفتي جداول الدكاترة ...فراس ..معطينه الاسبوع هذا كله ..يعني الوقت اللي هو فيه انا فيه
منال تغمز لها : وتضربين عصفورين بحجر واحد
مشاعل تبتسم : على قولتك ... والله لارفع ضغطه ...هين بس ..ما يعرف يلعب مع مين
منال: ياهووووووووووووو الدكتور فراس ..وتسوين معه كذا اجل لو واحد غيره ويش تسوين
مشاعل: يالله بروح اشيك على المرضى سيو ...اخذت الاغراض وراحت للغرف ..وحده وحده واخر غرفه ..كانت تقيس الضغط والسكر ونبض القلب وهي منغمسه بشغلها ..دخل فراس ..
فراس: سلاااااام
مشاعل: وعليكم السلام
فراس: انتي هنا
مشاعل: لا هناك ....سكت فراس
فراس(((هههههههههههه شكلها معصبه ...احسن تستاهل ))
فراس..ياخذ الورقه منها قبل لا تكمل الملاحظات
فراس: زييييين زيييين .. ياعمي ... اليوم كل شيء مستقر وتمام
المريض: يا وليدي متى اطلع ..تعبت من المستشفى
فراس: لازم تتحمل يا عمي ... ان شاء الله كم يوم وتعزمنا عندك بالبيت
المريض: ما اظن ..بس اطلع .. ماعاد اني براجع لكم ولا ابي اشوفكم
فراس: هههههههههههههههههههه طيب ياعمي .. مشاعل ..كل ست ساعات شيكي عليه
مشاعل: ما يحتاج تقول اعرف شغلي ..خلصت وطلعت قبله
لما رجع ..لمتبه شافها واقفه مع سامي اللي يناقشها بالجدول
فراس: بليزززز كل واحد يشوف شغله ... ماهو وقت سوالف ..بالاستراحه تكلموا زي ماتبون
مشاعل: حنا نتكلم بشغل ...على بالك فاضين زيك ... وراحت ..وسامي منصدم كيف تكلم فراس بهذا الاسلوب
بالمناوبه ...كانت طبعا مشاعل مناوبه بالتمريض ..
الساعه 1 باليل ...ميته طفش ما احد غيرها مناوب .. وهي بحالها ما تحب تختلط كثير ...بعد ماشيكت على المرضى ...نزلت للكوفي ..وجلست فيه ... كانت سرحانه بعالم ثاني ... صحت على صوته
فراس: مشاااعل
مشاعل: خيييييييير ..
فراس: ممكن اخذ من وقتك شوي
مشاعل : تفضل ... بعد ماجلس ..
فراس: عسى عجبك الجدول الجديد
مشاعل: يهبل .. مريييييييييييييييح مره ...تصدق فرحت لما حطوه
فراس: زين توقعت انك بتجادلين
مشاعل: افا اجادل وانا عاجبني ... مايصير
فراس: على قولتك مايصير .... حبيت توهقه وتحرجه
مشاعل: عسى عجبك جدولك ..هالاسبوع ...سكت مارد عليها
مشاعل: يقولون من حفر حفره لاخيه وقع فيها ...بعد مارد عليها
مشاعل: سبحان الله وعلى نياتكم ترزقون ...
فراس: أي والله صحيح ...
مشاعل: ياشين الظلم والله مايترك الظالم بحاله ..
فراس: مشاعل..لا تلفين وتدورين تراني فاهمك زين ...وكلامك ماله داعي
مشاعل: ليش ماله داعي ؟؟؟!!!
فراس: انتي ادرى ...وبعدين ..الكلمات اللي ترمينها انا افوتها لك بمزاجي وحركتك بايخه لما كنتي واقفه مع سامي ...اظن من الذوق ما تكلمين واحد اكبر منك بذي الطريقه
مشاعل: واذا هو اجبرك ..على ذا الشيء اقترح علي اسلوب لمعالجه المشكله ...
فراس: اظن انتي واعيه وتعرفين تتصرفين ما يحتاج اعلمك ما انتي بزر
مشاعل: على طاري الحركات البايخه ...ويش تسمي تصرفك هذا
فراس: رد فعل على اهمالك
مشاعل: يا دكتور كم مره اقولك مالي ذنب ..الظاهر ما انت فاهم علي
فراس: خلاص صار اللي صار وعلى قولتك من حفر حفره لاخيه وقع فيها ...انا اعطيتك جدول وبالمقابل اعطوني جدول اخس من جدولك
مشاعل: ذنبك علي ...
فراس : اقول انسه مشاعل ما تلاحظين شيء
مشاعل صفت نيتها تجاهه لانه حس بغلطه : مثل ايش ؟؟!
فراس: انك اكثر وحده ماخذه علي يعني ما انتي مثل الباقين ...رغم اني شديد معاكي اكثر من غيرك
مشاعل: والله اجابه هالسؤال تلاقيها عندك ..
فراس: بس ما لقيتها ...
مشاعل ((خربيها يا مشاعل الى متى وانتي ساكته )): تبي اجيبها لك من الاخر
فراس: ياليت والله
مشاعل: لان قلبي وقلبك يجمعهم شيء واحد ...وقفت وأخذت أغراضها ..وتركته ..
فراس يردد كلمتها : قلبي وقلبك يجمعهم شيء واحد ...اي والله يامشاعل يعني احساسي بمحله
يوم العزيمه
لمياء : ويش رايكم
الكل:وااااااااااااااااااااااااااو
سطام: خطيره ياوخيتي ...ويقلدها ..تزننييييييين ((تجننين))
كانت لابسه ..فستان ناعم مره قصير على الركبه ..وماسك على صدرها ..ولونه وردي وفيه ورود ابيض وسماوي واخضر .. وطالعه كيوووت ولابسه سلسال لولو ابيض وساعه اخضر وشعرها ناعم لنص ظهرها واطرافه ملفوفه على فوق ومكياجها وردي واخضر ..وطالعه كانها اجنبه بشعرها البلياج
ملاك: لمياء تعالي شوفي لبسي
عبدالله: تعالي انتي نبي نشوفك ..
ملاك: بس مو تضحكون لان احس شكلي غلط
بدر: تعالي بس انتي .....دخلت ملاك الصاله ...وكانت لوكها غجري تنورة طويله واسعه مره ملونه بالوان داخله ببعض ..تحس مافي تناسق ..اخضر وموف واسود وسكري وازرق بحري وبلوزة حبل لونها موف واطرافها كشكشه بالون الاسود ..وشعرها الطويل كله كيرلي وحاطه بندانه على بدايه الشعر ومطلعه عليها الخصل ولابسه سلسال كبير شوي لونه ازرق بحري واخضر وساعه كلها كرستالات ملونه ومكياجها ناعم اسود وروج وردي
بدر: ياخطيررررررررره
عبدالله: ويش ذا اللوك .. يا ميمي
ملاك: مو حلو علي صح
لمياء: لا والله طلعتي احلى مني يا هبله
ملاك: لا بجد كيف شكلي مو تجاملوني اذا مو حلو ماني رايحه
سطام: قسم بالله اللي يشوفك يذوب عند هالشكل اللي يفلق ..
ملاك: يعني حلو ميه بالميه
الكل: الا مليون بالميه
ملاك : بشوف جدتي ... جده جده ..وينك
الجده: بالغرفه ..
بدر: اخص امي تكشخ ...اشم ريحه عطرها
ملاك راحت للغرفه: جده كيف شكلي ..
الجده: بسم الله مشاء الله ..يمه اقري على نفسك ...اخف احد يعينك
ملاك: جده ..كيف شكلي ولبسي
الجده: حلووه مرررره.. بعد ماخلصوا من الكشخه والانتكه
بدر يقلد لمياء وملاك : اقول كيف شكلي
سطام: تهبببببببببببببل
بدر: وشماغي .. وثوبي
الكل: ههههههههههههههههههه
ملاك: يمكن تنخطب منا الليله
بدر: لالا غير عبوره ما ابي
لمياء: ياعيني ... خلاص هذي اخر شيء بتكشخون فيه
عبدالله: حشى كاننا رايحين عرس ..
ملاك: هذا تعارف يا خبل ..
عبدالله: اخلصوا علينا ... بعد مالبسوا العبايه والصنادل ((وانتم بكرامه )) اتجهوا للاستراحه ابو ناصر
بالاستراحه خوال واعمام ناصر موجودين بالاضافه الى اجداده واهله ...وهم مشاء الله كثيرين ..
فيصل : وين نسايبك مطولين شكلهم الحين الساعه 7 وهم ماجوا
ناصر : خلاص على وشك
ابوه: ماوصلوا ياولد
ناصر: قريب قريب يبه .... شاف سيارة عبدالله
فيصل: واخيرا وصلوا .....نزلوا الحريم وراحوا قسم الحريم واتجهوا الشباب لقسم الرجال
ناصر:يا هــــــــلا وغـــــــــــلا ...تو مانور المكان ... حياكم
سطام: هلا فيك ... والله يحيك ... شخبارك ..نصور عساك بخير
ناصر: بشوفة الغالين انا بالف خير .... جاء ابو ناصر واخوانه ورحبوا فيهم ... ودخلوا لداخل المجلس ...
بعد ما جلسوا وبعد التحيه ....والترحيب ..
ناصر: فيصل فيصل
فيصل لف عليه : هــــــــــــــــلا ....وتقابلوا فيصل وعبدالله ..
عبدالله ((هذا اللي ...لالا شكلي مشبه عليه ...لا ما اظن هو هو بعينه ))
فيصل ((...اخـــــــــــــوهاااااا ...كيف جاء هنا ... ))
ناصر: اعرفك على سطام ..بدر ..عبدالله
فيصل: ياهلا والله تشرفنا ....
ناصر: ولد عمتي فيصل راشد
عبدالله((الا هو ...انا متاكد ...فيصل راشد ال .....))
سطام: تشرفنا ..يافيصل
فيصل: وانا اكثر ...
بقسم الحريم ..
ام ناصر:ياهلا فيك .. نورتونا بجيتم
الجده: النور نورك
ام ناصر : هلا لمياء .. شخبارك
لمياء: بخير يا خالتي انتي شخبارك ..واخبار البنات واخوانهم
ام ناصر: بخير ياوجه الخير ....حياكم .. حياكم اقلطوا ...ودخلوا الصاله الكبيره
وبدت ام ناصر تعرفهم على زوجه ولده وامها وبنت اختها ... وطبعا الكل يهلي ويرحب
فاديا: يؤيؤيؤيؤيؤ فريده شوفي هذي اللي لابسه تنورة ..يا زينها
فريده: ايه ياربي هذا الزين ... مو اللي قدامنا
فاديا : بس عليها جمال .. مشاء الله ..
فريده: شوفي هنوف بنت خالي شوي وتموت من الغيره ..
فاديا: لا ازيدك من الشعر بيت .. اشواق سمعتها تقول مافيها حلى
فريده: ليش ماقلتي لها انتي اللي مافيك حلى ظلمتي البنت
فاديا: شوفي شياكتها .. لابسها عاجبني
فريده: ايه حتى لبس زوجه ناصر مره ناعم وفخم
فاديا: خلينا نشوف ويش بيسوون هههههههههه
طالعوا البنات راحوا يشرفون على الخدم وتقديمهم
هنوف: شوفتوا بنت اختها ..
اشواق: ياربي تقهر ... ودي اذبحها
ناهد: ليش حرام عليك ... البنت ماسمعنا حتى صوتها
اشواق : باين انها مغروره
فاديا(بدت بتجريحها المعهود): لا بالله كيف حكمتي عليها ..البنت باين انها ذوق
هنوف: لاتحشون بخلق الله خلاص ..اسكتوا
سما: بس عليهم اجسام ..وجمال .. وفوق هذا شياكه
فريده: اذكروا الله ...لاتبالغون حتى احنا حلوين وفينا جمال ...((دائما محايده ))
فاديا تهمس لها: دمقراطيه ...
ملاك: لمياء .. شكلهم طيبين مره
لمياء: مررررره طيبين اقولك انا مبسوطه معاهم ..
ملاك: غريبه وين البنات ما اشوفهم
لمياء: الحين يجون .. بس لا تعطينهم وجه تراهم يقهرون ...
ملاك: لا تقولين كذا
جات فاديا وطبعا ميته وتعرف اسم ملاك
فاديا: هاي
ملاك: هاااااااي
فاديا: كيفك ...
ملاك: تمام ..وانتي
فاديا: عال العال ...اعرفك على نفسي انا فاديا
ملاك: وانا ملاك
فاديا: تدرسين ..
ملاك: ايه ادرس ...صيدله وانتي
فاديا: طب
ملاك: مشاء الله وكيف سهل
فاديا: يقولون صعب بس انا فاله ابوها ما ادري ما طحاها
ملاك:هههههههههههه داخله طب تلعبين ...شكلك من جنبها
فاديا : بقوووووه بعد ....وبدوا ينسجمون مع بعض
عند الرجال
طلع فيصل ..من المجلس وقام يتمشى بالمزرعه يمن يلمحها ..وتبرد نار الشوق اللي داخله
فيصل : مابيننا غير خطواتي ... انتي هنا يا ملاك هنا ...متى اشوفك ولو لحظات
((جروحي تنزف همومي ودمع العين تسبقها
توضح لك قساوات الزمن من جور غيباتك
متى الفرحه ياروح الروح تجي وتضم عاشقها
واغني لك بكل الاشواق واعوض كل مافاتك))
ملاك: فاديا ممكن تدليني على المطبخ ..
فاديا: اول ماتطلعين مع الباب على يدك اليمين ...بسررعه راحت ملاك للمطبخ
وقفت تشرب مويه ... وقامت تتامل المطبخ ...وشافت شباك راحت له وكانت صدمه لها
ملاك((فييييييييييصل)) تاملته ...برزته وكشخته ..
ملاك :أحِبُ زٍوٍلهُ وٍآحِبُ طَوٍلهُ وٍآمٍَوٍتِ بُرٍزٍة عَُقٍِآلهُ !
وٍآحِبُ وٍلآعُتِهُ وٍعُطَرٍهُ وٍ"بُوٍگهُ" وٍگل حِآجَآتِهُ
وٍآحِبُ آيًآمٍَيً بُوٍصِآلهُ وٍآحِبُ /غٌَشُمٍَرٍتِهُ وٍجَدُهُ/ ..
وٍآهُوٍىٍ حِتِىٍ زٍعُلآتِهُ }.. وٍآحِبُ حِگيًهُ وٍآحِبُ صِمٍَتِهُ !
وٍلگنٍ وٍيًنٍيً وٍوٍيًنٍهُ ..!! وٍوٍيًنٍهُ وٍگيًَفٍهُآ أحِوٍآلهُ ؟
وٍآنٍآ خٍبُرٍيً آذِآ آبُعُدُ / يًحِسِ آلشُوٍَقٍِ وٍسِگرٍآتِهُ /
آنٍآ مٍَشُتِآَقٍِهُ لعُيًوٍنٍهُ .. وٍلجَنٍوٍنٍهُ وٍلخٍبُآلهُ ..
َقٍِتِلنٍيً آلشُوٍَقٍِ بُغٌَيًآبُهُ ذِبُحِنٍيً بُطَوٍل سَِفٍرٍآتِهُ
*************************************
ويش بيصير بين ملاك وفيصل ؟؟!!
والاهم ...رده فعل ملاك ...تسكت او تقول ...او تدوس على قلبها وتكفيها شوفته من بعيد ؟؟
وابتهال ...ويش بتسوي بزواجها معقوله ترضى بالامر الواقع او ......؟؟ وفارس ..ويش بيسوي اذا ابتهال استخدمت اسلوب ثاني معاه ؟؟
فيصل .. تمنى انه يشوف ملاك ... بس ياترى بشوفها ؟؟وعبدالله ...ويش بيسوي معقوله يشك باخته ؟؟
فاديا وفريده وامهم ..ويش بيعلقون على ملاك ..؟؟ ومعقوله يخطبونها لفيصل ..؟؟
وابو محمد بيكون له رده فعل عن الاحداث القادمه لكن كيف بتكون رده فعله ؟؟
فراس ...ومشاعل ...بينهم قصه حب يملئها العناد والتحدي ..بس فراس ويش بيقول لمشاعل؟؟
ومشاعل معقوله ..ما تتركه ولا تتخلى عنه ...رغم انه راح يضيع منها ؟؟
وفراس العنيد واللي ما يتخذ أي قرار الا برضاه ..معقوله يرضخ لطلب امه ..؟؟ ولا يجادلها ..وحبه لمشاعل ..كيف بيحتفظ فيه ؟؟..وكيف بترد عليه مشاعل ...؟؟
ملاك راح تتعرض لاشياء تاذيها ...لكن كيف بتتخلص منها ؟؟؟ ومعقوله يكون فراس هو ورى اذيتها ؟؟!
اجوبة هذه التساؤلات اتركها للاجزاء القادمه
يــــتــــبـــع