[سليمان الشدوي]

تحيتي للجميع

هذه القصيده كتبنها

في سيرة وتاريخ قبيلة زهران

والواقع ...... ان دخولي في هذا المنتدى

اثار في اعماقي الكثير من الحنين لماضٍ تليد

احسست احياناً بغبطه شديده من هذا التسامي التاريخي

واحياناً احسست بشي من الغبن لاني متاكد ان ماوصل
الينا هو القليل من الكثير

عن تاريخ احفاد الصحابة والملوك
هذه القصيده لم اجد لها عنواناً سوى (احفاد الصحابه والملوك )
قناعه بهذا الاسم
وتيمناً بهذا المنتدى الكبير

والحقيقه اني اهدي هذه القصيده للاخ الفاضل

ابو نضال الدوسي الذي
لو وجد في كل جيل من الاجيال السابقه
رجل مثله لما ضاع شي من التاريخ


صاحب الجهد الوافر

وايضا للصديق على الحسني الذي كان يرفض

المسئوليات والاشراف على المنتديات

ولكنه وافق هنا بدافع الشيمه والانتماء

وللاخ محمد عيظه الذي دلني على

هذا الصرح



ـــــــــــــــــــــــــــــــــ
.............. احفاد الصحابه والملوك..............


[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
سر ياقلم واحتفل واكتب على الاوراق مجد السنين=سطر وحدد وخل الارض تفخر في زهارينها
الفين عامً مضت والمجد يتجدد مع كل حين=وزهران زهران سيره يفخر الراوي بتدوينها
ماكل تاريخ لو تقراه في نفسك يبث الحنين =لكن تاريخنا حتى الضواري يشعل حنينها
اجدادنا في عمان وفي العراق بفعلهم خالدين =ماتوا وحسابة الاثار بالجمله يحسبونها
يامالك ابن فهم طيفك تمنى شوفته كل عين =وتشتاقك اقلام ماملت بطولاتك دواوينها
انت الملك راعي الطالات والعزم القوي المتين=كل الجزيره باسمك تفخر وتفخر سلاطينها
من وين نبدأ ونروي سيرة الامجاد والا منين =قبيلةً غائره في المجد بيديها ورجلينها
قريش في ثار زهران اصبحت مثل السجين الرهين =ما فادها عند شدتهم تكبرها وطغيانها
في مقتل ابالازيهر ماكفى فارس ولافارسين =تسعه من الروس في راسه ويالله خلّصت دينها
وحطوا اتاوه وهم من بعد عزاً اصبحوا صاغرين=دينار (اتاوة مرور) لكل واحد من بعارينها
من حبهم للبطوله كلهم يوم الوغى مقدمين =سيوفهم بالذهب والماس والفضه محلينها
ارقامهم ماتعد بسيرة الاعلام والصالحين=وان ضاعت الضايعه بالعقل والجكمه يجيبونها
صحابة للنبي المصطفى جد الحسن والحسين=اوفو بماعاهدوا وارواحهم قبله يشيلونها
وابو هريره روى نص الوحي عن سيد المرسلين=وافنى حياته بخدمة صادق الاقوال وامينها
ودعوة نبي الهدى دوس اهدها ياهادي المهتدين=دوس استجابت ولبت دعوة الاسلام في حينها
وياعزوةً قد تعزواها الطفيل الى النبي الامين =ماخاف من هيبة الكفار في مكه وسلطانها
تعال في دوس في منعا ولك عزوه وحصنً حصين=كلمه وروس العرب خافو وعيوا لايقولونها
ماقامت حروبهم من شان ناقه حولها بكرتين =سيوفهم مع جيوش المصطفى قاموا يحدونها
من شان رفعة وعزة لا اله الا الله مجاهدين=قامو على سنةً من عند رب البيت تسنينها
الفرس والروم والاتراك في ميدانهم خاسرين=وسيوفهم من دمي اهل الغدرؤ والشر مروينها
تلين صم الجبال القاسيات وروسهم ماتلين =وروسً تملت (شجاعة حق )ماهو سهل تليينها
من باسهم يلحقون العاربابليس اللعين الرجيم =لاحلو بديرةُ تهرب وتتركها شياطينها
كم سادوا الاولين وبعدهم كم سادوا التاليين =ملوك كن السياده في يديهم حطت ايدينها
ويوم الفخر غزوةً وموجهه للعزل النايمين=حروب زهران كانت نار تشعل في معادينها
بخروش بخروش يوم انه جمع فرسانه الثايرين=شالو ا البواتر وقبل النصر لا ماهم مخلينها
ثلاثة حروب تتعاقب و فيها كانوا الغالبين =والقايد الفارس يعذب طغاة الترك ويهينها
اشجع رجل قالها مستشرقً يحسب من المنصفين=حقيقةً قالها ماهو مدور حق تثمينها
والصوره اللي بقيت تذهلك ياكل عقلً فطين=رجال تسبح بحر وسيوفها تتعلق سنونها
والقلعه الي بناها واصبحت تذكار للصامدين=يازين خطوات داستها في الماضي ويازينها
وبن رقوش انتصب في شبرقه مثل الطويل المكين=ومعه رجالً في الوقفات ماتخطي نياشينها
شنوا على الترك حرباً يعجزوا عن وصفها الواصفين =خلو طرابيشهم ويا جماجمهم يعدونها
ياشبرقه علمينا ويش جصل للترك في ليلتيت =ماكنّها الا سماك ارخت على البيدا دخاخينها
بن ثامره في وصوف المعركه جاب الكلام السمين=واوجز لنا اسطورة (اهل العزم ) في ثورة براكينها
ويوم السعودي وصل وابدى شعار الحكم تقوى ودين =قامو مع رايةً في صدرها النخله وسيفينها
احداث وامثال وتواريخ تكتب في السجل المبين =تحشم عن الزيف والكذبه وترفع في مضامينها
الفين عامً وهم بديارهم وربوعهم ساكنين =ماهم فلولً يجمعها المطر لاشحت سنينها
تمر الاجيال والعالم تقلب بين شينً وزين=وزهران دايم على الميثاق ماخانت قوانينها
مرت عليهم كثير احداث فيها كانو الصابرين =واستاثروا بالوفاء والصبر والامداح شارينها
جيرانهم امنين من العدا واحلافهم رابحين =وعدوانهم في ظروف الحرب ياكثرة معزينها
الناس تسعى لجمع المال بالدرهم وبالدرهمين =وزهران كن الكرم يمشي مع الدم في شرايينها
رجّال زهران لو ماجاه ضيف يصير كنًه سجين=وام الولد لا قتل بالحرب حاشا مايعزونها
اقرو التواريخ ياللي عن تواريخ البشر غافلين =وعن البطولات والابطال تخبركم عناوينها
المجد ماهو بنزوه ترتكب مره ولامرتين =ولا هو بفكره تمر على المفكر بعد تخمينها
ويوم الشعر ينذكرله بالعرب شعاره المبدعين =لامية الشنفري تختال في تسعه وستيينها
ومن بعد جاه الخليل اعطاه من عمره كأنه ضنين=وجمًع بحوره وفصل ثم كمل في موازينها
لكل دوله زمن ورجال هذي حكمة الاولين= لكن زهران ماغابت عن العليا من سنينها
وماينصفك ياولد زهران كلمه قالها الشامتبن=وانته لك انساب ماغير مرور الوقت توطينها
والازد فيهم على قول النبي رقه وعطفً ولين =اهل الصفات الحميده والامانه هم موامينها
ياسيرةً طيبه من سيرة الابطال والغانمين =والله يخلي لنا كتًابة التاريخ ويعينها
ياهل الثقافه وياهل العلم ياشعار يا عارفين =شيلوا القبيله على روس المعاني يامحبينها
تاريخ وامجاد ياعالم وفي صدري يبث الحنين=حاولت اجمع ولكن من يعد الصين في صينها
والفخر بالله والانسان يرجع طين من اصل طين =لكن حقيقه وشاق القلب شيلتها وتلحينها[/poem]