من اول اصبر واترجى وصالك = واليوم ماعندي على الصبر قوه
ما غير عايش مع مناظر خيالك = وصرح الغرام اللي شمخ في علوه
ثم اتظلل في فيافي ظلالك = واطفي لهيب بين الاضلاع جوه
واكاد من شوقي عليك اتهالك = مثل الجريح اللي انجرح من عدوه
ابغى اتمالك دمعتي ما تمالك = تنزل مثل غيث على وقت نوه
يا بدر يا محلا ليالي اكتمالك = يامن يضوي كامل الكون ضوه
ياليت يقرب لي مداك ومنالك = واحصل على ود تعلى سموه
وتسعد عيوني في مشاهد جمالك = وجوى معك يكمل هناه وصفوه
راشد الجمعان ( المحيط )