[الزهراني صالح]

هذه السلسلة يكتبها لكم العبد الفقير إلى الله صالح الزهراني

بسم الله نقص الشريط

التافه رقم (1)

نواف الدبل

(أدبل كبودنا الله يسامحه)

يقول في قصيدة عن الأحساء :

طلبتك يالحسا لا تذكريني
و الا منك ذكرتيني تناسي

طيب أنا أقدر أسوي لكم عشرة آلاف بيت من هالنوع الرديء اسمعوا :
طلبتك ياالغلا لا تتركيني
ولا منك تركتيني تعالي
تبون بعد ...طيب :
طلبتك يالغلا لا تجرحيني
وإلا منك جرحتيني تمادي
وهكذا ...
للصبح لو تبون
بيته عبارة عن قالب جاهز يستطيع أي شخص الكتابة على نسقه حتى وإن كان جاهلا بأسرار وفنيات الشعر!!

________

نكمل :
خنبقات أخرى :
احلى صباح مربي واحلى مساء
في مزرعة خالد وتحت اظلالها
اموت بها بالليلي وبالكساء
تجارتي وانا مدير اعمالها
أموت بعيون الحسا واهل الحساء
واقدع على تمورها وخلالها
والله كلام بزارين أموت فيك إنتي كبدتي ووقلبي وطحالي وعيوني
ولا صورة جمالية أسألكم بالله هل هذا شعر ؟؟
مادخل الناس في مزرعة خالد ؟؟ ياخي حب المزرعة بروحك مو شرط تعلمنا إنك معزوم في مزرعة احتفظ بالقصيدة في الدرج وعلمها لخالد وخالد يورثها لأولادة وأولاد أولاده بعد عمر طويل يعلقونها بالمزرعة !!

________



نكمل اسمعوا هالغزلية :

ياويل من قام من نومه ولاسمه
لامر من يمه اللي مر من يمي
لازم تسمي اذا صحيت وشفت هالمزيونة
اقرا عليه الفلق واكمل جزو عمه
واذا ختمت القرايه ارجع اسمي
وتقرا عليها المعوذتان والفلق وبعد جزء عم واذا خلصت ترجع تسمي
مع ان مالله عطاني حبه الجمه
لاجات هذي المواقف قلت ياعمي
هذا البيت مدري وش جابة هنا لأنا كنا نقرا ونسمي ونتعوذ من ابليس
بس ذي لاهيب نوره ولاشمه
ولاهيب ديمه ولادانه ولاممي
أها طلعت بالأخير لا نورة ولا شمه ولاديمه ولا دانه ولا ممي ممي لاحظو ممي ؟؟ مدري وش اقول بس شعر زباله

هل هناك صورة تشبيهه بالنص؟؟
هل هناك فكرة مدهشة؟؟
هل كان ينظر لإمرأة أم للشيطان الرجيم ؟؟

_____________


خنبق ياعم خنبق الشرهه مو عليك :
وايش ترجي من زمن عشاقته نويمه
حطني من وين ماحطيتني تلقاني
عشاق نويمة ؟؟ يحبون النوم ؟؟ وحطني تلقاني ؟؟
وش يخربط ذا ؟؟
شي غريب طيب خلونا نشوف علاقتة مع البيت الثاني :
من عرفنا الحب ونعرف السهر والهيمه
ومن خلقنا الله نعرف ان الكسل براني

الهيمه ترى يقصد الهيام بس جات كذا عشان تركب على الوزن
من خلقني الله والكسل براني لاحظوا برااااااني مش جواااااني
فهمتوا شي طيب ؟؟
أحد يرد علي ؟؟
مو شرط الفهم الشعر دهشة سفر نحو الجمال ؟؟
أحد فيكم يحس بجمال الأبيات يمكن أنا ذائقتي تبن ؟؟

______________


خنبق ياعم خنبق :
انا اعرف قلبك واخبره مقاسي
واذا كبر فانا مكبر مقاسه
أنا احترت مره أقول هذا سروال مره أقول نعال ومره فنيلة علاقي
وش هالخرابيط مقاسي ومقاسك ؟؟ معقول هالكلام

وأمسيات ولقاءات وطنطنه ومهرجانات وصحافة هل هذا الشعر يؤهله لكل هذه البهرجه ؟؟
أين الجهور الواعي ؟؟ المتذوق ؟؟ الفاهم ؟؟
________

والله إنحطاط وتدني في فهم جماليات الشعر ووظيفته واللغة الشعرية الواعية أشياء كثيررررررررر تنقص هذا الشاعر انا لا أعرفه شخصيا وليست بيني وبينه أي علاقة لا من قريب ولا من بعيد ولا عداوة بيننا فأنا أحترمة كإنسان له الحرية في كتابة مايريد ولكن ليحترم عقول الناس ويبتعد عن الشعر هذا الكائن المدهش ويكتب في أي مجال آخر ربما يبدع في جنس أدبي آخر غير الشعر
هي رسالة أتمنى أن تصله وسلامتكم