#1
|
||||
|
||||
جعل السحب تمطر على قبر هذال •مرثيه من الشاعر سعيد الهايل
قصيدة رثاء من الشاعر سعيد الهايل
في الشاعر عبدالرحمن ابو محسن غفر الله له واسكنه فسيح جناته جعل السحب تمطر على قبر هذال تسقي ثرى قبره وتروي ترابـــــــه تمطر ويقفاها من المزْن همّـــــــال حتى يصير القبر في وسط غابه الصاحب اللي دوم يطري على البال بعَد على عيني يطوّل غيــــــــــابـــــه مرحوم يامن عاش في عز واجـــلال راعي الكرم والـــجود كلن درا بــــــه مايتبع أهل الــغدر والقــيل والقــــال وليا بدت في الوجه خصـــمه يهابه وليا نصيتـــــه جل همّك في الحـــال يغشاك من طيبه وجـــوده سحابــــه كم كان في بيته ضيافـه ومدهــــــــال في مجلسٍ للضيف ماصك بــــابـــــه يوم افتكر مضرب كلامــــــه والامثال ياجي على صدري غــــــبون وكآبــه شاعر وله كلمــــــه ومبدأ ومدقــــــال والشعر يخضع عند حضرة جنـــابه لكن عزانا فيــه خلّف لـــــه اشــــــبال يضللون علـــــى الاهل والـــــقرابـــــه يارب تجعــــــل لـــــه قــــــرارٍ ومنزال في منزلٍ فيه النبــــي والصحابــــــه من سامــحـــه فيــما بقي له من المال أجره عظيم وعند ربــي حســــابـــــه والعفو من طبع النشاما والابطــــال وكلن تسجل سيرتـــه في كتـــــابـــــه الشاعر : سعيد الهايل العدواني |
20-02-2015, 04:36 PM | #2 |
عضو مميز
|
رد: جعل السحب تمطر على قبر هذال •مرثيه من الشاعر سعيد الهايل
رحمه الله وغفر له وجميع موتى المسلمين
|
22-02-2015, 05:11 AM | #3 |
عضوية شرفية خاصة
|
رد: جعل السحب تمطر على قبر هذال •مرثيه من الشاعر سعيد الهايل
قصيدة الهائل أروع من رائعه رحمك الله ياهذال وأدخلك الله فسيح جناته
|
22-02-2015, 01:26 PM | #4 |
|
رد: جعل السحب تمطر على قبر هذال •مرثيه من الشاعر سعيد الهايل
هم السابقون ونحن اللاحقون
رحمك الله وغفر لك |
22-02-2015, 07:27 PM | #5 |
شاعر
مشرف الموروثات الشعبيه |
رد: جعل السحب تمطر على قبر هذال •مرثيه من الشاعر سعيد الهايل
صـح لسان أبو فهد
ورحـم الله أبو محســن |
26-02-2015, 07:05 AM | #6 |
مراقب عام
|
رد: جعل السحب تمطر على قبر هذال •مرثيه من الشاعر سعيد الهايل
صح لسانك ورحمة الله على الشاعر هذال .. |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
أدوات الموضوع | |
|
|
المواضيع المتشابهه للموضوع : جعل السحب تمطر على قبر هذال •مرثيه من الشاعر سعيد الهايل | ||||
الموضوع | كاتب الموضوع | المنتدى | مشاركات | آخر مشاركة |
الى الشاعر الكبير سعيد الهايل ..... | نيس الأجرد | مجلس بني عدوان | 36 | 14-09-2011 09:05 AM |