..: أزاريـــر الصبـــاح :..

[البرنسيسة]

[align=center][/align]


[align=center].
.
.

صبـاحكم .. مسـائكم عـَطِـرْ ,!



,









عندما تستجيـب القصيدة لـِ نداءه .. تـتـظافر كل أدوات الشعر ,
وتـتحد المشاعر .. المعاني الآسرة .. الصور المدهشة ,
وتـُجَدِدْ آيـات الولاء والطاعة والعرفان لـِ هذا الشاعر
لإنه الأقـدرعلى إخضاع الشعر كما ينبغي ..
وعلى تأطيره بـِ أجمل صورةٍ ..,
بـِهِ عرفـنا جيـداً كيف يكون الشعر نهرٌ
يـُطفئ ظمأ أرواحنا .. ويخلق لنا أُفـقٍ
نكونُ فيه أكثر حريةٍ في زمن القيد ..!


و[/align]


[align=right][mark=999999]" أزاريـر الصبـاح "[/mark] .. نصٌ من نصوصهِ .. مكتـضٌ
بـِ الشعور , وجــداني البــوح .. انسابــت بــهِ
المعاني بـ عفوية ...,!
من يبحث عن الإبداع والتـفرد .. فليقرأُه :[/align]


[align=center][poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إذا ماسالت عـروق الدفاتـر مانـي بمعـذور=تبي تشره عليّ كل الحـروف .. ويالله الخيـره !!
وأنا شاعر .. وحبري دمعتين , ودمّـي المهـدور=مع أن الرجل ماهو أي موقف عابـر يثيـره
سريت بخافقي .. والوقت عتمـه .. والنوايـا نـور=وأنا من وين ماسجّ القدم .. تستاحش الديـره
تذكرت الغرام اللي مضى .. والموعـد المهجـور=وباقي من مواويل الليـال .. وضحكـة منيـره !!
رحلت أسئل عن اللي له بنيت من الغرام قصور !=ولاجاني سـوا صـدّه , وتعذيبـه , وتقصيـره
قطفت لـ / حضرته كل الشعـور , وباقتيـن زهـور=وذبْــلت باقتيني .. والشعـور , وذي مشاويـره :
سهر وهموم .. وأبياتٍ لها بين السطـور صـدور=حزينه .. والحزن شيٍ تمادى صعـب تفسيـره !!
كريمه يامعاذيره مثـل ماهـو بخيـل حضـور=بخيله يامواعيده .. وش أكرم مـن معاذيـره ..,!
تحرّيته .. وهوّ الجايـر اللـي مايعـرف الجـور=ولكن ينكشف قبل الطعـون , وقبـل تبريـره
دخيلك فكّ ( أزارير الصباح ) .. وطيّر العصفـور=تعب ينقش على غصن الضياع .. وفضّها سِيره !!
دخيلك مابقى للذاكره غصـن وشجـر وطيـور=ذبل ورد الطريق .. وماعكس نبض الغلا سيره
أحس بـ / داخلي طفلٍ تمـرّد مـن ثـلاث شهـور=يعاندنـي .. ولكنـّـي رضيـت بـ / شـرّه وخيـره
أحسّه طيّر أسراب الحمام .. وخاطـري مكسـور=على جدار الألم يرسم بقايـا دمعـة طويـره !
يقوم الصبح .. وأتنفــّس بقايا من سهرك عطور=وأصبّح قلبك الطيّب .. وتتضايـق عصافيـره
وأناديلك ولا كنـّـي أنـادي .. والأمانـي بـور=وينبت وجهـك بـ / عينـي .. ولاتذبـل نواويـره
تعال .. وردّلي بعضي إذا عنـدك عـدل وشعـور !=حرام أتعب ولا فـ / قلبك أبد رحمـه ولا غـِــيـره
حرام أبقى كذا مالـي معـك دنيـا ولا دستـور=وأنا قلبي ومن مدّه يقول أرجوك شف غيره !
تعب مثلي .. وصدره ضاق .. وأنت اللاهي المسرور=كذا يعني معاك نعيش هم , وحسـره , وحيـره ؟!
تذكّرني .. وأبي تذكـر بعـد أن الزمـان يـدور=وأنا بـصبر .. عسى في تالية صبري معك خيره
أبسكت مثل مايسكت جريح بهالزمـن مقهـور=بعد خانوه خلانـه .. وخـاب اليـوم تقديـره !!
مدام أن الحكي فضّه .. وصمتك صاحبٍ مغـرور=مدام الشعر للشاعر غـدا رغبـه .. وتقزيـره ..,![/poem][/align]





[align=center]كـونــوا بـِ خيـرْ ..!

[/align]
[align=center][/align]

[مح العدواني مد]

[align=center]البرنسيسه
اختيار جميل ورائع يدل على ذائقه شعريه غاية في التفرد والجمال
كل الشكر على اختياراتك الرائعه
دمتي بود[/align]

[الساهـر]

دع الصمت يقتَص ُ مني
فأنا قد فرِغت ُ
وفرِغَت جُعبَتي ..

فما يُدين الساحر للشهود ِ
بغير سِحرٍ أو خيال ...؟

أدامكَ الله

يا
برنسيســـتنا

[سعيد بن سالم]

برنسيسه

شكراً على النقل

تحياتي

[البرنسيسة]

اقتباس: المشاركة الأصلية كتبت بواسطة مح العدواني مد      [align=center]البرنسيسه اختيار جميل ورائع يدل على ذائقه شعريه غاية في التفرد والجمال كل الشكر على اختياراتك الرائعه دمتي بود[/align]

تشكراااتي مبدع الشعر والنثر
عالتوااجد الشاعري العذب000
دمت بسعــااادهــ

[البرنسيسة]

اقتباس: المشاركة الأصلية كتبت بواسطة الساهـر      دع الصمت يقتَص ُ مني فأنا قد فرِغت ُ وفرِغَت جُعبَتي .. فما يُدين الساحر للشهود ِ بغير سِحرٍ أو خيال ...؟ أدامكَ الله يا برنسيســـتنا

تشكراااتي **الساهر**
عالتوااجد الأكثر من رااائع00
والرااقي برقي فكركــ**
دمت بخيييير..,,,

[البرنسيسة]

اقتباس: المشاركة الأصلية كتبت بواسطة سعيد بن سالم      برنسيسه شكراً على النقل تحياتي

تشكرااتي **فارس الشعر**
عالتوااجد الشاعري العذب الرااقي000
تواجدكـ عطر متصفحي.....
دمت بكل الـــوووود,,,