عبر عن نفسك ببيت شعراو مثــل !!

[فتى السعبرة]

أكتب بيت من الشعر أو مثل يكون غالي على نفسك:

أخواني أخواتي أعضاء المنتدى المحبوب دائماً..


الحقيقة أن كل شخص دائماً يخلج في نفسه ببيت من الشعر أو مثل ويردده .

ويكون أقرب إلى نفسه.

وممكن أن يكون له ذكرى مع تلك البيت.

المطلوب منكم .

كتابة عما يجول في خاطركم.

ولاتحرمونا من كلماتكم الحلوه..

فتىىالسعبـــرة

[مح العدواني مد]

احسن الى الناس تستعبد قلوبهم ............. فطالما استعبد الانسان احسان

[خالد القرشي]

ترى بعض العرب فعله بروحه مثل فعل سراج @ يضوي للعرب والنار في جوف المسيكيني

[فتى السعبرة]

يعطيكم العافيـــــــــــــــه علىىا هذا الابيات الجميــــل

اهداء خااص للجميــع

& الجـــمــهره &

اي بالله اخطوا والخطا اللي جابهم عين الصواب
مبطي وانا اشوف الطمع يكشف رداهم واستره

مايملي عيون الحسود بهالزمن غيـر التراب
ومن لايتوب من الخطا تحرم عليه المعذره

اللي من اولها خراب اكيد تاليها خراب
والبندق اللي ماتثور في هدفها تذعره

ودك ليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي اني ماعرفت احسب لصدتهم حساب
قلطتهم صدري على ذكري قصيد وحنجره

صوت ٍ يصول في منبره وخطاب مابعده خطاب
والطيبه اللي زعزعت صوت الخطيب ومنبره

مافيه دمع ٍ صوبوه احبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من اصحاب الزهاب
واللي بقالي من عذاب اشرس طريقي واخطره

لانّي تجنبت الغرق عديــت من فوق السحـاب
لانّ اكثر اصحاب ورق ماشفت للطيب اثمره

والله ماحطيب بين الحقد والخوه حجــاب
حتى غدوا ربعي يحدوني على الضيق اشكره

البارحه ثارت علي ارقاب واوتني رقاب
البارحه ياثقل دم البـــارح ويامحقره

اهب ياوجه الحسد وشلوني جمعهم وغاب
كيف السنين اللي عطتني بعثرتهم بعثره

اثر المصايب ماتجيك الا من الناس القراب
وبهالزمن حتى الرفيق اللي تثق فيه احذره

لابارك الله في رفيق ٍ تزعله كلمة عتاب
ولا جمع الله الرجال اللي تفرقهم مره

عودت نفسي كل ماشدّدت لليمه ركاب
ماصد وجهي عن طريق الا لياجبت اخبره

الصاحب اللي مايجي من صحبته غير العذاب
نذراً علي ان ماهجرني والا انا اللي باهجره

من يفتح لفرقاي باب افكله عشرين باب
واذا خويّي مايقدر خوتي مااقدره

ان روّوحوا فانا بري ٍ منهم ليوم الحساب
وان جرّحوا قولولهم ماحركوا فيّا اشعره

شفهم لهم حول السنه ولا خذوا مني جواب
احسن دوى للي يحاول يستفزك تحقره

انا جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره

ماكنت احاتيهم صغّير عاد احاتيهم شباب
ان ماذخرني صاحبي لليوم الاسود مذخره

عقب اكتئاب البارحه معاد انا حمل اكتئاب
الطيب جرجرني وانا مانيب ناقص جرجره

اللي يخاف من الضما يتركلنا طرد السراب
واللي مهوب قد الظلام ووحشته لايسهره

انا تجرعت الضما لين احترق وجهي وذاب
انا كسرة بخاطري قبل الصداقه تكسـره

انا خسرت اللي غيابه غير عن كل الغياب
انا غفرت لعالم ٍ ماتستحق المغفـره

انا اكثر انسان ٍ تعلم من كثر مخطى وصاب
انا اخر السانِ يتكلم في زمان الثرثره

انا القصيد اللي نزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر حيلي وهدّته الصعاب
دمعي هدر ضحكي ندر عمري وضيعت اكثره

شيّبت بعقول العرب هيّبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب الا لان اللي حواليني ذيــاب
ماكنت اغيب الا لان العفو عند المقدره

ترا حلاتك لاحملت لصاحبك كلمة اعتاب
ان مانطقت ابها بوجهه ماتذمه باضّهره

بهالزمن مايملي عيون الحسود الا التراب
والا الحضيض الطلقه اللي ماتصيبه تذعره

ودك ليامن جاتك الغلطه من الناس القراب
الصاحب اللي ماكسبت محبته ماتخسره

[صالح بن فارس]

جميل هذا المتصفح لتواصل الكلمات العذبة والأحرف الجميلة ..

شكرا لك على هذه الفكرة الجميلة ..

ليس هناك أبيات بالتحديد تعبر عنيي ، ولكن هناك أبيات أعتز بها أو أرددها دائما ومنها :

وإذا أتتك مذمتي من ناقص *** فهي الشهادة لي بأني كامل
دمت بخير

؛؛؛؛؛