حكمة مهيبيل والا سجع مهبوله

[فلاح بن منشار]

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقاف ماعد يهز القلب مواله=من عقب روح الشقاوي الصب مشغوله
تحطمت فوق جسر الواقع اماله=صارت قوافيه بين الناس معلوله
لاتنشد القاف يامحتار عن حاله=ماطاب لاهل الهوى بنه ومعموله
كلن على القاف ساطي لو تهيا له=والجزل كفه من اللي صار مشلوله
خلف القريشات كلن حمّل احماله=والقاف مابان لي ظبطه ومرسوله
تسابق الناس ذا عمه وذا خاله =كلن غدى يدّعي قربه ومن حوله
مابه تميّز وكلن يبذل امواله=يدور الشهره لو بيديه وارجوله
والجزل له طوق به مخنوق واغلاله=ماعاد يغريك من قاله ومنقوله
الفكر محدود والتصوير يرثى له=حتى القوافي من الغثرات مبلوله
دعاني القاف يشكي عثرة اجياله=من خلف الاستار عانى هجمة خبوله
شفته مسجى بشاش وفوق نقاله =واهل الهوى كل خبل يدن بحموله
احمال من صفصفه تهتّز رقاله=وهّمَة مهيبيل والا سجع مهبوله
من غير معنى ومبنى فيه زلزاله=قصة مجينين عند شهار بندوله
يقول انا الشاعر اللي فاقت امثاله=بين الشواعير كل العالم اومو له
ليت السواط او خلف يلقي لهم باله=والا رشيد الزلامي يلحق فلوله
لكن مالي جدا غير ابعث رساله=على التويتر وفيس اوراق مجهوله
ياقاف هذا زمان انفك جهّاله = وكل جاهل يجيب افكار مفلوله[/poem]

[الفقير الي ربه]

لا استطيع ان امدح منهو في الشعر مبدع وراقي الى ابعد الحدود صح لسانك
يابو منشار على كل ما تقوم بة من ابداع تعدى الخيال بارك الله فيك وحفظك
الرحمن من كل مكروة غفر الله لك ولوالديك وللمسلمين اخي الكريم او ابني
احبك في الله

[ابو يزيد الحريري]

الفـكـر مـحـدود والتصـويـر يـرثــى لـــه ...... حتـى القوافـي مــن الغـثـرات مبلـولـه

صح لسانك .. يعطيك العافية اخي بن مشار

[جمعان مفرح (ابو طلال)]

أنت مبدع يابن منشار تسلم يالغالي

[احمد صعمود]

مبدع وممتع يابن منشار

رؤيه ثاقبه وثقافه عاليه

تقديري

[عبدالله الحديبي]

بن منشــار
صح لســانك واعتلى شانــك

قصيدة ذات افاق ثاقبه ..
ما ادري نحن حول الحما والا فايتين .!!

اطيب التحايا ..