لو انت مكاني وش بتسوي؟؟

[مراد الحريري]

في يوم من الايام رحت لخياط وفصلت عنده ثوب قال :صديق واحد اسبوع بعدين انته يجي قلت طيب
بعد اسبوع رحت اخذ الثوب جيت وحصلته غير عن التتفصيل اللي طلبته وش هذا ياصديق قال انت طلبت كذا قلت والله لو اني من جماعتكم كيف طلبت كذا المهم انه اصر على انه انا اللي طلبت كذا هديت حالي وتعوذت من الشيطان فكرت اني ارجع له الثوب وقلت يارجال مشي يمكن نسي او مع ظغط العمل رجعت له اليوم اللي بعده وقلت فصل ثوب وقميص نوم والقميص قبل الثوب يخلص قال طيب اخترت الاقمشه قال : اسبوع وتجي قلت اوكي ( طبعا ابغى اكفشه قزيت الصفحه اللي كتب فيها معلومات التفصيل) جيت اخذ القميص وكانت المفاجأه خلاص يابو هنوده قال خلاص هات القميص ويجيبه الا وهو مغير القماش قلت هذا ماهو قميصي قال بكل غباء تعال شوف دفتر جيت اطالع في الدفتر الا هو مسوي لي صفحه غير هذيك اللي كتب فيها المعلومات (الصفحه الاولى في اليمين والصفحه هذي في اليسار اخر شي ) طبعا اخذت الثوب وانا معصب واستحيت من شيبان كانوا في المحل وعيب انك تفقع وجهه قدامهم المهم حاسبت واخذت القميص ومشيت وبديت افكر المره الاولى قلنا ظغط لكن المره هذي شكلها سكر اخذت مسافه وديورت ورجعت وانا ناويه شر
وانا راجع تذكرت حديث الرسول عليه الصلاه والسلام (ليس الشديد بالصرعه وانما الشديد الذي يملك نفسه عند الغضب)) تعوذت من الشيطان وادخل عنده قلت هات فلوسي وماهو بأنت اللي تلبسني على مزاجك؟؟؟
لو انت مكاني وش بتسوي علما ان الخياط ماهو حي الله عليه اقبال كثير يعني نسيت او بلغط هذي كثر منها والدليل الصفحه ؟؟؟؟
عطوني علومكم وش تصرفكم

[الفقار]

لن أقبل بغير اختياري ولو أدى الأمر إلى شكوى على الجهة المختصة

[الأميرة]

لو انا بمكانك اخذ اغراضي واضف وجهي وامشي مدام انه غلط في المرة الاولى ما عاد اكرر واروح العب بالقماش حقي عنده ادور محل ثاني وحوسه لين ما يجيب فلوسك او علم كفيله ترين ذول ما ينعطون وجه وشكرا ويعطيك العافية على هذا الموضوع

[مراد الحريري]

اقتباس: المشاركة الأصلية كتبت بواسطة الفقار      لن أقبل بغير اختياري ولو أدى الأمر إلى شكوى على الجهة المختصة

والله فكرت لكن اكره ماعندي اروح مركز شرطه انه مجرد دخولك المركز شبهه عشان كذا ريح راسك من بدري وشوف غيره والخساره عليه



وشاكر مرورك

[مراد الحريري]

اقتباس: المشاركة الأصلية كتبت بواسطة الأميرة      لو انا بمكانك اخذ اغراضي واضف وجهي وامشي مدام انه غلط في المرة الاولى ما عاد اكرر واروح العب بالقماش حقي عنده ادور محل ثاني وحوسه لين ما يجيب فلوسك او علم كفيله ترين ذول ما ينعطون وجه وشكرا ويعطيك العافية على هذا الموضوع

شاكر مرورك
ورجعتي عنده مره ثانيه كانت مجرد اكتشاف الحركه الاولى فقط لاغير
حوسه = فقع وجهه هذي كانت لازم تصير لكن الشيبان اللي كانو هناك يعني الواحد يقدر الكبير لازم وثانيا فكرت في عواقبها الا هي مركز شرطه والهندي مابيتنازل الا بمبلغ وقدره وهو مايسوا له ريالين هذا غير التوقيف عند الصراصير والفيران
قلت اقصر المشوار الطويل هذا كله واخذ فلوسي وماكثر ربي الا الخياطين

[~حلا الامارات~]

[align=center]بسيطة اعطية الدراهم والثياب واقول جزاك الله خير

لازم نضرب اروع الامثلة بالصفح ولين الجانب بعدين ذولي مساكين وحالتهم صعبة


صدقت هذا الكلام

خذ نصيحتي

ارجع لمة المحل واديلة اثنين بونيا وثلاثة بوكس واثنين كف وواحد ركبة

صدقت هذا الكلام

خذ نصيحتي

انسى الموضوع وغير الخياط وفية محلات خياطى راقية ومضمونة

وبالاخير مالي ولها السوالف بس حبيت احشر نفسي بالموضوع

تقبل مروري[/align]

[align=center][foq1]~حلى الإمارات~[/foq1][/align]

[مراد الحريري]

مرورك متقبل

[فهد سعود الزهراني]

حاول الاتصال على كفيله وبلغه بماصار
..
وترانا في المنتدى مثاليين حيل ويازين هرج السعة ههههههههههه

[عمر -ال -عمر]

انا اقول ان المؤمن لا يلدغ من جحر مرتين !!!!!!!!!!!!!!!!!!!!!!!!!!!!!!!



وفيه حل خذلك ثوبين واحد ساده وواحد كبك وانت اصلا ماعاد تلبسها ولا تبغاها ورح للخياط وقل له ياصديق

انت احسن خياط في الشرق الاوسط ابغاك تفصل لي خمسه على هذا الساده وخمسه على الكبك وتفكى ياصديق

مايحتاج اوصيك خخخخخخخخخخ واختر اغلى الاقمشة عنده !!!!!!!!!!!!! وبعدين عطه بومبه على ماقالوا المصاريه

يعني انسى يعني خله يعيد فيها لمدة عشر سنوات خخخخخخخخخخخخخخخخ

ملاحظه اترك الثياب عنده عشان مايختلف المقاس واعتبرها صدقه خخخخخخخ



تحياتي للجيمع

[مراد الحريري]

عمر ال عمر شكرا عالمرور الاكثر من رائع