|
|
|
|
|
 |
 |
 |
|
#1
06-09-2009, 03:06 AM
|
|||
|
|||
انتبهو يابنات
[align=center]
السلام عليكم ورحمه الله وبركاته كيفكم ياحلوين؟؟ تحذير لكل البنات واتأكدو 100% انه كل كلمة حكتبها صحيحه عن واقع تجربة شخصية بس الحمد لله ربنا كان معايا وطلعت منها سليمه.. المهم ماحطول في الكلام الموضوع انه الان في ظاهرة خطيرة منتشرة ويمكن كتير بنات مروا فيها وسكتوا وهي انه في ناس بيسرقو الايميلات وخاصة ايميلات البنات ودي شبكة فاسدة متخصصة في سرقة صور البنات و تسجيل مقاطع فيديو ليهم وينشروها في النت وموقع اليوتيوب مقابل مبالغ طائلة يحصلو عليها عشان يفضحو البنات الخليجيات وخاصة السعوديات... حشرحلكم كيف بيحصل الموضوع بالتفصيل وبليز ركزو معايا شوية عشان لما يحصلكم دا الموضوع تكونو واعيين للي بيحصل.. وطبعا ححطلكم مثال واقعي حصل معايا قريب بس طبعا مامشيت عليا والحمد لله اني اكتشفت النية الخبيثة... طبعا أول شي يعملو الحقير انه يسرق ايميلك, ويسيبك تدخلي بيه عادي عشان ماتحسي انه ايميلك اتسرق يعني مايغير في الباسوورد اي شي يخليها زي ماهيا ... وبعدين يبدأ يكلم البنات اللي انتي ضايفتهم (طبعا لو شاب ماحيكمل معاه لأنه هدفه الحقير بنت مو ولد) ولمن يكلم صاحبتك أو قريبتك حيكلمها عاااااااااااادي كأنه يعرفها طبعا هي المسكينه ماحتشك انه اللي بتكلمه شخص تاني غير صاحبتها وتبدأ تاخد راحتها في الكلام وممكن تكتب اسمك وطبعا هو اكيد حيركز في كل كلمه تقوليها وحيستغلها في مصلحته وحيبدأ يناديكي بإسمك ويسألك عن أخبارك وفينك من زمان وكده يعني مررره ماتشكي انه شخص سارق ايميلها ويسحبك في الكلااام ويطلب منك تفتحي الكام ويقلك نفسي اشوفك وكده وطبعا انتي واثقة في صاحبتك يعني دا ايميلها ودا اسمها وانتي دايما تكلميها يعني نهائيا محايجيكي شك انها مو صاحبتك وتروحي انتي بكل براءة تفتحيله الكام وتبدأي تتصرفي بعفوية وتضحكي وممكن تتكلمي بالصوت وهو في دي اللحظات يكون بدأ يسجلك فيديومن يوم مافتحتي الكام لغاية ماتبدأ تتغير لهجته وأسلوبه في الكلام وتبدأي انتي تشكي وحيعترفلك ساعتها انه شاب مو بنت وانه سجلك فيديو وحينشره في اليوتيوب وانتي حتنصدمي صدمة قوية وحتبدأي تترجي فيه وهو طبعا لاحياة لمن تنادي وحيقلك مااقدر ماانشره لأنه دا شغلي وباخد فلوس عليه وساعتها لو ايش تتكلمي او تعملي ماحيكون لكلامك اي فايده لأنهم ناس حقيرين باعو ضميرهم وأخلاقهم مقابل الفلوس يعني لاتتوقعي اي استجابة أو شفقه.. عشان كده أنا حبيت أحذركم يابنات لأني بنت وأعرف ايش شعور البنت في موقف زي دا لمن تتفاجأ انها ضحية واحد كلب وهي تكون فعلا بنت بريئة وبنت ناس من جد شعور بشع انشاء الله ولا وحده تكون في الموقف دا.... عشان كل البنات يحذرو ويفتحو عيونهم وعقولهم كويس ومايفتحو الكام ولا يورو صورهم لأي كان حتى لو قريبتك ولا أختك لازم تتأكدي انها هي حتى لو تتصلي عليها وتتأكدي انها هي وبكده تكوني وفرتي على نفسك فضيحه انتي في غنى عنها.... شوفو دا الحوار اللي صار بيني وبين واحد سرق ايميل صاحبتي وبما اني ماكلمتها ولا كلمتني من زماااااااان شكيت اكتر في الموضوع وشوفو كيف الاسلوب اللي شرحتلكم هو في الايميل... A.S says: كيفك R says: يوووووه هو انتي لسه عايشة A.S says: يس ايش اخبارك R says: تماام انتي ايش عامله؟ A.S says: تمام التمام ايش جديدك R says: لاجديد A.S says: اسمعي A.S says: عندك صور رومانسية وصور فنانات RoriTa says: ؟ ماعندي اعملي سيرتش في قووقل A.S says: ابغى من عندك R says: ماعندي A.S says: والله ليك وحشه R says: يو توو A.S says: نفسي اشوفك R says: اوكي تعالي عندي A.S says: ياليت حطي صورتك والا افتحي كامك R says: هههههههههههههههههههههههههههههه على مييين؟ المسلسلات دي قديمه A.S says: ايش على مين R says: ياريت تغيرها اوكي A.S says: ايش ؟؟؟ R says: والشاطر يفهم باي A.S says: وجع؟؟؟؟ R says: وجع؟؟؟ R said: يانصابين تضحكو عالبنات ياكلاب شفتو كيف الاسلوب الحقير وكمان انقهر لمن مااعطيته وجه ولما ماقدر ياخد اللي يبغاه... كل اللي اطلبه منكم انكم تدعولي .... ودايما رددو هذا الدعاء (اللهم استرني فوق الأرض وتحت الأرض ويوم العرض) والسلام ختام.... منقووووووووووووووووول مع بعض التعيديلات للفائده[/align] 
|
 |
 |
 |
|
|
|
|
|
06-09-2009, 04:42 AM
|
#4 |
|
شاعر
قلم مميز  |
رد: انتبهو يابنات
الحذر واجب 0 دمتي بود
|
|
|
|
|
|
|
|
|
|
|
|
06-09-2009, 07:04 AM
|
#7 |
|
رد: انتبهو يابنات
يعطيك العاااااااافيه
|
|
|
|
|
|
|
|
|
|
|
|
|
06-09-2009, 07:05 AM
|
#8 |
|
رد: انتبهو يابنات
أولا .. الله يجزاك ألف خير على التنبيه
فعلا ً هذا الشيء حصل مع بنات اخوي داخل قروبهم انسرق إيميل وحده من صحباتهم وداخل وياهم على انها صاحبتهم بس طبعا بنات اخوي مامشت عليهم الحركة وتصرفوا بحكمة وفهموا انو شاب ثانيا ً .. استغرب إذا في بنات يتبادلون صورهم عن طريق الماسن أو حتى تفتح لها الكام وتشوفها فديو .. لهالدرجة بناتنا جريئات ؟! يختي حتى لو أنها اختك ماترسلين لها صورتك ، لأن البرامج عند ابو بنقال ماخلت شي يقدروا يطلعوها لو اضطريتي تعملي له صيانة .. وذاكرة الجهاز تحفظ كل شي مثل الصندوق الاسود ولو ضمنتي جهازك ماحتضمني جهاز صاحبتك أو حتى اختك بصراحة هذي قضية مؤلمة .. ولها زاوية اخرى ، اسمحن لي إن استطردت ! كذلك البنات اللي يرسلوا صورهم أو فديو خاص فيهم " مولتميديا " أو حتى بلوتوث لصحباتهم او قريباتهم ماتخافين يقع جوالها بيد اخوها / زوجها ويكون قلبه مريض ويوصل لك بدون علمها ويستخدمها سلاح قذر لإفتراسك ؟! الله يهدي بنات المسلمين ويستر عليهم .. اللهم من ارادهن بسوء فأشغله في نفسه وشكرا ً لك على النقل مرة اخرى |
|
|
|
|
|
|
|
|
|
|
|
|
06-09-2009, 07:32 AM
|
#9 |
|
|
رد: انتبهو يابنات
شاكره مروركم المميز
بس اتمنى من البنات مايسرو فريسه سهله لي واحد مو بس عن طريق النت في اي مكان لانه في الاخر واحد مايستاهلك بس يبى يتسلى ويطيع وقت يعني انسان فاضي ومهما صار لاتتصورو في جوالاتكم ربي كثر من الكميرات ربي يستر على بنات المسلمين |
|
|
|
|
|
|
|
|
|
|
|
|
06-09-2009, 07:54 AM
|
#10 |
|
مراقبة التراث وسوالف الاولين
|
رد: انتبهو يابنات
اللهم من أراد ببنات المسلمين سوء فأشغله في نفسه وأجعل تدبيرة تدمير عليه يارب العالمين في هذا الشهر الفضيل وحسبنا الله ونعم الوكيل على كل حقيييييييييييييييييير. لالالالالالالالالالالا لا تصوروا أنفسكن لا في جهازك ولا جوالك ولا تأمني أحد الحرص الحرص بارك الله فيكن وحمانا الله وأياكم من الذئاب البشرية قولوا أمييييييييييييييين أمييييييييييييييييين . |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : انتبهو يابنات
|
||||
| الموضوع | كاتب الموضوع | المنتدى | مشاركات | آخر مشاركة |
| انتبهو!!!!!! | "ريان الزهراني " | الإسلام حياة | 8 | 14-03-2009 12:36 AM |
| بس يابنات | alm7b | الإستراحة | 40 | 11-12-2008 06:03 PM |
| انتبهو من كلمة((سويت اللي علي والباقي على الله))مهم جداُ | الفيصل | الإسلام حياة | 26 | 18-01-2008 12:28 AM |
| انتبهو من هالتوقيــــع | بن قحطان | التصميم والإخراج الفني | 15 | 11-02-2007 04:36 PM |
