وين الشاعر الي في راسه حب ماطحن

[ابو كنانه]

السلام عليكم ورحمة الله وبركاته

احبائي في الله

اود ان اوضح لكم سبب انقطاعي الفتره السابقه والتي اعتبرها الاخ الشاعر ابو احمد والشاعر السعدي انها هروب من المحاوره
لقد كان محق الشاعر ابو احمد عندما قال اني رديت على السعدي ولكن يعلم الله انني بمجرد ان رديت عليه ورجعت لقصيدة ابو احمد
انقطع الاتصال من المحافظه نهائيا وانه توه اشتغل وبامكانكم ان تسالو اي واحد في شروره ويعلمكم عن انقطاع الدي اس ال
وكم قعد منقطع


عموما انا حصلت ووصلت ويشهد الله انني لم انقطع اليومين الي فاتت عشان القارعه وانا بسبب انقطاع الاتصال

اتمنا قبول عذري ولكم مني جميعا كل التقدير

[ابو كنانه]

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
البدع=

الكناني قال بان الشيب في وجهي وعارضي=
ماغلبني الهيض في تشريع بيبانه ولا ليحاجه=
واعرف الخيل الذي ماقل مجهوده ولا ربع=
والكلام الزين مادور على غيره ولا تبديله=
وانت لو تحرق شظايا نيس الاجرد ماتذيبها=

***=

ترا العمي ربي بالعما ماظلمها=
ولو انهم يستاهلون الظلاما=
واذا ريت لك رجالٌ اعما سنافي=
على شاكلة بن باز شره علينا=

@@@=

الرد=

ياطويل العمر في هذا القسم مالك معارضي=
وانا جيت ابغي القصايد غيرها والله مالي حاجه=
مير ماعندك من الامثال لانصٌ ولا ربع=
خذ نصيحه كلما جاء شاعرٌ معروف لاتبدي له=
واعصات العّشر الي في يمينك ماتذي بها=

****=


بتسري الليالي السود لوما ظلمها=
ولكن خوفك مالعتَم والظلاما=
وراس الخطل لافكار الاعماس نافي=
بكذبه وتزييفه وشره علينا=[/poem]

[ابواحمد]

والله انا نستحي ودامك تعذرت فعذرك مقبوول



البدع ابو احمد

يا الكناني ما هو الي انا على شعرك معارضي
ان هبطت السوق بعرف وش حرير الثوب وش ديباجه
وان وصلت اهرام مصر اعرف وش الحوني ومنخرع
اعرف الاش الردي من غير لا علمه ولا تعليمه
قبل ما تخلق تراني يا بن عمي عالماً بها


التحنيشه


شريت الفرس لاجل السبق وانتجبها
ترى الخيل ترضخ للرجال النشاما
لها عدة اجناسً وعدة وصافي
فلا تهتزي منها وتشر بعينا


الرد ابو احمد

الحكم والمعرفه ما هب تجاره في معارضي
والخطل يمكن بيتعلم الا زودت في ديباجه
وبيضلي من كثير المعرفه خايف ومنخرع
وان خرع ماعاد تنفع له تناصيحه ولا تعليمه
انتبه ياذا الخطل لتّعلمه وياعالم انبها

التحنيشه

بوريك نجمه في السماء وانت جبها
ترى قبلها غيمه وفيه نشاماء
وبعض المزن ما تمطر الماي صافي
فحافظ على سقياك من شرب عينا

[*** الصهيبي ***]

هذي على قارعتكم يالنشاما
واسمعوها بقلوبكم
[poem=font="Simplified Arabic,6,#011564,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
ياحليل اللي تمنى مير من جور المنى قضي=
ينهج الجم العميق ويحسب انه فاز في منهاجه=
مادرى بان البحر له هجرة مالناس ماشرع=
ياضليل العقل جنب وانتبه للهول لا تهوي له=
والله انك ماتقدى في دروب(ن) جاهل(ن) بها=[/poem]
[poem=font="Simplified Arabic,6,#030A60,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
على الله ويفهم هرجتي من جهلها=
نقود الدجل والطلسمه ماتناما=
قلوله يسلم عالنوايا العجافي=
قبل لا يقول من النوي مانجينا=[/poem]
[poem=font="Simplified Arabic,6,#01036C,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
الرد / الصهيبي=
يالذي ناقضة عمرك وش يحدك عالمناقضي=
مال ميزان البقى للي سويّ ومعتدل منهاجه=
ماشرع غير الصحيح ولافتى للناس ماشرع=
والله انه ماتعرض لليسير ولا نوى تهويله=
نبّه الغاوي لرشده بالحكم والجاهل انبّها=[/poem]
[poem=font="Simplified Arabic,6,#020664,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
متى تلحقون الشارده منجى اهلها=
وترضون عين(ن) مالسهر ماتناما=
لك الله اني ابصر مربع وريع جافي=
وجينا بصدق يقين وايمان جينا=[/poem]



اخوكم
الصهيبي

[ابو كنانه]

وان خرع ماعاد تنفع له تناصيحه ولا تعليمه

اعرف الاش الردي من غير لا علمه ولا تعليمه


اتمنا ان تعيد النظر في هذا البيت لانه خارج القارعه وعندما تعدله يحلها حلال

[ابو كنانه]

وقصيدك يالصهيبي على العين والراس ووافيه من وافي


علم يابي علم


لكن خلنا نشوف ابو احمد وش اخرتها معه بعدما يعدل قصيدته

[سمحان]

الله ما حبني في الشغل المرتب على القوة يارجال
هنا نتعلم وهنا نرتقي
ابو كنانه
الى غديت انت راعي المشلح
لبّس على اخوك الى برد
ابو احمد
ياسيف لح في اللحم والمش لح
شباك لايثلم ان برد

[ابواحمد]

يا ابوكنانه انت كمن يتملس لفرصه من الوقت لكي ينقذ نفسه وبعدين اعتقد ان القصيده ما فيها شي لكن ابشر نعدلها ولعلمك انا سويتها على الطاير لان كان عندي بنت تعباانه ووقتها رحت اوديها للمستشفى والحمد لله الان بخير وفضيت لك يا الغالي
وابو احمد ما يعجز من حرف اغيرها ميه واقوى من مما تتوقع

البدع ابو احمد

يا الكناني ما هو الي انا على شعرك معارضي
ان هبطت السوق بعرف وش حرير الثوب وش ديباجه
وان وصلت اهرام مصر اعرف وش الحوني ومنخرع
اعرف الاش الردي وانصحك لا تقرب ولا تلجاء له
قبل ما تخلق تراني يا بن عمي عالماً بها


التحنيشه


شريت الفرس لاجل السبق وانتجبها
ترى الخيل ترضخ للرجال النشاما
لها عدة اجناسً وعدة وصافي
فلا تهتزي منها وتشر بعينا


الرد ابو احمد

الحكم والمعرفه ما هب تجاره في معارضي
والخطل يمكن بيتعلم الا زودت في ديباجه
وبيضلي من كثير المعرفه خايف ومنخرع
خير لك خله على جهله فلا تتعب ولا تلجاء له
انتبه ياذا الخطل لتّعلمه وياعالم انبها

التحنيشه

بوريك نجمه في السماء وانت جبها
ترى قبلها غيمه وفيه نشاماء
وبعض المزن ما تمطر الماي صافي
فحافظ على سقياك من شرب عينا

[ابواحمد]

وين انت يا ابو كنانه والله اني اشوفك تجي المنتدى وتطلع يعني ما شفت القصيده والا سحبت خلاص
ترى ورانا اشغال ان كان بتقعد تتولف القصيده نهارين بلاشي قارعه يا اخي
اصبحت يا رجااال

[ابواحمد]

؟؟؟؟؟؟؟؟؟؟
ابو كنانه