.. قضيّة وردها .. مصافحة أولى ..

[ابن فتنان]

[align=center]السلام عليكم ورحمة الله وبركاته

هذه هي المشاركة الأولى لي بينكم ..

فضلت المشاركة بقصيدة مشتركة مع من دعاني الى المنتدى ..

نظمت القصيدة من فترة قريبة ..

لم اتوقّع لها نجاح قوي بحكم سرعة نظمها وعدم تنقيحها ..

إلا أن الردّ جاء مدويّا من الشاعر الكبير / عســــآف

ذلك الردّ الذي غرسه بين أبياتي كغرسة الرمح ..

جعلني اعيد التفكير في قصيدتي واحبها أكثر ..

لا أطيل عليكم ..



القصيدة بقلم / ابن فتنان " عناد بن سعيد "[/align]

[align=center]قضيّة[/align]

[poem=font="Simplified Arabic,4,black,normal,normal" bkcolor="transparent" bkimage="" border="double,3,gray" type=2 line=1 align=center use=ex num="0,black"]
قضيّة امرها مؤسف وياليت الأسف محسوب = حبيبة شاعر(ن) تكره بحور الشعر واوزانه
كذا ربي خلقني شاعر(ن) باحساسه المكتوب = وليت الشعر يخذلني على شان ارتضي دانه
كتبته لجل اعبربه عن الي بداخلي مسلوب = ولكنّه سلبني شي يثقل منه ميزانه
على شانك تحريته وصرت الغالب المغلوب = ولعيونك تغنّيته وقلتي بس على شانه
ورب البيت يا بنيّة تعبت بجرحي المعطوب = وقلبي لو تراهنته على حكم الفكر خانه
وكان انتي تجاريني لأنّه بالغلا مطلوب = ترا الشاعر سجين اقلام .. والاوراق زنزانه
سنين آضيع بعمري وادوّر بيتي المشطوب = لقيتك شاطبة كلي على شعري وقيفانه
أمانه لو لقيتيلي بيوم(ن) دربي المرقوب = خذيني من بحر شعري ورسّيني بشطآنه
تقولين الشّعر سقية واقول لعينك المكتوب = سواءً كان من راسي أو انّه فكر شيطانة[/poem]


[align=center]* سقية : اعتقاد سائد قديما و حديثا بان الشعر من كلام الجنّ يوحى الى الشاعر فيقولون من سقية الجنّ.[/align]


[align=center]-------------------------------


الرد من الشاعر الكبير / عســـــآف[/align]


[poem=font="Simplified Arabic,4,black,normal,normal" bkcolor="transparent" bkimage="" border="double,3,gray" type=2 line=1 align=center use=ex num="0,black"]
صباح الخير ياشاعر صباح الحب للمحبوب = صباح الخير ياحرفه صباح الشعر والحانه

ترى هذا مهو اسلوبي ولكن اسمع الاسلوب = سلام الله ياشاعر تمرّكز بأول الخانه

سبحت البحر والغبّه وجبت الشارد المرغوب = صدق من قال للمكتوب واضح حسب عنوانه

قضيّه مؤسفه دارت رحاها معركه وحروب = ما بين اضلاع شاعرها وفاضت رغم كتمانه

يذوب الشعر بعذوبه وكم فينا قلوب تذوب = ألآ ياعنـاد كررها على شانه على شانه

على شانه نهيجنها ونكتبها على المسحوب = تهيضنا هواجسنا ونسري ليل قيفانه

اذا اسرجنا معانينا على ظهر الذنوب تتوب = نخيل مزون بارقها ونروي نفس عطشانه

أيا دانه أيا دانه ألآ يالجادل الرعبوب = نظم شاعرك لك تحفه وطرزها بوجدانه

انا اشهد بالشعر شاعر ويجزم لجلك المنصوب = واذا كان القضيه غير بيلقى غيرك فلانه [/poem]

[صقر بلخزمر]

صح لسانك يا عناد أنت وعساف
قصيده من أجمل القصائد التي قرأتها فيها الكثير من الأحساس والعذوبه في معانيها
قصيده جزله
ونتمنى تطرب مشاعرنا بمثل هذه الدرر

تقبل مروري
صقر بلخزمر

[ابن فتنان]

صقر بلخزمر


صحّ بدنك طال عمرك

واشكرك على الاطراءات ولو انني لا استحقها ..

يسعدني أن تجد ما يحرّك الاحساس في قصيدتي ..

ولو انها قاصرة أمام شخصكم الكريم ..

ألف شكر لك على مرورك ..

وكن هنا دائما ..

لا خلا ولا عدم




عناد بن سعيد

[العرنين]

صح لسانك وصح لسان عساف
صوت وصدى يملاء المكان ابداعا
.
دمتم بهذا النقاء

[ولدسعدي]

صح لسانك انت وعساف

مبدعين

بارك الله فيكم

[عســآف]

[align=center]اخي وصديقي ..ابن فتنان

صدقني ان قلت انها محاوله بائسه كانت مني
لمجاراة ابداعك ..
انت شاعر مبدع ولو كانت شهادتي فيك مجروحه
ولكن هذه الحقيقه التى لا يحجبها شي ..

دام لنا عطائك وابداعك .. ودامت لي صداقتك ..

عســآف[/align]

[ابراهيم السعدي]

صح لسانك وصح لسان عساف

[ابو يزيد الحريري]

مبدعين يابن فتنان انت وعساف وياهلا بكم ... والصدى وصل الى الاعماق ..

خالص امنياتي لكم بسقية اخرى هههههه

[ابن فتنان]

العرنين

صح بدنك طال عمرك ..

وجودكم هو ما يملأ المكان ..

اشكرك من الاعماق على التواجد ..

كن هنا دائما ..



عناد بن سعيد

[ابن فتنان]

ولد سعدي

صح بدنك وقلبك ..

شاكرين لك التحفيز والاطراء ..

لا عدمنا وجودك وتشجيعك ..

تحياتي لك




عناد بن سعيد