قضيت عشر سنين تايه ومحتار

[ألمحيط]

قـضـيت عـشر سـنين تـايه ومـحتار
مـاشـفت فـيـها يــوم روقــه وراحـه

شـتتني الـهاجوس مـا بـين الافكار
لا صــدق حـصَلته ولاشـي صـراحه

مــــــرت عـــلــى ادوار وادوار وادوار
كــل يــوم وانـا مـتجه لـي بـساحه

واطـيـح فــي عـالم غـربين الاطـوار
بـيـني وبـيـن مـعـاملتهم مـسـاحه

قـلـبي عـلـيهم طــول الايــام صـبار
ماشفت لي فسحه بهم وانشراحه

ان جـيـت اعـاتبهم كـثيرين الاعـذار
وجـيـهـهم مــا عــاد فـيـها مـلاحـه

وقـررت اسـوي دونـهم سـد واسوار
حـتـى الـخـطا مـنهم رمـيته بـباحه

فـوضـت ربــي عـالـمٍ كــل الاسـرار
مـايضيع لـي عنده نصيب وسماحه

راشد الجمعان

[الشغموم]

صح لسانك مبدع و لو اني ما فهمت ايش المعنى اللي ترمي له و لكن جميل ان يكون المعنى في بطن الشاعر ، مبدع و شاعريتك فذة

[ألمحيط]

اقتباس: المشاركة الأصلية كتبت بواسطة الشغموم      صح لسانك مبدع و لو اني ما فهمت ايش المعنى اللي ترمي له و لكن جميل ان يكون المعنى في بطن الشاعر ، مبدع و شاعريتك فذة

صح بدنك يالغالي
وشكرالك على مرورك وهذي تعبر عن تعامل الناس مهما تكون طيب معهم وتعطي وتكرم فهم لايشكرون ولا تسلم من اذاهم

الله يسعدك ويبارك فيك