فارس القبيله*الطحطوح*شجاع وقوي وماشي كماه- قصته كتبها بخط يده

[ابن روزه]

انبسطوا افرحوا العبوا
ابداع روعه خيال
هذه قصة حقيقيه لفارس قبيلته وطحطوها الفارس المغوار الراس الصغير كتبها بخط يده منذ مده وجدتها في دفتر ذكرياته
نتمنى ان يكمل مسلسل بطولاته وصولاته وجولاته وابداعاته
وهذه رساله قويه للمنشقين ان يستسلموا ويضعوا المشاعيب والمساحي احسن لهم من مواجهة الطحطوح
اليكم ما كتبه فارس القبيله:
-----------------------
الطحطوح ... فارس القبيله

*نبذه عن حياة الطحطوح

- شجاع وقوي وماشي كماه.
- مقاتل شرس . .
- حامي القبيله من الاشرار واللصوص.
- راعي غنم من الدرجه المنتازه ولا يغفل عنه.
- يحب السهر في الليل .
- يسكن في جديره.
- مفتول العظلات وازرق اللون ويخّوف اذا جغر.
- لا يهاب الاعداء حتى لو كانوا 300 نفر من الرجال.
- مسالم ودندنه ولا يتعدى على احد مرّه.

*هواياته

- مطاردة الدجاج – تشخيت الحطب والكعامير بالعطيف.
- يسمع ويحب مسلسل ام احديجان اذا جاء شهر رمضان.
- يعرف ياجغ لكه .
- متمرس في لعبة المخرقيه والمطارده.
- متدرب على ركوب الحمير والخيول والجمال .
يعرف يتشرّع في الكرّه والكظامه وخطير في الدهلسه ويقدر يجيب الماريّه من داخل البير.

--------------------------------------
كنت نايم في الجديره وفي ليل اسود وظريبه تخّطه. وكان برد شديد. واسمع الباب يدقه .قلت من عند الباب .قال :افتح يا طحطوح انا مرسول من عند الشيخ .قلت: ياالله ليل خير.
قمت فتحت الباب وقال :المرسول الشيخ يبغاك ظروري وخذ معك السيف والجنبيه والبندقه .قلت: اسبقنيه وانا بحتزم واجيكم .

وعندما دخلت على الشيخ استقبلنيه واقعدنيه جنبه وقال يا طحطوح شي علمن باعلمك به وابغيك تساعدنيه ..قلت ميده قل يا شيخ واذني لك صاغيه.

قال: القبيله بحاجه لمن يدافع عنها من الاشرار قطاع الطرق ماخلونا نرتاح كل يوم يهجمون علينا ويسترقون من حلالنا ومصاغ النسوان وما خلوا لنا شي حسبي الله عليهم .

وانته يا فارسنا ما قصرت من زمان اول تدافع وتكافح دوننا والله يقويك بحقبوا هذا الليل . وانحن تعّبناك لانك البطل الوحيد بيننا وقلت انك تاخذ الخيل اللي مربوطن في العرعره وتاخذ سيفك وجنبيتك وبندقتك وتهجم على قبيلة الاشرار وهم بعيدين منا. ونسمع برجال يقولون عنه انه الخرش تتربص له وتذبحه اهوه سيدهم ويحرش قومه علينا . وأن جبتاه حياً فلك مني اربع اكياس شعيرن وتنكتين تمراً وخريطة بن .

قلت سمعاً وطاعه يا شيخ ورقبتيه فداك .قال فداك اللاش.

المهم انا اخذت الخيل وانطلقت بعون الله ودعوة الشيخ ما فارقتنيه تحوم جوف راسيه الصغير(الله يقويك بحقبوا هذا الليل ).

وانطلق وازيد في سرعة الخيل. والخيل اللي معي ماشي كماها ما هلا تصهل وانا جغاريه فوق الخيل واقصد واتغيزل واصيّح من بين جبالن واوديه واسري ياليل والليل مسراي . ويوم قربت من قبيلة الاشرار وتاكدت انها المعنيه.
انتسمت شويه وجلست تحت عرعره اخطط كيف انقض عليهم واغزيهم وانتفهم واحد واحد من كبيره الى صغيرهم . عشان نرتاح من شرهم ومن سرقهم ازعجونا وازعجوا شيخنا .....
وبعد تخطيط محنك ودقيق جأتني فكره اني ادخل قبيلتهم على اني عابر سبيل ومحتاج.
المهم دخلت القبيله وانا اتنافظ من البرد وجلست عند مشارف القبيله ورقدت ويوم اصبح الصبح .. قمت من صوت الغنم كان فيه راعي سارح به وشافني وقال من انت يا غريب .قلت انا عابر سبيل وابغي تظيفوني عندكم اليوم قال انا مقدر اظيّفك. لكن روح لرجال اسمه الخرش واهوه رجال يجتمعون عنده النشاما كل صبح . ويتفاولون عنده. ومكانه انت تشوف الخيمه اللي هناك بجنب السفان اللي يتطاردون. قلت ايوه . قال اهوه هنيك ..ها افلح عنده.

قلت ايوه ما قصرت انته اختصرت المشوار.
وافلح وادخل خيمة الخرش قال من انت ومنينه جيت.

قلت انا عابر سبيل وانا جيعن ذاحين هبوليه زادن اكله وبعدين اعلمكم.

هبوليه خبزه ومعرق وذاك السمن واخفس واكل واشرب حقينه.
وبعدما شبعت وكل اللي عند الخرش يتفطنون ومحندرين بعيونهم فيّه. وانا اكل واتخفس واكبر اللقم عشان يقولون وش ذا الصابه ..يعني سويت لهم ارباك وانخذلوا من اكلي واسمع واحد منهم يقول وش ذيّه ما شاف هيله .

وبعد ما شبعت قلت يا خرش انا رجال جيت من ديره بعيده ووديه تعلمنيه من الشجاع عندكم .قال : وهوه يضحك.. الشجاع اللي تتهرج معه انت ما سمعت بالخرش.
قلت: لا ما قد سمعت به .
قال :الخرش هيا توكل من هنيه وافلح انت ما شبعت وكلت ملا بطنك. وظحكوا رفاقته اللي معه.

قلت ميده على زوالك يا خرش هذي علومك واستقبالك لظيوفك .
واقوم عليهم واستل سيفيه يا سيدي واتولجهم واهم سبعه رجال من غير خرشهم.

واظرب فيهم وما هلا انا جغاريه بينهم وهم ما يدرون اني الطحطوط فارس قبيلة شيخنا.

واذبح اربعه واكسّر ثلاثه وأنقز على الخرش واقطب بحلقه واستقله وارفعه فوق فوق واخبط به وازيد ارفسه واكعّشه واكتفه واخذه فوق الخيل وأخرج به من الخيمه .

واطلع به راس جبلن واربّطه . وازيد اندر القبيله واهجم عليهم وأستاسر 50 رجال. وااربّطهم واخذ 10 من الجواري الحسان اللي عندهم. وانطلق بالاسراء والجواري وأمر على خرشهم اللي ربطتوه راس الجبل واخذه معهم واقودهم ورايه . وخرشهم ماسكن كعشته وكل ما نطق بكلمه قلت ابجم ابجم واسحن كعشته وهوه يقول خلاص خلاص.

وازيد امظي على سوق لهم واخذ من كراتين الموز والبرتقان . واشدها فوق الخيل وانطلق بهم الى شيخنا وعزوتنا..

ويوم وصلت على مشارف قبيلتنا استقبلونيه ويصيحون طحطوح جاء طحطوح جاء .وشافوا معيه كراتين الموز والبرتقان وقالوا هبلنا من ذامعك الموز قلت انا ما جبتوه الا لكم واعطيتوهم الكراتين بغوا يتشادقون من الفرحه يوم شافوا الكراتين .. والشيخ انبسط منيّه جهدا يوم شاف الاسراء والخرش معهم.

قلت يا شيخ ها خذ الخرش ورفاقته واما الجواري فما لك فيهنّه ولزنه انت تسمع.

قال الشيخ اما الخرش ذامعك فبا أكتفه واسجنه واما الاسراء فبا أشغلّهم عندي في البلاد يحرثون ويحصدون.
قلت بهواك فيهم بس خلني اروح ارتاح من المشوار وبا خذ الجواري معيه.

قال يا طحطوح وينه تغدي بالجواري وانته ما معك الا جديره وما شي مكانن تاهبهنه فيه ..لكن انا بعطيك شوراً وانته بهواك فيه .. خل الجواري ينتسمنه اليوم عندنا في ظيافتنا وبكره خذهنّه وبا زيد اهب لك صيوان كبير يسعك ويسع جواريك.

قلت يا شيخ انا من زما ن وانا رجال عزوبي وما احد افتكرنيه لا احد عرض عليّه اتزوج من بناتكم وما هلا اخدمكم بكل ما عندي وذاحين انا دخيلك خلني اعيش مع الجواري لحظات عمري وهيامي. حل عني تكفى..

خلني اغدي انتسم وارتاح من لجتك ..وظاق الشيخ وقال على الطلاق انك ما فيك مروه وانك تكبرت علينا من يوم جيت بذلينعك الجواري ..لكن انقلع ولا عاد ازيد اشوفك في القبيله من ذاحين ترحل عنا ولا لك مقريّه عندنا ..يا الله انذلف ..

قلت الله بعد تيه السنين من الكفاح والقتال والفروسيه تخلا عنيّه الشيخ بعدما ظمن ان الخرش ورفاقته تحت ايده وما فيه احد يزيد يهجم عليه.. يطردنيه.. انا انطرد هويه وعقوف ايش وليش يا شيخنا تطردنيه. ؟
وشديت الرحال وأخذت متاعي ولبسي ومشيت مكسور الخاطر وافراد القبيله ما في ولا واحد نطق بكلمه والا قال يا شيخ انته غلطت في حق الطحطوح.. لكن ماشي زحمه.

ونزلت تهامه ومعيه الجواري الحسان وزي ما قلت سابقاً معيني اتخلا عن الجواري لو كان ايش ..ما صدقت على الله اني الاقي جواري

.... ونكمل في الحلقه القادمه عندما نزلت في تهامه واستقريت هناك وايش سويت في تهامه.. بس ترقبوا

[سالم الدوسي]

الطحطوح ... فارسنا المغوار ابن روزة
مشاء الله عليك .... رائع ..... رائع
والاروع استخدامك لبعض المفردات والكلمات الزهرانيه 100%
حقيقـة والله استمتعت بقراءة ماكتبت اناملك ..
شكراً على هذا الفن في الطرح ..ويستاهل احلى تقيم
ننتظر قصيدة رحيلك إلى تهامه
وتقبل تحياتي ,,,,,,,

[ابن روزه]

اقتباس: المشاركة الأصلية كتبت بواسطة سالم الدوسي      الطحطوح ... فارسنا المغوار ابن روزة مشاء الله عليك .... رائع ..... رائع والاروع استخدامك لبعض المفردات والكلمات الزهرانيه 100% حقيقـة والله استمتعت بقراءة ماكتبت اناملك .. شكراً على هذا الفن في الطرح ..ويستاهل احلى تقيم ننتظر قصيدة رحيلك إلى تهامه وتقبل تحياتي ,,,,,,,

الاخ الفاضل سالم الدوسي شكرآ لك وتصحيحآ لما اوردت فما انا الا ناقل لهذه القصة وهي فعلآ للمبدع الراس
الصغير ويستحق الشكر والثناء على هذا الابداع

[عساف]

الله يسعدك يا بن روزه ويرزقك الجنة مع من تحب .... قل آمين ،
أستمتعت بقرأت هذي الدرة في جبين الإستراحة
التي دبجتها باللهجة وزرعت في أوداجها كريات اللغة العربية ومعانيها وصورها التي لا يجيدها إلا من عاش في ربا زهران بل في سنام السراة (الشعف)

قصة توحي بشجاعة ذمعك الطحطوح اللي ما يسمع دُمعة ، الله وأكبر عليه كيف سطي وكيف حاس جماعة الخرش وش خلقته وش قلبه ذيه الطحطوح ،

ولكن الشيخ طلع ما عنده خاتمة وعض الكف اللي مُدت له ... الله لا يكثر من أمثاله في القبائل
وليش يضيق من الطحطوط خاب فاله ذرا حليمة > ذاحين طلع عتلن يوم وصل الخرش مكتفون ..حرام أني زعلت منه هههههه
ولو أستنصح مني طحطوح كان علمتوه وقلت له هب للشيخ ثنتين و إلا ثلاتن من الجواري ويرضا عليك تعرف الشيوخ يحبون الجُرابه ذكرتني ببعض الشيوخ يوم كانوا يأخذون من دراهم كهيل الضمان الإجتماعي هههههههه

ننتظر الجزء الثاني


جغررررررررة



ابشروا مني بـ عشر حواك للجواري وعشر مصانف يستاهلن

ونرحب بكل من يدخل ديار الثوار ونوفر له الحماية ونمنعه من كل طالب حتى لوكان في ايده سيف ابوطالب

[عساف]

اقتباس: المشاركة الأصلية كتبت بواسطة ابن روزه      الاخ الفاضل سالم الدوسي شكرآ لك وتصحيحآ لما اوردت فما انا الا ناقل لهذه القصة وهي فعلآ للمبدع الراس الصغير ويستحق الشكر والثناء على هذا الابداع

لن تلين لنا قناه ولن ترعبنا الرسائل الخاصة وسوف ترميكم العرب عن قوس واحد
أنتما وكل جحافل المرتزقة وكراديس البلطجية ،

وأنا أقول هذا الخويض ماهو غريب عليه

مجرد تعليق وتعقيب على أحبابي و أخواني بن روزه و الرأس الصغير

[ابن روزه]

اقتباس: المشاركة الأصلية كتبت بواسطة عساف      لن تلين لنا قناه ولن ترعبنا الرسائل الخاصة وسوف ترميكم العرب عن قوس واحد أنتما وكل جحافل المرتزقة وكراديس البلطجية ، وأنا أقول هذا الخويض ماهو غريب عليه مجرد تعليق وتعقيب على أحبابي و أخواني بن روزه و الرأس الصغير

ايها الثوري المنشق اين تذهب من فارسنا وطحطوحنا الراس الصغير
علاشان تعرف ان نظرتي صائبه في اختياره مستشار

[ابن روزه]

اقتباس: المشاركة الأصلية كتبت بواسطة عساف      الله يسعدك يا بن روزه ويرزقك الجنة مع من تحب .... قل آمين ، أستمتعت بقرأت هذي الدرة في جبين الإستراحة التي دبجتها باللهجة وزرعت في أوداجها كريات اللغة العربية ومعانيها وصورها التي لا يجيدها إلا من عاش في ربا زهران بل في سنام السراة (الشعف) قصة توحي بشجاعة ذمعك الطحطوح اللي ما يسمع دُمعة ، الله وأكبر عليه كيف سطي وكيف حاس جماعة الخرش وش خلقته وش قلبه ذيه الطحطوح ، ولكن الشيخ طلع ما عنده خاتمة وعض الكف اللي مُدت له ... الله لا يكثر من أمثاله في القبائل وليش يضيق من الطحطوط خاب فاله ذرا حليمة > ذاحين طلع عتلن يوم وصل الخرش مكتفون ..حرام أني زعلت منه هههههه ولو أستنصح مني طحطوح كان علمتوه وقلت له هب للشيخ ثنتين و إلا ثلاتن من الجواري ويرضا عليك تعرف الشيوخ يحبون الجُرابه ذكرتني ببعض الشيوخ يوم كانوا يأخذون من دراهم كهيل الضمان الإجتماعي هههههههه ننتظر الجزء الثاني جغررررررررة ابشروا مني بـ عشر حواك للجواري وعشر مصانف يستاهلن ونرحب بكل من يدخل ديار الثوار ونوفر له الحماية ونمنعه من كل طالب حتى لوكان في ايده سيف ابوطالب

شكرا ومبروك الالفيه الاولى اللي سخرتها لا ازاحتنا من الاشراف والاستشاره وعقبال الافيه الخامسه وانا مشرف اول والراس الصغير مساعد مشرف