|
|
|
|
|
 |
 |
 |
|
#1
15-03-2008, 05:49 PM
|
||||
|
||||
ثمان سنين
[align=center]هــلا و غــلا بالغــاليــن ’’
كيــف حالكــم .؟  اليــوم سويــت لكــم مـوضـــوع اتمنــى يعجبـكــم .؟ مجـمــوعـه مـن القصــائــد الرائـعــه تحكــي قصــص  في البدايـــه اكثــر قصـيــده اعجبتنـــي ,, قصيده لشاعر مجهول ,, وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!! ويقول فيها : شفتها يا سعود صدفه بعد ما غابت سنين ,,,,* عند قسم المختبـر وسط مشفى الجامعـه جيتها ثم قلت ممكن في سؤالي تسمحين ,,,,* ناظـرت فينـي بدهشه نظره متواضعـه قالت انته تـحسبني من بنات صايعين ,,,,* تـحسبني في زماني عن طريقي ضايعـه قلت انا ماراح اطـول كلبوها كلمتين ,,,,* وابعـدت عني شويه ثم جتنـي راجعـه قالت اسال واضح انك من رجال طيبين ,,,,* بس هرجك يالسنـافي كان وشهو دافعـه قلت انا حبيت وحده يـوم كنا صغيرين ,,,,* ومن ثمان سنيـن راحت للمواصل قاطعـه عقبهـا ماذقـت نـوم يهتنيـه النايمين ,,,,* ساهر في طول ليلي لين شـمسي طالعـه اذكر انه فيه حبه فـوق ثغـره من يمين ,,,,* واذكر انه لاجـرينا كـن شعـره تابعـه واذكر انـه عاشـق الورد والياسمين ,,,,* وصار قلبي بالـورود اللي عشقهـا زارعـه طابعا اسمه بقلبي فيه (سين) وفيه (عين) ,,,,* وفيه (الف) وفيه (دال) وسط قلبي طابعه قاطعتنـي بقولها سبحـان رب العالمين ,,,,* كـررتـها مـره .. ومرتين .. ورابعه قلت وشفيك وشبـلاك يابنيه ترجفين ,,,,* ليش عينك يابنيـه من كلامـي دامعـه قالت الموقف وقلبـي والمحبـه والحنين ,,,,* كيف اشوفك بعد ماكنـت عنك قانعـه قلت انا بسألك ان كانك انتـي تذكرين ,,,,* عن مواثيـق ثـمنها من حياتـي دافعـه قالت ظروف الزمان ماتطيـع العاشقين ,,,,* بيعونـي غصب حبك لو هو ماني بايعـه انا في دنياي حالي كنهـا حال السجين ,,,,* حتـى لو فكـوا سراحه فيه شي ٍ مانعـه زوجوني غصب واحد وحرموني حاجتين ,,,,* السعاده فـي زمانـي والحيـاه الرائعـه والحين انا ام لثلاثه ريـم وياسمين ,,,,* والولد اسمه على اسمك والمشاعـر جايعـه ...!! : يتبــــع [/align]
|
 |
 |
 |
|
|
|
|
|
15-03-2008, 05:54 PM
|
#2 |
 |
رد : ثمان سنين
أود أن أكتب لكم قصيدة تناقلتها المنتديات وخاض بها كثيرون ولم تنقل القصيدة بالشكل الصحيح وبعيداً عن قصتها بالتفصيل فهي تحكي حال رجل في وقت بعيد تم بينه وبين فتاة عشق عظيم تجسد منه رغبته بالزواج منها ولسوء الضروف المعيشية التي تمكنه بدفع المهر لها فقد ذهب لطلب الرزق بعيداً عن وطنه وقد أستغرق هذا السفر ثمان سنين لجمع المال ولسوء الحظ لم تكن هناك إتصالات ولا بريد ولا أحد ينقل الأخبار منه وعنه فظنت الفتاة بأن خطيبها قد توفي أو حدث له شي يمنعه من الزواج بها لطول غيبته فتزوجت وأنجبت طفلا ً فعاد إلى بلدته ليتزوج منها وعند رجوعه وجد حفلة جماعية لأهل البلدة وعند السلام عليهم سلم عليه ألاطفال فكان يسأل من هذا ومن هذا ليتعرف عليهم بعد طول غيبته ولمفاجأة كان الطفل الذي سلم عليه أخيراً هو أبن معشوقته ألذي ذهب لجمع المال من أجلها فحضن الطفل وضمه ضماً عميقاً وأخذ يبكي والقصة هي تتكلم عن نفسها ويقال أنها للشاعر سالم الحارثي والله أعلم وهي:_
مرت ثمان سنين حل ٍ وترحال ,,,,* رت ثممان ٍ كلها مِدلهمّه سألت عنها سنين وشهور وليال ,,,,* ولا فيه فج ٍ غير وجهت يمه وبعد الثمان اللي تعبها شقي الحال ,,,,* جاب الزمان الكارثة والمطمه جاني ولدها يبتسم بين الأطفال ,,,,* ومن بسمته ذكرت أنا بسمة امه شفته وصاحت داخلي كل الآمال ,,,,* وصوت ٍ عجزت بكتم الأنفاس ألمه واستلهمت نفسي مقاديم الأهوال ,,,,* وتم الضياع ووكدت لي متمه ساعة حضنته والطفل في يدي مال ,,,,* وشميت ريحتها على أطراف كمه والحين بنت الناس في بيت رجال ,,,,* وحب ٍ على غير الشرف لي مذمه برجع غريب ٍ سكته بر ورمال ,,,,* يموت , يحيا , يندفن , مايهمه ..!! : يتبع |
|
|
|
|
|
|
|
|
|
|
|
15-03-2008, 05:59 PM
|
#3 |
|
|
رد : ثمان سنين
[align=center]
و هنــاك قصــه اخـــرى أيضـــاً أحببــت ان انقلــها لكــم القصه : حمود بن يحي الحترشي رجل قناص ويجيد الصيد وذات يوم صاد له ظبي في ارض القوم واعتدوا عليه وحاولوا ياخذون الصيد منه وامتنع على صيدته وقاموا بضربه على خشمه وبعد مده طويله ورد عد يسمى (كراث) وهو يجبد الماء من العد فصك الرشا(الدلو) وجه امرأة بجانبه فعيرته وقالت : قد ضربوك القوم ولم تمتنع. فصدر من الماء ببندقيته يبحث عن غريمه حتى وجده وقتله، وبعد ذلك جلا من ديرة ربعه وأهله الى بلاد الأردن واشتغل راعي غنم وحشاش(يجمع العشب) عند الشيخ نمر بن عدوان في بلاد الأردن ولم يكن يعرف نمر قصة ذلك الراعي ، وبعد مدة ثمان سنوات شك بن عدوان في حب زوجته للراعي(حمود) فاراد ان يتحقق من الوضع...فقال لزوجته والراعي حمود انا مسافر وابيك تحفظ الحلال والعرب ياحمود ، قال حمود ابشر ياعم نمر ،وفي الحقيقه لم يسافر بل رجع لزوجته في الليل فلما حست به قالت من بالبيت قال انا حمود وقرب منها فضربته على وجهه وسال الدم منه فتأكد من برائة حمود الراعي وذهب حتى برى الجرح في مدة شهرين تقريبا ورجع لهم الا ان زوجته لاحظت مكان الضربه فعلمت بشكه فيها ..فطلبت منه ان تذهب الى اهلها وبقيت عندهم ثمانين فلما طال عليه غيابها ][`~*¤!||!¤*~`][قال هذه القصيده يشكي البعد عنها:-][`~*¤!||!¤*~`][ برق شلع ياحمود قمـت استخيلـه أخيل برقـه يشعـل تقـل نيـران يمطر على الرمله وبطـن السليلـه ويسقي الحنا من مفاريـع وديـان حشـاش ياحشـاش قـل السبيلـه عاود ربيـع بلادنـا مثـل ماكـان عسى بلاد البـدو تضحـي محيلـه حتى يجون البدو عجلين الاضعـان اعطيهم البلقـاء وبطـن السليلـه واعطيهم النقره على سبعة اركـان ×?°فلما سمع حمود (الراعي ) القصيده رد عليه بالابيات التاليه:- ×?° يانمـر ياحامـي عقـاب الدبيلـه فكاك ربعه يوم زوغـات الاذهـان ان كان تشكي من ثمانين ليله فانا ثمان سنين القلب ولهان لي من ورى مبدى سهيل حليله لطف الحشا ماشفتها يابن عدوان ولي من ورى مبدى سهيـل قبيلـه لطامـة للشـره مـاهـم بــذلان عديـت منهـم بالرمـاح الطويلـه عداء الضوامي من على جال معطان ومطلاع نجم سهيل لي بـه حليلـه نشمية تسبي الحشا يابـن عـدوان عديت عنهـا بالسيـوف الصقيلـه لو هي بحـق الله ماكنـت زعـلان وكان نمر يطلب من ابنته الصغيره ان تضحك على حمود وتأمره برد الغنم فقال حمود يابنت ياللي في الخلا عقلها راق حتيش ياذا البنت لوان تدرين اني عذاب الهجن في كل مرهاق واناشبيه مهزاعات السراحين كم حمله فرقتها حل الاشراق في منهج فيه الجماعه مخيفين ليما ركزت الساق ثم ناض براق اضحوا جداياالبدو باثري محيلين وعندها علم نمر ان حمود من قوم وليس راعي وأخبره بقصته وقال نمر في حمود البيتين الله نشد ياحمود عن معرفة يوم وحنا ثمان سنين ياحمود جيران ياحمود يظهر لك صديق من القوم ويظهر من الربع الموالين عدوان ...... وعندما سمع ابن عدوان القصيده عرف انه شهم ومن روس قوم عزيزه فطلب منه ان يذهب لإحضار زوجته من عند اهلها فذهب حمود الحترشي وأحضر زوجة ابن عدوان من عند أهلها وأعطاها مطالبه واصلح فيما بينهم..... وبعد ذلك اعتبره ابن عدوان من اعيان القبيله وزوجه ابنته وبقي هناك الى الوقت الحاضر ويعتبرون فخيذه من الحتارشه نسل حمود مع ابن عدوان الى الوقت الحاضر في الاردن.. يتبع [/align] |
|
|
|
|
|
|
|
|
|
|
|
|
15-03-2008, 06:02 PM
|
#4 |
|
|
رد : ثمان سنين
على الموعد بلهفة جيت لا مانع ولا تأخير...
لفيت من العصر هايم مع أن الموعد المغرب وجتني بس أنا مدري شعرت الجيه هذي غير وهي تقرب من عيوني شعرت أن الممات اقرب وقلت : الله يهونها عسى في جيتك لي خير.. أنا من شفتك اقبلتي وأنا خايف ومســــــــــــتغرب... على كثر الحكي مدري كأنه خانها التعبير...... قالت لي جمل وأشياء لا تــُـكتـب ولا تعــــــرب..... هدت فجأة تطالعني وأنا في حاجه التفسير........ لجل نحكي بهدوء سألت الحلوة : وش تشــــــرب ؟... وصاحت بي أنا احبك .... ولك في الحشا تقدير.... وتدري إن المثل فينا وفي إحساسنا يضــــــــــــــــــرب.... صحيح انك وفي وأنك بري من تهمه التقصير.... ولكن هذي عوايدهم من أيام وزمن يثرب...... تكون البنت لابن العم ورغبات الكبار تصير.... وتدري الاقربون أولى مع انــــك للخفوق اقرب..... وتدري للقدر كلمه ولعادات الأهل تأثــــــــــــــــــــــيـــــــر...... لذا أرجوك تتركني وأنا من دنيتك بأهــــــــــــــــــــــــرب... شعرت بحكيها كأنه قصاص وامر بالتعزير............ شعرت الدنيا ضاقت بي من المشرق ليا المفرب....... مشت خلت وراها طفل ما يدرك وش التدبير.......... يحسب أن الغرام أشعار واغنيه مطرب........ ضحكت وما قدرت إني الاقي لضحكتي تبرير... من اللي بوقتنا مـــره ضحـك من لدغــــــــــــة العــــقــــرب... رفضت استوعب اللي صار ولا استسلمت للتغيير..... ثمان سنين أجي نفس المكان بحــــــــــــزه الــــمـــغـــــــرب .... برغم إن الثمان سنين جرح وكلفتني كثير.. أنا لليوم اجـي وادعــــــــــي .... تجي يارب ..... تجي يارب... محــــــــــــــمد الشهري,, يتبع |
|
|
|
|
|
|
|
|
|
|
|
|
15-03-2008, 06:04 PM
|
#5 |
|
|
رد : ثمان سنين
قصيدة للشاعرة عابرة سبيل (( رحمها الله )) عندما كانت تسير وسط السوق فعرفها
حبيبها الغائب .. وتقول فيها : مشيت بالزحمه مع الناس بالسوق ,,,,* ولا ادري من اللي طق كتفي بمسباح ادرّج النظرات من تحت ولا فوق ,,,,* وشهقت مثل اللي تواجه بالأشباح غايب ثمان سنين والقلب محروق ,,,,* أتلى العهد به تو ما شاربه لاح واليوم عندي ناحل ٍ بيّن عروق ,,,,* وعوارض ٍ على اصفر الوجه واجراح والله يادمع ٍ تحدر من الموق ,,,,* إنه على الموطى من العين لا طاح يقول لا تزعل من البعد ياشوق ,,,,* وانا كما اللي قاضي ٍ منه جراح ..!! يتبع |
|
|
|
|
|
|
|
|
|
|
|
|
15-03-2008, 06:07 PM
|
#6 |
|
|
رد : ثمان سنين
على ذاك الجـــدار اللي على حد البــيوت الطـــين ,,,,* وقفت وهاجس الذكرى نفض من قلبي اغباره
وقفت أطلق مدى شوفي وأناظر مفـــرق الدربــين ,,,,* وأشوف الدار وعيوني تضم الدرب وجــــداره أجل هذا الجدار اللي سهر يوم الـعــــرب غـــافين ,,,,* أجل هذا الصديق اللي ذكرته وأذكر أســــراره أنا أذكر يــــــوم يجــمعـــنا يغطـــينا برمــش العين ,,,,* نسج ليله وسوى به على عشـــــاقه أستــــاره حجــــــر لــكن أحسن أنه يحس بفـــرحة القلبـــين ,,,,* أحس أنه (نفــس) لكن غدى جامـد من أقــداره حجر يوم العــــرب تنسى إذا مـــرت عليها ســـنين ,,,,* حجر يوم العرب تنسى حبيبـــــا ً مبـــعده داره ولــــكن الجــــدار اللي تركـــته من هــذاك الحـــين ,,,,* عرفني يوم قابلـــــته وبـــلل دمعبي أجـــداره جلست وهاجس الذكرى وقلت بخاطـــري مسكـــين ,,,,* ثمان سنين في وحشــــــه ولا أحد بيننا زاره وفــــاء ذاك المـــكان أثبت إن الأدمـــي من طــــين ,,,,*تخيـّـل يوم لا مســـــته تنــــهد من شقـــا ناره سألني قال أنا أذكــركم تجــــوني بالظــــــلام اثنين ,,,,* بكيت وقلت صدقني رحـل وإنقطـعت أخبـــاره يتبع |
|
|
|
|
|
|
|
|
|
|
|
|
15-03-2008, 06:09 PM
|
#7 |
|
|
رد : ثمان سنين
ذبحني هالسؤال أرجوك قلي بـس وش جابـه..؟؟ دخيلـك ليـه تتعمـد مـع ضحكـك تبكيـنـي..؟؟ من البارح تعيـده هالسـؤال وتطـرق أبوابـه..!! على نفس الطريق اللـي تجـي منـه تودينـي..؟؟ ياأخي وش تبـي منـي وحزنـي وش تلقابـه..!! يهمك إيش في هـذا.؟ عذابـي وإنخلـق فينـي.!! تبي تعرف حكايـة شاعـر جمهـوره أحبابـه..!! تبي تعرف يصفـق ليـه جمهـوري ويحيينـي..؟؟ لأن الشعر عنـدي ماهـو بـس أوراق وكتابـه..!! ولاني من فراغ أكتب وأبـي تكثـر دواوينـي..!! تبي تعرف شاعر ليـه؟؟ هـاك الشعـر وأسبابـه؟؟ تبـي تعـرف مكانـي وين.؟؟رتبهـا وتلاقيـنـي.؟ فقر مال.. فقـر حـال.. وفقـر حيلـه وطلابـه.. فقـر حـظ كريم..أمـدلـه كـفـي ويعطيـنـي.. فقـر دين..فقـر دنيا..وجـوع تنهـش أنيـابـه..! فقـر راحه..فقـر صحه..فقـر فرحـه تنسينـي.. فقر.أيه الفقـر يعنـي ضيـاع العمـر وركابـه.. فقر يعنـي فقـر يعنـي عـذاب وظيـم مالينـي.. وراس الفقر..وراس الجوع..وعمر طارت أسرابه.. وحـق الدرهـم اللـي مانـوى مـره يخاوينـي.. رضعت الويل من صغري ولبست الحزن وثيابـه.. على شط الشقاء مولـود وهمـي كـان يروينـي.. تقطع وجهـي وجلـدي بنـاب الفقـر ومخلابـه.. ولكنـي عزيـز النفـس ولـو أحتـاج تغنيـنـي.. كساني ثوبـي المشقـوق وبيـن النـاس أزهابـه.. وكلـن يلتفـت يمـي يظـن بتنكـسـر عيـنـي.. حشا ماتنكسر عيني وأنـا اللـي وقتـه يهابـه..!! عزاي أني فقيـر وصـارت النظـرات ترمينـي.. عيـون النـاس تطعني..وكلـن يغـرس أحرابـه.. بعض عيون أقدرهـا وبعـض عيـون تدمينـي..!! وشلـي مابعـد قلتـه وتبغـى تعـرف أعرابـه.. مضـت ساعـات أتكلـم وأنـت بـس توحينـي.. تبي تعرف حكاية عشق وبنـت حييييييـل لعابـه.. تبي تعرف عن أسباب الجفـاء مابينهـا وبينـي..؟؟ تخيـل جتـنـي وقـالـت فـمـان الله يابـابـا.. تشـرفـنـا بمعرفـتـكـويالله لاتـأذيـنــي..!! وأنا أعشقها "ثمان سنين" وهي (تلعب وكذابـه)..!! تسلـي نفسـهـا فيـنـي ونيتـهـا تخليـنـي..!! تبي تعرف حكايـة قبـر وطفلـه تسكـن ترابـه.. تبـي أقولـك مظلـوم ودم الطفـلـه بيديـنـي.. تبي تعرف وش الغربه ومن اللي طـول غيابـه..؟؟ تبي أحكي قبـل أعـوام بالتفصيـل أنـا وينـي.؟؟ تبي أحكي لك عن الزاهد وعن ذنبه في محرابـه.. دخيلك ماأقدر أتكلـم خـلاص أرجـوك أعفينـي.. قسـم بالله فـي صـدري مدينـه تلتحـف غابـه.. مدينـه ساكنـه قلـبـي وغابتـهـا شراييـنـي.. دخيلك سكر الموضـوع وشفلـك شـي تسلابـه.. أنـا منـك ألاقيهـا أو ألقاهـا مــن سنيـنـي.. يتبع |
|
|
|
|
|
|
|
|
|
|
|
|
15-03-2008, 06:10 PM
|
#8 |
|
|
رد : ثمان سنين
صدفه جتني طالعتني من بعيد اليا بعيد من كثر ماهي تطالع قمت اطالعها واصد ماوعيت الا برهبه كن نبضاتي تزيد كنت اطالعها وخايف كنت اقرب وابتعد قمت افكر واتذكر قمت اردد قمت اعيد زاد خوفي ..وارتباكي خوفي لا يدري احد الا هي .. قامت تنادي انت فيصل ؟؟ قلت اكيد وانتي منهو جاوبت من دار ابوفيصل فهد عانقتني ..واحضنتني ..وامسكت ايد بايد ماعرفتك ..علميني ردت وقالت بعد طالع بعيني وشوف في عيوني شي فريد وين حبك ..وين وعدك... ان حبي للابد ياخساره ايش صاير ليه كذا صاير بليد وين ياحب السوالف والمحبه والعهد لحظه .. لحظه اسمعيني مواخوك اسمه وليد لا . ياحظي لا ياقلبي انا اخوي اسمه سعد قمت اخربط في كلامي صار في قلبي وقيد قمت اعدد انتي ساره ..والا نوره.. اوشهد ياخساره كنت اظن اسمي مدون بالوريد ماحسبت احساس قلبك يسكنه هذا العدد ليه تخدعني؟ بحبك وانت لي كنت الوحيد كنت اسافر في عيونك مايرافقني احد كان يعجبني عنادك كنت اسميك العنيد كنت احب اروع صفاتك يوم تعلنها ابد كنت تاخذ من فؤادي كنت اجيلك بالمزيد كنت تسبقني لقلبي يوم تصرخ ياوعد كنت اصارع فيك حبي وانت حبك مايحيد كنت اشوف الكون كله في عيونك لي بلد كنت تاخذ من شعوري كل ماتبغى وتريد كنت مدري تحتويني كنت اظنك لي سند كنت غير الناس عندي كنت لي شيخ وسيد اذكر اني كنت اسولف في غيابك حق سعد واشتكي من طول بعدك وانت فيني موبعيد ليتني ماقلت احبك ليت قلبي مانولد ياكثر ماكنت احبك شوفتك لي يوم عيد ياكثر ماصرت اكره نبض قلبي للابد ][`~*¤!||!¤*~`][الرد عليها][`~*¤!||!¤*~`][ اسمعيني .. لوسمحتي واسمعي الراي السديد من ثمان سنين كنتي في حياتي ياوعد واذكراني كنت احبك واذكر اني كنت اشيد في محبه ماذكر انه عاشها مثلي احد ماختلفنا !! بس عودي للزمن امس البعيد فيه كان الناس تخشى في العشق جزر ومد كنت اشوفك في خيالي في حروفي والقصيد رغم بعدك عن عيوني وبيننا حاجز وسد رغم بعدك وابتعادك كنت احس اني سعيد كنت اراضي فيك قلبي كنت اخف عنه واشد كن حبي والمشاعر والاماني كالعبيد نرتمي بحضان قلبك لين ماذاب الوعد ياوعد الوقت عدى وصرت انا وانتي نعيد عهد مدري كيف عدى المهم نفس العهد تذكري وش كنت اسوي لانتهى عندي الرصيد كنت اشوف الليل مظلم وارجع لعينك وارد ارتمي في حضن همسك وابتدي لك من جديد من كثر ماكنت اسولف كنت احس اني اسد ياوعد.. شكلك تغير بعد هالعمر المديد تدري اني من تركتك صار لي بنت وولد خلاص تعبت ادور  بسوش رايكم |
|
|
|
|
|
|
|
|
|
|
|
|
15-03-2008, 07:28 PM
|
#9 |
|
شاعر
|
رد : ثمان سنين
يعطيك ألف عافية أختي .... إختيارات موفقة ....
|
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : ثمان سنين
|
||||
| الموضوع | كاتب الموضوع | المنتدى | مشاركات | آخر مشاركة |
| ثمان اعجبتني حتي........... أبكتني | جبل منور | الإسلام حياة | 10 | 01-05-2008 05:38 PM |
| قصة من ثمان كلمات فقط.............. | العريفي8 | الإستراحة | 4 | 20-10-2007 09:27 PM |
| فاتت سنين | الجنتل | المنتدى الأدبي | 14 | 08-09-2007 05:31 AM |
| سنين عمري | السيف السعودي | المدرسة الإليكترونية | 8 | 28-07-2007 07:14 PM |
