#1
|
||||
|
||||
قصيدة شاب فقير خطب بنت عمه المليونير
هذا شاب خطب بنت عمه طبعاً عمه أكيد وافق بس بشروط تشيب الراس أخليكم تعيشون جو ها القصيدة
سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن ***أموت واعرف بس من وين جابـه وإذا سألته قـال بعـت الدكاكيـن***ما يدري إني ما هضمت الإجابـة الشاهد إني رحت له قبـل يوميـن***في قصره العامـر ودقيـت بابـه قال أرحب أرحب عدّد ورد البساتين***يا مرحبا باللـي لفـا يـا هلا بـه قلت البقا عـدّ النفـل والرياحيـن ***يا شيخ شمل أهل الكرم والذرابـه قال اسلم الله يحفظك لي من العين***وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن***والكون ترخص لجل عينك رقابـه لكن ترا عندي شـروط وقوانيـن***قلت اشرط اشرط يا حبيب الغلابـة قال أولاً مهر العروسـة ثمانيـن***غير الرسوم وغير حق العصابـة والثانية عمك يبي منـك سبعيـن***رسم الأبـوّة والنسـب والقرابـة وأم العروسة حقها منـك ستيـن***عشانها ست الحسـن والمهابـة وإخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس عطهن من ثلاثين***عشان تتوثـق عـروق النسابـة وتجيب طقم عيار واحد وعشرين***وخاتم من الماس المصفى ترابـه وأكياس متروسة كعوب وفساتيـن***ألوانهـا وأشكالهـا مـا تشابـه وموتر بسواقـه وفيـلا بدوريـن***أثاثهـا مـن بطرتـه ينحكـى بـه واحجز لنا قاعة بقصر السلاطيـن***واحجز بهـا رقاصتيـن وربابـه هذي الشروط اللي على بالي الحين***وذكرني اللي ما حسبنـا حسابـه قلت اذكر الله يا عـدو المساكيـن***واستغفـره لا يبتلـيـك بعـذابـه الظاهر إنك منت عارف أنا ميـن ***أنا لو أرقى فـوق متـن السحابـه ما جبت حتى نص درزن مواعيـن***واضحك بكيفك واعتبرهـا دعابـة شروطكم هذي شـروط المجانيـن***شروطكم شغـل ابتـزاز ونهابـه شروطكم تقصم ظهـور البعاريـن***شروطكـم همّـن وغـم وكآبـه شروطكم والله سيوف وسكاكيـن***تذبح بنات المجتمع مـع شبابـه وين الرضا والعطف واليسر والليـن***اللي ذكرهـا الله بمحكـم كتابـه وين الصفات اللي أمرنا بها الديـن **وين اختفى نهج النبي والصحابـة يا عم جعل اللي خلقنا من الطيـن**يرد عقلك مـن خطـاه لصوابـه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحيـن***ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن***وأنت اهتمامك بالشعـر والكتابـة والشعر ما ينفعك لو هو دواويـن***ما دام جيبك مثـل بيـت الخرابـة يا بوك لا تسمع كلام المصاخيـن***واسأل مجرب عاش في وسط غابه قلت الله أكبر يا محـرر فلسطيـن ***من يسمعك يحسبك ذيـب الذيابـه تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعنا |
13-09-2009, 10:46 PM | #2 |
|
رد: قصيدة شاب فقير خطب بنت عمه المليونير
أشكرك على طرح هذه القصيدة .. وبصراحه قصيده مؤلمه وتجرح المشاعر .. فليتقي الله من يعرقل الشباب والشابات من إكمال حياتهم .. التعديل الأخير تم بواسطة سمو الأرواح ; 13-09-2009 الساعة 11:04 PM. |
13-09-2009, 10:54 PM | #3 |
|
رد: قصيدة شاب فقير خطب بنت عمه المليونير
قصيده جميله وتحكي مشاعر الرجل الغلبان ،، اخي العزيز اشكرك على طرحك الرائع بس لو طرحتها في المكان الناسب راح تكون احلى و احلى ،، ودمتمـ ،، |
13-09-2009, 11:20 PM | #4 |
|
رد: قصيدة شاب فقير خطب بنت عمه المليونير
اول مره اقرأقصيده والسبب انها عجبتني
تسلم يمينك |
13-09-2009, 11:29 PM | #5 | ||||||||||||
|
رد: قصيدة شاب فقير خطب بنت عمه المليونير
ويمينك ياسفاح شكراً على مرورك |
||||||||||||
14-09-2009, 12:56 AM | #8 |
|
رد: قصيدة شاب فقير خطب بنت عمه المليونير
قصيدة محزنة و اللة حزني
|
14-09-2009, 01:00 AM | #9 |
قلم مميز |
رد: قصيدة شاب فقير خطب بنت عمه المليونير
الله لا يعطيه العافيه - وشذالعم الله يجعله بالعما - طلباته تجيب للعريس عماره لو عنده هطلبات ما كان وقف عند بابه - الرسول عليه السلام يقول يسرو ولا تعسرو -
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : قصيدة شاب فقير خطب بنت عمه المليونير | ||||
الموضوع | كاتب الموضوع | المنتدى | مشاركات | آخر مشاركة |
قصيدة لشاب فقير خطب بنت عمه المليونير ...قصيده رائعه.... | بن عزيز | الشعر المنقول | 5 | 02-10-2009 03:32 PM |
قصيدة لشاب فقير خطب بنت عمه المليونير | الدوسي المنهبي | الموروثات الشعبية | 0 | 05-07-2009 09:37 PM |
قصه فقير تحول الى مليونير | ابو يزيد الحريري | الإستراحة | 5 | 07-04-2009 02:48 AM |
شاب فقير خطب بنت عمه المليونير | ابــــوراكــــان | الشعر المنقول | 3 | 18-10-2008 08:33 PM |
نهاية فقير يعشق .. مترفة | عبدالرحمن الزهراني | الشعر الشعبي | 4 | 27-07-2008 01:55 PM |