قصه مكاويه قووح

[قسوة الأيام]

قصه مكاويه


يقلكم يا محافيظ السلامه هادا وااااد يبيع حلاوه طحينيه قدام الدحديره اللي قدام بيتهم المهم صاحبنا هادا كل يوم يتمرقع مع البنيته اللي رايحه واللي جيه حقون الحاره

المهم مره وهوه يتمجغ مع واحده بنت كانت احلى بنات الحاره ( فتووو) المهم بدأ هوه يتمرقع معاها ويديها كلام من اللي هووه ( يا حلو يا لدو يا لبنيه يا هريسه ) المهم والبنت ما ادتلو وجه


راح أخينا انقهر وركب راسه الف جني وجني وكل يوم يتمرقع ويتمجغ معاها مافي فايده المهم الولد هادا بياع الطحينيه حب فتوووووو

وتاني يوم وهيه معديه من قدامه إلا يوقف قدامها ويقلها يا فتووو عورتي قلبي بحبك وانا جي اقلك انه نيتي سليمه وابغا أتزوج ,, أيش قلتي ؟؟

وقفت فتووو وقالتله هو هادا اللي ناقص اتزوج واحد حق حلاوه طبعا يحقلها فتووو ابوها العم سراااج لي شنه ورنه في الحاره كلها وكل واحد يضربله الف حساب يقوم يجي واحد سفروت زي هادا يبغى يتزوجها المهم

المهم الولد هادا انقهر قام فكر في فكره بنت كلب وراح لعم سرااااج بس ما طلب يدها راح وقله ابغا استلف منك فلووس وارجعلك هيه بعد شهرين


المهم ويأخد الفلوس من هنا وفتحله دكان صغير يبيع في لدو ولبنيه وهريسه ومفروكه وكل انواع الحلويات اللي تجيب السكر المهم ويكسب ويفتح كزا محل

المهم ويرجع لعم سراااج ويردله فلوسه ويقله ابغا اتزوج بنتك طبعا الوااد هادا سار من اكبر تجار الحلويات في البلد قام عم سراااج وافق وقام راح لفتوووو يسألها رايها

قالت فتووو تبغا تشوفه وبس يا حبيبي عينك ما تشوف إلا النور اول ما شافته قالتله ياواااد يا بكاش بطلك بهلله انتا بياع حلاوه طحينيه سرت تاجر ياهم الزمان قلها اللي سار وقلها الواحد مو بحلاوته الواحد بفتاكته

قامت ضحكت فتووو ضحكه من تحت لتحت ووافقت من كلام الوااااد حقناوعشوا في تبات ونبات وخلفوا صبيا وبنات يلاااا عاد قفلوا الكومبيوتر واللمبات وناموا انتهت الحكايه

[شذى الريحان]

هههههههههههههه
ياشيخ ايش هادا تحفة هادي قصة ابو نار صاحب محلات حلاوة ابو ناااار اللي مملية البلد
ياسلام على اللبنية واللدو ولا المفروكة والهريسة تجيب الجونااااااان
يسعد فتو وابو فتو جيراننا بس هما في اللفة يمين تدحدر شمال
ياسلام على قصتك والله بسطتني وضحكت تسلملي هاالضحكة

[بعيدة المدى]

اكيد هدول ساكنين في النكاسه .....

قصه حلوووووة
بس نبغاك نكملها في الجزء التاني ..