انا وقهوتي اللي محد مدحها !!

[روعه]

اقتباس: المشاركة الأصلية كتبت بواسطة &طيف&      يا عمري عليك يا روووعه شوفي بقولك طريقة الوالده الله يخليها لي لأن قهوتنا ولله الحمد مميزه ودايم اللي يشربوها يسألونا عنها حتى الرجال والله بالنسبه لاختيار البن زي ما قال أخوي السرف خدي هرري ويكون اللون فاتح على ذهبي احنا ما نشتريه مطحون أمي تحب تحمسه بنفسها حتى يوصل للون الذهبي الحلو وبعدين نوديه لمطحنة أما طريقتنا فهي كالتالي: في براد القهوه نحط القهوه المطحونه ونحنا نخلطها بشعير يعني لكل مقدارين قهوه مقدار شعير >>>>> صحيه ولذيذه ونحط 4 حبات قرنفل ورشة زنجبيل بودره ورشة زعفران وملعقه صغيره من خلطة القصيم حقت القهوه والماء المغلي ونخليها عالنار بالكثير ربع ساعه في تلاجة القهوه نحط الهيل المطحون ونصب عليه قهوتنا وبالعافية على قلوبكم

يا عمري انتي

الله يخلي لك مامتك ويخليك لها

بس الشعير هذا ما اعرفه

هو شي خاص بالقهوه ولا حق الغنم؟

جاري التطبيق يسلمو يديك

[روعه]

اقتباس: المشاركة الأصلية كتبت بواسطة أبو مراد العُمري      روعه ما تعرفين تسوين قهوة وافضيحتاه سامطة >>>>>>> سببها الثلاجه مو اصلي مرررررره >>>>>>> سببها كثرة البن .. تعور بالبطن >>>>>>> سببها ان القهوة منتهية الصلاحية الإستشارة والنصائح طبعاً سئلت المدام الله يطول بعمرها وأفادتني بالآتي .. أولاً نوع القهوة يجب أن يكون من النوع المطري (درجة أولى) يمخمخ الراس وهذا يمني ولا يوجد بأي مكان طبعاً أعرف مكان بيعه بس ما بعلم ونوع ثاني يسمى با شنفر برضو مميز وأيضاً الهرري .. تطبخ على نار هادئة لمدة ساعة إلا ربع أو نصف ساعة تقريباً ويحط البن بمقدار كبر البراد طبعاً من ملعقتين إلا ثلاث وأربع .. يحط في النهاية خلطة تسمى خلطة القصيم روووووووعه طبعاً درجة أولى ما اقصد أسمك قصدي الوصفة .. وتقدم بالعافية ...>>>>>اتحياتي وتقديري ..,,,,

لا التلاجه اصلي ومن احسن نوع

والقهوه جديده تو شارينها من اسبووع

وليش ما تعلم علمنا خلنا نتقن القهوه زيكم

وخلطة القصيم اللي ذبحتونا بها وين نحصلها لا تقولون من القصيم قصم ما اطب
شكرا لك ابو مراد

[روعه]

اقتباس: المشاركة الأصلية كتبت بواسطة كت كاته      صح ممكن تكون قهوتك ماتنشرب انا احب القهوة العربية اموت فيها واحيانا ازور ناس قهوتهم ماتنشرب تلاقيني مااصدق اخلص الفنجان ومستحيل اخذ الثاني الاضافات اللي على القهوة ماتعجبني انا قهوتي بن وهيل فقط اخواتي او امي احيانا يحطوا قرنفل او زنجبيل مااحبها واتغصبها زي الدواء لكن كثير يحبوها بالاضافات ** طريقتي احبها ثقيلة وتعدل المزاج 3 ملاعق اكل بن والموية احطها في البكرج الصغير تعرفي البكرج اكييييد براد القهوة الصغير او الوسط والبن نحب الهرري ولازم من محل بن لافي ماادري انتي فين ساكنة خارج السعودية ولاداخلها تعددت اماكن سكنك استقري لما تدخلي محل بن لافي التنفس يكون مختلف تستنشقي بعممممق فظيعة وروووووعة ياروعة ريحة البن والهيل شايلة المحل ** 3ملاعق اكل بن كاستين كبيرة موية حطيها على النار تغلي لحد ماتقول باااااااااااااس وينقطع قلبها بعدين حطي ملعقتين هيل مدشوش مو مطحون مدشوش خشن في ثلاجة القهوة وصبي القهوة والحمدلله تحياتي

الله الله باين من الوصف ان قهوتك ذبااحه

طيب اعطيني عنوان بن لافي والله لرووح له لو في اي مكان اهم حاقه قهوتي تكون مزبووطه

وانا نفس الشي ما احب البهارات في القهوه احبها بن وهيل فقط

يسلمو كت كاته

[روعه]

اقتباس: المشاركة الأصلية كتبت بواسطة ريم      احنا قهوتنا عربية ومختلفة نوعا ما عن بعض الوصفات المذكورة هنا وتتكون من فنجالين قهوة ونصف الفنجال هيل تغلى في البكرج لمدة نصف ساعة ع نارهادية وفي اثناء غليها نطحن نصف ملعقة كلا من الشمروالهيل والزنجبيل والقرنفل والقرفة ونضعها ع القهوة وتغلى لمدة خمس دقايق وتترك بضع دقايق وتصب في ترمس القهوة والسر القهوة يكمن ان مقاديرالقهوة انتي تشتريها بدون طحن وتقومي بتحميص البن وطحنه بنفسك وايضا البهارات تبعها كاالزنجبيل والقرفه...الخ..وافضل محل في مدينتا لبيع القهوة (قهوة الشيوخ)............وسلامتكم

اهلين ريوومه

فعلا قهوتك غريبه

اول مره اسمع بالشمر في القهوه

بالنسبه للحمس احس الامر صعب شوي

لكن بجرب المره الجايه باخذ شوي واحمسه الين يقول بس ونشوف اخرتها مع القهوه

تحياتي لك

[روعه]

اقتباس: المشاركة الأصلية كتبت بواسطة نسيم السروات      ياناس ياهوه وخروا عن نسيم وقهوتها لحد الأن ماشفت أحد يسوي مثل قهوتي اللي ماشي كماها . هيا أسمعوا عن طريقة قهوتي . أولا أفضل قهوه هي البرية اليمينة حباتها صغيرة وتعتبر أفضل أنواع القهوة على الإطلاق . والهيل أفضل هيل الهندي يجي بعده الإمريكي وكلما كان لون الهيل أخضر غامق يكون هو الأفضل مثل اللي بالصورة تحت . وهناك هيل لونه يميل إلى الأصفرار أتركيه لا تشترينه لأنه مخزن وقديم كما في الصورة تحت . أقوم بشراء القهوة حبوب غير مطحونة وأقوم بتنقيتها من الشوائب في صحن مسطح وأشيل منها الأحجار والحبات السوداء والمتغير شكلها لأن هذه الشوائب تمرر القهوة أي تجعلها مرة . ثم أقوم بحمسها في صاج ثقيل جداً تلاقينه في إيكيا ممتاز لحمس القهوة يخليها تتحمس على نار هادية بدون ما تحترق وحركيها بمضرب السلك بحركة دائرية بدون توقف حتى إذا صارت شقراء اللون صبيها في صحن مسطح لكي تبرد وأحيانا أثناء الحمس أضع بعض أوراق الشيبه لكي تعطيها رائحة جميلة . وبعدما تبرد أعطيها زوجك أو ولدك يذهب بها ألى محل طحن القهوة لكي يطحنها لك طحناً جيدا قومي بغلي الماء في الإبريق المخصص للماء وضعي في الغلاية (إبريق القهوة ) مقدار ملعقتين ونص قهوة وصبي عليها الماء المغلي وأتركيها تغلي حتى تقطع حوالي 20 دقيقه حتى ترينها صافية مثل السمن ليس عليها رغوة وهي تغلية . خذي برؤوس أصابعك السبابة والإبهام قليل من الزعفران وضعيه على القهوة وهي تغلي ومثله في ترمس القهوة و3 ملاعق صغيرة ( ملعقة حلى ) هيل مطحون طحناً جيداً ثم صبي القهوة عليه هذه قهوة الكيف عندي . وخذوا هذا الفنجان من قهوتي أكيد حتعجبكم وقولوا لي رأيكم فيها . [overline]بعض النصائح وبعض الطرق للقهوة :[/overline] أول حاجة أبتعدوا عن خلطات القهوة التي تباع في محلات القهوة مثل خلطة القصيم وغيرها فقد تم التحذير من أستخدامها لأن بها مادة ملونه مسرطنة . وغريبه أنكم لم تسمعوا بهذا من قبل والزعفران الإيراني أفضل شي للقهوة وتلك الخلطات مغشوشه يضعون من مصفر اللحم المعروف ويسحقون معه هيل لإضفاء رائحة جذابه عليه . هناك نصيحة تلقيتها من إمراءة يمنية كانت جارة لي وقد أدمنت على قهوتها من طيب طعمها ورائحتها فأخبرتني بالسر وهو عند حمس القهوة أحيانا تتطائر منها قشرة وتنتشر رائحتها في الأرجاء فقالت عندي طريقه تجعل القهوة تحتفط برائحتها وقشرتها ولا تذهب سدى في الهواء وهي أنك تأخذين ذرى سكر وتذريها على القهوة وهي تحمس ذرة قليلة جدا بمقدار نصف ملعقة صغيرة تجعل القهوة تحتفظ بالطعم والرائحة حيث ان السكر يعمل طبقة على الحبات تجعلها تعزل تصاعد الرائحة والقشرة فجربتها وصارت قهوتي جداً رائعة . طريقة بدائية ومشهورة عند أهل الجنوب وأهل البادية وهي طريقة ممتازة لمن يتضرر من الهيل لأن الهيل يسبب عند أكثر الناس حرقان شديد في الصدر وخاصة الحوامل أسأل مجرب . وهذه القهوة تسوى عادية مثل أي قهوة ولكن يوضع مع الهيل مقدار 6 حبات عويدي وملعقة صغيرة نانخة وفص زنجبيل وأحياناً عود صغير قرفه وتدق مع بعض وتضاف على القهوة عند إستوائها ثم تغلى قليل وتصب في الدلة أو الترمس لذيذة جداً ورائحتها جميلة وفيها فوائد خاصة الزنجبيل والقرفه والذي يشتكي من الكولوسترول ينصح له بأسخدام ملعقة صغيرة قرفه مع فنجان القهوة كل يوم . هذا وأتمنى أن تعم الفائدة للجميع وتكون روعة أروع وحدة تسوي القهوة وعساني ما أموت حتى أشرب فنجان قهوة من أيدين روعة ومن يدين كل عضوات المنتدى قولوا أمييييين . وسلامتكم .

نسوومه

وه فديتها وانا ما ادل بيتها

انتي بالذات احس قهوتك غيير

الشيبه

اهاا تحطيها مع التحميس وانا اكفحها كفح في الترمس

يمكن عشان كذا تطلع مره

فديتك وعسى عمرك طوييل وان شاء الله نشرب القهوه سوا



( نورتي بمرورك )

[&طيف&]

اقتباس: المشاركة الأصلية كتبت بواسطة روعه      يا عمري انتي الله يخلي لك مامتك ويخليك لها بس الشعير هذا ما اعرفه هو شي خاص بالقهوه ولا حق الغنم؟ جاري التطبيق يسلمو يديك

شوفي يا قمر الشعير موضروري لو ما تبغيه

اللي احنا نجيبه شعير يماني أمي تنظفه وتحمسه ونوديه للمطحنه

وانتبهي ترى مو حق الغنم

وبعض العطارين كمان يبيعوه في شي مطحون وشي لا انتي تنظفيه وتطحنيه

وبرضو الوالده شفت في بعض السوبر ماركتات شعير بعلب لاستخدامه مع القهوه


وأي استفسار أنا حاضره

[روعه]

اقتباس: المشاركة الأصلية كتبت بواسطة @العيون الحور@      عن نفسسسسسي أأموووووت بشي اسمه قهوه عربيه تآخذ العقل والله.. كتكاته اكيد معاها كتكات ها لاعدمنااج ياكتكوته..

طيب حطي لنا طريقتك في القهوة

[روعه]

اقتباس: المشاركة الأصلية كتبت بواسطة زهرانيه والنعم      تعددت الطرق والقهوة واحدة طريقتي كالتالي: انا قهوتي خولاني او هرري على حسب واطلبيها تكون وسط لان المطاحن تكون عندهم غامق ووسط وفاتح اذا كنت ماتضبطين الحمس بالبيت احط مويه تغلي في ابريق القهوة وبعد الغليان اقصر النار واضيف ملعفتين ونصف قهوة وحذاري طيشان الفهوة لانها تفقدها الطعم علشان كذا تقصري النار عليها وخليها تغلي لما تقول امين ضعي بالترمس هيل مطحون ناعم وزعفران واذا حبيتي 2 فقط مسمار وصبي عليها قليل ماء ساخن وخضيه شويه علشان تاخذ الطعم وتتلون خلي القهوة تركد شويه وصبيها على الترمس وتمتعي بطعم القهوة مع التمر <<< ام اللغة عربي فصحى مخلوط بعامي خخخخخخ

معلوومه جديده عن الطيشان

قهوتي اغلب الاحيان تطيش

زهرانيه والنعم

والنعم فيك ما قصرتي

[نسيم السروات]

حسبي الله أشتهيت القهوة هالحين وأنا صائمة وش اسوي

بصراحة موضوع جميل عن طرق القهوة .

ألف شكر لك روعة على موضوعك الأروع .

[شذى الريحان]

اقتباس: المشاركة الأصلية كتبت بواسطة @العيون الحور@      [COLOR=royalblue]COLOR] كتكاته اكيد معاها كتكات ها لاعدمنااج ياكتكوته..

اكيد معاااااهااا كت كات حتى حلاوة العيد كت كات
ربي مايحرمنا منك يا العيون الحور