يازين الاوصاف لك تقديرفي لم ضلعين

[نجم الغربيه]

[rams]http://www.55s55.com/diwan/s/ali111.rm[/rams]
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يازين الاوصاف لك تقديرفي لم ضلعين = لولاه مبديت لك علمي على خوف وارباك
واشتاق لك مثل مايشتاق للعذب ضامين= وابات سهران طول الليل لا لاح طرياك
أتخيلك مثل غصن الورد بين البساتين = واتخيل ان الفجر لابان بسمة محياك
هواجسي والضنون غلتك بين المحبين = ايوالله اني اتمنى اشري محبّتك ورضاك
ودي اقطف القلب من عرقه قطوف المجانين = واسلمه في يدك وخذ مودتك واغلاك
انصاك وظروفك اقوى من ظروف المساجين = خايف انثقل عليك الهم ولا بننصاك
لكن عسى الله يجعلها تزين الموازين = والوقت بعد القسى والجور يسمح بلقياك
وان عثرتنا ظروف الوقت ونحن مودين= مسموح وبغيك تسمح من تعنا ولاجاك
احكام الاقدار ياما فرقت بين غالين = وابكت مدامع بدم القلب من حزن وهلاك
والله منساك يالغالي في العسر واللين = بغليك ما دام راسي حي واموت منساك
اناعلى العهد ماخالف مع الهيل والشين = وش لون مصدق معك وانا ولاشي بلياك
الى سلبت الفكر والقلب يارايش العين = بالله وشلون اباعيش العمر بعد فرقاك
انشهد اني بحك صرت مثل المجنانين= أهرج معك وانت عني غايباً كني اراك
جرّبت حال الملوك وذقت حال المساكين = مابين فرحة لقاك وبين وحشة مقفاك
احلام تلعب بعقلي وانت وينك واناوين = الواقع ان المسافه تبعد لواي ولواك
ابطلب الرازق اللي له صفوف المصلين = يكتب لنا ياحسين الطرف خطوة بوصلاك
واملي بشوف ابتسامتك العيون المحازين = وروي ضمى الروح بعيونك وهمسة شفاياك
( الخميس 29/03/1430هـ ) 26/ مارس/2009 =[/poem]

لحفظ المقطع من الديوان الصوتي على الرابط
http://www.55s55.com/diwan

[احمد محمد]

قصيده جميله
ولكن مالت لنظم اكثر من البحث عن الفكره التليده
اشكرك على مسافة النفس الطويل

جرّبت حال الملـوك وذقـت حـال المساكيـن
مابيـن فرحـة لقـاك وبيـن وحشـة مقـفـاك

بيت جميل هنا
ولو غيرت تقفيلة القاف بكلمه اخرى افضل

مثل لو قلت

مابين فرحة لقاك وقفاية خطاك
كان البيت البق وارتب للمتلقي

وتقبل طرحي ولك فائق الشكر والتقدير

[آل صرار السعدي]

نجم الغربيه


حضور جميل

نص شامخ


لك اجمل وارق تحيه

[نجم الغربيه]

الغالي : احمد محمد حضورك اجمل بارك الله فيك
..........
الغالي : ال صرار السعدي ومروك على مشاركتي اشمخ بارك الله فيك