¬°•| أنا مابي مهر منك ولا شبكة ولا فستان |•°¬

[البرنسيسة]

[align=center]

تمنيتك علي تقبل .. أشوفك مبتسم فرحان
وأشوف أهلك يغنوا لك ولدروبي يزفونك ..


وتزيد بقلبي نبضاته ويحمر وجهي الخجلان
ويرعش جسمي بقدومك وأقول امشي على هونك ..


واملاك السما تحفك بنور الرازق المنان
عليك اسم الله يالغالي وعمت عين اللي يحسدونك ..


تسابق لجلي خطواتك تجيني محترق لهفان
وأحط يدي على قلبي واقوله جاك مفتونك ..


وتفتح طرحتي بيدك وأتوه بسحرك الفتان
ياعمري والله خجلانة وميته بنظرة عيونك ..



يريحني كلامك لي ياما حلا ليلة العرسان
وتعاهدني بتوفي لي وأعاهدك أني ما أخونك ..


مضى عمري وأنا احلم وأظم طيوفه بالأحضان
واسأل ليلى يا ليلى شسويتي بمجنونك ..


تحقق نصف حلمي بك وشفتك مقبل وفرحان
وشفت اهلك يغنوا لك.....وللحلوة يزفونك ..


خنقت بنفسي عبراتي وخنقني قلبي الغيران
وحبست دموعي في عيني وقلت امشي على هونك ..


فضحني صوت شهقاتي ورجيت الواحد الديان
يخليها ويقدرني أضمّد جرحي من دونــــــــك ..


أشوف شلون تضحك لك وقلبي يشتعل نيران
دعيت الله يهنيها معاك وتجلي شجونك ..


وأنا منهو يهنيني ويداوي قلبي الوجعان
أنا ونيت يوم أني سمعت إخواني يطرونك ..


غديت بغبنتي وحنيت وصفت إحساسي للجدران
رحلت وربي ما ضنيت مصيري غيري تصونك ..


وناديتك ولا لبيت وتخالط شوقي بالهجران
بتنهيدة أنا ترجيت لي ربعي يجيبونك ..


يقولون ادفني ذكراه وانسي اللي خان
قسم بالله ما انساك ولو هالكون ينسونك ..


تروف بحالتي سارة وتحلف والله هو خسران
يواسوني رفيقاتي يقولن كلنـــا عونــــك ..


كبيرة بعين كل ربعي أموت وعزي ماينهان
كذا تخليني أصغرهم مع فلانة يلقونك ..


أنا مابي مهر منك ولا شبكة ولا فستان
طموحي احتضن حزنك وازين بالهنا كونك ..


أبيك تكون لي وحدي بديره مابها سكان
تنومني بوسط عينك وتلحف جسمي بجفونك ..


غناتي ليه تاخذها وتشمت فيني العدوان
وش اللي ساومك فيها وصغر شخصي بعيونك ..


وش اللي مو حلو فيني..؟؟ كسرت بخاطري يافلان
خبر عرسك قضى فيني هلكت قليبي بطعونك ..


(مزن )ضميتها وبليت شعرها بمدمعي الهتان
ياعمري خلو الخالة وعساهم ما يخلونـــــــك ..


يهون عليك ترخص بي وتجازي طيبتي بنكران
عشقت اهلك على شانك ولمت اللي يلومونك ..


أسفه والله أسفه مكتوب أهيم بسكة الأحزان
ومكتوب تلقى بنت ناس تعيش بدالي في كونك ..


ياشين اللحظة ذي والله تمنيت ألبس الأكفان
وأشوف الظلمة في قبري ولا بغيري يهنونك ..


يبين ارجوووك خذ روحي ونادو يا هلي الدفّان
ابيك تحس بجروحي.. وبتابوتي يمرونك ..


أبيك تشيل تابوتي على كتفك يغصن الـ بان
وتعرف قدري بموتي وتدمع لجلي عيونك ..


بذاك الوقت أبي امسح دموع الغالي بأكفاني
دموعك أغلى ما عندي يامالك كل وجداني ..


فراق أهلي وزواجك موت ، ودمعك موتي الثاني
خلاص ارحمني لاتبكي دخيل الله على شاني ..


زماني مارحم ضعفي هزم حسي وتحداني
عهد في قبري ما نساك تعال وزورني عاني ..


تعال خلني بحس إنك علي ولهـــــــــــان
وبفــــــــــرح وانا في وســـــــط تربـانــــــي..



**أبيات رآآآقت لي **
[/align]

[عابرسرير]

[align=center]وراقت لي حتى انا ,,,

صرااااحه اسلوبها مره جناااان,,,

فعلا كنت مبتسم طوال فتره قرائتها,,,




شكرا لك أختنا العظيمه البرنسيسة,, [/align]

[][ هـيـكـ‘ـتـ‘ـوـوـر ][]

شوووكرن

[بنت الطنايا]

واو روعه مشكوره اختي البرنسيسه....

[السـاهر]

فمان الله يا دربٍ على الهجر يتحراني
خذاه الوقت من جنبي ولا جاني ولا جيته
قصيدي يا قصيدي يسكن في قلبي طرف ثاني
قبل يسكن بيوتي جنه وتمسي عفاريته
تعال اسأل نجوم الليل يا هاجر من ألهاني
وانا أعلمك بالوقت الطويل وكيف قضيته
بغيت أقوى على بعدك وراح الصبر ما أمداني
أهز الشوق وان طاح الوله بالحضن ضميته
ربيعي يا خريفي يا شتاي و صيفي الهاني
تراك انته الفصول وهجرة الشعر وتشتيته
فضت كل الشوراع ما لقيت الليي يترياني
مثل طفلٍ طلع يلعب ورد وما لقى بيته
تحداني تحداني حبيبي لا تحداني
أنا لولاك لحن الهجر والفرقى ما غنيته
تمنيتك وقلت في خاطري ليته تمناني
وانا ما كل واحد شافته عيني تمنيته
على كيفك تذكرني على كيفك تناساني
وانا طاريك ولا في يوم في قلبي تناسيته
زرعتك وردتن حمرا تزين كل بستاني
دفنت القلب في تربة مشاعرنا وخليته
انا المجني عليه اللي يقدر طعنة الجاني
لأن جرحه يذكرني بطاريه لاحسيته
فمان الله يا دربن على الهجر تحراني
خذاه الوقت من جنبي ولا جاني ولا جيته


ابداعك سر تميزك

ونكهه مواضيعك تكمن في قلمك الخاص

[البرنسيسة]

اقتباس: المشاركة الأصلية كتبت بواسطة عابرسرير      [align=center]وراقت لي حتى انا ,,, صرااااحه اسلوبها مره جناااان,,, فعلا كنت مبتسم طوال فتره قرائتها,,, شكرا لك أختنا العظيمه البرنسيسة,, [/align]

تشكراااتي **عابرسرير** عالتوااجد العطـــر,,,

[البرنسيسة]

اقتباس: المشاركة الأصلية كتبت بواسطة ][ هـيـكـ‘ـتـ‘ـوـوـر ][      شوووكرن

تشــكــراااتي عالتوااجد العطــر,,,

[البرنسيسة]

اقتباس: المشاركة الأصلية كتبت بواسطة بنت الطنايا      واو روعه مشكوره اختي البرنسيسه....

تشــكــراااتي عالتوااجد العطــر,,,

[البرنسيسة]

اقتباس: المشاركة الأصلية كتبت بواسطة السـاهر      فمان الله يا دربٍ على الهجر يتحراني خذاه الوقت من جنبي ولا جاني ولا جيته قصيدي يا قصيدي يسكن في قلبي طرف ثاني قبل يسكن بيوتي جنه وتمسي عفاريته تعال اسأل نجوم الليل يا هاجر من ألهاني وانا أعلمك بالوقت الطويل وكيف قضيته بغيت أقوى على بعدك وراح الصبر ما أمداني أهز الشوق وان طاح الوله بالحضن ضميته ربيعي يا خريفي يا شتاي و صيفي الهاني تراك انته الفصول وهجرة الشعر وتشتيته فضت كل الشوراع ما لقيت الليي يترياني مثل طفلٍ طلع يلعب ورد وما لقى بيته تحداني تحداني حبيبي لا تحداني أنا لولاك لحن الهجر والفرقى ما غنيته تمنيتك وقلت في خاطري ليته تمناني وانا ما كل واحد شافته عيني تمنيته على كيفك تذكرني على كيفك تناساني وانا طاريك ولا في يوم في قلبي تناسيته زرعتك وردتن حمرا تزين كل بستاني دفنت القلب في تربة مشاعرنا وخليته انا المجني عليه اللي يقدر طعنة الجاني لأن جرحه يذكرني بطاريه لاحسيته فمان الله يا دربن على الهجر تحراني خذاه الوقت من جنبي ولا جاني ولا جيته ابداعك سر تميزك ونكهه مواضيعك تكمن في قلمك الخاص

تشكرااتــي **الســـاهــر**
عالتواجـــد الرااائــع والعطـــــر,,,

[سعيد بن سالم]

[frame="8 80"]فراق أهلي وزواجك موت ، ودمعك موتي الثاني =خلاص ارحمني لاتبكي دخيل الله على شاني ..
بالرغم من الحزن ومرارة الالم الطاغية على هذه القصيده ، الا ان الجمال كان اكثر وضوحاً

البرنسيسة

انتقاءك لهذا النص دليل ذوقك الرفيع

شاكر ومقدر تواصلك الجميل من خلال هذا القسم

تحياتي ومودتي[/frame]