[سالم الدوسي]

محاوره
ابن ثايب وعبدالواحد
وابن هضبان وابن عزيز

الــــبــــدع عــبــدالــواحـــد

الله يعــيـنـك عـلـى مـاجــاك يــابــومــنـيـف
لاتظـلـم الـمــســلـــمـيـن ولاتـبـرر خـطــاك
التربـيـة مايـــقــاويـهـا ضـعـــاف الــقـلـوب
قالوا لي العالـم انـك خاطـب(ن)لـك عـروس
ماادري مهي كفـو والا مـنـت كــفـو(ن) لهـا

الـــرد صـالــح بــــن عــزيــز

يابوزميـع المنــيـف انــهـد فــوق الــمــنـيـف
لكـن فكـر فـي المنــتـوج واحــسـب خــطـاك
احــسـب حــســابـك تـرى الايـام فيهـا قلـوب
مانبغـي الا البــيـوت العصـم فـي نـقـع روس
ماتسمـعـون الــزيـارة مــن تــكـــفـــون لـهـا

الــبـــدع بــــــن ثـــايـــب

ياابنـي بنـى الله شبابـك مــايــعـرف عـريـف
آنـا كبـر بـوك عـلـم صــاحــبــــك وشــوراك
الله مـا احـــلاك لـو ماتـــلـوج وتــلــج نــوب
العـب علـى النـاس ماالســقـاف للعـيــدروس
وارتــــد مــن بـــعـــضـهـا وآردهــا كـــلـهـا

الـــــرد بــــــن هــضــبــان

هـذا المعــلـم وانــتـم طـلاب وآنـا الــعـريـف
يالطالـب اللـي عصيـت مـعــلـمـك وش وراك
خلك شمالـي ولـو انـــك مـن اهـــل الجـنـوب
ياصالح اللي يقـطـع فـي ضحـى العـيـد روس
لاتحـســـب انـه يـــهـاب الــروس ويــكــلـهـا

الــــبــــدع عــبــدالــواحـــد

لـك المشــاريـف لكـن الـشـرف للـــشــريــف
الله يــهــديـــك مــاذا جــــاك مــــاذا دهـــاك
افتـح لـك البـاب وتقــفـل عــلــيــنـا الــدروب
الـغــالــيـة مـن نــصـــيـبـي جــاه ولا فـلـوس
والطــايــحـة مـن نـصـــيـــبـك شــلـهـا شلـهـا

الـــرد صـالــح بــــن عــزيــز

عبدالعـزيـز المــوحـد زال حـكـم الــشـــريـف
الله كـم خــيـــل جــمـــاحـــة ومـــــاذاد هــاك
مـاجـــاك عــبـــدالـــعـزيـز الا بـخـيـلً دروب
يافـارس الــقـوم لاريـــت الـردي والـــفـلـوس
لاجـــاك يــرفـــــع يــمــيـــنـه شلـهـا شـــلـهـا

الــبـــدع بــــــن ثـــايـــب

آنا احسب ان صدرك اوسع مالحساء والغريـف
شقـرت قـلبـي عــسـى الله مايــشـقـر عــصـاك
راجع حسابك تـرى بعـض الــكـلام مـحــسـوب
انـا احـمـد الله لـنـا ســيـف شـبـا والــنــامـوس
ولاتــطـــيـــب الـــثـــمـــار الا عـلــى حـــلـهـا

الـــــرد بــــــن هــضــبــان

اشرب من البـحر الاحـمـر نـــزف ولا غـريـف
عــصــيــتـنـي يــازمـــيـلـي والله ان آعـصــاك
وان كان ذاك محـسـوبً فــان هـذا مــحــسـوب
نسبق على الاولـه فـي المـرجـلـه والــنــامـوس
وان كـــان عــنــدك قــضـيـة عــنـــدنـا حـلـهـا

الــــبــــدع عــبــدالــواحـــد

صدري كما البحر واوسع من صحاري عـفيـف
لكـنـي اعــطــيـك مـن قـدرك ومـن مــســتـواك
ان كان بي عيـب واحـد فــانـت كــلـك عــيـوب
سكنـت جنـب الـنــخـيـل وحــرقــتـك الشمـوس
مــاكــلـــت مـــنـهـا ولاظــلـــتـــك فــي ظلـهـا

الـــرد صـالــح بــــن عــزيــز

تركـت بعـض الـمـعــانـي لان قـــلـبـي عفـيـف
مـاكـان طـيـب خــوي الـجـنـب.؟؟؟؟؟؟
مايـنـكـر الـخـــوة الا جــــاهـــلا والــعـــيـوب
هـذي جــريـــدة حــيـاة وذي جــريـدة شمـوس
والنـاس يكـثـر بـلاهـــا وانــتــفــيـض(ن) لـهـا

الــبـــدع بــــــن ثـــايـــب

مـجـار مـافـيـك عــيـب الا عــفــيـفً نــظــيـف
وامـا عـيــوبـي فـــعـــددهـا وتــلـــقـى جــزاك
والعاقـب اللـي مايخـفـر صــاحــبـه مــالـذنـوب
اكتب على الورقـات اسمــك ورقـم الــجــلـوس
ولاتــــرى دقـــهـــا يـــركـــب عــلــى جــلـهـا

الـــــرد بــــــن هــضــبــان

مانبغـي الا الجمــيــل نـــظـــاف ولا نـــظـيـف
امـا بـيـده الـنـــظـــام عـــفـــاك ولا جــــازاك
يابـو منيـف الـكـلام الــجـــزل والــفـــذ نــوب
امجلـسـيـن الـقـــيـام يــقـــومـــون الــجـلـوس
ميـر المصاخـيـن بــنـحــضـر عـــلاج(ن) لـهـا

الــــبــــدع عــبــدالــواحـــد

تـعـال دور تــمـر واعـــطــيـك تــمـرً ولــيـف
دور علـى انــســـان يـامـــادورك واحـــتـراك
آربــهـــا ســـيـــلـــت وديــانـهـا والـشـــعـوب
ترى الـذي قـابـل الــعـالـم بــوجــهً عــبـــوس
ماهـو بـحـول الــنـجـوم ولامـــحـــاذ(ن) لـهـا

الـــرد صـالــح بــــن عــزيــز

الــديـرة اللـي مــهـــاجـــرهـــا يــدور ولـيـف
الارض والــعـرش فــيــهـا رجـــةً واحــتـراك
من ظلم هذا الزمـان وجـور بعـض الــشعـوب
قومً تحصــل نــهـار الحـرب والــمــنـع بـوس
اظــلـم عــلــيـهـا الـــزمـــان ولامـحـى ذلـهـا

الــبـــدع بــــــن ثـــايـــب

بدّك تجينا في بيشـة ذا السـنـة فـي الـخــريـف
ثـم اقتضـي منـك يــابـن ســعـــود ولاعـــفـاك
البـسـك درع ولا اكــســيـك غـــتـــرة وثــوب
ياوجد حالي مــاعــــاد يكـون ضـرب البقـوس
آحـب زيـنـــب وزيـــنـــب شــــايـل(ن) دلـهـا

الـــــرد بــــــن هــضــبــان

ياعمـدة الريـف تــرانـا عــنـــدنـا شيـخ ريـف
وان كان ماعنـدك عــلـومً فـــعـــلــمـي عفـاك
يــالله تـمـــحـى ذنـــوبــي وآتـــريـــح وثــوب
لا والله الا رضـي سـيـدي بــركـب الــبـقـوس
عـــوّد يــخـــلـي عــــلــــومً كــــان يــــدّلـهـا

الــــبــــدع عــبــدالــواحـــد

جينـا لـبــيــشـة وقــالـوا راح يــم الـعــطـيـف
تشد من بيشـة لاقـالـوا ابـن ســحــبـــان جـاك
ان كـان مـاودك الا بــالــزعــــل والـــحـروب
فابشر بموتً حمر وابـشر بــحــربً ضــروس
جـوّد حصـون الحـريــرة قــبــل نـــحـــتــلـهـا

الـــرد صـالــح بــــن عــزيــز

يامن شرد من صقيـل السيـف يـم العـــطــيـف
ياليـل غـاب الــقـــمـر مـــاتـــوي الا دجــــاك
بيشة في ديارنـا ماهــي فـي ارض الـحـــروب
لكـن خلـوا صريــف الانـيــبـة والـــضـــروس
واحموا جبال الصوايـر قــبـل نـحـــت(ن) لهـا

الــبـــدع بــــــن ثـــايـــب

حاشـاء وكـلا تـرى مايتــقـي الا الـــضـعــيـف
وان زرتنـي فـي مـحــلـي ســهـــل الله قــراك
لوكنت سربـوب قلنـا مــاكـل(ن) لـــه حــبـوب
لكنـك رجـال بـن رجـال تــصــلـح جـــاسـوس
شرفت بلخزمـر اللـي كـنـــت شــيـــخ(ن) لهـا

الـــــرد بــــــن هــضــبــان

ماعافت الارض منـا لـو مــن الارض عـــيـف
ياخطنـا مافهـم مـضــمــــونــــك الـلـي قــراك
اليـا زرعنـا حصدنـا مـن جـمــيـع الــحــبـوب
ياراعي البـر لـو فــي حــبــكـم مــاجـا سـوس
بنقول هـات شي مـن احــبـــوبـك وشـي خلهـا