[سالم الدوسي]

[poem=font="Arial,5,black,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]
هيضني على حبر القلم وابيـض القرطـاس=
شـيء يرفضـه فكـري ونفسـي يحزبـهـا =

يكـدر صفـا نفـس ذعاذيعهـا النسنـاس=
وصــدر وْجعـتـه للرفـيـق يتعايـبـهـا =

لا صار إن رفيقك يسمع النجـر والمهـراس =
ويدري انك مريض وخطوتـه عنـك يجنبهـا =

وبينك وبينه مـا تلايـس دجـى الاطمـاس =
تشوفـه وتكـوده دلــة مـعـك يشربـهـا =

لا مّـرك لا كنّـه مجـرم شايـف حـبـاس =
او راجـيـه يعطـيـك بيمـيـنٍ مقطبـهـا =

مرجـي مـدّه الله لا يمّّـده ردي الـسـاس =
ولـو مدهـا حـرمـت منـهـا وراح بـهـا =

أنا في غنـاة الله عـن عساسـة العسـاس =
لا نيـب اترجاهـا ولا ارجــي مكاسبـهـا =

الله خير منهـا لـو تجرعـت مّـر الكـاس =
ولوعـات الدهـر كـلٌّ تنـوشـه مخالبـهـا =

تعلمت من عثـرات وقـت الرجـا واليـاس =
ولقـعـاتٍ لياليـنـا علـيـنـا تقلـبـهـا =

أيام على مـا طـاب وأيـام فيهـا اتعـاس =
وحكـم الله مـقـدر و المكاتـيـب يكتبـهـا =

ويومٍ ساطعٍ نـوره ويـومٍ ضحـاه ادمـاس =
ويـومٍ يبكـي عيـون تضاحـك حواجبـهـا =

فمرّ ابنا المرض واليسر والعسـر والافـلاس =
واحتجت اصدقـاي وحسبـت لـي مصايبهـا =

وبان الوفـي و الخايـب العايـب الهـلاس =
يـوم انهـا تثنـت تحـت الاحمـال غربهـا =

فحيٍّ قبلنـا لبسـوا دروع القنـا والطـاس =
شافوا مـا نشـوف مـن التجـارب غرايبهـا =

فلا طال المـرض وألا حـداك العسرللنـاس =
اكـبـر تجـربـة ودك صديـقـك يمربـهـا =

لواني على الغالي من الناس ماارضى الباس =
لكـن لا عـرف منفوعهـا قــال مطيبـهـا =

تظهرلك من بحور التجارب ذهـب ونحـاس =
وتعرف نظرتك في الاصدقـاء قبـل تجربهـا =

ورفيقك ليا صارت حبـال الزمـان مسـاس =
تعـرف رفقتـه وتــرد بعـديـن واجبـهـا =

كانه لك يجـي دون القواسـي ذرى ولبـاس =
وذخـر لـك لا خيلـت المفاليـس بقربـهـا =

هذا رفقته ترفع مـن الأرض فـوق الـراس =
قـريـب يبـيّـن وقفـتـه قـبـل ترقبـهـا =

وكلنّه كمـا قـال المثـل رفقتـه مجـلاس =
هـذا والله اللـي يـوجـع الكـبـد يتعبـهـا =

لا منّه مـا شاركنـي بالأفكـار والهوجـاس =
وحـس بوجعتـي قـدام غيـره يحـس بهـا =

فلا خير في رفقـة رفيـقٍ بـدون احسـاس =
لا جـت حاجتـه حتـى التحيـة يشـح بهـا =

لا بار الزمان و الأصدقاء وانقلـب الألمـاس=
معـادن صـدا ادنـى مـا كسرهـا وخربهـا =

وقالوا رفيـق ورفقتـه مـا بهـا نومـاس =
ودي ان عزوتي ما هـوب ينسـب لمنسبهـا =

هذور المجالس لا جلس فـي القفـا بـلاس =
تـارك موجبـات وغرتـك مـن عقاربـهـا =

تخدعنا به النظـرة و هـرجٍ بـدون قيـاس =
ولا جانـا قضانـا حاجتـه حيـن يطلبـهـا =

ولا حدك عليـه الله لقيتـه خبيـث اجنـاس =
وخسارتـك عنـده وقفـة مــا يحسبـهـا =

اقولـه وانـا مانيـب حاتـم ولا جـسـاس =
و لانــي باتنـبّـا بالفعـايـل واصعبـهـا =

ولانـي براعـي ملـة مـا لهـا مقـبـاس =
و لانـي باعاتـب مـن تــردت مذاهبـهـا =

اعاتب زمـان فـوق روس الصواطـي داس =
وحتـى اصحابنـا خـرّب علينـا دبايبـهـا =

وكسا الجوخ ودروع القنا لابسيـن الـلاس=
وبرّق فـي شـداد اهـل الشـداد ومراكبهـا =

وجا في الكدش اصايل واصهلت كنها الافراس =
تـراكـض مسامعـهـا تـعـدّى ترايبـهـا =

وجت البومة الخرسا وحلـت وكـر قزنـاس =
وجلـس فـي مجاليـس الطحاطيـح خايبهـا =

وتلبّـس لبـاس معربيـن الجـدود بسـاس =
وطالت هامة اللي ما وصـل لاصـل منجبهـا =

ودارت مكرة الهزعـات بمقطعـة الارمـاس =
اللـي صيتهـا يطلـق لحـاهـا وشرّبـهـا =

وبدى في مباديهـا دلوبـج وطنـج ادنـاس =
و اضحكهـا الزمـان وطمعتـهـا مراتبـهـا =

فلو ان الأمر بيدي قطعت شجـرة الانجـاس =
وحاربتهـا فـي كـل بقعـة تعيـش بـهـا =

وريحـت خلـق الله مـن النـذل والنـداس =
ووصيّـت مـن يسمـع خبرهـا يحاربـهـا=
[/poem]
.
.
.
.
.
.