البدع حوقان
كل من الناس سمع صوتي وشاغيبي
يـا مـا بـدعـنـا فـي الـمـعـنى وغـنينا
وابـغي عمل كل ما جيـته نـشـيـطاني
وا حيل عن غـسـلة الـمـيـت وكـفـانه
الرد البيضاني
لا عـاد تسـوي لـنا دعـوى وشاغيبي
والى اصطـلحنا عن الـقـاضي تغانينا
اى لون بعض الخـلايـق لون شيطاني
لـو كـانـت الخـتـمـه دايـم بـين كـفـانه
البدع حوقان
الـلـه يــا مــا بــحــبـانـي ويـا مـابـي
ما دمت اشوف الفنون لـها نـشــاوينا
وصـاحـبي مـا رحـم روحـي وكـفّاني
يـزم عـمـره وصـاف ومــضّـغ لـبـانه
الرد البيضاني
دوايـســك صـفّـيـت يـا بـر يـا مـابي
الا فحـب البـحر ما ادري نـشـا ويـنا
وانا معـي مـزرع الحـنـطه وكـفّــاني
والنـخـله مـتـفـوقه والمض .. غلـبانه
البدع حوقان
بـدا بـك الـعـيـب يـاضرسي ويا نابي
آثـار شـره عــمــد مــا بــيــنـنـا بينا
ياليت راعي الطبـابـه مــا يـلـيـمـاني
وكـل مـا زال شـره عــود امـــكــانه
الردالبيضاني
آنــا وحــوقـــان لا نـــيــد ولا نـابي
لا تــزعــون الــمـحـفــه بـيـنـنا بينا
ونا معي ثلب عـود مــا يــلـيـــمـاني
والمرسـدس يـنـسـمع حسه ودم كانه