[سالم الدوسي]

[poem=font="Arial,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يالله يامن خلق جنه ونار =
رب الارباب صداق الوعود =
والليالي خلقها والنهار =
كل يوم وهي تصبح ورود =
وافتكر كم نشا فيها وسار =
واصبحوا من وراى صم اللحود=
ناس مكتوب في دار القرار =
والمظللين في شب الوقود =
ويل من خذ كتابه باليسار =
يوم العضام تشهد والجلود =
واهل الايمان يلقون الوقار =
والمعارج وجنات الخلود =
تاتي بزخرف وتدني بالثمار=
واهلها في ملذات وقعود =
زعت هيضي وفي الهيض افتكار=
مثل جم غزير من عدود=
والا مثل الذهب عند التجار =
والصوارف يعدونها عدود=
ما تلاعبت به مثل القمار =
واذكر الله وانصبت الشهود =
كان ما جا يغدي عند جار =
والفتن حثها مثل الرعود =
والميه ما يعدون القفار =
والمسافر على اهله ما يعود =
واليوم اغرابنا خلف البحار =
في بلاد النصارى واليهود =
لو يسلمهم الله مالعثور =
ماحدا قال حطو ياوفود =
هيبه الله جت قفر ودور =
واسلموا ثم هيبة بن سعود =
النمر ما يجي الا بالنمور =
والفهد ما يجي الا بالأسود =
الصقر ما يجي الا بالصقور =
والاسد ما يجي الا بالاسود =
عادت امسافه السبعه الشهور =
سبع ساعات تاجي بالجرود
بالله يا كل جاهل كن حذور=
لا تدور في اعلام نكود =
لو يبورون غيرك لا تبور =
واحفظ السد عن جمع السدود =
احفظ النفس لا تبني لك قصور=
لا تربخ رسنها والقيود =
واربح النفس في دنيا الغرور=
ما يورث بناها الا الودود =
ارجم ابليس بالسبع الحجور =
في منى ما حده الا الحيود =
كل حلوه عواقبها المرور =
والمرده من الهدا سنود =
تلاعب بنا دنيا الغرور =
واركبتنا خسارات وفود =
قو صبرك عليها ياصبور =
وازهم الله وقله ياودود =
واختم قولي بمفتاح الصدور =
ذا سرى به وخلق الله رقود =
نور من نور يعلى كل نور =
وتصل من جدود في جدود =[/poem]