[سالم الدوسي]

قصيدة نصيحة لابنه الاكبر "خلف"

[poem=font="Arial,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
أرتج قلبي مثل ما ارتج شعب الضيمران=
يوم هزته المعدات وتناثر حصاه=
من علوم شفتها في الغبا وفي البيان=
ريت منهو يطلب الستر واعداه اقرباه=
ان سكت عنهم يدور الستر قالوله هدان =
وان هرج قالوا تعدى ويامكبر خطاه=
وان مشى في مشيهم زاد طور الامتحان=
وانقضى عمره وهو مالحق معهم مداه=
والذي يتعرض اهل الفتن من غير شان =
لابدى خيره ولا كف عن الخصمين اذاه=
منظره في الوجه وان غاب مثل العقربان=
يلدغ الانسان بالغيب ما حي يراه=
ياخلف بوصيك مني وصاه من اللسان=
افهم ان كان قلبك يحرز للوصاه=
اولا دينك تراه البدي عن كل شان =
اعبد الله الذي ما حد(ن) يعبد سواه=
والصديق صله ولو جا منه عرض الزمان=
عامله بالطيب والرفق وتحمل اذاه=
كل شي يفنى وتبقى الجميله والإحسان=
والجدار الزين يبقى ويفنى من بناه=
وبن عمك راعي الرأي والعرض المصان=
لاتحسب زلته وأجعل الدنيا فداه=
والحذر تجفى بضيفك الى من جاك عان=
ابد بالترحيب لو كان ماتلقى عشاه=
والجماعه لا بغو منك شي خلك حصان=
لاتعاندهم وتغدي لهم مثل الحزاه=
الجماعه من توطوه سار لهم مهان =
من عدل عن رايهم وأختلف هذا جزاه=
وأعلم ان الحر يمشي بلا قود العنان=
ينتبه للدرب قدام تلحقه العصاه=
ذي وصاه آقولها وانت خذ علمي سنان=
والقدر ما حد درى ويش قربه من بطاه=
واماانا يابوك شيبت والله المستعان =
والفتى لابان شيبه تقارب منتهاه=[/poem]
.
.
.