[سالم الدوسي]

هذه المحاورة في فن ( القلطة ) دارت بين كل من: شاعر النظم الكويتي
سعد بن علوش الهاجري وشاعر العرضة والمحاورة والنظم السعودي
إبراهيم الشيخي وقد جاءت على النحو التالي:

[poem=font="Arial,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

سعد بن علوش:=
-=
يا ابراهيـم مـادام الليالـي تـدور=
... إدع ربك عسـاه يوسـع فجوجهـا=
شاعرٍ ممتلي حب وطموح وشعـور=
... كل ما شاف حلوه قال انا زوجها=
-=

إبراهيم الشيخي:=
-=
اجعل السر في مستودعات الصدور=
... لا يهورك طيش الناس وهروجهـا=
لا تزوج بحلوة مع غـلاء المهـور=
... ما معك سعر حناهـا ولا روجهـا=
-=
بن علوش:=
-=
راعي النخل ماهو شرط بايع تمور=
... وعاقل القوم ما يضحكْـه مرجوجها=
لاتسوي مثل مجنون سبع البحـور=
... يحذف حصا شواطيها على موجها=
-=
الشيخي:=
-=
بين حب الظهور وبين قصم الظهور=
... حجةٍ ضحـك فالجهـا بْـمفلوجهـا=
سيري يا بواخر وانتظم يـا عبـور=
... الرياح استقـرت وارتكـد هوجهـا=

بن علوش:=
-=
لا يطفون نور ولا يحطون سـور=
... ما بقا في الاراضين أرض وادوجها=
الفتن اصبحت تضحك ولاة الامور=
... انتظر شوف يأجوجهـا وماجوجهـا=
-=
الشيخي:=
-=
انت محدٍ يلومك لو شهادتـك زور=
... المحاكم معـك مفتـاح لدروجهـا=
لكن بحكم قربك من طوال الشبور=
... كيف تسمح بنصر الغرب وعلوجها=
-=
سعد علوش:=
-=
يعلم الماورايـات ربٍ غفـور=
... لا تدقـق فعادلهـا ومعووجهـا=
ودك ان الجماله ما تسوى بشور=
... هذي هي الرجال وهذا هو فوجها=
-=
إبراهيم الشيخي:=
-=
المهم لا يجي بيني وبينـك فتـور=
... وانت دولـه بثروتهـا ومنتوجهـا=
كل من شال سيف وحط رايه يثور=
... اعذر الخيل لا ضاقت من سروجها=
-=[/poem]