من احلام ابو احمد

[ابواحمد]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
البدع ابو احمد=
لليلة البارحه حلمت وانا بعرضه واحتفال=
وان من ينقع الزير ضيع الصف واتلخبط بدقه=
مدري وش مشكلة نقاع ذا الزير وش مثر عليه=
اثر شاعر من الشعار لابس عباه والعين كحلا=
ماسك الميكرفون وكان يبدع على الناس ويرد=
التفتنا على الجمهور والا وهم متصرعينا=
صارت العرضه عرض وعود الزيرفي اذني دق عود=
لكن الحلم ماطول وصحاني الشيبه بعصاته=
قال قم صل واسرح بالغنم لا تجيني الا عشا=
ستر الله لو كملت حلمي وش الي قد جرى=[/poem]

ارجوا من احد الشعار الرد على القصيده

[ابو نواف السعدي]

خذ الرد يابو احمد
والمعذره على القصور
هههه!!

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الرد/بن سعدي=
ليت لي من مغاتير البدو يابواحمد بحت فال=
وانضم ابيات في مدح المغاتير بعنايه ودقّه=
كل وصفا من وصوف المزاين حرصت اعثر عليه=
ربما ان المزاين يابواحمد تعود بعينك احلى=
اعرف ان الذي مثلك يصدّر مع الذود ويرد=
وانت لاعاد ترقب مجهماً حايله وتصر عينا=
ارغب البكره اللي كل حولا تولّد لك قعود=
والجمل لو عقلته قام يهدر على الذود بعصاته=
واما راعيه مايهنى صبوحه ولايهنا عشا=
ليتني ماشربت الفال والا قدحت المنجرى=[/poem]

محبكم ابونواف

[ابواحمد]

وانت لاعاد ترقب مجهماً حايلـه وتصـر عينـا
ارغب البكره اللي كل حـولا تولّـد لـك قعـود
الله الله

رااااااااااااااائع يا عملااااااااق القصيده كل بيت يعبر عن قصيده
وهذه البيتين لها وقع خااااصلله درك

[محمدعبدالرحمن]

يالطيـــــــــف

كويس ان الحلم ما اكتمل بابواحمد هههه

صح لسانك ولسان ابونواف

تقبلا شكري واعجابي

[سعيد قشموع الزهراني]

رد على قصيدتك ياأبو احمد


والله ياللاش لو تأكل نهارين مابيحت فال:
حتى لوتأكل النعمة بكفيك ماتأكل بــــدقة:
والطعام الذي تأكله بسم الله مايذكرعليـة:
وان نشدته يقول انه عزوبي لحاله مانكح لا:
وانت لوقلت بأجي لك زياره يجمد مايرد:
يختلف لون وجهه لوتجي زايراّويصرعينا:
كنه أبيخسرالدنيا وهو ماقدريخسرقعود:
وأن بغيت انصحه للخير عوديقابلني بعصٍاته:
قال روّح تراء ماعندنا لافطـــور ولاعشــــاء:
وأكتشفت إنه الملعون نصاب ســـرّاق أدجري:

[ابواحمد]

اقتباس: المشاركة الأصلية كتبت بواسطة سعيد قشموع الزهراني      رد على قصيدتك ياأبو احمد والله ياللاش لو تأكل نهارين مابيحت فال: حتى لوتأكل النعمة بكفيك ماتأكل بــــدقة: والطعام الذي تأكله بسم الله مايذكرعليـة: وان نشدته يقول انه عزوبي لحاله مانكح لا: وانت لوقلت بأجي لك زياره يجمد مايرد: يختلف لون وجهه لوتجي زايراّويصرعينا: كنه أبيخسرالدنيا وهو ماقدريخسرقعود: وأن بغيت انصحه للخير عوديقابلني بعصٍاته: قال روّح تراء ماعندنا لافطـــور ولاعشــــاء: وأكتشفت إنه الملعون نصاب ســـرّاق أدجري:

صح لسانك وبيض الله وجهك