ابن عمي

[جــلــجــل]

ياقـــبايل ياوجوه الخــير جاني زلةٌ وتـــــــعوب
أحترق منها فوادي مايطــفّيه الـبحر وامواجـــه
وانزرع في خاطري من شجرة آلآحقاد مية عود
ماجت الا من ولد عمـــي والا ياليتـها من غيره
كان بتـــحاسب وباخذ حــــقي الوافي وبقتضي
والله واقسم به ثلاث ايمان وآزيد بثلاث ايماني
انها لو جات من غيره لياجي فالعــــــلوم علوم
كل عام يكرر الغلــطه وانا اقول ان هذا بن عم
كل ماجــا زلةٌ غمضـــت عيني وابتلعـــــــــتها

[*ابو ماجد الخزمري*]

يشر فني الرد على قصيدتك وهاذي اول مشاركه لي معكم
اذا فيها نقص كملوها وجملوها
واذا هي وافيه انتم اهل الوفا



الرد:

لو بلعت الزله ياجلجل من ابن العم ماتعوب
:
وانتبه من نزغة الشيطان يحصل معركه وامواجه
:
صفّوا الخطر وخلوا النهل لو جف فيه ميّ اتعود
:
اكثر الضيقات تاجي من حسد والا تجي من غيره
:
لا تقول آ بفني الايام في كرهه وبقتضي
:
انتبه لا يضحك الشامت بكم وانتم طوال ايماني
:
وابن لك بيتً من الامداح وانصب فوقه العلوم
:
هذا ردي في الخبر ودك نخص العلم والا بنعم
:
مايفيد ان كان نارك كلما اتصوبت لعتها

[جــلــجــل]

شكرا على الردود الغير متوقع ولكن شارك معي على هذا القاف شويه ياابوماجد (الخزمري):

لاتقول الا عســـى الله يصلح النـــــيات والقلوب
والله لو يختل ميزان الحياه وتجي عليك الحاجه
تكتشف ثلثين ربعـك حزة الزحمه ماهو موجــود
مانطقت ايلين ريت العلم مايصــبر على تاخـيره
كم لي اناظر بعيني في هذا الـــسيره والاحـظي
وآنا مستعصم بربي ماتجيني نزغــة الشـيطاني
آتوكل وادعي الله مايخيّــــــــب دعوة المظــلوم
وانت ماحد وكّلك وش فيك تشتال الثقال وتهــتم
وش معك شلّــيتها من عند غيرك وانتقــــــلتها

[*ابو ماجد الخزمري*]

اقتباس: المشاركة الأصلية كتبت بواسطة جــلــجــل      شكرا على الردود الغير متوقع ولكن شارك معي على هذا القاف شويه ياابوماجد (الخزمري): لاتقول الا عســـى الله يصلح النـــــيات والقلوب والله لو يختل ميزان الحياه وتجي عليك الحاجه تكتشف ثلثين ربعـك حزة الزحمه ماهو موجــود مانطقت ايلين ريت العلم مايصــبر على تاخيره كم لي اناظر بعيني في هذا الـــسيره والاحـظي وآنا مستعصم بربي ماتجيني نزغــة الشـيطاني آتوكل وادعي الله مايخيّــــــــب دعوة المظــلوم وانت ماحد وكّلك وش فيك تشتال الثقال وتهــتم وش معك شلّــيتها من عند غيرك وانتقــــــلتها

لي الشرف وانا اخوك
لاكن تراني باقي اتعلم ماوصلت للدرجه هاذي


الرد ابوماجد
:
:
الله وآنا اخوك يحفظنا من الميلات والقلوب
:
ادري كم واحد نصيته وقفل بابٌ وثيق الحاجه
:
ياوجودي يارفيقي كان من خصمك بعد موجود
:
جعل في الانصاح خيره كان ياجلجل بغيتا خيره
:
في زمانٌ كم فتى دور له نصيحه ولا حظي
:
البحر لوزاد موجه يارفيقي غرّق الشيطاني
:
وآنا لو ولّعت شمعه ما تنير المنزل المظلوم
:
قصدي آدلك لدربٌ به تقابلتم ولاكن تهتم
:
وإ لا مالي مصلحه ياشيخ جلجل وانت قلتها

[جــلــجــل]

ماشاء الله عليك لكن لاتروح بعيد

انت متحيّن ومتــــــنكّر بثوبٌ مــــــــاهو الك ثوب
وآنا مالي خصم ياخذني على غــــرّات في مدراجه
وانت لو نكشفك قرّبنا لك الشرهات والنــــــــــقود
آنا شــاعر لاحضرت يدق شيخ الانس والجن زيره
والخيول الفين تجمح قبل عيني والـــــف رايضي
وآنا ماني في حرا فزعه من ابن فلان وابن فلاني
وان بعض الناس لو يمديه يقــطع رزقي المقسوم
وانت في قصدك تغيّر جوّنا وتعكّره وتســـــــمسم
ليش داعـيت النــــــشاما في بلــــدها وابتلــــيتها

[حسن الجابري]

الله اكبر الله اكبر تسلمون يانشاما واصلوا واحنا متابعين الذوق الرائع

[*ابو ماجد الخزمري*]

اقتباس: المشاركة الأصلية كتبت بواسطة جــلــجــل      ماشاء الله عليك لكن لاتروح بعيد انت متحيّن ومتــــــنكّر بثوبٌ مــــــــاهو الك ثوب وآنا مالي خصم ياخذني على غــــرّات في مدراجه وانت لو نكشفك قرّبنا لك الشرهات والنــــــــــقود آنا شــاعر لاحضرت يدق شيخ الانس والجن زيره والخيول الفين تجمح قبل عيني والـــــف رايضي وآنا ماني في حرا فزعه من ابن فلان وابن فلاني وان بعض الناس لو يمديه يقــطع رزقي المقسوم وانت في قصدك تغيّر جوّنا وتعكّره وتســـــــمسم ليش داعـيت النــــــشاما في بلــــدها وابتلــــيتها

انا حولكم ماني بعيد لاكن انشغلت واعذرني على التاخير

واستلم الرد:


الثواب من الله المعبود مبغى من جنابك ثوب
:
واللي يتمدح بزور بعد يعوّد بالعلوم ادراجه
:
من مدح نفسه بكذب كما اللذي يزور النقود
:
ياجلجل حتى الدركتل ينكسر من النشب جنزيره
:
العن الشيطان ياجلجل وصم واقض الفرايضي
:
آنا ودي ازرع الصحراء خزاما وازرع ابنفلاني
:
حتى لو جاني من اصحاب العيون اللي ترامق سوم
:
ليش تبغى تاكل السمسم وتضمى من مرارة سمسم
:
وانت بيدك تمرةٌ صبيت سمنك وابتليتها

[عبدالرحمن بن مساعد]

آنا شــاعر لاحضرت يدق شيخ الانس والجن زيره

انا أشهد أنك شاعر متمكن



ياجلجل حتى الدركتل ينكسر من النشب جنزيره
.
.
.
وانت بيدك تمرةٌ صبيت سمنك وابتليتها


أخي جلجل , أخي ابو ماجد
قمة الإبداع والتميز
واصلوا ونحن متابعين ومستمتعين 0

تحياتي لكما ,,,

[بحر القوافي]

جميل جدآ منك يا جلجل

[جــلــجــل]

اقتباس: المشاركة الأصلية كتبت بواسطة عبدالرحمن بن مساعد      آنا شــاعر لاحضرت يدق شيخ الانس والجن زيره انا أشهد أنك شاعر متمكن ياجلجل حتى الدركتل ينكسر من النشب جنزيره . . . وانت بيدك تمرةٌ صبيت سمنك وابتليتها أخي جلجل , أخي ابو ماجد قمة الإبداع والتميز واصلوا ونحن متابعين ومستمتعين 0 تحياتي لكما ,,,

يعطيك العافيه شكرا على المشاركه