من قبيلة بني حسن

[هاشم الزهراني]

كم احببت هذه القبيله العريقه
بني عدوان احباب على قلبي جميعا

احببت اهداء هذا القصيده العريقه كأول مشاركاتي في مجلس بني عنوان

حيا الله اللي يكـرم الخشـم والـراس
بالعـود والعمبـر وطيـب السريـره
وحيال الله اللي حـط بنـن بمحمـاس
واروى عطاشا الكيف صبح وظهيـره
وحيال الله اللي يعطي العلـم بقيـاس
ما هو بثرثـار(ن) عديـم البصيـره
وحيال الله اللي لا استمع قول بهمـاس
يجذبك فـي حسـن استماعـه لغيـره
وحيال الله اللي لو زعل يكظم أنفـاس
ويهـد غيضـن بالحشـا يستثـيـره
وحيال الله اللي دوم يعفي عن النـاس
من طيب نفسن بيـن جنحـان طيـره
وحيال الله اللي ما حوى حسد الانجاس
لافـي لسـان ولا حنايـا ضمـيـره
وحيال الله اللي يقنص الدسم لوجـاس
ويعطي رفيقـه قبـل مـا يستشيـره
وحيال الله اللي لي ولك ستر والبـاس
في يوم ينكـر قلـب خلـن عشيـره
وحيال الله اللي ما وطى درب الانحاس
ولا يـعـذب بالمـلامـه خشـيـره
وحيال الله اللي لنعقد مجلـس البـاس
حـل الصعـاب الكايـده والخطيـره
وحيال الله اللي راس في كل مجـلاس
إن كان فـي ربعـه وعنـد العشيـره
وحيال الله اللي لا اصبح الليل عسعاس
يرجـي كريمـن كلـنـا نستجـيـره
اقولهـا ويقولهـا بـعـدي الـنـاس
يا بـن عصيـدان المبـارك مسيـره
واقولهـا ويقولهـا بعـدي الـنـاس
يا امبارك المحبوب فـي كـل ديـره
واقولهـا ويقولهـا بعـدي الـنـاس
يا ولد منسـي منبـع الجـود خيـره
ويالله ياللـي مرسلـن نـوح واليـاس
وارسلت (طـه) بالرسالـه الاخيـره
ترحم عظام أهـل الوفـا والتنومـاس
يـوم الحرايـب ثايـره مستـديـره
اللي بنو مجد الكرامـه علـى سـاس
يوم الـردي متلويـن فـي حصيـره
واللي تعلوا مسرجات مـا الافـراس
والخايـن بديرتـه يرعـى حمـيـره
واللي سقوا فوج العدو غصب من كاس
لقـي بهـا العـادي نهايـة مصيـره
يوم ارسل الباغي جنـوده بقرطـاس
يتهـدد أهـل المسرجـات المغيـره
وقالوا تودون الضرايـب والامكـاس
وتعطـون للطاعـه عهـودن كثيـره
والا ترانـا بالحرايـب لنـا امـراس
وللجيش متصـرف وعنـده ذخيـره
وجا بالنصايح كل هذنـوب منحـاس
يبغي ذراع المجـد تصبـح قصيـره
يحلف ويقسم ما معـه كـذب وادلاس
وهو علومـه عـارف انهـا كسيـره
ما كان يعـرف للكرامـه ولا سـاس
ولا يعرف ان السبـع بطشتـه جيـره
وفي شبرقه صاحوا مضوين الاقبـاس
والله مـا نعطيـك كسـرة شعـيـره
لكـن ياجـي بيننـا حـرب وادراس
نطحن بهـا الباغـي وندهـك نذيـره
واقفى وهو مدحور يجتـر الاحـلاس
منكوس راسـه شافـق إنـه يديـره
وأهل الكرامه بين حصنـن ومتـراس
شبوا ليـوم الحـرب نـارن سعيـره
وأمسوا على عز وكرامـه ونومـاس
وابني حسن بـرق ولضـا مستطيـره
واتوافدوا زهران من كل الاضـراس
يوم أنطـق الحـراب طبلـه وزيـره
والفوا على منزل عصيـدان حـراس
وقالوا نحن عونك على أهل الجريـره
واصبح صباح الخير والمجد نبـراس
يمحـي ظلامـن حالكـن بـه قتيـره
واتلاحم القيفين ضرسن مع اضـراس
وانشل ضرس أهل الردى من حجيـره
وأمسا احمد الباشه بعد عـز ينـداس
وانهـد فـي قبـره وكفـه كسـيـره
واتبادروا غامـد وزهـران الافـراس
والباقيـه تـدري بهـا كـل ديــره
واقبل زمان الخيـر للـدار والنـاس
بابن السعود اموحـد أهـل الجزيـره
اللي حماه الله مـن الجـور والبـاس
واعطاه نورن ساطعن فـي ضميـره
شيخن عليه امن التقى نـور والبـاس
يصبـح بقـول الله ويمسـي بسيـره
يشهد له الموجود واللي لـه احسـاس
ويشهد لـه المضيـوم بانـه مجيـره
ويشهد له العالـم بعلمـه والامـراس
ويشهد له أهـل المعرفـه والبصيـره
ويا الله ياللي محصين كـل الانفـاس
تجعل جنان الخلـد تصبـح مصيـره
تمت وصلى الله على نور الاطـراس
محمـد الهـادي جـلا كـل حـيـره

[عدوان بن زهران]

صح لسسسسآإنك يالحسنـي
قصيدهـ جزلة .. يعطيك العافية

وحياك الله في مجلس العداوين المطاليق

ويا مرحبا هيل عداد المطر والسيل

أرحبوووووووووو مليووووووون

[ساهر]

صح لسانك

وهلا بك والدار دارك

[الهفوف]

مرحبا هيل عداد السيل بك وبالقبيلة والشيخ ابن عصيدان. وكل طائر يعجبه وطواطه ، مجلسنا واسع وصدورنا أوسع من الأرض وإن ضاقت الديرة والسيرة واحدة والاسواق واحدة الربع في صحة وعافية الفالح والرايح والموظف كل في مجال عمله. والله أني هبطت السوق قلت بشتري لي طلي ابغي اهديه لرحيما معنا عنده زواج لولده ولقيت ولدكم ذاك مبارك يقم في الطليان من الف جملة ويبع تفرقة من الف واربع مئة والله لجبرت عليها وشريت وش اسوي شى لاهياك منه قرب نفسك منه . الجميلة يوم والفشيلة دائم .
الأمطار يجي الله بلخير الناوي على طلعة الأشتا وهه مرة غزيرة ومرة ديمة ومره تسوقه الرياح لين يطمي من فوق بيده و اظن حظ البدو زين فيهم بعد الحياة الغنم والأبل وزراعة الطماطم ويسرحون ويروحون والله مبارك في رزقهم أما أنحن يالحضر فحدث ولاحرج والله أنى أصحى الصباح ولا اشوف في الوادي الا راعيا مع ابن حطاب يسوق في خزلة معه ، اهجول الى الساعة تسعة وبعدهااعود اتلجغ حبة تميس اخذتها من عند شوكت ,، حتى المرة كن في خشمها سبلة حب حاج ما تكلمني الا من راس خشمها هذا ومن يمه .
جيتنا والله يحيك والله ما تروح لين تاكل قدرك . والله لويدرون عنك القبيلة انك زرتها ما تخرج الابعد سنة ولكن ابشر والله ما اعزم يكون جار لي . النفوس اهي متباعده حتى الاخو ما عاد يغي اخوه ،اشرب القهوة وابشر بمطلوبك
هذا وما نعقبه على علومك وزاد عفاك .

[عبد الكريم العدواني]

اقتباس: المشاركة الأصلية كتبت بواسطة ساهر      صح لسانك وهلا بك والدار دارك

[حوران]

صح لسانك يا هاشم الزهراني وحللت أهلاً ووطأت سهللً فحياك الله في قبليتك الثانية بني عدوان والله والنعم بك وبقبيلتك العريقة بني حسن
وتراني طالبك أن لاترد عزيمة أخونا وعريفتنا الهفوف تراه جهز الطليان ولالقيها إلا عند مبارك الله يخشعة في ذاك الغلا بس الله يكثر من أمثاله لأن يوفر لنا المطلوب ولو أنه مغلواني .
المهم الله يحييك
وتقبل خالص تحياتي وتقدير

[محمد احمد العدواني]

صــح لسانك ولا عدمناك
((مجلس بني عدوان))
يرحب بك أجمل الترحيب
و يتمنى لك وقتا سعيدا مليئا بالحب كما يحبه الله و يرضاه
فأهلا بك في هذا المجلس المبارك ان شاء الله
و نرجو أن تفيد و تستفيد
لك منا أجمل المنى و أزكى التحيات

[ابوماجد القحيم]

مرحبا بك ياهلا ومسهلا منور مجلسنا

[عدواني من زمن ماضي]

الله يحييك يالنشمي من ملفاك لى ملقاق
ونعم ببني حسن وشيخهم بن عصيدان
قصيده جزله ون كانت القصيده لك فانا
اسميك ابن ثامره هاالزمان والله يرحم
من دافع عن الحمى والبلاد والدار000

ابوابنا وصدورنا مفتوحه للمطاليق شرواك

[ملك الجنوووب]

صح لسانك
وان ما وسعك المجلس تسعك عيونا