@هبقه وقصيده@

[@بن عايده@]

,
,
,
,
,
,
,
,
,
,
,
السلام عليكم جميع..

النظر تحيه..

والله ماحد يقوم..

أما بعد,,,,,,,,,,,,,,,,,,,,,,

من من الشعار مامر عليه موقف..اثر فيه(سلبيا أو ايجابيا)..

فحفشت قريحته عن ساقها..وقامت تسعى..فتسارعت انفاسها..

وتمخض عن ذلك..بيت وللا اكثر من الشعر(قليلة العدد)..وهو ما يسمى بالهبقه الشعريه

وعليه..

بودنا لو يسجل شعار المنتدى المتقدمين والمبتدئين..مثل هذي الهبقات..(يفضل ذكر المناسبه)

اما عني..فعندي الكثير منها..نسال الله السلامة والعافيه..

فعلى سبيل المثال..

واحد من اعز الزملا..سوا معي موقف لن انساه ماحييت..

فكتبت..

يابو دوس الاصدقا مثل الدراهم مالهم عدد

والدراهم بعضها فضه وشي منها حديد ملون

والذهب نادر ولو موجود بعض الخلق ينكره

والذهب وان جا يقارن ندرته في ندرتك يالدوسي

يرفع الرايه ويضرب لك تحية حب واحترام

عملتك في متحف القلب اللي اغلاك احتفظ بها

وسلامتكم..

في انتظار ابداعاتكم..

[*** الصهيبي ***]

طيب طيب يابن عايده

اولاً صح لسانك وياليتك اضفت الرد مع هذا البدع المحكم الحكيم

وثاني شي مدري من وين تجيب هذي الافكار الجهنّميه

والتي تثري قسم موروثنا

اشكرك من صميم قلبي يابطل

عوداً لصلب الموضوع

الحقيقه ان اغلب القصائد تسجل لموقف معين

يمر فيه الشاعر اما في حياته الخاصه او تكون سبب لنتاج محاوره مع شاعر اخر

وهنا موقف حصل في احد المحاورات الرباعيه وكان من ظمن اطرافها الشاعر الكبير علي السبيه

المهم اختلف الشعّار اللي معنى في نقطه معيّنه وزاد بينهم الخلاف

وتسبب ذلك في قطع المحاوره

وماكان من القريحه الا ان كشفت عن سلاعيبها واليكم القصيده

[poem=font="Simplified Arabic,6,#780101,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / الصهيبي=
خابـرك يالسبيـه لادعينـا تقـــــــــــــــــــــول ابـشـر بـنـا=
ماتـرد الـذي ينخـاك والا تقـــــــــــــــــــول ابشـر بغيـره=
قل لقلب الصهيبـي يهتنـي باجمـل التعبيـر قـل=
والمعاني تجلّى علم واقـع ولاهـي علـم مخايـل=
يدرك القصد راع العرف في شرق والا في غروب=
ياعلي حاكم اهل الشر والمح لقلـب(ن) مايصالـح=
في غيابك لمحت اقلوبهم سود واشتـب غـي بهـا=
الرد / علي السبيه=
اختلف زادنا وارتاب لما تقولب شــــــــــــــــــــربنا=
وانتهـــــى العثري والمسقوي والبلاد اللي بغيره=
والمواريد شحّت واضمحلّت ومـــــــــــــاي البير قل=
ماعاد نفرح بهلاّن المطر والسحاب اللي مخايل=
اروتنا موية الصحه وعفنا السواني والغــــــــــــــــــــروب=
مادام التحليه حلّت لنا البحر واصبح ماي صالح=
خذ من الصحه واترك موية البير وشتبغي بها=[/poem]


ودام الجميع في رعاية الله
اخوكم
الصهيبي

[ابو نواف السعدي]

حياك الله يابن عايده
فكره جميله والصديق الوفي يستحق اكثر من هذا

الصهيبي
سلمت يالذيب بتواجدك نحن سعداء وممتنين لك بذلك
بعض القصايد وقعها قوي وتحل مشاكل كثيره
صح لسانك وافيه من راس وافي

اما مشاركتي فهي،،،،،،،،،،
سيارتي اتعبتي بالاصلاحات وفي الفتره الاخيره لم يمر على خروجها من الورشه الا اسبوع
وكنت محتاجها هذاك الاسبوع واكثر الشباب سياراتهم ماهي موجوده،،،،،
وخربت وتركتي وما تدري اني محتاج ولا تعرف الجميل ،،،،حديد في حديد
استغليت الموقف وقلت معاتبا اياها وشبيهها من البشر،،،،،

وجهين لعمله واحده

البدع/بن سعدي
ياصـاحبي ودي اخـبركم بعلــمن دهـاني
وخـذت من وقـعته حكمـه تنـاقل بالازمان
ترى الـصديق الذي ماهو بكـفو المـعاريف
لوكنت تعـطيه شـهد النـحل والا سمـن در
يرميك وقـت الـشدايد مايحـس انه اخطـى
مثـيل موتر تعـطـل بعد ماسـقـت له مـال
بغـيـت مـنه النـفـع لـكن عزمـه تلـف راح
هـذا وذاك اثقـلوا عالقلـب مالي بهم شان
وجهين في عملة(ن) وحده ذخرها خساره

الرد /بن سعدي
قلبي ترى منشرح وبجرعة الود هاني
جرعه تجي بالرضا ماهي بكر(ن)ولزمان
ياناس لاتجمعون اهل القساواه معا ريف
ولا تجعلو في قلوب الناس للياس مندر
باقي لنا فوق وجه الارض ساعات واخطى
بارفعك ياخاطري عن عيشة الذل والاهمال
والخاطر اللي مريض دواه ساعات الافراح
والقلب مسقوم ما يبرى بترك(ن)وهمشان
جيب له من اخباركم واخباركم ياخ ساره

تحيات اخوكم
بن سعدي

[@بن عايده@]

يالله حيييييييييييييييييييييييهم..

ارحبو يا دنادين المنتدى..

الصهيبي...........بن سعدي

اغرفوا لنا من بحوركم الواسعه العميقه...

واللي نشرب منها حلال زلال..من دون تحليه..

ما اقول اللا........

آنا لويتكم..

[@بن عايده@]

السلام عليكم..

استكمالا للهبقات..

اذكر في اجازه من الاجازات..انبسطنا بسطه..ما توصف..

ومن ضمن الاسباب..وجود ولد عمتي معانا..وهذا الرجل(أبو راشد)..

اذا ما حضر فهو ينفقد..

عالعموم..خلصت الاجازه..وحسيت بغربه ما يعلم بها الا الله..

فارسلت له:

ليتك امضيت وقتك يابو راشد مع ربعك بعيد

عيبك انك تعلقنا بحبك زمن وتروح عنا

ليت لك نسخة في كل ديره نسافر يمها
وسلمتم..

[شمالي]

حي الله ابن عايده
هذي اول مشاركة لي بقسم المحاورات
وربما تكون من مشاركاتي الاولى في منتداكم السامي
وانا من الشغوفين بمحاوراتكم ومن المتابعين لها
واتمنى ان اجيدها قريبا حتى اقارع اكبر الشعراء...((مبالغة قوية))

واشكرك اولا على الموضوع
واشكر الصهيبي وابن سعدي على ما قدموا من جميل الشعر
الله لا يجعل سيارتنا تنكبنا زي ما نكبتك سيارتك يابن سعدي

اما على الهبقات فهي كثيرة
ولكن ارجو ان تعذروني لان كتابتنا بالشمال بالشعر تختلف عن كتابتكم
ليست بدع ورد ولايكون فيها شقر
انما رد على نفس القافيه والموضوع للقصيده المقفاه المعروفه ذات الوزن الثابت

واليك الهبقة الاولى:
كنت في ديرتي معتاد الفجر اني اجلس مع مجموعة من عيال عمي واخوياي
فلما سافرت احدى المرات
بقيت سهران للفجر
ولكن ماكانوا عندي
فهاضت القريحه وشمرت عن سواعدها وساقيها وحتى عباتها
فارسلت لاثنين منهم هذه الابيات
وكل واحد رد وهو ما يدري اني ارسلته لخويه
فقلت انا
[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
[poem=font="Simplified Arabic,5,#000000,normal,normal" bkcolor="" bkimage="images/toolbox/backgrounds/1.gif" border="none,4,#400000" type=0 line=0 align=center use=ex num="0,#400000"]
طريت في بالي مع طلعة النور=وطرياك نوره مضوِ وسط بالي
والقلب في ذكراك داله ومسرور=وسطر فناجيل الغلا والدلالي
والذكريات الضيف والطيب منحور=ذبيحته طيب المعاني الجزالي
ياساكن بقلبي وصدري لكم سور=عيني تحرس وتحت امرك وصالي
والهجر ومسجونِ وخاسي ومدحور=والشوق سجانه ومعك الاقفالي
ياشوق عنقا مترفه عيونها حور=يابن الرجال اللي تفك التوالي
والله لو يومٍ بهالعمر معمور=الا اجيكم كان جالي مجالي[/poem][/poem]

فرد الاول وقال:
[poem=font="Simplified Arabic,5,#000000,normal,normal" bkcolor="" bkimage="images/toolbox/backgrounds/44.gif" border="none,4,#400000" type=0 line=0 align=center use=ex num="0,#400000"]
[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ذكراك شيدته مماليك وقصور=افرح اذا شفتك وينسر بالي
سطرت شعر المدح يالذيب بسطور=ياطيب السيره كريم السبالي
ياصاحبي ياعز من طاح مقهور=شرواك يذكر لامن اشتب صالي
ياشوق ريمن صادها اليوم محظور=شرواك بس اللي ظفر به ونالي
يالله يا منزل تبارك مع الطور=تحفظه عن ميلات سود الليالي
معذور لو قصرت بالقاف معذور=انت الجبل وانا سواة الظلالي[/poem][/poem]

ثم رد الثاني (وكان ابن عمتي)وقال:
[poem=font="Simplified Arabic,5,#000000,normal,normal" bkcolor="" bkimage="images/toolbox/backgrounds/42.gif" border="none,4,#400000" type=0 line=0 align=center use=ex num="0,#400000"]
[poem=font="Simplified Arabic,6,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
ان كان تطريني مع طلعة النور=مجبور انا بطرياك من شان خالي
طاريك يبني فالحشا مسجد وسور=امامها ذكراك لاما يزالي
قلبي وزير اوقاف لو طول شهور=في خطبة الجمعه ابد ما يبالي
ونصلي استسقاء لو تهجر الدُور=لاغبت ونصلي خسوف الهلالي
ياراس حرِ افجج الراس مشهور=ياراسيِ فالراس بالجو عالي
لك في صميم القلب قصرِ ومعمور=بطوب الوصال وطوب طيب الفعالي[/poem][/poem]

وسلامتكم جميع
عد انتم احكموا من الذي اجاد
هذي الهبقه الاولى
وهي غيض من فيض
بانتظار باقي الزملاء
وماقصرت يابن عايده عالموضوع الجميل

[*** الصهيبي ***]

الله الله الله

اطربتنا بهذه المقطوعات الشعريه يالشمالي

فالله يحييك ويامرحبا تراحيب الحيا

ومرحبا هيل عد السيل

الحقيقه ان قصيدتك وردودها قمّه فالإبداع

وتستاهل المدح اللي فيها

تقبل شكري وتقديري

ومرحبا تراحيب الغلا تراحيبٍ ما سكر بابها

اخوك

الصهيبي

[شمالي]

الله يحييك يالصهيبي
اخجلتني بترحيبك الحار
وماهي غريبه على الزهارين ولا على اللي عندهم

يالله وين المشاركات
قصدي الهبقات

انا ما اضيف هبقه الا بعد ما تجي هبقه جديده
بانتظار الشباب.......((والشابات اذا فيه))

[*** الصهيبي ***]

طيب طيب

إكمالاً للهبقات وتشمير القريحه عن سلاعيبها

هذي قصيده بدعها من الشاعر سعيد بن سالم ( الطائر المهاجر )

وردها مني

وسالفتها سالفه

السالفه ياطوال الاعمار

انّا كنّا متواعدين على طلعه انا وسعيد وبعض الاخوان التي ستورد اسمائهم في القصيده

وذلك قبل مايقارب السنه والنصف

وصاحبكم ماقد اخلف الميعاد والشاهد الله

لكن هذاك اليوم كنت (مطبق) طبعاً ماهو المطبق اللي مع الفول والمعصوب مطبق فالعمل يعني متجازي

ولا رجعت الا بعد المغرب ومن الخرج طبعاً والشباب كلهم يداومون فالرياض ولا عندهم مشكله

وحاولت جاهداً ان الحقهم ولكن التعب حال بيني وبين الوعد

ولا صحيت الا وهذي القصيده مرسوله على جوالي من ابن عمتي فايز وهو احد اعضاء السرحه

اترككم مع القصيده والى هبقه اخرى

[poem=font="Simplified Arabic,6,#3C0B03,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
البدع / سعيد سالم=
يافايز بن مبارك خذ رساله بها علم وكلام=
ودها للصهيبي ثم بلغ سلامي واقرها له=
عل ابو شادن الونعم ليامن سمع ياوي لنا=
قله ان ابن سالم ضايقا كيف يوعدنا ويخلف=
والعتب واريا في وجه منصور واحمد بن حسن=
وانها ماهي اول مره يوعد ويخلف لا وعدنا=
وانحن لامن طلبنا جا وحنا في المقعد جلوس=
كم طلبته يغير عادته غير بقعاء ماتغير=
كل ماله يزم الروح عنا ويتلاعب بنا=
قله انه غلط وان الوجيه الكريمه ماتردا=
الله يحسن عزانا فيه والله يعز وجيهنا=
الرد / الصهيبي=
والله ماودنا بالغيض ويجي علينا منك لام=
لن صاحبك معذور(ن) وهاله ترى مالعقر هاله=
الله يكفي عباد الله مالقهر وتهاويلنا=
والوعد طاف لكن ياصحيبي بعد للوعد مخلف=
ابشروا بالرضا حق علينا ولك مالبن حسن=
مادريت ان ها ذيك الصخور الصليبه ماتعدنا=
وينحن مثلها وابشر بكيف المراير والجلوس=
بالله لاعد تغير اعلى صحيبك بهرج ولا تغير=
والله مايلحقك شري وحن مابيتلا عبنا=
يارسولي على راعي العتب قم دخيلك لا تردا=
بشّره بالرضى قدّام لا ابدي عليه واجيه انا=[/poem]


ودمتم في رعاية الله

اخوكم

الصهيبي

[شمالي]

الصهيبي
يبدو انه مافيه احد بالمنتدا اليوم الا انا وانت
انت تبدع وانا ارد

ولكن يالله هذه هبقه ثانيه

تذكرون موجة المسلسلات التركية التي اجتاحت الشعب العربي والاسلامي
انا وواحد من الشباب كنا دايم نضحك على تلك الشخصيات اللي
بالمسلسل نور وعشيها مهند
ومسلسل لميس وعشيقها يحيى
فلما نتهزا بتلك الشخصيات يزعلون بعض المعجبين كانك شاتم احد والديه

فارسلي صاحبي هذه الابيات وهي جايه مثل الشقر
لكنه على اللحن العراقي
وتتسمى في العراق بـــ الابوذيه

فقال صاحبي:[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]

وحق طه نبي الله و"يحيى"=
القلب يموت في حبك و"يحيا"=
تروحلك فدوة لميسِ و"يحيى"=
وأَلِف تركية لعيونك ضحية=[/poem]
والله اني عاد من جنبه لكنه الله يجزاو خير خلا هالتركيات يفدوني

فقلت له:
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=3 line=0 align=center use=ex num="0,#400000"]
أنا بفر الورق دايم "مهنِّد"=
وكلامي سيف مصقول و"مهنّد"=
فدت ماطاك نورٍ مع "مهنّد"=
واسطنبول تضرب لك تحيه=[/poem]
والله ان الاتراك راحو ملح معانا

تقدرون تسمون هذه هبيقه (تصغير هبقه)
ولكن ما نبي نضيع رصيدنا من الهبقات

اللي بعدووووووو