حيد جله

[احساس العالم]

بعض الخلايق نعاني به كما حيد جله
مايستوي للمعلم وجه واللا قفـــــــــي
وانا بغيت انحته واسير فالناس بيطار
كسر معداتنا والعيب باقي مكانــــــــه

[Mansour Al-zahrani]

صح لسانك
والله يعطيك الف العافيه

[بدرالسهلي]

اقتباس: المشاركة الأصلية كتبت بواسطة احساس العالم      بعض الخلايق نعاني به كما حيد جله مايستوي للمعلم وجه واللا قفـــــــــي وانا بغيت انحته واسير فالناس بيطار كسر معداتنا والعيب باقي مكانــــــــه

حتى المنافق يبين قيلته بالمجله
مانحن من اهلى الخطا والله واللاقفي
هرج المنافق علينا من ورى دوم شيطار
بعض العلوم الرديه كف ذا العلم كانه

[Siraj]

صح ألسنتكم , واسمحوا لي بهالرد


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وش فرق حجر المرو بالله عن حجر جله =
إن جات رجمه منه بصيف ولا بقفي =
لايحسب الناس بعد موتتي منسبي طار =
ببقى شريفن في العالم وراعي مكانه =[/poem]

[احساس العالم]

شكرا اخواني على مروركم والردود الطيب

[الزاير]

مع التحيه والتقدير

وش لك من الناس يالاحساس في قعر مله
خلك مــع الـزاير اللـي للخــطا دوم مقفـي
نشــري ونبتاع في الاسواق مع كل بيطار
فــي لمــة النــاس نتسـوق مـن الميركـانه

[احساس العالم]

هرجك معي يامليح الوجه مابي نمله
انا معك دايما لكن وشفيك مقفي
الله يجنبك يامحبوب من كل الخطار
مركبك موتر جديدا صنعته ميركانه