قارعه

[خالد رجب]

هذه بعض ما حفظته من محاوراتي مع الشاعر يحي بن لكمان المنهبي الدوسي

البدع/ محمد لكمان الدوسي

اليوم كل رفع ثوبه عن ايده وشمر
اللي سكن في المدن واللي سكن في القريات
وزمن العولمه ماحد درى عنه وش عاب
صحيح عيشة رخى غير العواقب وخيمه


الرد / خالد رجب

ترى التمدن وصل ديرة عتيبه وشمر
ومن قرانا الجنوبيه لحد القريات
وانا ابغي اعيش يا يحيى بوديان واشعاب
واغير القصر واتفيا بخدرا وخيمه


البدع / يحيى لكمان الدوسي

اقوله ياصيد يرعى في براري وصدر
ولا اظلم الليل يتهادا بظلمه نتع بات
شفتوه يرعى وعيني بالنظر راحت ارقاب
شفت المها فالرعي ينهج لمنهاج ريمه

الرد / خالد رجب

يا ابو محمد كم اقبل من زمان وصدر
الهجره يا صاحبي فيها سعاده وتعبات
الله كم عاش في الدنيا وكم راحت ارقاب
منها مقدر من المولى ومنها جريمه


البدع / يحي لكمان الدوسي

راعي الكرم ينتحي الظيفان ما ينتحي الضر
وعند بابه ترى العالم صدور ورادات
وراعي البخل للظيفان ماهو بمنشاب
إلى عزم كاذب مافيه قوة عزيمه

الرد / خالد رجب

ما اظن تقدر تدير الحرب يامن تحضر
فلايدير الحروب إلا اهل حكمه وإرادات
لاتاخذ السيف من يمنى غلام ومن شاب
الحرب يبغى لها سطوه وقوة عزيمه

[فهد سعود الزهراني]

ياسلام
ابداع اباعدنان
صح لسانك ولسان المنهبي
والله لايحرمنا من ابداعاتكم يالنشاما....
تقبل مروروي المتواضع على هذه المحاورة الشامخة في بدعها والرد

[حسن الجابري]

يعطيكم العافيه
على القارعة وعلى المعاني
وبناية القصيده

دمت بخير خالد

[خالد رجب]

اقتباس: المشاركة الأصلية كتبت بواسطة فهد سعود الزهراني      ياسلام ابداع اباعدنان صح لسانك ولسان المنهبي والله لايحرمنا من ابداعاتكم يالنشاما.... تقبل مروروي المتواضع على هذه المحاورة الشامخة في بدعها والرد

الغالي فهد الدوسي
حضورك شرف وإطرائك وسام فخر واعتزاز
لك مني خالص الود وارق واعذب التحايا

دمت شامخا