ضيفنا هذا الأسبوع( f-15 ) فمرحباً به ..

[جمعان مفرح (ابو طلال)]

تكفى ياشبل سبيحه ( محمد أحمد) والله ورب الكعبه لتأدبت على هذا الكرسي تأديب على كيفك : أما كيف آرد على إتهام أبو عبدالعزيز فليس بمقدوري إلا أن أقول له ( اللهم أجعلني مظلوما ولا تجعلني ظالما )

[محمد احمد العدواني]

اقتباس: المشاركة الأصلية كتبت بواسطة f-15      تكفى ياشبل سبيحه ( محمد أحمد) والله ورب الكعبه لتأدبت على هذا الكرسي تأديب على كيفك

والله لرحمتك يا ابو طلال 18 صفحة

بس لا تشرة عليه اشره على جسد بلا قلب والا ابو ماجد والله لنشبووك

[جمعان مفرح (ابو طلال)]

شبل سبيحة
خذ قصه عن المرشد . غرم الله المرشد يحب التقنية وأي شئ جديد من زمان . المهم أول ما طلعت القنوات الفضائية راح الباحه واشترى دش وهذا أول واحد يجيب دش في القريه لمن جابه ووصل البيت قال له أبوه وشنهو هذا الذي جبته قال دش قال أبوه الذي يقولون عنه يجيب النسوان يرقصون ما كان فيه الا عربسات فقط قال ياوالد الديره وش فيها أبغى أشوف الأخبار الجزيرة والعربيه وأبوه رحمه الله وأسكنه فسيح جناته( رجل دين ومحافظ) المهم قال أبوه وين بتحطه قال فوق البيت قال الوالد رحمه الله تبغى تفشلنا وتفضحنا والله الذي لا إله الا هو ما تحطه فوق ظهر البيت بعه والا رده . المهم غرم الله ركبه في الحوش وقال يا والدي أنا ما عصيتك حطيته في الحوش لأنك حلفت ما أحطه على السطح . قال ابوه رحمه الله في الحوش مافيه مشكله واثر الشايب مبيت على نيه . اليوم الثاني قام الشيبه بعدما راح غرم الله المدرسة وشغل الحراثه ورجع بها ريوس ودعس الدش وحطمه يوم راح غرم الله من المدرسه فرحان يبغى يتفرج والا والدش مدعوس ولاصق بالتراب علما بأن الدش وقتها كان غالي . وتراني ياشبل سبيحه في طور اعداد كتاب عن سيرة غرم الله المرشد وسترى العجب

[غرم الله المرشد]

ماشاء الله تبارك الله
زاد عدد القراء عن
4000
قارئ
ماشاء الله
ابو طلال اشعلت المجلس
فديتوووووووووووووووك

[جمعان مفرح (ابو طلال)]

قصه عن غرم الله المرشد وسرعة بديهته. كنا يم الجمعه . طلعنا نصلي في مسجد قديم بالقريه وحصل أن إمام المسجد رحمه الله حصل له ظرف كان مسافر ولا أناب أحد يصلي بالجماعه
المهم جاء وقت الخطبه والا والجماعه يتلافتون في الوجيه من يصلي وينكم يالمدرسين وكنا في موقف محرج وانحن بعضنا يندس في الذي أمامه أو ينزل الغتره على وجهه ويرخي راسه على شان لا أحد يشوفه من الجماعه . المهم قام المرشد أبو غرم الله رحمه الله قال وين أنت ياغرم الله بصوت مرتفع قم صل بالجماعه وانا أبوك , فقام غرم الله وكان راسه مكشوف طلع يصلي بدون عمامه وكان في آخر صف المهم مشى نحو المحراب واختطف عمامة واحد كان يقرأ قرآن قدامه ولبسه غرم الله وهو ماشي ووقف على المنبر وقال السلام عليكم ورحمة الله وبركاته فقام والده وأذن وأثناء الأذان كان غرم الله يفتش في المحراب لعله يجد كتاب خطبه ومن حسن حظه لقي كتاب الآمام الرسمي موجود وخطب خطبتين ولكن واحده كانت عن رمضان والأخرى عن الحج.
ههههههه ههههههه مجرد مداعبه والله لخطب خطبه جميله جدا وكان واثقا من نفسه وكأنه إمام رسمي
أما أنا فجلست فترة طويلة جدا أطلع آصلي . إذا وصلت عند المسجد أقعد في السيارة لين تقوم الخطبه حتى لا أتورط ويقولون الجماعه قم صل بنا
باي باي باي باي باي باي مع السلامه

[حوران]

اقتباس: المشاركة الأصلية كتبت بواسطة f-15      شبل سبيحة خذ قصه عن المرشد . غرم الله المرشد يحب التقنية وأي شئ جديد من زمان . المهم أول ما طلعت القنوات الفضائية راح الباحه واشترى دش وهذا أول واحد يجيب دش في القريه لمن جابه ووصل البيت قال له أبوه وشنهو هذا الذي جبته قال دش قال أبوه الذي يقولون عنه يجيب النسوان يرقصون ما كان فيه الا عربسات فقط قال ياوالد الديره وش فيها أبغى أشوف الأخبار الجزيرة والعربيه وأبوه رحمه الله وأسكنه فسيح جناته( رجل دين ومحافظ) المهم قال أبوه وين بتحطه قال فوق البيت قال الوالد رحمه الله تبغى تفشلنا وتفضحنا والله الذي لا إله الا هو ما تحطه فوق ظهر البيت بعه والا رده . المهم غرم الله ركبه في الحوش وقال يا والدي أنا ما عصيتك حطيته في الحوش لأنك حلفت ما أحطه على السطح . قال ابوه رحمه الله في الحوش مافيه مشكله واثر الشايب مبيت على نيه . اليوم الثاني قام الشيبه بعدما راح غرم الله المدرسة وشغل الحراثه ورجع بها ريوس ودعس الدش وحطمه يوم راح غرم الله من المدرسه فرحان يبغى يتفرج والا والدش مدعوس ولاصق بالتراب علما بأن الدش وقتها كان غالي . وتراني ياشبل سبيحه في طور اعداد كتاب عن سيرة غرم الله المرشد وسترى العجب

ابو طلال مساك الله بالخير ويش علام خالك متوصي فيك ولا طراه يفكك من فوق الكرسي والله لرحمتك . ولكن وشفيك رجعت على أبو عبد العزيز ونتشر في غسلية , والغريبه انه ساكت عنك وأنا اعرف ابو عبد العزيز لو تعفص عليك صلخك صلخ .
والظاهر الاعضاء ما عاد عندهم اسئلة وتفضيت للرجال
لك مني خالص التحايا

[جمعان مفرح (ابو طلال)]

اقتباس: المشاركة الأصلية كتبت بواسطة حوران      ابو طلال مساك الله بالخير ويش علام خالك متوصي فيك ولا طراه يفكك من فوق الكرسي والله لرحمتك . ولكن وشفيك رجعت على أبو عبد العزيز ونتشر في غسلية , والغريبه انه ساكت عنك وأنا اعرف ابو عبد العزيز لو تعفص عليك صلخك صلخ . والظاهر الاعضاء ما عاد عندهم اسئلة وتفضيت للرجال لك مني خالص التحايا

يقول المثل إذا سبه . فاهو أحبه . رجل أمون عليه واحبه في الله ولي معه صداقة طويلة مليئة بالذكريات الجميله وأنا رايح معزوم ولن أعود بإذن الله إلا وهم أغلقوا الموضوع
. تصبحون على خير وسامحونا

[عتام البحري]

اقتباس: المشاركة الأصلية كتبت بواسطة غرم الله      ماشاء الله تبارك الله زاد عدد القراء عن 4000 قارئ ماشاء الله ابو طلال اشعلت المجلس فديتوووووووووووووووك

والله من الفضاوه
التقااااااااااااااااعد!!!!!!!!!!!!!!
معقوله الرجال قاعد يرد على كل صغيره وكبيره
وهذا ان دل على شيء فإنما يدل على ان التقاعد كارثه .
يالله سترك .
الوضع خطير
صدقوني بديت احس فعلا اني امام مشكله كبيره وهي التقاعد ..
ما اشره بعد اليوم على الذي يبحث عن عمل بعد التقاعد

[جسد بلا قلب]

اللهم لكـ الحمد حمداً كثيراً طيباً مباركاً فيه ...

نزلت الرحمه والسكينه على قلبي ورحمتك يا ضيفنا ..

لكن والله أنك منت بسهل ، وقدها وقدود ..


عاد المهم كل واحد ينحط بعدك لا يجلس يتأفف يطالع عدد المشاهدات والمداخلات

بعدين يراسلنا ..

وبما ان الرحمة عامة علي وعلى ابا ماجد فانا نشكر أخونا وسيدنا الفاضل : f-15


على رحابة صدره ودماثة خلقه ..

فلقد أشعل الموضوع خلال ثلاث أيام فقط ..

كما نشكر الأخوة الأعضاء على تفاعلهم وتفهمهم للطرح الذي كان قمة بالأحترام والروعة ..

وبما أن كبدي بردت من الرجال والموضوع استوفى حقه ..


نقول لكم انتظرونا مع ضيف أخر ..