ضيفنا في لقاء على الهواء صاحب حضور مميز ورائع وراقي

[سعيد بن عبدالله الزهراني]

اقتباس: المشاركة الأصلية كتبت بواسطة عبدالله بن احمد العدواني      مبدع كعادتك أبا عبدالله القسم الثاني والأخير من الأسئلة اسئلتي لك مطلق الحرية في الاجابة عليها من عدمها 1-حلمك في الحياة؟ وأنا باقي لي شيء يا عبد الله حتى أحلم ؟؟ 2-أجمل سنوات مرت عليك؟ بعد التقاعد عندما رزقني الله بولد ملأ الدنيا والفراغ الذي كان يخيم وكنت أفكر في كهلة أكبر من كهلتيه لكنها قالت بنتك يا ابي والله لأجبلك واحد ينشب في حلقك والله وفعت يعني سوتها لكن !!! مدري مني وإلا منها هههههههههههه!! 2-البرامج المفضلة؟ بعد التقاعد عندما رزقني الله بولد ملأ الدنيا والفراغ !! 3-ماهو لونك المفضل ؟ وأنا أعرفها حتى اقول لك هذل السؤال يوجه للجيل هذا أما جيلي ما يعرف إلا سواد الليل !! 4-من هو مثلك الاعلى ؟ والدي رحمة الله عليه وفيه غيره يا عبد الله ؟؟ 5-رأيك في شباب اليوم ؟ والنعم والله إنه ذكي ومثقف والله يجعل قسمنا منهم الصالح !! 6-ما الذي تريده من الشباب؟ أن يتعلم وأن يكون عامل بناء لوطنه وأن يبعد ثقافة العيب من العمل الذي حلال ويدر عليه ما يستره و يلبي التزاماته الحياتية . 7-ماالذي يغيظك ؟ الكذب والغيبة والنميمة والرياء والنظر إلى الآخرين بالدونية والتدليس وبعض الفتاوى الطائشة والتحايل على أكل المال الحرام . 8-ماالذي يفرحك ؟ عندما أرى الشعب السعودي بخير وخالي من العاطلين عن العمل وأن يسود العدل والمساواة وطننا الحبيب وخلوه من الفاسدين والمرائين والمنافقين والمحاباة , ومن ينقل الصورة لولاة أمرنا بخلاف الواقع ويخفون الصورة الحقيقية . 9-افضل شخصيه في رأيك ؟ شخصية الملك فيصل رحمة الله !! 10-لو خيروك تكون مشرف أي قسم تختار ؟ والله إنك تبغي ترشحني يا عبد الله وتغي الموافقة من هالحين ,, ما أصلح مشرف لأني حازم ولا أعرف المجاملة في شيء يخل بمبادئي المنتدى وخطوطه الحمراء . والذي بينفع المنتدى مش لازم يلبس بشت ملون وهذا الأمر تكليف وليس تشريف وهي مسئولية لا تقتصر على ألوان فقط ,,, أنا معهم في أي زمان ومكان أقف إلى جانب أبو نضال وهذا وعد وعهد مني . 11-من هم الأعضاء اللي تود مصادقتهم ؟ كثيرون يا عبد الله من يكتب لي هذا العدد الكبير حتى تتأكد لكن فيه واحد على بالي باقي مبرطم لكن خله لين يرضى . 12-من هم الأعضاء اللي تتمنى تشوفهم؟ كلهم ما عدى أخواتي وبناتي لكن شرط باللباس الشرعي حتى لا تخربها يا عبد الله وكلهن في مقام بناتي حتى الكهلة ( نسيم السروات ) 13-من العضو اللي تحب يضيفك لقائمة الأصدقاء ؟ الذي يرتاح لي ويعتبرني في مقام أبوه واخوه الكبير ناصح وقدوة له في الأمور التي تعجبه ويترك السيئ منها لأني أحترم الجميع . 14-رأيك بـ الصداقـه بيـن الجنسيـن؟ نت تقصد في المنتدى وإلا بالمطلق يا عبد الله ,, شكلك تبي تنقل النمط الغربي : ( GIRL FRIEND ). عندنا لا أحد يسمعك !! إذا كانت بريئة يا عبد الله ولاغراض سامية فلا بأس لأنها تتم من وراء حجب وأما إذا كانت لأغراض اللسلسة فعيب وشق جيب قوة الأنثى في عاطفتها والشيطان قريب ويحب هذه المواقف ,, أنا أتعامل معهن من باب التشجيع والأبوة فقط . 15-عضو عاجبتك صورته الشخصيه وتوقيعه ؟ أبو طلال الله يحفظه الصورة الخيرة لكن مدري مصرعه تبدلوه في غمضة عين ,, وتوقعيك حطيت قلب تناشلته الصقور وما أدري ويش بقي للمعزبة ؟؟ الله يقهرك. 16-عضو نشيط... ؟ كثيرون لكن أعتقد عبد الله هو العضو النشط والدليل وصلت خمسة الآف مشاركة في مدة وجيزة وأظن إنك تكتب وأنت على السرير ما أدري إلا وموضوع طالع من هنا ومشاركة رد من الجهة الثانية بسم الله عليك أظنك ما تداوم يا عبد الله ؟؟. 17-عضو مفقود... ؟ كثيرون صراحة وكتاب بارعين لا يمكن أن أحصيهم في عجالة لكن الله يستر عليهم والمنتدى بمن حضر وهو كما سوق الثلاثاء عندكم كلا يهبطه أغلبهم ما يعرف الثاني . 18-عضو واثق من نفسه ... ؟ الذي لا يتأثر بما يحاول الآخرون النيل منه لتضبيط عزيمته والتقليل من شأنه بل عليه أن يستمر في العطاء ويثبت نفسه ويجعل ما يكتب ضده وقود يزيد من حيويته ونشاطه والنجاح دائما له أعداء فتحزم بالجنبية من ذالحين يا عبد الله . 19-عضو داخل مزاجك ... ؟ سعد الحبيطة ,, إبن روزه ,, يحيى محمد ,, ابو مشعل الحريري ,, ابو نواف السعدي ,, وانته يا عبد الله انت ما تدور إلا تغيني مدحك ها خذها , من العنصر النسائي : جمرة غضى ,,, الكهلة نسيم السروات ,, شذى الريحان .. السلطانة ,, سقيا ,, , 20-عضو تتمنى تلقتي به ... ؟ والله كثيرون جدا يصعب تحديد اسماء وتشرهني من الرجاجيل تحسب فقط أنت الولد في هذا البلد لا فيه غيرك يا عبد الله , 21-عضو مثقف ... ؟ كثيرون ويسعدني ان يضم منتدانا بين جنباته هذه الكوكبة العظيمة من الكتاب والكاتبات ,, بالفعل أثروا المنتدى بالمواضيع حتى بعض الضيوف كان ظلهم خفيف وكأنك أخترتهم من منتديات أخرى . 22-عضو نفسك تغير اسمه ... ؟ أنا ثم أنا قاعد في حلقي كما شيطان منى الكبير كل ماله يكبر صار يشوفونه الناس من على مكان ويرجمونه ولا يسمع يفكرون أنهم آذوه ويجون السنة الثانية ويلقون ابليس مكانه يشوفهم ولا يشوفونه ولا أحد يقدر يزحزه من مكانه وتعتني به الدولة رعاها الله . 23-عضو نفسك تكفخه هههه غيري ... ؟ لا أنا أدور من يكفخني مجارين ما اكفخ أحبائي من العنصرين أخاف والله من نسيم تسويها بعصاتها لو قلت مراااقب كان علمتك به أما الأعضاء مساكين في من يكفخهم غيري . ليتك قلت مراقب وإلا مشرف تدور حول المساكين يا عبدالله حتى لو طاح من السماء حاجة ما وقعت إلا في حظن الضعيف أتق الله فيهم الهوامير وإلا بلاش ههههههههه لكن أبغاك أنت اللي تجيبهم عندي وعلى حسابي . 24-عضو نفسك تقول له ( برافو عليك ) ... ؟ تبغاني أقول أنت طيب خذها يا عبد الله برافو عليك : صراحه كثيرون والله يشرفون المنتدى ومؤسسه . لكن هنك أعضاء من العنصر النسائي ودي اقول لهن براااافو عليكن يا بنات الحسب والنسب ( سُقيا ) و ( شذى الريحان ) و ( وجرة غضى و ( كهلتنا ( نسيم السروات . 25- عضو تبي تهديه بيت شعر ايش هو بيت الشعر ؟ اشوف في عود القنا داخنه واشرار لا تامــن العود الذي فيه دخايـــــني شربه من الماء ما تخلي القبس ولعيه يا موقــد النيران لا تحتـرق بــــــــها أما العضوات يستاهلنه كل خير : ياشمعة القلب يا زهر الغصون الروايـا ما عاد باعلمك عن كل مطلب وما اريـد تسدني منك نظرة وإبتسامه مــــــع ود لتطفي الشوق في قلبي وتروي ضمايه 26-حمـامة زاجـــل حاملـــة رســالة لـك,,,من من تتمنـى ان تكــون؟!؟ من كل من يحترمني ويقدرني وإذا كانت منك يا عبد الله بارسل لك ردود مع الغراب الذي علم هابيل وقابيل كيف يدفنون ميتهم ليتهم قعدوا إلى ذالحين كان صلينا على جنازتهم وعلمناهم ,,, الغراب بارسل مع قهد برشومي وسبلة ذرة بسيسة بيضاء تستاهل يا عبد الله ,,, أما تشوطها ولا تزنقرها بكيفك . 27- موقف : دمـعـــه انـذرفــــت رغـمــاً عنـــك؟!؟ أمام بين الله الحرام ( الكعبة المشرفة ) 28-شـخــص تتمنــي الإنتقــام منـــه؟!؟ مالي أعداء ولا خصوم صفيت معهم كل شيء وما في القلوب يعلم الله شكلك تبغي تدخلني السجن يا عبد الله وبعدين أنت ما تعرفهم ويش دراك ؟؟ عندي ثلاثة أعداء في منى وكل عام يدهفونهم خلق الله بالنيابة عني وانا مستريح في البيت واضع رجل على رجل ,. 29-شــئ او شخــص غيــّر مجــري حياتـــك؟!؟ اناس خدمتهم وضحيت من اجلهم فخذلوني وتنكروا للجميلو لكل معروف قدمته بدون وجه حق هذه الدنيا كفانا الله شرها و لايبقى على حال إلا الله سبحانه . 30-حلم لا تستطيـــع تحقيقه؟!؟ حضور وفات والدي وإبني أحمد رحمة الله عليهم ودي يكون شفتهم وتودعت منهم وحضنتهم قبل أن يواروا الثرى . ( TOO LATE MY SON ABDULLAH ). 31-كلمة تود سماعها كل يوم؟!؟ سبحان الله والحمد لله والله واكبر . وإلا كهلتي إذا قالت لي يا حبيبي ويا حبة عيني ويا روحي قمت أتمغط على شأن اطول زيادة في عينها ,,, ترى أمزح معك والله ما قد سمعتها منها كلا منا ينام بعصاته تحت المخدة , 33-طالع رحله بريه من تاخذ معك ؟؟ أولادي و أصدقائي وأقربائي ليش يا عبد الله تحسبني مقطوع من شجرة حتى أستعين ببني عدوان ,, صاح الله على إبليسك هههههههه 34- غرق المنتدى ومعك قارب مايشيل الا ثلاثه من تاخذ معك غيري ؟ ؟ وأنا أعرف اسبح يا عبد الله حتى أخذك معي أنت كمن يستعين بالرمضاء من النار , أنا شايب القريب مني تلك اللحظة باركبه معك وأنا با أعشي سمك القرش ذيك الليلة خلك ترتاح يا عبد الله يا حبك في نفسك تضحي بمنتدى كله من أجل أن تقذ نفسك تدري والله بطلت باسحبك معي إلى قاع البحر نصطاد لؤلوء ومرجان وخلك الدليلة هين الطلوع مافيه خلهم يرتاحون منا . والله إني اظن باصوم ثلاثة أيام على شأنك واختى ( جمرة غضى ) أظنها حرضتك عليه ( اربعة وستون سؤال ) لو وجهتها لأكبر واحد في الدولة ما جاوب عليها لكن الله يسامحك يا عبد الله ويش سويت معك عاطل . والله لو ما هو إحتراما لك وللمنتدى والقائمين عليه لأجاوب على أسئلك باللغة الإنجليزية واخلي إذا كان باقي شيئ في رأسك من صراصير لأطيرها .ههههههههههههههههههههههههههه انتهت الأسئلة ولله الحمد

[جمعان مفرح (ابو طلال)]

أخي أبا عبدالله لقد قرأت ردودك على ابن أختي عبدالله بن أحمد . فجزاك الله كل خير ولقد استشفيت من ردودك والله أعلم أنك إنسان مرح وفكاهي ورجل مثقف وحكيم وذو ذكاء ودهاء ورجل طيب وحازم وتتمتع بشخصية قوية طيب في تعاملك لمن يتعامل معك بالطيب حازم وعنيد لمن أراد النيل منك ورجل فيك صراحة اتضحت لي من خلال الحوار معك
.لك شعبية وحب من قبل الأعضاء . قلمك مميز
عموما أرتحت لك كثيرا . أسأل الله أن يوفقك وأن يديم المحبة بيننا . إن جيت جده فأنا وعبدالله نتشرف باستضافتك وان حصل لنا جولة على المنطقة الشرقية فيسرنا ويسعدنا مقابلتك وفقك الله ورعاك

[سعيد بن عبدالله الزهراني]

اقتباس: المشاركة الأصلية كتبت بواسطة جمعان مفرح (ابو طلال)      أخي أبا عبدالله لقد قرأت ردودك على ابن أختي عبدالله بن أحمد . فجزاك الله كل خير ولقد استشفيت من ردودك والله أعلم أنك إنسان مرح وفكاهي ورجل مثقف وحكيم وذو ذكاء ودهاء ورجل طيب وحازم وتتمتع بشخصية قوية طيب في تعاملك لمن يتعامل معك بالطيب حازم وعنيد لمن أراد النيل منك ورجل فيك صراحة اتضحت لي من خلال الحوار معك .لك شعبية وحب من قبل الأعضاء . قلمك مميز عموما أرتحت لك كثيرا . أسأل الله أن يوفقك وأن يديم المحبة بيننا . إن جيت جده فأنا وعبدالله نتشرف باستضافتك وان حصل لنا جولة على المنطقة الشرقية فيسرنا ويسعدنا مقابلتك وفقك الله ورعاك

اخي الحبيب جمعان بن مفرح (ابو طلال )
أشكرك أخي الفاضل والموجه القدير على هذه الكلمات ألتي اعتز بها واعتبرها بحق وحقيقة وسام لأنها أتت من شخص مثقف ومخضرم لا يشق له غبار . البيت الطيب ما يجي منه إلا الطيب وهذا ما لمسته من ألاخ ولإبن الغالي والمشاكس لكبار السن ,, عبد الله بن احمد العدواني ,, هذه الشخصية العملاقة فأكيد أن للخال دور كبير لأن بعض العوامل الوراثية والفات الحميدة يكتسبها الشخص من أخواله.
أعتز فيك وفي ولد أختك أبو أحمد ويعلم الله إني أحبكم في الله وأعتبركم مني وفي وأنتم اشهر من نار على علم والمعرف لا يعرف .
دمت في حفظ الله ورعايته ,,,,

[ابو احمد العدواني]

sam
عضو متميز بلا جدال
يكتب بروحه قبل أصابعه
يعطي المنتدى والأعضاء الجهد الكثير
متفهم ، مثقف ، سريع البديهه
اجابات رائعة ومقنعة
حفظك الله

[سعيد بن عبدالله الزهراني]

اقتباس: المشاركة الأصلية كتبت بواسطة عبدالله بن احمد العدواني      sam عضو متميز بلا جدال يكتب بروحه قبل أصابعه يعطي المنتدى والأعضاء الجهد الكثير متفهم ، مثقف ، سريع البديهه اجابات رائعة ومقنعة حفظك الله

إبني عبدالله بن أحمد العدواني :
أسعد الله اوقاتك بكل خير والأعضاء الذين شاركوا بعقولهم وأقلامهم في طرح الإسئلة كما اشكر ايضا كل من تحفظ أو في نفسه شيء من العتب .
أنتم الذين منحتوا لي هذا الشرف العظيم الذي لا يقاس بأي معيار ثقافي لما له من ريحية وعدم التكلف في مفردات يصعب فهمها من العوام .
سعدت كثيرا بمعرفة بعض الإخوان وكسبت الرهان على محبتهم وصداقتهم وهذا ما كنت أتمناه فالإستضافة ليست هدف بحد ذاتها وإنما وسيلة للوصل إلى قلوب أحبتي في الله الذي وضعوا ثقتهم بي وأطلقوا بعض الألقاب التي سوف أحتفظ بها وأتباهى بها أمام الآخرين بل وتعتبر وسام يضاف إلى الوسمة التي حصلت عليها من الدولة إبان خدمتي .
حفظكم الله جميعا . وتقبلوا أجمل التحايا وارقها والتحية والإجلال موصولة للأخت المشرفة المتألقة دائما ( جمرة غضى ) .
والسلام عليكم .

[الراس الصغير]

يعني خلاص ماعاد نقدر نسالك
وين تغدي ؟

باقي ياعزيزي ما انتهى الاسبوع ههههه
اقعد اقعد يا رجال فوق ذامعك الكرسي باقي انشدك عن بعض الامور


عندي طلب يا بو عبدالله


قل تم


انك تكتب لنا قصة حياتك من بداية الطفوله الى الان
بس بالتدريج بدون تفاصيل خاصه

نبغى نستفيد من تجاربك في الحياة وما فيها من قصص ونوادر

وان كان ماتستطيع ان تكتب فاتمنى انك تدون قصة حياتك بمدونه خاصه لك ويشرفني ان اتابع قصصك لانها مكسب وثروة

وان كان عندك مدونه وسبق ان انشاءتها فدلنا عليها


وبعدين ليش ماتتلقى رسايل خاصه ؟؟؟؟
بغيت ارسل لك رساله خاصه ولا عندك خاصية الاستقبال
وش معك ماتستقبل على الخاص ؟
ابغاك ترسلي المحادثه اللي دارت بينك وبين الشيخ بتويتر
اللي رفعت انت ظغطه وقال مايبغالكم الا مدري ويش

وتقبل مروري

[سعيد بن عبدالله الزهراني]

اقتباس: المشاركة الأصلية كتبت بواسطة الراس الصغير      يعني خلاص ماعاد نقدر نسالك وين تغدي ؟ باقي ياعزيزي ما انتهى الاسبوع ههههه اقعد اقعد يا رجال فوق ذامعك الكرسي باقي انشدك عن بعض الامور عندي طلب يا بو عبدالله قل تم انك تكتب لنا قصة حياتك من بداية الطفوله الى الان بس بالتدريج بدون تفاصيل خاصه نبغى نستفيد من تجاربك في الحياة وما فيها من قصص ونوادر وان كان ماتستطيع ان تكتب فاتمنى انك تدون قصة حياتك بمدونه خاصه لك ويشرفني ان اتابع قصصك لانها مكسب وثروة وان كان عندك مدونه وسبق ان انشاءتها فدلنا عليها وبعدين ليش ماتتلقى رسايل خاصه ؟؟؟؟ بغيت ارسل لك رساله خاصه ولا عندك خاصية الاستقبال وش معك ماتستقبل على الخاص ؟ ابغاك ترسلي المحادثه اللي دارت بينك وبين الشيخ بتويتر اللي رفعت انت ظغطه وقال مايبغالكم الا مدري ويش وتقبل مروري

[B]مرحبا بك أخوية ( الرأس الصغير )

أنت طلبت قصة حياتي الله يحفظك لكن أنا تعمدت أن أقلب الموضوع وأعطيك مراحل ومراسيم الدفن حتى اليوم الثاني :.
أولا : أنا وصيت أبنائي يقبروني في الديرة القبور هناك كبيرة وطويلة وعريضة ,,يمدي الواحد يلتفت يمين ويسار ويجلس,, أما قبور اللحد في وجه الله منها ما يمديك تنقلب تأخذ أعلام الرجال إللي يبغى يتعلمك بعد ما أوضع في القبر الله يعيننيه على فرقاكم .
ثانيا : طلبت من أولادي يقبرون أطول جنبيه معي ويحزمونها في جنبي الأيمن قلت ما أبي إلا السلة والغمد خلوه لكم , إن كان شفت المحاسبين علومه زينه فلا والله إلا أسفرت وانورت وإن كان جاي بسلاسله وأدوات التعذيب فما دون الحلق إلا اليدين لأن سلسلة طولها سبعون ذراع يقعد يسلكني بها النهار كله,,, ما يقدر عليها سعيد باحش أيده بذيك الجنبيه ما تنفعني وقت الشدة ولا أحد يساعدني بهذا الداهية وإن قمت بتخلط في الكفن حاله .
ثالثا : أنا وصيتهم يربطون ذاك الحمار أكرمكم الله فوق القبر ويهبون له شعير من حق مزايين الإبل إن كان تغلب عليه الرجال في القبر وكثر أسئلته يحسب إني المنفلوطي ,,,فبيصير صياحي يلعلع لأن صياحي ما أحد يسمعه من الثقلين الجن والإنس إلا من هو في مقام الحمار أكرمكم الله ,,,,لكني عملت خطة طواريء للتنفيذ إنكان الحمار أنزعج وكثرت حركته ونهيقه ,, فلا والله إلا أنا في مشكله وضنكه لا يعلمها إلا الله فعليهم أن يسعفوني و ينقذوني مما أنا فيه ويحنطوني ويخلوني في حدة البيت وإلا ( الحصن ) للشياطين المهم أنفكه وما أبيهم يودوني المستشفى ما عد ينفع وإنكان الحمار خلص شعيره حتى اليوم الثاني فاعرفوا إني بخير وإني أقطع لي بجنبيته فواكه من فواكه الجنة والليلة الثالثة إن شاء الله أتزوج من حور العين والضيافة خلصت وإذا تبون تأخذون سلة الجنبية فتعالوا أنا مستغني عنها وتجاوز عني ربي ومبسوط ويمكن تحطون جوالين هدية واحد لي والثاني لعروستي بمناسبة الزواج . وأمكم خلوها تشوف شغلها خلوها تغير قهر فيها سعيد أقبروها بعيد في قبور اللحد وأنا بازورها في مكانها وأبارك لها إن كان الله طيب خاطرها وجاب لها واحد فيه خير يعوضها .
أما تبغاني أبيح بأسراري كلها يالراس الصغير فوالله ما أدري ويش أحصل قدامية وخايف أخرب الموضوع كله ويقول لي المحاسبين هذه ما هي من صلاحية المنتدى ها خل الراس الصغير ينفعك وذيك الساع بتقول ليتها عينك ضحكت بك يالمغزول أويه ما تعرف سياسة التعذيب عندنا حتى تحت الأرض ,
لا تنسوني من خالص دعاءكم تكفوون أنا بحاجة إلى كل دعوة صادقة ,, جمعني وإياكم في جنة الفردوس والمسلمين جميعا . والسلام عليكم ,

[جمعان مفرح (ابو طلال)]

إهداء للعضو المتميز أبو عبدالله

ياسعيد ابن عبدالله لك اجمل تحية واحترام
انت من روس زهران الدنادين منت برجل عادي
كنا نجهلك قدام استضافتك من جمرة غضى
وانت في المنطق الشرقية معروف لجميع القبايل
حزة الزحمه كل الناس ما تنشد الا عن سعيد
والله انا نعزك وانت قيدومنا ياتاج راسي
كثر الله من امثالك ويحفظك مولانا لنا
كثر الله من امثالك ويحفظك مولانا لنا

[سعيد بن عبدالله الزهراني]

اقتباس: المشاركة الأصلية كتبت بواسطة جمعان مفرح (ابو طلال)      إهداء للعضو المتميز أبو عبدالله ياسعيد ابن عبدالله لك اجمل تحية واحترام انت من روس زهران الدنادين منت برجل عادي كنا نجهلك قدام استضافتك من جمرة غضى وانت في المنطق الشرقية معروف لجميع القبايل حزة الزحمه كل الناس ما تنشد الا عن سعيد والله انا نعزك وانت قيدومنا ياتاج راسي كثر الله من امثالك ويحفظك مولانا لنا كثر الله من امثالك ويحفظك مولانا لنا

صح لسانك ( أبا طلال )
قصيدة جميلة وأعتز فيها وفي قائلها أنتم من ربعنا أرحام وعواني وحامين الديار من شرقوي وأصحاب من ذو القدم ومنهم الشيخ سرور رحمة الله عليه من الجريرة كان صاحب للشيبة أبوي الله يرحمه والبركة في من بقي من أولاده ومنهم العريفة سعيد بن سرور .
الحقيقية الكلمات لا تكفي فيكم وأنت بالذات رجل متسامح وطيب القلب وهذا ما لمسته من خلال مواضيعك ومشاركاتك في الردود عندك ثقافة عالية ومخزون ثقافي لا يستهان به ورجاحة عقل وأنت استاذ الجميع وأولهم أنا ويعلم الله إني ما جاملتك بل إني لم أوفيك حقك وافيا كما ينبغي .
تحياتي لك يالحبيب .

[ALRAGI]

بارك الله فيك ابو عبدالله
نلتقي معك على وجه هذه الصفحات ولا ندرك بعضنا بالرؤية بالعين
ولكن نتقابل إذا شاء الله سبحانه.
لك مني أعذب تحيه وأجمل كلمة أكتبها لك.
بأننا نحبك فــــــ الله .
وفقك الله ورعاك والســــــــــــــــــــــلام