هروج العصرية فوق الرعش و تحت الفية ....

[ابو نازي]

اقتباس: المشاركة الأصلية كتبت بواسطة سـحـــاب      الله يجعل يومك قبل يومي يابو نازي،، وش معك تتفاول عليه بالموت؟ انكان ذا الكلام من أقصاك، فأخذلك الله عما يفيق لك،، وانكان ما تصخاني وماهلا تمزح، فماشي زحمة أما تمعك الرجالية راعية السوجن، فحليلها من ضل عقلها،،، والله لقهر فيها رجالها وعود دكَّ عليها،، حِل عنها،، آهم يقلون إنها هتيمية،،، ماهلا تتخزى فوق الناس

امنت بالله واحدن ماغيره ما كنك الا رشيت فوقيه ماين خصرن؟؟؟؟

وماكني يكون شفت جديه مقراش بعث من قبره؟؟؟

والله ماني ميد انك تعرف تسوق السياره وكنت تهبط بي في كل سوق صدقن اني فقدتك وبعد

الصلاه ماعد نتلحق الاحيا والميتا لكن والله غير انك رفيق ما تنصخي.. وبعد معي لك

هروجن حلت في غيبتك لكن ان الله يحييك عدد ما سارت بك خطاك الله يكثر لك من مرحبا..

وانت ما يقلون السيل استحبك وذلحين اسمع الجماعه يقلون ما ارتدوك الا من طبرجل

وش علمك اني قمت افلهم؟؟

انا دخيلكم يا جماعه سحاب ماجاه علم ولاحد يعلمه والا والله يا الشيطان ليحظر واهو يمكن تغدي فيها رقاب أشناب



مجارن يا حصن الوادي منت بخطلن انك تعقد شور وتفتل شور في مجلس صلاب الشور

ومدتك ماهي بغريبه انك من اهلها وضارين بها

الجميله ما تغادر محلكم والضيافه والمرجله تعرف بيوتكم ولا تغادر دياركم.

لكن جالنا ربيه من كذا.. واينحن بنغدي نستفتي الفقيه سكاتيه وش نعبا في تالمصيبه حلت

علينا من ذياك الشيطان مدري منين ظهر علينا؟؟

وبغيناك تجينا بكره ضحان بالدركتل والشيول حقك ذياك ماعد معنا يكون خربة القحم نغدي

نهدها ونمتسحا وناخذ الحصى نبني بها عراقن عند البيت لا تتلهوى علينا باطرف الفكوك لين تجي.

[فيصل فيصلي]

فين خفقوا ذلا القحمان الشياتين
اشا بونازي انزوك من فوق الرعش وين خفقت
تعاله انته طحت وسكاكين القحمان كثرت عليك
وعريفتكم بيجيك اليوم بعد العشاء بخطابين من الاماره
اما اولها تراه من القحم سحاب رفع عليك دعوى...يقول نكحت كهلته وهو حي, وادعيتم عليه انه ميتن..
وانتم يالمجرمين رميتم به في مأوى العجزه....تحسبونه خرف..وهو ماهلاه تصيبه الغزله احيانا ويفوت
لكن القحم صحصح وعينه بك

والثانيه من كهلتك الاوله..لاجل ماستهديت الا وهيه فوق راسيه هيه والكهله مشنيه اللي غيرت اسمها شتات
جينه وانا اتمنقح تلاجة كبشتونو وصبيت لهنه ...وزي التمافيل البدويه ابينه يشربنه ...قلت هويه ماتشربنه قالت مشنيه بده اعطنا طلبنا
قلت ابشري يامشنيه قولي وطولي واعتزي وانتصبي...لو كان تبغين راس غليص رزيتوه لك حراجن ترمينه بتاعك البندقه
قالت تسلم لكن الطلب لتي الكهله معيه..واهي كهلة بونازي نحاها بتموت بهكبتها الله يهكبه..نبغي ترفع عليه قضيت خلع,خلعوه من جوف عاتقه
قلت ابشري..غاليه والطلب رخيص
وانا بحكم اني اشتغلت فالمحاكم قهوجي 40 سنه لين تقاعدت فاني اعرف القضاة كلهم وابشري بمن يخلع ابونازي وحتى سفانك ان كان تبغين نخلعهم وتتبرين منهم مرة واحده فابشري

وذالحين القرار بيدك ياقحم بونازي...ان كان ودك تاخذها براسك فاحسن لك طلقها وفكك منها (( وتراني عازمن باخذها بدل كهلتيه اللي ماتت...مالي بختن مع الكهيل كل ماخت واحده ماتت لين قبرت خمسن وان شالله ان كهلتك السادسه))

وان كان معينك الا بالمحاكم والشرهات..فلا تلوم الا نفسك وباذن الله لاردك السفل, وانك ضارن به يا حسيل العبيد

هيه فكر وبكره رده منيه...انته تكبرت وبغيت يضلي معك كهلتين..لكن باذن الله ماتصبح بكره وبعد معك منهنه ولا واحده

[حصن الوادي]

اقتباس: المشاركة الأصلية كتبت بواسطة فيصل فيصلي      فين خفقوا ذلا القحمان الشياتين

فيصلي , وأنك ما كنت إلا تغسل الفناجيل من ورى مشادق المطاوعة ما كنت في هيئة التمميز , وتراك ما كنت إلا في محكمة المندق (عند مشدق) و يوم كنت تشوف مشدق تظلي تنتفض من الخرعة , وذلحين تبغون تتسحبون أبو نازي قحمن يالله حسن الخاتمة من محكمة في الثانية بقوف الكهيل.

الله الله يا فيصلي "كلن يهف على قرصه يااااا صديقيه" , أووووويييييه يابو نازي جعل الله بي عنك وأنك ما تستاهل (إلى طاح الجمل كثرة سكاكينه).

أما من يم الخلع ها خل آعلمك يا فيصلي والله الذي خلق أنك في غفله الله يهديك , آي بعد ما عود القحم سحاب (أستحبوه بكراعينه من فوق عراقن ملانن عقشن) , والله أني لبديت بهرجه لنسيم وأبو نازي قلت لهم عافوا الكهلة شريفه وخلوها للشياطين ولسحاب وخلونا ندرج الهرجه في الكهله مشنيه (شتات) وإن شاء الله أن الكهله شتات وافقت على أبو نازي مبدئياً نحاكاها تبغي تختلع كهلة أبو نازي و ودها تتوحد بابو نازي حنه وسييييييييييم وحنه راعي اسلوووووووب وشي شجااااااعه وشي بيااااااض (مهند على غفله).

والله الذي خلق لين طاوعنيه أبو نازي أنه ليعلق كهلته ويخليها للجن عند أهلها لا مطلقه ولا متزوجه وأنها ما تحل لك يا فيصلي (أيش تفتك كهلة الرجال من بين أيديه أنت صحيحن انته , أستح على وجهك يالمخذول , وأنك أول الزمان تقول ميديه يابو وجهين , أنت أخاف أنك غزلت , ما خليت لك صديقن تهتميت من الجماعة كلهم الله يغرب عليك)

وأما سحاب فحد خبري به أنه أنقطع علمه ولي عنه سمح سنين , وفي الشرع يا قهوجي المحاكم إذا أنقطع الرجل عن كهلته أكثر من خمس سنوات فيحق لها تتزوج وإذا زاد عود قحمها يردونها له , وأنا وأنته وأبو نازي كوووووووووولنا من تحت الشرع يا عمي.

هذا علمي وسلامتك , وتوقع وألمح عند أرجولك يا قحم فيصل آي السرعه ما فيها خير حتى في الكلام

[ابو نازي]

أنا يا الربع من يوم تبيعت البلاد ماعد يخش النوم جوف عينيه ما سري يكون

اتحلم ويسري عليه جدنا القحم نازي الاول يتهدد العرقان ويهبد بها فوق راسيه

واني اول عن امسي حلمت الا وهو يوم جانيه في الحلم وقال قم يابو معيض

وانا ابوك وهد الخربه الشاميه اللي عند الحصن؟ وانا تعوذت من الشيطان

وخليته والنهار الثاني واهو يعلها عليه واني خليته والنهار الثالث قال قم وقل

لحصن الوادي يجيك وهدوا الخربه. واني والله وارسلت لطويل الذراع حصن

الوادي قلت صبح بكره تجيني بالشيول والله ما صبحت الا والشيول يحنم قاعة

الخربه والله يوم قشعنا سفل الرفه والا وهو وعلينا بذيك (الغله) ذاك القدر

مليانن ذهبن قلت وقف وقف يا حصن الودي لا تهشم القدر.

والله ما قدرنا نقتلعه من كبره الا بالشيول ولبسنا عليه بجاعدن معنا ارب ماحد يشوفه وغدينا به البيت

واني اول ما فعلت اشتريت عشره من الطليان من حصن الوادي قلت تيه اهي

صدقه على روح القحم والله وما قصر جابها ابو مفرح حصن الوادي وسعدنها

جوف الجرين وقسمها عالجماعه من طفيه طفيه قلت خلها اربعن اللحم نعمه

وبعدها التقطت نفسيه وامسحت على اولي على العريفه واعطيته علميه وقلت

ابغي ارتد البلاد والدراهم حلت ونحاكها مصروره قال راعي الحق غلاب

وبلادك عودت لك وبارك الله وارتديت البلاد وعودت بيتنا

همن رجعنا على ذاك القدر قلت والله ما يمسي منه شي اني لاقسمه عالجماعه

واتجمل مع الفقير والمعسور والغني ونشتري للكهله نسيم خبشتين.. ان لها

شهرن ما ريناها اندنها يقلون تتحزب للجنادريه تلقط في القراشيع معها مكتلن

املته صمايد كهيل وحجولن وختم فضه واهي ما بقت لا ضمدن ولا سحبن

ولا محاله ولا دارجه في الدار الا وانصبت عليها تبغي تعرضها تقول في

الجنادريه اناي مدري وين بتلقي بها افكارها لكن بكيفها وبهواها لكن مدري

هي تتبيع ضمودنا وسحوبنا عليهم والا وش يعبون بها؟؟..


واما انت يا حصن الوادي اني بازيدك عن الجماعه والله انك تستاهل



واما انت يا قحم فيصل الكهيل يتضحكن بك وتبغي تسوي حلفن معهنه ها طيب وانا ابو نوازي معي لك ولهنه.

اقتباس: المشاركة الأصلية كتبت بواسطة فيصل فيصلي      وذالحين القرار بيدك ياقحم بونازي...ان كان ودك تاخذها براسك فاحسن لك طلقها وفكك منها (( وتراني عازمن باخذها بدل كهلتيه اللي ماتت...مالي بختن مع الكهيل كل ماخت واحده ماتت لين قبرت خمسن وان شالله ان كهلتك السادسه))

والله تحسب كهلتيه مطرفه لك ولعيناتك يا قهوجي المحكمه.

وان غدينا عند القاضي باقول كهلتيه شوف عيونيه وعشرة حياتيه وشعرة قلبيه

وانا ماعندي مثلها >>>>>ما عليه والله لخليها عبره لكل كهله ما تعتبر واخليها لا معلقه ولا مطلقه

واني والله انا اللي بارفع عليك القضيه تبغي تفرق بين القحم وكهلته اربك

تنكحها وانا معي عليك شهودن مشهده لاخليك تسبت في السجن سنتين والا

ثلاث ولا عيني اوكل ولا محامي باسدك في عمريه يا صباب القهوه



واما الكهله شتات يا حصن الوادي معيني بها اما انا والله ما عد الا ما ساقت

السياره بندقتها فوق كتفها ولا جت ترقد يقولون انها ما ترقد الا وهي جوف

ايدها اما انا في وجه الله منها لكن خلها للقحم فيصل خلها تقعد عقله اشوف ان

بعد في راسه دجه ما اخرجها بعد

انا ابغي لي واحده تقوم بالبلاد وتقوم عند الحلال وتعرف كل مهره وتشتغل في كل ضيعه ما ابغي لي صبيه تحارب..

[حصن الوادي]

اقتباس: المشاركة الأصلية كتبت بواسطة ابو نازي      همن رجعنا على ذاك القدر قلت والله ما يمسي منه شي اني لاقسمه عالجماعه واتجمل مع الفقير والمعسور والغني ونشتري للكهله نسيم خبشتين.. ان لها شهرن ما ريناها اندنها يقلون تتحزب للجنادريه تلقط في القراشيع معها مكتلن املته صمايد كهيل وحجولن وختم فضه واهي ما بقت لا ضمدن ولا سحبن ولا محاله ولا دارجه في الدار الا وانصبت عليها تبغي تعرضها تقول في الجنادريه اناي مدري وين بتلقي بها افكارها لكن بكيفها وبهواها لكن مدري هي تتبيع ضمودنا وسحوبنا عليهم والا وش يعبون بها؟؟.. واما انت يا حصن الوادي اني بازيدك عن الجماعه والله انك تستاهل

وانا دايم أقوله أقول شي شيمه وشي كرم وشي صمله وشي طولة ذراع ملى ذامعك الراس يابو نازي.
والله الذي خلق أن يا قدرك ذامعك اللي فيه الغلة أن ما كنه إلا جوف سفل جدي مفرح وأن كنه ليه يا نا فداك.
يا جماعت الخير نحاكموه يبغي يوزع الغله على الجماعة , طلاقه لو كان حاتم الطائي جاله كما تالغله أنه ما يوزعها على جماعته لكن أبو نازي ماحد كماه.
واما من يم الكهلة نسيم السروات , والله الذي خلق أنه حره ودندونه وبيض الله وجهها ورفع قدرها أهي ومن معها من الغلايم والمطاليق اللي في الجنادرية , حيث أنهم يمثلونا هنيوك , وآي نحن معكم بدعائنا وقلوبنا ومشاعرنا يا نسيم , وأبشري ما تعودين من الجنادرية وإلا وثنتين من الخبيش قدامك بخاته من أبو نازي.

وإما الكهلة شتات يا أبو نازي فخلها للغزله (الكهيل غزل بهنه الضمان , كن قدام ينكحنه علشان القحمان يسترونهنه وذلحين كل ما جينا نصاهر لأبو نازي في كهله قالت الملك قحميه , غزل بهن الضمان)
بعد ان الله أنعم عليك وأرتديت البلاد وبعد يا رفيقه معك دراهمن اغده خذ لك بنت بكر خلها ترد في روحك ذامعك ناشفن من الشقاء عنقفى البلاد والصواعد والطرد ورى الكهيل , وألمح خلنا ناخذ لك يا حبيب عيني شاميه صفرتها توررره وما تقول ميدك إلا تؤبرني يابو نازي , قبروا كهيل الديره كلهنه جوف دمنه , من زينيهن والله الذي خلق أنه تقول من شوطهنه وشبحهن راس شمرخ , ناشفات تقول الكرانيف , ويزعمنها بعد في خطرهنه أنهن غلالن.
وأعذرنيه يا رفيقه والله ما أحواني عنك أكون جانا "فتنان" حق الإتصالات وأمتصع سلكن يقال له سلك الانترنينتنتتتننت وإلا والله ما عاد في عين الكمبيوتر قطره , لكن إن شاء الله اني أغدي أسدده ونرتد سلكنا , لا حكمت نظلي نتفقد الصدقان مثلكم وشرواكم.

[بعيثرانه]

اقتباس: شاميه صفرتها توررره وما تقول ميدك إلا تؤبرني يابو نازي , قبروا كهيل الديره كلهنه جوف دمنه , من زينيهن والله الذي خلق أنه تقول من شوطهنه وشبحهن راس شمرخ , ناشفات تقول الكرانيف , ويزعمنها بعد في خطرهنه أنهن غلالن.

اقول ياحصن وذا بتاخذكم الشاميه عليه بتخلي عزبان بلادها الواحد

زينه يقطر وتجي تاخذ واحد منكم الله يرحم عبيد المظيليف جنبكم

ثوبه من نص ساقه وعمامته ملجوغه وعقاله في قفاته وقبعته ماعادت تنطري

لا لون ولاخام باحت , ونعاله ( في وجه العدو ) مُحلت , وشيبُه كما العرفجه , ونظاراته ماركة بادريق

والتركيبه كل ماهرج انفلتت من ثمه وعصاته انعكفت وهو يتعكز عليها

ولاعاد إلا ينتفض يالله حسن الخاتمه اربعه يقيمونه واربعه يقعدونه عظم في بطانيه

اخه مابهن إلا الجنسيه والقروش وعد منه الى بطن مكه وذا احصى حروف الختمه متى خذنها مايزدن يلمحن فيه

..

واما كهيلنا عليهن ذكر الله وذكر محمد نبي الله كان في خاطرك انهن دخاخ

فيه كهله شيبتها كان دنجوان القريه وذا حد اشتكى لها منه قالت خلوه معه نهقه بيدرج ويعود لي وهو حمار ( كرمتم )

يعني ادرجوا وتفكهوا وعرعروا وتمشوا وتسيحوا لكن مصيركم عند كهيلكم وانتم ماتشوفون الطريق

.
.
.

وعلى طاري الغله ذي لقيها ابو نازي

ترى لي فيها نصيب

جده نازي قد جا ويلينا في بالجرشي وقعد سنه يتشغل ويبني مع جداني ويقولون وانا اقول لا إله إلا الله

انه تزوج اخت جدي عمة ابي ( بيه على قولتكم ) وانه مات وهي بعد حيه واخرجوها سفان نازي

من الوادي والدار وهي تنازع نادتني وقالت : المحي يابنتي انا نكحت واحد من زهران اسمه نازي

ولي نصيب في الوادي والدار لا تسيبون حقي خذوه واهو هبه مني لك يابعيثرانه واعدك في معد بنتي

ولو ماتخترجينه إلا من عيون سفان نازي لا تخلينه

وذلحين هات حساب عمة ابي في البلاد والدار والغله من حق جدك يابو نازي

وصك النُكح عند العريفه

هااااه فهنت

[ابو نازي]

والله انك مجدك يا حصن الوادي ان شاميات يهولنه ماتشوف القحم سحاب ماعد بدا فينا من يوم خذ الشاميه

اهو يعلمنا اول عن امسي يقول اني اخذ الذبيحه واقسمها نصيفه بين الكهلة سعدى وصبيته الشاميه يقول

اما الشاميه والله انها تسدها الى اتلى الشهر واما سعدى والله ما تسدها ذبيتحتنا ذيك نهارين

لكن وان قاله الله وانا رفيقك انا لنديح ويلاهم قهرنا في كهيل الشياطين ذولي يشكين من كل عله ما تقوم

تقعد الواحد الا واهي تزفر وتسري حد الليل تقنت واذا طلعت الدراج ما لها الا فحيحن وتقتسم الدراج

مرتين تقعد في مثناتها تنتسم..


عليه عنكم من فتنان حق الاتصالات انتم ما ربحتم في ساق الغراب لكن ربك يعوض عليكم

ديارنا كان لها ثلاثين سنه ما كدت الربح لكن نقول ان شاء الله ان ربي فرج عنكم من يوم افلح عريفتكم

الاول خبزان اهو ما بقى لكم لا خضراء ولا يابسه لا هو ولا ولد ذاك عليه قبس الله.

اقتباس: المشاركة الأصلية كتبت بواسطة بعيثرانه      وعلى طاري الغله ذي لقيها ابو نازي ترى لي فيها نصيب جده نازي قد جا ويلينا في بالجرشي وقعد سنه يتشغل ويبني مع جداني ويقولون وانا اقول لا إله إلا الله انه تزوج اخت جدي عمة ابي ( بيه على قولتكم ) وانه مات وهي بعد حيه واخرجوها سفان نازي من الوادي والدار وهي تنازع نادتني وقالت : المحي يابنتي انا نكحت واحد من زهران اسمه نازي ولي نصيب في الوادي والدار لا تسيبون حقي خذوه واهو هبه مني لك يابعيثرانه واعدك في معد بنتي ولو ماتخترجينه إلا من عيون سفان نازي لا تخلينه وذلحين هات حساب عمة ابي في البلاد والدار والغله من حق جدك يابو نازي وصك النُكح عند العريفه هااااه فهنت

ايوه ايوه تبغين تاخذين معنا قسمن يا بعثرانه من البيت والوداي؟

ينثر دمي فوقها ما عذرت فيها لك ولا لغيرك وش يقلون عني الجماعه الغامديه خذت بلاد ابو نازي وهو يتلمح؟

لكن باهب لك من عرض الجماعه يقول من عرض الجراد يا ابو رماد وانكان عليكم دينن باخلصه عنكم

اما جدتك شيحه الله يرحمها كم لقتنا وسقتنا تلقى عملها يوم الاخرى والاخره غدين منها امهات الدار

رعيبن بغت تشيخ على النسوان والرجاجيل لكن جاء لها القحم نازي كسر قرونها

واهي ماتت وهي شاردن عندكم واهي صدقت مات القحم نازي قبلها

لكن القحم نازي ما هو هتله ما مات لين خرجها من البيت والوادي وطلقها على حياة القحم خضران

والقحم مسفر وورقتها اهي عند الفقيه واهي بعد ينعرف وش فيها ولوكان ان العثه كلت طرافها وتيه

صوره منها خذناها من عند الفقيه




اقول وانا العبد الفقير معجب بن جرادان حضر عندي

اليوم الربوع نازي بن غراز بن محنوس

في خمسه ايام باقيه من شهر قصير من عام اثنين وستين بعد الالف

وقال بانه طلق مرته شيحه بنت معتوق الجرشيه وانها ما عد تحل له

وشهد كل من جمعان بن سحاب من الدار وصعبان

بن مفتاح من الوادي والله خير الشاهدين كتبتها

يوم ان يدي تفنى ويبقى كتابها وصلى الله على محمد..

كاتبه معجب بن جرادان

[نسيم السروات]

ههههههههههههههههههههههه

ما أروعكم قسم بالله لضحكت ضحك عورني بطني منه

واصلوا وربي يسعدكم ياليتني فاضية وأتهرج معكم

باقي عالجنادرية حول اسبوعين وأجيكم .

يكفيني اتابعكم .

[شمس عصرا]

مقتطفات ضحكتني غصب:

اقتباس: ديارنا كان لها ثلاثين سنه ما كدت الربح لكن نقول ان شاء الله ان ربي فرج عنكم من يوم افلح عريفتكم الاول خبزان اهو ما بقى لكم لا خضراء ولا يابسه لا هو ولا ولد ذاك عليه قبس الله.

اقتباس: واما كهيلنا عليهن ذكر الله وذكر محمد نبي الله كان في خاطرك انهن دخاخ فيه كهله شيبتها كان دنجوان القريه وذا حد اشتكى لها منه قالت خلوه معه نهقه بيدرج ويعود لي وهو حمار ( كرمتم ) يعني ادرجوا وتفكهوا وعرعروا وتمشوا وتسيحوا لكن مصيركم عند كهيلكم وانتم ماتشوفون الطريق

اقتباس: وإما الكهلة شتات يا أبو نازي فخلها للغزله (الكهيل غزل بهنه الضمان , كن قدام ينكحنه علشان القحمان يسترونهنه وذلحين كل ما جينا نصاهر لأبو نازي في كهله قالت الملك قحميه , غزل بهن الضمان)

اقتباس: قلت ابشري يامشنيه قولي وطولي واعتزي وانتصبي...لو كان تبغين راس غليص رزيتوه لك حراجن ترمينه بتاعك البندقه قالت تسلم لكن الطلب لتي الكهله معيه..واهي كهلة بونازي نحاها بتموت بهكبتها الله يهكبه..نبغي ترفع عليه قضيت خلع,خلعوه من جوف عاتقه

[سـحـــاب]

اقتباس: المشاركة الأصلية كتبت بواسطة ابو نازي      والله انك مجدك يا حصن الوادي ان شاميات يهولنه ماتشوف القحم سحاب ماعد بدا فينا من يوم خذ الشاميه

هههههههه
ألحق عمرك يابو نازي واغد خذ لك شامية،،، ترجَّل كما سحاب
مهر الواحدة منهنه 200 ورقة،، كما قيلتن ألفين ريال عندنا
وشياتن يهولنه،، ما هنه كما بعض اللي عندنا
الله لا يدخل الكلب المسيد

رخصن النسوان - الله يرخصهنه - يابو نازي ،،، ماهن كما قدام
والله ما تشوف وجهها إلا بمية ألف، وعشرة آلاف (سياقة) لأمها
ويوم تروح عليك تقول في نفسك: سود الله وجهي كان عِفت من بعض المعارف