هل تأكل أم ترفض الأكل من طبخ الخادمة ؟!! ولماذا؟!!

[شمس عصرا]

يعني البنغالي بالبوفيه بيكون أنظف؟؟؟
على قولة عادل امام السعوديين عليهم حاجاااااات ياقدع
مسألة نفسيه بس
والا بعض الشغالات ويمكن اغلبهن...فيهن نظافه خياليه..
الواحده ماتنام لين تفرش اسنانه نصف ساعة من الدعك والغرغره...وترويشه يومية قبل النوم بشكل روتيني صيفا وشتاءا ايا تكن الظروف والاحوال

أما ماتفظلت به الأخت رفيعة الشان من منعها دخول المطبخ وتحسيسها انها ليست محل ثقة
فأمر جارح وينتهك انسانية وكرامة الشغالة...خاصة ان كانت مصلية وقايمه بواجباتها
وقد يجعلها تحقد عن جد...
فالحذر من الاستهانة بكرامتهن..رحمة بهن اولا, ثم اتقاءا لشرهن ثانيا

[رفيعة الشان]

اقتباس: المشاركة الأصلية كتبت بواسطة شمس عصرا      أما ماتفظلت به الأخت رفيعة الشان من منعها دخول المطبخ وتحسيسها انها ليست محل ثقة فأمر جارح وينتهك انسانية وكرامة الشغالة...خاصة ان كانت مصلية وقايمه بواجباتها وقد يجعلها تحقد عن جد... فالحذر من الاستهانة بكرامتهن..رحمة بهن اولا, ثم اتقاءا لشرهن ثانيا

شمس عصرآ أشكرك على المدآخله ,

حبيت أوضح لك نقطه وهي إنو [ الخآدمه تعتبر موظفه ]
لهآ مهنه معينه / وبيننآ وبينهآ عقد وآخر الشهر تآخذ رآتبهآ
وكل وظيفه أكيد لهآ دور معين ,
يعني مو معقول السكرتير يآخذ دور المدير , أوالمدير يآخذ دور المشرف أو المستشآر أو ... إلخ , صح

من لمآ جآت خدآمتنآ أمي معلمتهآ على شغلهآ وطبيعته يآفلآنه تسوي كذآ وكّذآ و ... إلخ
=> وترآهآ تسوي كل شي عدآ الطبخ وغرف النوم مستحيل تدخلهآ
ومن حق أمي كـ ربة بيت تهتم ببيتهآ وعيآلهآ وزوجهآ / صصح وإلا أنآ غلطآنه !!

وعلى فكرهـ والله خدآمتنآ مدللـه وأمي مدلعتهآ مرهـ
تنآم بدري وتصحى وقت ماتحب
وتآكل وتشرب مثلنآ مثلهآ وتلبس وتكشخ
ومعاها جوآل وتكلم أهلها متى ماحبّت / ونخرجها معانا وتتمشى وتتفسح وتشم هوآ
وتتفرج على التلفزيون أكثر مني حتى أرب ايديل تتابعه => الفرق بيني وبينها عندي نت وهي ماعندهآ
مآ أتوقع إننآ أمتهنآ كرآمتهآ / أو آذينآهآ ,
لا هي ولا غيرهآ من الخدآمآت اللي قبلهآ الحمدلله ..
بـ الأول والأخير كلنآ بشرر ومآفي أحد أفضل من أحد ..
والحمدلله أهلي مربينآ نحترم الخدم ومآ نأذيهم => ويآويلي من أمي لو أقولهآ شي مو كويس

المهم والأهم :
كل الكلام اللي فوق مو مجبره أقوله ولا حتى المفروض أكتبه هنآ
لأن الأجر والمثوبه وبالمقابل العقآب هو فقط من رب العبآد
بس حبيت أنبه مآ تحكمو على أحد على جهاله بـ الحقيقه , لأنكم ممكن تظلمو بدون مآتحسو
والظلم ظلمآت يوم القيآمه ..

[شمس عصرا]

اتمنى ان لايؤخذ حوارنا بحساسية زايده
انا فقط تكلمت بشكل عام..ولا اقصد شخصا بعينه بالضرورة..حتى ولو كانت مداخلتك يارفيعة الشان والذوق فتحت هالباب
واعرف ان غالبية ربات المنازل السعوديات..وخاصة من كبار السن مثل امك
يخافو الله فيهن ويكرموهن ويعطوهن اكثر مما هو واجب ومتفق عليه
لكن أحيانا نخاف ان الخادمه ربما تشيل بخاطرها عندما تشعر انها مستقذرة ولا يقبل الطعام الذي تطبخه

ولا تزعلي انا اعترف اني اقصد نفسي
مرة طلبت افطار..فعرضت الخادمة ان تقوم باعداده
فوافقت على مضض...حتى لااجرحها,
واعترف لك اني اكلت لقمتين منه فقط...ثم ..عارفين الباقي..حيث لم استسغه
للاسف شي لا ارادي
مدري بسبب شو...امكن بسبب الصورة النمطية عنهم...

والغريب ناكل من طبخ الهنود بالبوفيهات بكل شهيه؟؟؟؟؟!!!!

[رفيعة الشان]

اقتباس: المشاركة الأصلية كتبت بواسطة شمس عصرا      اتمنى ان لايؤخذ حوارنا بحساسية زايده انا فقط تكلمت بشكل عام..ولا اقصد شخصا بعينه بالضرورة..حتى ولو كانت مداخلتك يارفيعة الشان والذوق فتحت هالباب واعرف ان غالبية ربات المنازل السعوديات..وخاصة من كبار السن مثل امك يخافو الله فيهن ويكرموهن ويعطوهن اكثر مما هو واجب ومتفق عليه لكن أحيانا نخاف ان الخادمه ربما تشيل بخاطرها عندما تشعر انها مستقذرة ولا يقبل الطعام الذي تطبخه ولا تزعلي انا اعترف اني اقصد نفسي مرة طلبت افطار..فعرضت الخادمة ان تقوم باعداده فوافقت على مضض...حتى لااجرحها, واعترف لك اني اكلت لقمتين منه فقط...ثم ..عارفين الباقي..حيث لم استسغه للاسف شي لا ارادي مدري بسبب شو...امكن بسبب الصورة النمطية عنهم... والغريب ناكل من طبخ الهنود بالبوفيهات بكل شهيه؟؟؟؟؟!!!!

لا والله بالعكس لا زعل ولا حسآسيه / بس حبيت أوضح مجمل الفكرهـ للجميع ,
لأني ممكن بالرد الأول أنأخذ على ردي الغرور والغطرسه والإمتهآن وكذآ ..

في كل أحوآل أشكرك على مدآخلتك ومحوآرتك مرهـ ثآنيه وعآشرهـ
والعذر والسموحه لو أخطأت أو أسأت التعبير ,
أنآ كنت حآزمه بـ ردي بس والله إنو كآن بـ عفويه وبـ طيب خآطر تمآمآ ,
وأنا والله أكن لك كل إحترآم وتقدير ربي يعطيك الصحه والعآفيه ..
لاهنت

[الشيبه]

موضوع جيد ولكن اذا كانت الطباخه هى العامله المنزيله بسبب ضروف عمل الزوجه
لا احد يزعلها....

وناا تكلم هنا بصراحه يجب ان نكرمها ونعامها معامله طيبه

والله تخليكم تقصدو اخر الليل وتعرضوا انتبهوو هههه

[أبو ألين ّّ]

أشكركم جميعاً على هذه المشاركات والتفاعل مع الموضوع والحقيقة أن كل واحد منكم أدلى بدلوه ولكن بقي أن أبدي رأي كصاحب الموضوع.
في الأونة الأخيرة اجزم بأن 99% أن كل بيت فيه خادمة على الاقل تهتم بتنظيف وترتيب وتحسين البيت.
ولكن في المقابل نشوفهم يطبخون وينفخون .
وش يضمن انها ماتدس السم بالاكل . دام الخادمات وخاصه الاندونسيات واغلبهن قدام أهل البيت تسوي نفسها أنها نظيفه وهي تصلي وتصوم . وهي عكس الشئ هذا.
الخدم ما نقول لاحد يجيب لا عادي ولكن ما يسوون كل كبيرة وصغيره .
الشي له حدود.
بعض البيوت حياتهم أكل و شرب ونوم و بس
المفروض يكون دور الخادمه كمساعدة فقط لربة البيت.
اما تكون الكل في الكل هذا غلط .
دورها غسيل الصحون والملابس وغسيل الحوش وغير ذلك من الأمور التي ليس لها علاقة بالطبخ.
المشكلة أنه وبكل أسف أن الناس تحب المظاهر والبعض منهم يتفاخر بوجود أكثر من خادمه في البيت .
بشكل عام .. دورها في البيت ثانوي .. ومستحيل يكون أساسي . وخاصه في الطبخ.

يعني الخادمه للتنظيف فقط.
أكرر لكم مرة أخرى شكري وتقديري وامتناني على مروركم العطر
ودمتم في رعاية الله وحفظه

[جمعان مفرح (ابو طلال)]

(وجهة نظري الخاصة )
الخادمات للنظافة فقط . من الخطأ الكبير أن تطبخ أو تدخل غرفة النوم .
أنا لاأستسيغ أكل الخدم مهما كان مستوى النظافة لديهم . ولا أحب أكل المطاعم مهما كانت نظافتها .
للجميع شكري وتقديري
ودمتم في حفظ الله

[أبو ألين ّّ]

اقتباس: المشاركة الأصلية كتبت بواسطة جمعان مفرح (ابو طلال)      (وجهة نظري الخاصة ) الخادمات للنظافة فقط . من الخطأ الكبير أن تطبخ أو تدخل غرفة النوم . أنا لاأستسيغ أكل الخدم مهما كان مستوى النظافة لديهم . ولا أحب أكل المطاعم مهما كانت نظافتها . للجميع شكري وتقديري ودمتم في حفظ الله

الله يعطيك العافية يا أبو طلال كلامك والله عين العقل
فعلاً الخادمة للتنظيف فقط
وأشكرك على المرورك
دمت في رعاية الله

[شتآتـ]

بسم الله

الخادمات شر لابد منه والكثير يستقدمهم للحاجة والضروره
والبعض كنوع من البرستيج والفشخره

ومسئلة الأكل من يد الخادمه تعتمد على نفسية الشخص
البعض يتقبل عادي الاكل والبعض لا

عني انا اذا كانت نظيفه جدا فلا مانع
لانا ناكل من المطاعم ولا ندري ولا نشوف باي طريقة تم اعداد ذلك الطعام
بينما الخادمه تطبخ قدامي وانا ع راسها ويدها تحت الماء اربع وعشرين ساعه و تكون معقمه يدينها ولابسه لبس المطبخ واهم شي الجونتي فما المشكله هنا لو طبخت او ساعدت في الطبخ
شغالات خواتي طباخات بس ماحب اكل من طبخهم
وشغالتي طبخها عادي بس لانها نظيفه جدا جدا عادي نو بروبلم اسمي بالله واكل

[ابو احمد العدواني]

ما أقدر اتصور يوما من الأيام أن آكل من يد الخادمة أبداً
وكذلك من المطاعم