زواجات الديرة الى متى هذه العادات ؟

[عزيز وغالي]

وجهة نظر شخصيه بالنسبه لي انا اشوف زواجات الديره متميزه ولها طابعها الخاص والجميل اللي يميزها عن باقي زواجات مناطق المملكه الحبيبه فما اجمل الزواج في الديره وانت واهلك وربعك كلهم من سنه زمان الا من يوم يفكر الشاب بالزواج وهم يتشاورون ويجتمعون وكل منهم يبدي شوره وهات اجتماعات وجلسات يتخللها عشوات وشرب دله وبراد الى صباح يوم الزواج اللي يبدا با
حلى فطور والوناسه والمحبه وانشراح الصدور وفي الظهر يقلطون ع الغدا وبعد العصر محلاها لو كان فيها عرظه الله يخارجنا وعلى فكره عرظة العصر عندي ويمكن عند غيري بعد تسوى عرظتين في الليل وبعد التعب واللي هواكيد تعب راحه ما عد احلى ولا اجمل من اللطف سمن و عسل وخبز وتمر وعيش ومرق واختفس يا ظيف الرحمن طبعآ هذا شي بسيط وقليل من كثير بعدها جلسه وسوالف بسيطه وخفيفه حتى يحين موعد صلاة العشاء وبعدها ما هنا الا قولة مرحبآ هيل عد السيل طبعآ هذي التحيه الخاصه بقبايل غامد الهيلا و زهران العناصي واقلطو يا ظيفان حياكم الله ع العشا وانا فدا يا من بدا طبعآ انا اعرف واكثرنا يعرف خصوصآ اللي يحبون العرظه ان عشانا خفيف و مستعجلين كله عشان العرظه نلحقها من بدري و ما حلاها وانت تشوف اهل الزير يحمونه ودك يدقون بسرعه والاحلى منها حين يبدا دق الزير شي خيالي و رهيب ولا تدري بنفسك والا وانت وسط المعراض وطول علينا اليوم يا ليل ياليييييل وحين تنتهي العرظه تسأل ربعك وين الحفله الجايه : وبغض النظر انهم يروحون بدري انا اشوف وقتهم في الحظور والعوده مناسب جدآ ولويكون كل هذا في صيوان كبير بدل القصر يكون احلى والحقيقه ان اغلب اللي ما يبغى زواجات الديره هم اهل المدن من النساء وخصوصآ الجيل الحالي واخيرآ اشكركم على سعة صدوركم واعذروني ع القصور محبكم : صبي غامد

[خيال cـز]

مع خالص إحترامي لك يا أخ دينار فأنا وجهة نظري إن عادة الزواج عندنا هي الصح نجي بدري و نشطب بدري و (( خل العريس يأخذ الليل من اوله )) و لو تشوف زواجات الاخرين هي نفس الوقت 5 ساعات تقريبا يعني ما فيه فرق ..

شكرا لك على إثارة الموضوع الجميل

[نسيم السروات]

لاحظت أن أغلب الرجال يعارضون تأخير وقت العشاء في الزواجات إلى بعد صلاة العشاء .

وكما أسلفت هذا الشئ يخدمهم هم لوحدهم خاصة إذا لم يكن في زواجاتهم شئ من الترفيه مثل العرضة وغيرها .

بصرحة أكثر الرجال أناني وما يحب إلا نفسه وراحة نفسه وما يفكر يرضي اهله ويضحي بشوي من وقته لسعادتهم

والله مانسيت موقف صار أمام عيني لعجوز كانت تتعشى وتسولف مع بعض قريباتها من فترة ماشافتهم

كانت عائشة مع عيالها بالشرقة وقابلتهم بهذا الزواج وفجئة دق جوالها وكان أبنها المتصل وقال يالله نادي على البنات

وأطلعوا أنا عند الباب قالت ياولدي أحنا باقي ماتعشينا ! بصراحة ما أدري وش قال لها لأنه تغير وجهها وقامت

المسكينة من فوق عشاها تغسل يديها وتقول دخيلكم ساعدوني دوروا معي البنات مامعهن جولات أخذوها منهن عند

البوابة عشانها جوالات كاميرا .

وراحت هي وبناتها وزوجة ولدها من فوق العشاء وغيرها كثير مثل هذه الحالة هذا مجرد مثال .

وش اللي بيصير لو تركها تعشى براحتها وتسولف شوي مع صديقاتها وقريباتها

أقسم بالله أن المنظر مرعب بعد تناول طعام الشاء ما تشوف إلا حالة استنفار وخروج من القصر غير طبيعي وفي

وقت واحد تقول هناك حريق أو أن القصر أيل للسقوط المنادي ينادي والجولات تشتغل وللي

تدور على صغارها وبناتها ورفائقها واللي تلبس عبايتها مقلوبه من خوف زوجها تأخرت عليه في الخروج

اعوذ بالله هذه ماهي حالة هذه قسوة على النساء ومن أجل أيش كل هذه الصعوطة من أجل أن يرميهم في البيت ويروح

يكمل سهرته عند أصدقاءه أو يتسكح في الشوارع والأسواق والقهاوي وأغلب الرجال متفقين على هذا الحال المائل في

كل زواج بحجة العادات والتقاليد الله كم من الخراط والأعذار الواهية .


أرجوكم ثم ارجوكم لا تدخلون الدين في هذا الأمر ولا العادات والتقاليد .

[OVERLINE]من ناحية الدين :[/OVERLINE]

الدين برئ منها ولم يأمر بها لا في كتاب ولافي سنة بل أن الدين أمر بمراعاة المرأة والرفق بها

وقال صلى الله عليه وسلم ( خياركم خياركم لأهله ) وقال صلى الله عليه وسم ( رفقاً بالقوارير )

هل الدين حدد مواعيد الزواجات متى تبدأ ومتى تنتهي ؟؟؟!!!.

واللي جاب الأية التي قال تعالى فيها ( وجعلنا الليل لباسا) لم تنزل في الزواجات هذه الأية القصد منها

أن الأعمال في النهار والراحة والنوم في الليل هل السهر في الزواج طلب منك تروح تقلع الجبال وتشتغل !!!

ما كان القصد منها أنك تتعشى بعد صلاة المغرب وتنام بعد العشاء الوقت فيه سعة ولله الحمد وأنتم ضيقتوه

بعدين لماذا لا تطبقون هذا الكلام إلا في الزواجات وشمعنى ما تطبق في السهر في القهاوي وعلى النت والعرضات

وفي الأسواق والمنتزهات ياسبحان الله إذا بغى الإنسان حاجة تتحقق أخترع له أعذار وحجج مال أمها داعي

ويبغى الناس تصدقه بالقوة .


[OVERLINE]من ناحية العادات والتقاليد :[/OVERLINE]



باقولكم شئ أنتم غافلين عنه ويخلي اللي يقول عادات أبائنا وأجدادنا يعيد حساباته .

أيش رأيكم أن أبائنا وأجدادنا ماكانوا يتركون نسائهم يسهرون في الزواجات فقط بل كانوا يتركونهن ينامون

ثلاث ليالي أو ليلتين في بيت العريس يرزين اللعب من بعد صلاة العشاء حتى وقت متأخر من الليل قد يصل

حتى الواحدة ليلاً وكل الليالي على هذا الحال . ماقالوا ورانا شغل في البلاد حرث ودياس وصرام بل اعطوهن فرصه

يستمتعن بها ويغيرن روتين الحياة الشقية وتعتبر نزهة لهن يتمنينها ويفرحن بها في كل زواج

رحم الله أبائنا وأجدادنا ونسأل الله أن يجازيهم الجنة ماراح يجي مثلهم صحيح أن النساء كانوا في شقى معهم

لكن كان لهن أكرام ومعزة عند اللزوم .

كانت زواجاتهم تبدى من العصر وكانت جميلة ورائعة ولكنهم لم يحددوا لها وقت نهاية مثلما فعل أصحاب

أخر الزمان زمن قصور الأفراح فقط هي التي صارت نقمة وخربت العادات الجميلة وجعلت الرجال يتذمرون

من الزواجات وحضور النساء فيها .

ورداً على من قال أن أهل المدن هم من يكره هذه العادة أقول والله أن نساء الديرة وبعض رجالها الطيبين

يعارضون وبشدة هذه العادة الجديدة علينا وليست من عادات أجدادنا وهي أنتهاء الزواج بوقت محدد بعد

العشاء مباشرة وتسليم القصر الساعة 8 مساء وتابعوا بقية الكلام وأحكموا .

لا يجي أحد ويقول ماكان فيه وسيلة نقل ترجع النساء لبيوتهن لالالا ماكان هذا عذرهم بل كانت عادات محببة

وكان هناك سيارات أذكر وأنا صغيرة قبل اكثرمن 30 عام كانوا النسوان يركبن في ونيتات وجموس كبيرة

تنقلهن من وإلى الزواجات وكانت القرى قريبة من بعض حتى لو مشين على الأقدام وصلنه بيوتهن بسهولة

ومع ذلك يبقون ليلتين في بيت أهل العريس خاصة قريبات العروس .

ياليت زمان أول يرجع ياليت الزواجات ترجع في البيوت مثل أول ونستمتع بالأهل والأقارب والجلوس معهم .

قصور الأفراح صارت نقمة على النساء حلت بعض المشاكل واستحدثت مشاكل أخرى وما راح تنحل هذه

المشاكل والناس متحجرين وما يرغبون أي تغيير يكون في صالح النساء خاصة الأشخاص الذين لا تمثل

المرأة في أعينهم شئ ولا لها أي تقدير عندهم .

والعل الأجيال القادمة فيها خير وبركة ترجع عادات أجدادنا المفقودة وتقدر المرأة وتعمل لها حساب

أما هذا الزمن فعليه العوض ومنه العوض .


[OVERLINE]ملاحظة :[/OVERLINE]

وياليت يكون الحوار مهذب بعيد عن بعض الألفاض السوقية والمعائرة فمنتدانا راقي دائم

ونتمنى أن يكون كذلك دائماً بأهله .

مع جزيل الشكر للجميع .

[نور الجنوب]

[frame="1 80"]
كما قال الشاعر
ان الافاعى وان لانت ملا مسها
عند التقلب فى انيبها العطب
فانتم يامن تدعون الى الزواجات المتاخره اقول اغد صل للك ركعتين والله انها احسلك من الحضاره الكذابه
ولاتنسا تصلى على رسول الله
صلى الله عليه وسلم

[/frame]
هذا انتو يالرجال فالحين في الكلام الفاضي والتجريح في حريمكم وفي بنات الناس .هذا موضوع نقاش ماله داعي طولة اللسان والمعايره
اقول روح انت صلي ركعتين وخلك من هذي الهروج قال ايش تعابين

[نار الجفاء]

اقتباس: المشاركة الأصلية كتبت بواسطة نسيم السروات      والله مانسيت موقف صار أمام عيني لعجوز كانت تتعشى وتسولف مع بعض قريباتها من فترة ماشافتهم كانت عائشة مع عيالها بالشرقة وقابلتهم بهذا الزواج وفجئة دق جوالها وكان أبنها المتصل وقال يالله نادي على البنات وأطلعوا أنا عند الباب قالت ياولدي أحنا باقي ماتعشينا ! بصراحة ما أدري وش قال لها لأنه تغير وجهها وقامت المسكينة من فوق عشاها تغسل يديها وتقول دخيلكم ساعدوني دوروا معي البنات مامعهن جولات أخذوها منهن عند البوابة عشانها جوالات كاميرا . وراحت هي وبناتها وزوجة ولدها من فوق العشاء وغيرها كثير مثل هذه الحالة هذا مجرد مثال . وش اللي بيصير لو تركها تعشى براحتها وتسولف شوي مع صديقاتها وقريباتها

تلقين الكهله ذبحتها السواليف داخل القصر الحريم فوق العشاء ياكلون في النعمه
وهي تقصد وتسلم على فلانه وفلانه
ماحد ردها عن العشاء فوق السفره تتعشى وتسري

اقتباس: المشاركة الأصلية كتبت بواسطة نسيم السروات      أقسم بالله أن المنظر مرعب بعد تناول طعام الشاء ما تشوف إلا حالة استنفار وخروج من القصر غير طبيعي وفي وقت واحد تقول هناك حريق أو أن القصر أيل للسقوط المنادي ينادي والجولات تشتغل وللي

الوقت كافي للعشاء والسواليف
لكن اللي ماهمها الا الهروج هي اللي تحس بضيق الوقت
يجيها نفس الشعور اللي ذكرتي

اقتباس: المشاركة الأصلية كتبت بواسطة نسيم السروات      الدين برئ منها ولم يأمر بها لا في كتاب ولافي سنة بل أن الدين أمر بمراعاة المرأة والرفق بها وقال صلى الله عليه وسلم ( خياركم خياركم لأهله ) وقال صلى الله عليه وسم ( رفقاً بالقوارير ) هل الدين حدد مواعيد الزواجات متى تبدأ ومتى تنتهي ؟؟؟!!!. واللي جاب الأية التي قال تعالى فيها ( وجعلنا الليل لباسا) لم تنزل في الزواجات هذه الأية القصد منها أن الأعمال في النهار والراحة والنوم في الليل هل السهر في الزواج طلب منك تروح تقلع الجبال وتشتغل !!!

استغرب ردك عزل الدين في امور الزواج
اجل الايه
( وجعلنا الليل لباسا) كيف مالها دخل
يعني لو يطلع لنا بكره واحد سكران في الشوارع
بيقول السكر حلال
مستدلا بالايه الكريمه
لَا تَقْرَبُوا الصَّلَاةَ وَأَنْتُمْ سُكَارَى
لاحول الله

اقتباس: المشاركة الأصلية كتبت بواسطة نسيم السروات      ما كان القصد منها أنك تتعشى بعد صلاة المغرب وتنام بعد العشاء الوقت فيه سعة ولله الحمد وأنتم ضيقتوه بعدين لماذا لا تطبقون هذا الكلام إلا في الزواجات وشمعنى ما تطبق في السهر في القهاوي وعلى النت والعرضات وفي الأسواق والمنتزهات ياسبحان الله إذا بغى الإنسان حاجة تتحقق أخترع له أعذار وحجج مال أمها داعي ويبغى الناس تصدقه بالقوة .

من ارادت السهر في منتزه او حديقه او مطعم بعد العشاء ماحد بيقول لاتسهرين
لكن لاتطبق الكلام هذا على 500 حرمه داخل القصر
تسجنهم داخل القصر بدون عشاء عشان هي تحب السواليف والسهر

اقتباس: المشاركة الأصلية كتبت بواسطة نسيم السروات      باقولكم شئ أنتم غافلين عنه ويخلي اللي يقول عادات أبائنا وأجدادنا يعيد حساباته . أيش رأيكم أن أبائنا وأجدادنا ماكانوا يتركون نسائهم يسهرون في الزواجات فقط بل كانوا يتركونهن ينامون ثلاث ليالي أو ليلتين في بيت العريس يرزين اللعب من بعد صلاة العشاء حتى وقت متأخر من الليل قد يصل حتى الواحدة ليلاً وكل الليالي على هذا الحال . ماقالوا ورانا شغل في البلاد حرث ودياس وصرام بل اعطوهن فرصه يستمتعن بها ويغيرن روتين الحياة الشقية وتعتبر نزهة لهن يتمنينها ويفرحن بها في كل زواج رحم الله أبائنا وأجدادنا ونسأل الله أن يجازيهم الجنة ماراح يجي مثلهم صحيح أن النساء كانوا في شقى معهم لكن كان لهن أكرام ومعزة عند اللزوم .

بالعكس زمان كانت الحرمه تنظرب وتنجلد وتهان كرامتها واكثرهم ماتحضر الزواج اذا عندها رعي غنم وحلال ومن هالكلام
الا عند القليل من الناس ممن يخافون الله
الان دلع والناس متنورين

وحتى المبات ثلاث ايام كان على جهل فقر وجوع وكشف وشركيات بالكلام
العالم تنورت الان ونحمد الله

اقتباس: المشاركة الأصلية كتبت بواسطة نسيم السروات      ورداً على من قال أن أهل المدن هم من يكره هذه العادة أقول والله أن نساء الديرة وبعض رجالها الطيبين يعارضون وبشدة هذه العادة الجديدة علينا وليست من عادات أجدادنا وهي أنتهاء الزواج بوقت محدد بعد

هل لديك استفتاء على جميع نساء زهران موثق بالنتيجه
انهم يرفضون هذه العادات
انا لااثبت طبعا لعدم وجود احصائيه
لكن انتي حلفتي بالله واثبتي
فهاتي دليلك

[نسيم السروات]

الذين يشاهدون محتوى الموضوع الآن : 13 ( الأعضاء 2 والزوار 11)
‏نسيم السروات, ‏Amazing

^^^
^^^

ماشاء الله الموضوع صار له شعبية كبيرة وعدد المشاهدين له في إزدياد وينك يادينار تشوف موشوعك .
------------------------------------------------------------------


المهم وأنا أختك يانور الجنوب تعالي نخرج من هذا الموضوع ما معنى فائدة في من قفل رأسه بقفل أكبر من رأسه

والمسألة شكلها تحدي والرجال إذا تحدوا قلي على الدنيا السلام وما يصح إلا الصحيح وأنا أختك وبكرة الأيام تثبت لك .

مالنا إلا الصبر حتى يبغون يطردونا من الديرة بعد عشان أنا في المدن قال أيش اللي ما تعجبه زواجات الديرة لا يحضرها !!!

ما دروا أنا أحنا أهل الديرة وما نحضر إلا زواجات أهالينا وأقاربنا ماجينا ضيوف على زهران أحنا أهلها ولو عشنا بعيد عنها

وأنت يانار الجفاء جالس ترد على كل حرف من مشاركتي مع أن كلامي ليس موجه لك ، لكن أما تلاحظ شئ أنك

من يوم سجلت بهذا المنتدى وأنت ناشب لي في كل موضوع وكل ردودك لي معارضات مدري من فين طلعت لي .

وأنا ما عزلت الدين عن الدنيا مثل ما قلت اللي عزلها تصرفاتكم يالرجال إذا بغيتوا شي يتنفذ قلتوا الدين قال كذا .

وإذا ما بغيتوا سكتوا .

هل الدين قال لكم حرام السهر في الزواجات وحلال في لعب البلوت والعرضات والأستراحات سبحان الله عما تصفون .

تقول الأولين (زمان كانت الحرمه تنظرب وتنجلد وتهان كرامتها ) أما أنتم بسم الله عليكم قمة الذوق والإحترام للمرأة

وأنا أقول الله يحلل الأولين عنكم يا أهل هذا الزمان والله ما كثرت مشاكل الزواج والطلاق إلا في هذا الزمان

والضرب ولإهانات والحرمان من الحقوق والواجبات إلا من رحم ربي وكان فيه وازع ديني وضمير حي .

نسأل الله العافية كل يوم نسمع بحالة طلاق بعض الشباب يطلق ماحتى كمل شهر العسل ماهو بقد المسئولية مثل أبوه وجده .

اقتباس: من ارادت السهر في منتزه او حديقه او مطعم بعد العشاء ماحد بيقول لاتسهرين لكن لاتطبق الكلام هذا على 500 حرمه داخل القصر تسجنهم داخل القصر بدون عشاء عشان هي تحب السواليف والسهر

حبكت أنها في تلك الليلة أنها تروح مطعم أو حديقة وش الله حدها إلا خروجها الإجباري من القصر بسبب هذه العادة

المفروض يوم الزواج مخصص للزواج من أوله لأخرة وكل الطلعات تتأجل ليوم ثاني ليه باحت الأيام ؟!

محلاني وأنا رائحة بعد الزواج لمطعم أو حديقة وأنا حاطة مكياج كامل ونقش حنا ومجوهرات

وأجرجر في فستاني قدام الله وخلقه والجزمة والعطور ووووو إلخ الله لا يفضحنا ولا يحدنا ليه يابوي فين أحنا عائشين

بصراحة لو أسويها أكون في منتهى التخلف أنا أو غيري وعيب وحرام .


أما قولك هل لديك أستفتاء ودليل ؟

وأنا أقولك لسنا في مناظرة بين سني وشيعي أجيب لك أدلة وأستفتاء .

وإذا تبي أستفتاء فعليك بنساء الديرة وزع عليهم استفتاء خذهم من رأس شمرخ شمالاً لين الرهوة جنوباً

ومن بيدة شرقا إلى تهامة غربا وأن أراهن بأن جوابهن سوف يكون واحد ( لا نرغب أن ينتهي الزواج الساعة 8 بل نطالب بتمديدة )

وسوف تكون هذه أخر مشاركة لي في هذا الموضوع إلا إذا أحد استفزني .

وأن عدتم عدنا .

والسلام ختام .

[الجنوبى11]

الاخ نار الجفاء
بيض الله وجهك
كفيت ووفيت
ولاكن نسيم السروات الله يهدينا ويهديها
تبغا تفرض رايها انها الصح والباقين غلاط لاواستفتا من راس شمرخ الى الرهوه ومن بيده الى نوان انهم كلهم يبغون الزواج الى وقت متاخر من اليل
اقول الله يصلحك والله ماعندك احد
اما يوم تقولين الافاظ سوقيه فهذا هو الصحيح بس انتم ماتحبون الصدق
ولاكن اقول فى الاخير مايصح الا الصحيح والزواجات راح تنتهى بدرى ابا من ابا ورضى من رضى

ماعاش الي يزعل نسومة منتدى زهران

وصراحه أحس الموضوع أخذ مسار آخر

واصبح الخوض فيه مضره للجميع لذلك أرجو اغلاقه حفاظا

للجميع من التطاول والتعنت في الرد وفرض الآراء من قبل الآخرين


ويازين الديره وأهلها --------- ودي واحترامي للجميع


تشكراااااااااااااااات

[نسيم السروات]

أنا قلت لن أعود إلا إذا أحد استفزني

وأنت يالجنوبي سويتها تحدي وتقول الألفاظ السوقية هي الصحيح بكل اسف

وتقول أيضاً هذه العادة سوف تبقى رضي من رضي وابا من أبا

يالله عفوك يالله من بعض التحدي ياحاكم زهران

وطالما المسألة صارت تحدي فبنشوف من يغلب أنتم يالرجال أم نحن النساء

من هذه الصيفية أن شاء الله سوف أنشر نشرة بين النسوان وأقول لهن فيها

أي واحد يتقدم لبنتك اشترطي عليه بأن يجعل وقت طعام العشاء الساعة 10 مساء

والسهرة تمتد حتى الساعة 12 ماراح نقول الساعة 1 أو 2 حتى ما تجيكم جلطة ونفوت عليك سهرة البلوت والمقاهي

لازم نراعي شعوركم لأنكم تستاهلون .

والمفروض ما أقولكم على خطتي أخليها سر عشان تنجح لكن الأيام بيننا وسوف ترون

والله لسويناها في زواج أحد أخواني وكانت كل الناس مبسوطة ومستانسه ولم يشعر أحد بالوقت

والنساء أخذن راحتهن وكان الأمر من سعة والنسوان اللي حضرنه أثنين علينا وحلفن بالله أن

هذا الزواج هو أفضل زواج حضروه على الإطلاق مافيه لا رجة ولا ضجة ولا صرقعة ولا مهائطة من رجالهن

وبرضه أحد أقاربي سوى ملكة بنته في قصر وجابوا العشاء الساعة التاسعة وكان وقته بالمرة مناسب

وكلن دعى له بأنه جاب العشاء في وقته .

الناس في هذا الزمن تتغدى متأخرة وفي الزواج شئ اسمه لطف قبل المغرب بالله كيف نجيب العشاء بعد المغرب

والناس دوبها اكلت اللطف والعشاء يبقى في الصحون ما أحد يأكله عشان القالة والهياط اللي في رؤوس بعض الناس .

الله يصلح الجميع ويصلح الشأن ويصلح كل الأمور العوجاء .

[نار الجفاء]

اشكرك اخي الجنوبي
ولك بالمثل عزيزي ولن تتغير تلك العادات الرائعه
ان شاء الله
للأسف هناك شعور بالنقص لدى البعض
ولم يتعلمو من غيرهم
مثل
القصيمي مايغير لهجته في مجلس او مقر عمل مهما صار
والقحطاني يجونك بقصيده من شارع عام حتى يدخلون القصر
وبعض مناطق الشمال ياخذون العروس من عند اهلها
وهناك قبائل المهر قليل جدا لايذكر
وهناك من يتقاسم المهر بين اهل العروس والمعرس
ومع ذلك ما حد قال شي
راضين بكذا ولايقلدون غيرهم

وحنا محرجين من عاداتنا ياحرااام الضيف نام للعشاء وجاء للقصر وماحصل حد

ليس مطلوبا كوني جاي من الشرقيه اقلب زواجات اهل الباحه مثل الحساويه

ليه ما نأتي بضيفنا من الساعه الرابعه والنص عصرا
يتقهوى ويسولف ويرتاح
ونمشيه وقت العصريه الا بعد المغرب وبعدها يتناول العشاء
راح يكتفي معنويا ونفسيا وربما يطفش من طول الوقت من العصر حتى العشاء
واجواء الباحه رائعه جدا وجميله في النهار وبارده نوعا ماء في الليل
عكس المناطق الصحراويه او الساحليه حر عشان كذا هلها من زمان مخلين زواجاتهم متأخر وقت الصيفيه

دمت بود رعاك الله