خبر غريب عجيب ماراح تصدقونه تعالوا وأسمعوا ...

[نسيم السروات]

اقتباس: المشاركة الأصلية كتبت بواسطة خرمان كول      اهلن باختيه النسيم وصباح جميل ومشرق لك ول اخوتيه اما انا صدقت وقلت يمكن العماله السايبه والمتسيبه استغلة غيابكم واحتلت المنزل في غيابكم طلع الموضع عماله سايبه من نوعً اخر فالاولين يسرقون ما فوق الارض والاخرين ينقضون ما تحت الارض خخخخخخخخخخخ ماهو وقت ضحك واكن انتي السبب يا نسيم في وداعة الله يا ياختايه صوت الارض

هلا بك أخيه خرمان

وصدق ضرسك عما قلت عن العمالة السائبة يأكلون الأخضر واليابس

وأضحك ياخوي الدنيا فانية وش وراك ، والدعوة وناسة وسعة صدر تعبنا من المواضيع الجادة .

شاكرة ومقدرة مرورك .

[نسيم السروات]

اقتباس: المشاركة الأصلية كتبت بواسطة يحيى محمد الزهراني      ههههههههههههه من يوم قلتي اتوا من تحت الباب عرفت انه النمل او بزورته ( الذر ) فعلا النمل مؤذي ولكن ابادته سهله المشكله في الذر واللذي لا يكاد بيت ان يخلوا منه وهو مؤذي ويسعى لكل ما هو حلو والدهون الطريقه للقضاء على الذر ضع قطعه حلاوه طحينه او سكر مطحون او قطره او قطرين سمن على رخام المطبخ بعد الفجر واذهب الى النوم وعندما تصحا رش عليه الريد وكرر العمليه عدة ايام للعلم الذر اكثير ما يوجد في المطابخ شكرا نسم على الدعابه تقبل تحياتي

هلا ومرحبا أبو محمد وألف شكر على النصائح القيمة للتخلص من هذه الأفات

المشكلة أنهم مايجون إلا إذا غبنا عن البيت وباقية الأيام أشوي ما نشوفهم إلا نادراً.

بعكس الديرة ياكثر حشراتها وخاصة حول اللمبات في الليل أشكال عجيبة وغريبة تطير فوق رؤوسنا .

كل شوي واحدة تصيح الحقوني دخل في شعري حاجة غريبة هههههههههه

باقي أنزل لكم صورة حلبوب الأعمى وهو يسرح ويمرح في ساحة بيتنا في الديرة

تقبل شكري وتقديري .

[Obaid]

ههههههههههههههههه

يالليل وربي اني تحمست

وجالس اقول هذه صاحيه او مجنونه كيف دخلو

وجالس احلل الموضوع

وفكرت زي خوينا قلت يبون نفط هههه


وربي سرد رائع وجميل

اهنيك

[نسيم السروات]

اقتباس: المشاركة الأصلية كتبت بواسطة جمعان مفرح (ابو طلال)      أخرعتينيه . بسيطة أولا قبل السفر أغسلوا المطبخ والبيت جيدا واستخدموا الفلاش للمطابخ والحمامات وطهروه بالديتول ثم رشوا بودرة على زوايا البيت وتحت الطاولات وحوالي البيبان وبعدها لن تجدي ولا نملة في البيت علما بأن النمل( يزننون ياذينهم ياناث) وخاصة النمل اللي لونه أحمر شكرا لك ودمتي في حفظ الله

والله أن البيت نظيف والشغالة ذبحتنا بكثرة المعقمات وروائحها كل يوم

لكن النمل كان مستغل غيابنا لكي يأخذ له بيت تحت الرخام

أما عاد النمل يزننو وياذينهم ياناث خاصة إذا قرصت الواحد قرصة في ساقة يضلي يرقص من الألم

عضتها مثل النار يهولها ربي .

شاكرة ومقدرة مرورك والنصائح المفيدة أبو طلال .

[نسيم السروات]

اقتباس: المشاركة الأصلية كتبت بواسطة شمس عصرا      الصراحه اني بالبدايه ضليت اتبلع ريقيه..وحسيت حلقي نشف قلت اكيت الدعوه فيها((بسم الله الرحمن الرحيم))..عليه عنيه مخروعن خصية انك تتكلمين بجديه واضحه..لكن من يوم جبتي طاري الحفريات,تنفست الصعداء وعرفت المقصود والله يابو طلال لا أنصح بالبودرة نهائيا....خطيره بمعنى الكلمه..وتبقى فترة طويله..وتخيل طاحت حلاوى لطفل فوقها والتصقت بها؟؟؟ ولاتقول ماتحصل..تراها حصلت وتسببت بوفاة طفل

فهمت من كلامك أنك أكلت المقلب بقوة ياشمس عصرا

هيا تعيش وتأكل غيرها .

أما البودرة مو بس خطيرة على الأطفال إلا كل الحشرات أخذت مناعة منها ماعد تضرها

تقول أحد جاراتي تشتكي من الصراصير الصغيرة في دولاب مطبخها تقول قبل ما أنام

أوزع البودرة في كل مكان وتحت الدواليب والثلاجة والفرن والصراصير تمشي من فوقها عادي

وشكلها تلحس منها ولا تضرها صراصير أخر زمن

تقبل شكري وتقديري شمس على المرور .

[هام الخيال]

نمل !!
في بيتك, ماني مصدق!
ممكن يكون (نحل) اندنوسي صغييييييير.
او..؟
ممكن يكون مخلوقات من الفضاء.

او.. يا ربي ممكن يكون
دود ميكروسكوبي
واحتمال نمل.
بس ابيض او اسود.
كبير او صغير.
يا ليت ادله اكثر عشان نصدق.

[نسيم السروات]

اقتباس: المشاركة الأصلية كتبت بواسطة سعد الحبيطه      أكلت المقلب .. توقعتـ البيت فوق بير نفـط .. شكري وتقديري ,,

عليك بالعافية أخوي سعد

أما بئر نفط ، ياليت أنه صدق راح استرزق ولن انساكم لوا صرت تاجرة .

شاكرة ومقدرة مرورك .

[شتآتـ]

تبين الصدق ؟
والله عرفت من اول وهلة ان المجرمين النمل
يمكن تكون فراسه وربما صقاره
والثنتين فينيً ولله الحمد

بس والله ماقصروا الله يعطيهم العافيه
نظفوا لكم البيت قبل ترجعون
ماناقص الا يجهزون لكم الحلا والقهوه

الحمد لله على سلامة الرجعه
وكل عااااااااام وانتي ومن تعزين بخير
وعسااااااكم من عواده 💐💐

[ابو احمد العدواني]

[نسيم السروات]

اقتباس: المشاركة الأصلية كتبت بواسطة محمد الساهر      الحمدلله على السلامه طيب خذي هذي القصة الواقعية بنسبة 100% فيه اخ وصديق لي ذهب هو وعائلته للطائف صيفيه هذا العام وأخذ له فتره هو وعياله واولاده المهم البيت فاضي ما فيه ولا مخلوق ويوم رجعوا وجدوا البيت على السيراميك والبلاط. تم تجريد المنزل من كل شيء حتى أنهم قاموا بتكسير وحرق الأبواب وعملوا عمايل ما يعملها غير اليهود قبحهم الله... طبعا واحد من أولاده وصل للرياض قبلهم ولما شاف اللي شافه أتصل بأخوه الكبير وبلغه بالخبر ، فطلب منه أخوه الذهاب لقسم الشرطة ليقوم بالتبيلغ على باله انهم بيتفاعلون معه؟؟؟ لمن راح الشرطة طلبوا منه أن اللي يقدم البلاغ والده صاحب البيت قال لهم والدي مسافر بالعائلة للطائف . ولكنهم رفضوا إستقبال البلاغ الا بحضور والده ولما حضر الوالد المسكين جلس في قسم الشرطة أكثر من 4ساعات علشان يرسلون معاه العسكري المسؤل عن البصمات................

صدقت يابو خالد والله يابعض موظفين الشرطة ماعندهم ماعند جدتي الله يرحمها ولا تأخذ منهم حق ولا باطل

وياخسارة البدل العسكرية التي يرتدونها والرواتب اللي يتقاضونها .

أنا ولدي أنسرق جواله من واحد طلع يعرفه ويعرف بيته بعد وراح للشرطة وقال لهم تعالوا معي أنا اعرف بيته

وأعرف الولد شخصيا الذي سرق جوالي بحجة أنه يبي يكلم أهله من جهازي وركب السيارة وهرب به

قال له العسكري الذي قدم له البلاغ أنا ما أقدر أخدمك لكن لازم تجي يوم السبت وتبلغ الضابط المناوب

كان ذلك يوم أربعاء والمناوب مايجي إلا يوم السبت ولولد راح من وقته وباع الجوال وقبض ثمنه عشان

عسكري بقعاء عليه من الله مايستحق ليس كفوا للعمل الذي وكل به ولا لللأمانه التي أوتمن عليها وهي رعاية

حقوق الناس ويمكن على قول المثل حاميها حراميها بعضهم خونه نسأل الله العافية .

شكرا جزيلا لمرورك أبو خالد وعلى القصة التي أوردتها وهي من مئات القصص التي تعور القلب .