لي عام

[عبدالمجيد العدواني]

.
.

لي عام

.
.

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لي عام وانا ونفسي والشقا في صراع=ما اتذكر ان مر يوم ٍ نمت وارتحت به
من يوم صار المفارق والزعل والوداع=ما اضن به رجم ما صوّت من مرقبه
ابغى اتسلى من الضيقه وكثر الوجاع=واعيد للوقت وضعي لين ما ارتبه
احسبتني مير مابكي ما الفارق شجاع=واثر المفارق يبكي ولّ يا ماصعبه
كني بمركب بلا مجداف وبلا شراع=من وين ما دفني موج البحر تهت به
رحلة شقا عشتها بين الامل والضياع=كل ما زرعت الأمل فاس الشقا يحطبه
كني فريسه واشوف الناس مثل السباع=تنهش بلحمي وتتمنى دمي تشربه
تقبل وهي جايعه وتروح مني شباع=ما فيهم اللي رحم حالي ولا طببه
وانا وباقي سنيني والمواجع جياع=يلفنا جوعنا ودروبنا متعبه
ما غير اجامل وكني مرتدي لي قناع=والهم في داخلي كاس الشقا يسكبه
ضاقت علي الخواطر والصدور الوساع=وانا احسب القلب فيهم قد لقا مكسبه
ناس ٍ تجيب المراره والغثى والصداع=مستذكيه ما تعرف اني لها منتبه
يا كثر ما طحت معهم في خلاف ونزاع=واشوم لجل الحيا ما ودي اخربه
قلوبهم سود مليانه نفاق وخداع=وعيونهم عالحقايق كنها محجبه
ضميرهم ينشرى وبظرف ساعه يباع= وجوههم من سبب نكرانهم مشهبه
تحسب على الجميل وتذكره كل ساع=وانا جميلي عليهم مير ماحسبه
العام قبل المفارق والزعل والوداع=ما فيه شي يزعج بقلبي ولا يرهبه
واليوم حتى كلام الناس خايف يشاع=ويطول وقتي وانا انافيه واكذبه[/poem]
.
.

عبدالمجيد العدواني

.
.

[فهد سعود الزهراني]

صح لسانك يا عبدالمجيد

شاعر واعد ..ان شاء الله نقرأ لك الاجمل دائما

تحياتي

[أبو مراد الزهراني]

كـنـي بمـركـب بــلا مـجـداف وبــلا شــراع ... من وين ما دفنـي مـوج البحـر تهـت بـه

رائعة وقصيدة لشاعرية واعدة ..
لك التقدير أخي عبد المجيد ..

[بن حكمان]

صح لسانك مبدع دوما وفي كل قصيدة نرى تطور أدواتك الشعرية ما شاء الله تبارك

بالتوفيق لك

[محمد الساهر]

صح لسانك يا أخينا عبدالمجيد

[غيمه]

صح لسانك اخوي * سلمت
قصيده رائعه
دمت بأخلاقك لا تتأثر بهم

[عبدالمجيد العدواني]

اقتباس: المشاركة الأصلية كتبت بواسطة فهد سعود الزهراني      صح لسانك يا عبدالمجيد شاعر واعد ..ان شاء الله نقرأ لك الاجمل دائما تحياتي

صح بدنك وعلا شانك اخوي فهد شرفتني بمرورك الله يحفظك

[عبدالمجيد العدواني]

اقتباس: المشاركة الأصلية كتبت بواسطة أبو مراد الزهراني      كـنـي بمـركـب بــلا مـجـداف وبــلا شــراع ... من وين ما دفنـي مـوج البحـر تهـت بـه رائعة وقصيدة لشاعرية واعدة .. لك التقدير أخي عبد المجيد ..

هلا وغلا اخوي ابو مراد شرفتني بمرورك العطر

[عبدالمجيد العدواني]

اقتباس: المشاركة الأصلية كتبت بواسطة بن حكمان      صح لسانك مبدع دوما وفي كل قصيدة نرى تطور أدواتك الشعرية ما شاء الله تبارك بالتوفيق لك

هلا اخوي بن حكمان صح بدنك وعلا شانك والابداع والله مرورك العطر

[عبدالمجيد العدواني]

اقتباس: المشاركة الأصلية كتبت بواسطة محمد الساهر      صح لسانك يا أخينا عبدالمجيد

صح بدنك اخي محمد شكراً لمرورك العطر