سبحان من عنده تصاريف الأقدار

[ألمحيط]

سبحان من عنده تصاريف الأقدار = اللي قسم رزق المخاليق كله
يوم اجتمع حزن وفرح في خبر صار = وعقب معي فالقلب حسره وعله
وهلت عيوني دمعها سر وجهار = وصارت سوات الغيمه المستهله
على الذي موته مثل موت الأبرار = واختاره الله في صلاته محله
في بيته المعمور في وسط الانوار = اللي مكانه كل مسلم يدله
ما نال حسن الخاتمه غير الأخيار = عساه معهم ما نزكي سجله
ساعة صلاة العصر والكل حضار = واللي حضر ذاك الحدث شاهد له
يالله تحمي وجه ابويه من النار = يامن جميعا كلنا تحت ظله

هذي القصيدة رثاء في الوالد الذي توفي وهو يصلي صلاة العصر في الحرم الشريف امام الكعبة المشرفة
الله يرحمه ويرحم جميع المسلمين

راشد الجمعان ( المحيط )

[ابن روزه]

الله الله ابدعت
صح لسانك وسلم بنانك

[ألمحيط]

اقتباس: المشاركة الأصلية كتبت بواسطة ابن روزه      الله الله ابدعت صح لسانك وسلم بنانك

صح بدنك استاذي الغالي
شكرالك على مرورك الكريم
رحم الله والديك
دام عزك