غسل شراع جاسم وفيصل وعبدالرحمن !!

[الفقار]

السرف
لله درك ما حدث أعادنا للوراء ثلاثين عام
ماحدث كبت ومحاربة لحرية الرأي التي تغنينا بها منذ فتره
كيف ينظر الاتحاد العالمي لموقف رئيس رعاية الشباب
أن تصل الأمور لحدد التربية فهذي مشكلة كبيرة
نتطلع لا عتذار للجميع وذلك ليس بعيب

[عبدالرحمن بن مساعد]

للأسف الشديد أن يصدر مثل هذا التصرف
الذي أقل ما يقال عنه أنه أسلوب ( همجي )
وكلمات لانجدها إلا في الشوارع الضيقة
( أنت ووجهك ..................... )
عمل قضية أوصلها للأتحاد الدولي من أجل
ضربة جزاء لم تحتسب للمنتخب 0
يرى دائماً أنه على صح والجميع على خطأ
ونسي أن الرياضة منذ وفاة المغفور له بإذن الله
الأمير / فيصل بن فهد
تتراجع وبشكل كبير 0

على العموم أظنها بداية النهاية ونسأل الله
أن تكون قريبة 0

[عالمي زهران]

اقتباس: المشاركة الأصلية كتبت بواسطة عالمي زهران      سبحان الله جاء نصرك ياهريفي جاء من ادب اصحاب الهمم والافكار جاء من غسل شراعهم غسل ونشرهم على الهواء !! جاسم الحربي الفاهم بكل شي , الذي يستطيع ان يدير الف نادي والف اكاديميه !! هذا الجاسم الكاتم على قلوبنا وقلوب المشاهدين , يريد ان يكون مدير فني لكل الانديه , ومدير عام لكل الاكاديميات , ومدير لكل اللجان ,, جاسم الحربي يريد ان يفرض نفسه بالقوه , يريد ان يجعل الاخرين لايفقهون شيئا فيقول لكل من يخالفه الرأي (انت وش دراك) انا سويت وانا فعلت !! هذا المغمور الذي يفقه بكل الامور, يسكت من يبي ويقول اللي يبي !! كنت من المتابعين لهذا المغمور من فتره, يلمح مره ويصرح مرات , الولد يبي يدرب المنتخب !! الولد ولد !! يدرب ويتكتك ويخطط , يدرب حراس ,يدرب لياقه !! تتشيطر على الهريفي ياجاسم وتسوي فاهم , ولابعد تسكته على الهواء , وين الاحترام , وين اللباقه يالبق !! اذا الهريفي ماقدر يسكتك , جاء من سكتك وغسل شراعك غسل عالناشف !! فعلا يمهل ولايهمل , تحملناك كثييير , وسكتنا كثييير, لكنك ماتفهم وربي ماتفهم , ماتفهم الا بهذا الاسلوب , اسلوب الغسل !! كان لازم تنغسل من زمان وتغير ثيابك وافكارك الباليه !! كان لازم تفهمها من زمان وتلزم حدودك , تراك مجرد شخص مغمور لقيت واسطه ودخلت للقناه الخشبيه ياللي تتكلم عن الواسطه وانت اول من استخدم الواسطه !! ذبحتنا بالمنهجيه وانت اساس الهمجيه !! الحين اخذت لك دش ساااخن في هالبرد !! عساه يفيدك ويدفيك !! للعلم انا ضد اسلوب الرئيس العام لرعاية الشباب في المداخله لكن بصراحه طفح الكيل , وزادت مساخته وتكلم في اشياء مو من اختصاصه يتكلم فيها ,, فيه ناس افهم منه واعلم منه تكلموا وانتقدوا كل الاموراللي مسوي فاهم فيها , لكنهم تكلموا بادب وانتقدوا باسلوب , وربي لو اني مكانه وبعد اللي سمعته , لارمي المايك وامشي !! الشيخ العلامه المتحدث اللبق الثاني اللي هو فيصل !! هذا الشخص اكثر واحد يتكلم يعني بالدقيقه 400 كلمه تقريبا !! واللي يكثر كلامه يقل تقديره !! من اول وهو مايخلي احد يقول كلمتين الا ويرد بمية كلمه !! يتكلم في كل شي ولاي شي , بعد مباراتنا مع الكويت اتصل نواف ولمح له , افهمها يبو !! امس برضه ماتاب , واللي مايفهم بالتلميح صكه بالتصريح !! تشرشح شرشحه على الهواء عمره ماينساها !! اللي يقول انها رجاله يرد على الرئيس , ذي ماهي رجاله تتكلم على الهواء , ولا هي رجاله تنتقص من الاخرين حتى وان كانوا غلطانين ولا مقصرين بالطريقه ذي , الرجاله انك تروح لهم في مكاتبهم وتنتقدهم وتقول اللي عندك بما انك اعلامي ومعروف ويهمك المنتخب لهالدرجه !! بصراحه كنت اتمنى ان الرئيس يستدعيهم للتحقيق معهم في كلامهم في مكتبه ولا يشرشحهم واحد واحد !! لكن ربك اراد ان يقتص للهريفي اللي انظلم كثيرا مع هالشله , اراد الله ان يفضحهم وعلى الهواء مباشره !! يستاهلون ماجاهم , ويستاهلون بعد منعهم من الخشبيه , وجعلهم عبره لمن لايعتبر , هم ذولي من جعل القناه الذهبيه قناه خشبيه , هو ذولي اللي تسللوا وتغلغلوا وتربعوا امامنا , هم ذولي اللي كرهونا بهالقناه !! الرومي مسكين معاهم معاهم عليهم عليهم , ومع ذلك لحقه قرصة اذن , عشان يتوب ومايتعودها !! الشي الجميل ان المطيويع وشلته فهموها , وخذوا عبره من الضحايا الثلاثه !! يا عيباه ان كان الثلاثه طبوا الاستديو مره ثانيه !! يالله معليش ابلعوها ماجت من غريب جت من اخوكم الكبير , يهمه مصلحتكم !! بس لاتعودها مره ثانيه !!! مشكورين يالثلاثي خليتوا اللي مايشتري يتفرج !!! كل غسله وانتوا بخير !

شكرا ياياسر الكاسر
ياليتك قريت اللي قلته زين , وراح تعرف اننا ضد هالاسلوب , وقلت انه من المفروض يستدعيهم لمكتبه ويغسلهم براحته مو عالهواء,, لكن ذولي ناس من جد مسخوها وزودها , لو فيهم خير كان شفناه من زمان !!
ارجع لكلامهم واسلوبهم في الحديث ورح تعرف انهم يستاهلون ماجاهم وليت بقية الشله معهم ,,
اكرر اني ضد اسلوب المداخله ولكن اخر العلاج الكي !!

[عالمي زهران]

اقتباس: المشاركة الأصلية كتبت بواسطة العود الازرق      للاسف ياخي الكريم فقدت مصداقيتك واثبت بالدليل القاطع مقدار تعصبك وكتابتك على حسب الاهواء 0000المشكله فيه ناس دائما وابدا يسبون الاتحاد السعودي عطني بالله مقال قد مدحت فيه سلطان ونواف اتحداك دائما ساخط عليهم وعلى قراراتهم ويوم جاء اللي يقول الكلام الصحيح قمت تنتقص منهم لمجرد انهم تهزاءو عشان نجمك المتملق ابو وجهين ليش ابو وجهين مااعاد رايه عن ناصر الجوهر بانه مجامل لياسر القحطاني وانه مايصلح 0000بالفعل بدات الاقنعه المزيفه تظهر هم قالوا الكلام الصحيح والكل يوافقهم فيما قالوا لكن ابو وجهين الذي اثبت تملقه وكذبه واللي ماعنده راي او وجهة نظر يدافع عنها سقط وبان انه لاتهمه المصلحه العامه بل ان هجومه شخصي بحت000000ياخساره على قلم اعماه التعصب على قول الحقيقه

ياساتر فقدت انا المصداقيه !!
وين التعصب و وين الاهواء !!
لما انتقد الجوهر واختياراته و طريقة لعبه و تدريبه تسميه تعصب !!

(مشكله فيه ناس دائما وابدا يسبون الاتحاد السعودي عطني بالله مقال قد مدحت فيه سلطان ونواف اتحداك دائما ساخط عليهم وعلى قراراتهم ) منهم اللي تقصد بهالكلام ارجو التوضيح ؟
الهريفي لم انتقد ياسر هاجموه بشراسه لا لشي وانما لانه انتقد الكابتن , انتقد انخفاض مستواه بشكل واضح لكل من يفهم كووره , قال رايه بصراحه فهجموا عليه هجمه وحده وكانه انتقد ياسر وهو يسجل هاتريك في كل مباراه!!
حبيبي كل شي واضح ذولي يعاندون وبس , ماعندهم شي يقولونه , لما انتقد الجوهر وياسر هاجموه ومدحوا الجوهر ولما مدح المنتخب برضه هاجموه ونتفوا الجوهر والمنتخب تنتيف !!
وين الراي الواحد , وين الفكر والمنهجيه اللي يتكلمون عنها , عناد وبس !!
لا الجاسم ولا ابو اثنين ولا حتى الرومي يفيدون بشي غير الهرج عالفاضي والمليان !!
انا لست بفلم ولست بكاتب , انا مجرد شخص عادي يطرح رايه بصدق ,
والدليل كلامي عن الجوهروعدم اقتناعي به كمدرب مع انه نصراوي !!
واعجابي بالمرشدي كلاعب مدافع صلب وقوي مع انه هلالي !!
واعجابي بعادل البطي كاعلامي واداري ومحلل ممتاز مع انه هلالي !!
هذا الصدق تبيه ولا خله !!!

[عالمي زهران]

اقتباس: المشاركة الأصلية كتبت بواسطة متعب الدوسي      ســؤال يطرح نفسـه كيف نظرة الأخـــرين لنا كـ سعودييــن ؟؟ لاسيمـا وان الدم العربي يعشـق الشمــاته الا ما رحـم ربـي ،،

توك تفكر في نظرة الاخرين لنا كسعوديين !!
مافكرت في الاعلام الهلالي ومافعله فينا سنين طويله , مافكرت بكتابكم واقلامكم واعلاميكم في الصحف والتلفزيون !
مافكرت ان الصحف السعوديه توصل للخليج والعالم العربي , ولا فكرت ان القناه الرياضيه السعوديه انها فضائيه ويشاهدها العالم كله !
وماعندك خبر ان المتابعين لها بالخليج والعرب اكثر مما تتوقع !
اللهم لاشماته
اقول قولي هذا واستغفر الله لي ولكم

[عالمي زهران]

اقتباس: المشاركة الأصلية كتبت بواسطة الهيثم 07      جاسم ,, عبدالرحمن ,, فيصل مع ألأسف ألأخوان أرادو إضهار شخصياتهم عبر التلفاز واعطاء المواطن فكره أنه ماترك النادي ألأ بعد فهم جيدآ في التحليل وألأنتقاد الفني للرياضه.... لقد أعطاهم سمو ألأمير مايستحقون والباقيات أفضل0 صدقني الثلاثة لايتعودون التحليل مره ثانية... ولاأحلى جاسم ,, عبدالرحمن ,, فيصل ........اللهم لاشماته وانا مع فريق النصر!!!!!!!!!!!!

نعم كان يجب وقفهم عند حدهم , وتم ايقافهم عند حدهم ولله الحمد مع تمنيت ان يتم ايقافهم بطريقه غير هالطريقه ولكن قلتها من اول واقولها الحين اراد الله ان يقتص للهريفي من عنجهية جاسم وفيصل !!
شكرا يالهيثم

[ابن عيدان]

الله يعوض علينا
مادام هذا الهمجي رجل الرياضه الاول

[عالمي زهران]

اقتباس: المشاركة الأصلية كتبت بواسطة الســرف      رحم الله سلف القوم كانوا إذا تكاثرت وتقاطرت عليهم الهموم "شربوا البيبسي " إلاّ أنّهم يغلقون الابواب خوفاً من تفلّت السباب في غياب الالباب ..! هذا تلميح خطييرر جدا !! اتمنى انك ماتقصده , واذا كنت تقصده فياليت تكون شجاع اكثر وتصرح فيه !! إهانة سلطان بن فهد لأبو اثنين وجاسم الحربي والرومي هي إهانه لكل الوسط الرياضي محللين رياضيين إعلام هي عوده لعصور الدكتاتوريات التي تكتم الحريات .! بالعربي هي اهانه لكل من يتطاول ويتحدث بما لايعرف وبما يعرف , لانه ليس كل تسمعه تقوله !! لايحق لك التشفي لايحق لك انت ان تلمح لاشياء لاتملك عليها دليل, اما عن نفسي فلست اتشفى وليس بيني وبينهم اي علاقه الا اختلاف بالرأي فقط , أولاً : هي اهانه كما قلت للكل لنا كسعوديين نحن الذين ربطنا اسمائنا بهذه الاسره التي لها في رقابنا بيعة ولنا عليهم الاحترام وعدم الظلم والتعدي والاهانه ابي اعرف هل الاهانه والتوبيخ موجهه للشعب كله ولا موجهه لشلة متعصبين مسيطرين بكثر الهرج ؟ ياليتك ترد !! ثانياً : هي اعانه على الظلم والتعدي على حقوق الغير وقد يبتليك الله بمثله .! الله لايبلانا , انا اعرف حدودي واعرف مع من اتكلم وكيف ارد , الظلم هو انك تسيطر على الجلسه وتسكت وقت ماتبي وتتكلم باللي تبي على اللي تبي , هذا هو التعدي على حقوق الغير !! ثالثاً : ابو اثنين " خاصه " رد عليه برد العاقل والمنطق والقوي والرجل الحرّ ولم يسكت له ولو استمر ولم يقفل الخط لسمع من ابو اثنين درساً له ولامثاله على الهواء ممن تسترهم عبائاتهم فقط كلام كبيرر اتمنى تكون صادق فيه ! ابو اثنين بالذات لاعقل ولامنطق , لو عنده عقل كان فهمها بعد الكويت لما اتصل نائب الرئيس ولمح له ولهم كلهم , فهمها العاقل الهريفي وعرف ان مو في برنامج تلفزيوني تناقش عيوب سواء بالرئاسه ولا بالمنتخب ولا حتى بادارة المنتخب !! المشكله انهم دايما يتكلمون عن مناقشه الاخطاء بيننا وليس عالهواء , ولكن لانهم متناقضين ويجعلون الصح غلط والخطا صحيح !! جاهم ماجاهم ,, ليس بمنطق القوه هذا هو منطقهم , منطق القوه واالتسكيت وارجع للحلقه ذي بالذات وتلقى كيف جاسم الحربي يسكت الهريفي وكانه جالس مع بزارينه بالبيت !! لكن بمنطق العقل والتفنيد .! اي عقل واي تفنيد !! ماخلوا لاعقل ولا احد يفند , جاهم من عقلهم , لكنه آثر اغلاق الخط أو من كان بجواره أغلقه .! برضه تلميح اخر خطير !! عموماً لاتنسى أن الهريفي كان جميع النصراويين يكرهونه ويحاربوه لأن " الراحل " كان ايضاً كاتم انفاسه ولم يتجرأ على الظهور والتحليل سوى بعد موته

تاكد اننا كنصراويين نختلف ونتفق لاننا نؤمن بالاراء , ونؤمن اننا نبحث عن مصلحة الكيان النصراوي كما نؤمن اننا نبحث عن مصلحة المنتخب ,
الهريفي اختلف مع نصراويين كثير لكن هذا لايعني انهم يكرهونه او يحاربونه ,
الله يرحمه ويغفر له ولانك لاتعرف عنه شيئا قلت هالكلام , والا فهو واحد من اكبر الناس قلبا , واكثر الناس تقبلا للاراء والادله كثيره مو وقته اسردها لك ,
شكرا لك يالسرف

[عالمي زهران]

اقتباس: المشاركة الأصلية كتبت بواسطة صغيــر الســن      ~ وآللهـ لآ جآسم ولآ عبد آلرحمن ولآ فيصل يقدرون يديرون فيرق مثل { آلنصر } مع آحترآمي لكل عآشق نصرآوي آن فريق آلنصر ليس فريق رآحت آيآم آلنصر ورآح مآجد وآلهريفي آلنصر بصرآحهـ ليس فريق < كل مبآرآهـ هزيمهـ وآللهـ ولآ آبهآ وآلحزم وآلوحدهـ زي كذآ يآ رجآل ~

اتحدى اذا احد فهم شي من هالكلام !!

[عالمي زهران]

اقتباس: المشاركة الأصلية كتبت بواسطة ال جابر      مهما كان ومهما صار لا يجب الرد بتلك الطريقه هل ذلك من الخطط العلمية المدروسة او من النقد الهادف البناء ويجب ان يحاسب المخطئ ولكن بطريقة تحفظ الكرامة اعذروا صراحتي

كلنا متفقين ان طريقه الرئيس غلط وماحد يرضاها , لكن بنفس الوقت طريقتهم غلط فكان لابد من الكي !!