|
|
|
|
|
 |
 |
 |
|
#1
01-03-2010, 09:36 PM
|
||||
|
||||
اللي بقت دمعه ..... كامله الجزأين لعيونكم .....
لم يكن لتلك الالام والصرخات سوى ان ترى عبق النور في احلامها وتتقاسم الجروح حسب وكيفما شاءت الأقدار ولكن الأهم من ذلك الأمل الضئيل في مخيلات
أبطالي واللذين يستأسرون الناس بما يبعثره احساسهم الجارف نحو المجهول . هذه هي قصتي الثانيه لكم ولأجلكم واليكم تتهادى وتهبط وتحط نوايا قلمي القاتل واحاسيسي المجنونه لترسم لكم ابعاد من الخيالات في نفوسكم ولتعيشوا معي قليلا من الحزن والتشويق والمتعه المؤلمه . بقلمي /خطيرالملامح امرأه لاتنسى-العندليب-كوين-ملف ضايع-قلب من ذهب-غرورانثى-بطبعي رقيقه-جامعي عاطل- ((اللــي بـقـت دمـــعـــه)) الجزء الأول الجزء الأول.. الغرور يحطم جسور الوصال يبعد عيونك ترى عن كل شي الغلا له حد يابنت الحلال خففي من كبرك الزايد شوي كانت امرأه واقفه على شباك فلتها اللي على شواطئ جده وماسكه بيدها كوبها الصباحي المعتاد وجالسه تفكر في حالتها مع حبيبها العندليب اللي للحين مارجع من برى ولاحتى يهتم فيها كأنثى رقيقه كل همه اشغاله وصفقاته وحياته الخاصه واذا صار كريم سمعها صوته. كوين مع زوجها ملف جالسين يفطرون ونقدر نقول حياتهم هادئه لأبعد الحدود وبشكل كبير منسجمين مع بعض. غرور مازالت تفكر كيف تجمع شتات مشاعرها اللي للحين ضايعه ومتردده انها تحب قلب من ذهب اللي وعدها يعوضها عن الحرمان والالم اللي عاشته بطبعي رقيقه وجامعي عاطل زوجين من سنه وكل اللي نقدر نقوله عنهم انهم عشواءيين حياتهم بس لعب ومرح والجديه يفتح الله . خلوني اعرفكم على شخصيات ابطالي امرأه لاتنسى>>> انسانه هادئه لابعد الحدود جميله رومانسيه حنونه كل الصفات الحلوه تجتمع بهالانسانه وفيه جرح باعماقها مخبى وتتظاهر انه مايطلع والسبب العندليب العندليب>>> شخصيه قويه وقاسيه ناجح بعمله بشكل كبير اول ماعرف امرأه حبها بشكل كبير ومع مرور الايام والصفقات والملايين بدى يهملها ويتناساها. كوين>>>> هالانسانه طيبه بالحيل ومرحه ومحبوبه من الجميع بس مشكلتها انها حساسه شوي واحيانا حساسيتها الزايده تجرحها وتجرح اللي حولها بس الكل متفق على حبها ملف>>>> حياته كلها واهبها لكوين انسان خلوق ومحترم ولايحب الا الجديه بأغلب الاحيان بس كوين غير عن الكل تاخذ راحتها سواء كانت جديه او لا. قلب من ذهب>>> انسان هادئ وطموح ويحب غرور بشكل كبير وتأثر حيل لأنها متردده تحبه او لا بس انشا الله مع الأيام تحبه. غرور انثى>>> عنوان للألم والجروح هالأنسانه حياتها كلها الم وهم وجروح من يوم فتحت على الدنيا ماتهنت بحياتها جا عليهم حادث وفقدت اسرتها كلهم ماعدا اخوها الكبير اللي ساكنه معه وهي انسانه جميله بس الحزن خيم على عواطفها. بطبعي رقيقه>>> انسانه متهوره واحيانا تحب تخرب على اي اثنين يحبون بعض لأنها تنقهر اذا شافت اثنين سعداء مع بعض وبنفس الوقت عارفه ان جامعي بحياتها شي مؤقت جامعي >>>> انسان متهور ولايراعي مشاعر الغير مغرور بشكل كبير مايهمه الا انه يوصل للي يبيه لو على حساب الناس الثانيين . طبعا الحين ابطالي كلهم يعرفون بعض بما انهم من نفس المنتدى فطبيعي في القصه يعرفون بعض كمان وهم الحين طالعين جبال الألب يقضون اسبوعين من باب تغيير الجو ... كان ملف جالس يسولف مع الشله طبعا الشباب وماخذين بالحكي ومنحرج بنفس الوقت لأنه يشوف نظرات غريبه بين الحين والاخر من عيون بطبعي ماقدر انه يفهمها وبنفس الوقت منحرج من جامعي مهما كان هذي زوجه خويه وبسرعه طنشها ورجع يكمل سوالف مع الشباب العندليب لاحظ هالنظرات بين الاثنين وللأسف الشديد باله خذاه لبعيد وبنفس الوقت انصدم وجاء بباله ان ملف على علاقه بالسر مع بطبعي وطبعا مش معقوله ملف الخلوق المؤدب يخون خويه لا لا مستحيل وطبعا بما ان العندليب عايش برى ويشوف كثير اشياء زي كذا رسخ بباله انهم على علاقه ولاكلف نفسه انه يتأكد بالعكس كان يطالع في ملف بنظره خبث وحب انتقام بالنسبه لقلب وجامعي جالسن يسولفون ولالاحضو اللي يدور بين ملف والعندليب. عند الفراشات انواع الضحك والوناسه بوجود كوين طبعا اللي تضيف المرح في الأغلب .وبنفس الوقت امرأه تحاول تسلي نفسها وطايره من الفرح بوجود العندليب اما غرور فهي تضحك ويبان الحزن في ملامح وجهها وتحاول قد ماتقدر ماتبين حزنها.وطبعا بطبعي رقيقه تضحك وقلبها يغلي من الحقد والكره لكوين ونجاح حبها وحياتها مع ملف وحاطه براسها انها تفرقهم عن بعض مهما كلف الأمر وبدت تخطط وترسم . هدوء الليل في المناطق الجبليه ممتع جدا وخاصه انو بعييد عن الضجه والمدينه والزحمه وطبعا يكون عاطفي وهادء بشكل كبير في هالاثناء الكل راح ينام الا امرأه اللي جالسه قدام النار وتنتظر يحن العندليب ويجي يسولف معها . وبالجهه الثانيه قلب جالس في الظلام وقلبه ينعصر من الألم لما شاف غرور وهي تتألم حتى صار مجرى الدموع بعيونها. في هاللحضات جاء العندليب عند امرأه وطبعا الحين مو زي قبل الحين هو من اغنى الأغنياء ولازم يراعي هالشي مع حبيبته>>> شكلي باتوقف خخ كانت أمرأه حاضنه يدينها وجاللسه تفكر وسمعت صوت قريب منها رفعت عينها وشافت العندليب وغرقت عيونها بالدموع دموع الم. شوق. عتاب كل شي طالعها العندليب بشموخ وكبر ولاحتى كلف على نفسه انه يسألها عن صحته قال لها >>وشبلاك زي الاطفال تبكين قالت ابد سلامتك تفضل اجلس العندليب>>لا لا بروح انام بس جيت اشوفك الا صح كيفك>>> يابرودك ياخي امرأه>> كويسه انت كيفك العندليب >>اكيد باكون تمام عموما انا باروح تصبحين على خير جرح جديد بتوقيع العندليب يتسطر بمشاعر امرأه انهار من الدموع والحسره والألم على هالمشاعر اللي كل لحضه والثانيه تتذوق الألم والجروح قامت بهاللحضه امرأه وبكل شموخ وناظرت فيه بكل حقد وكل الم تسبب فيه العندليب خلاص مابقى بالعمر كثر ماراح الى متى وهي تتحمل وتصبر وتنجرح وهو ولا يسأل ولاهمه الا نفسه قالت والدموع غرقتها>> انت ايش انت ماتحس ماتحن ماتشوف نفسك اي عاشق واي حبيب انت الا متى وانا انجرح واتألم وانت مانت داري عني الى متى اذوق الهم وتحسر وانتظر حضره جنابك ليش قلت لي احبك وين حبك اللي تقول عنه وينه وين عشقك وكلامك لي وعاطفتك الجياشه اللي تعلقت فيها وين احلامنا ومستقبلنا اللي قلت عنه وش تتوقعون من انساان يصبر على اللي يحبه سنين وسنين وكل يوم ينجرح ويتألم ويقول بكره بيحن وللأسف مايلقى الا الجرح يفتح لنفسه مجرى بداخ الاعماق أمرأه انهارت وصارت تضرب بيدينها على صدر العندليب وتصرخ وش هذا وش داخل هالقلب وش هالأحساس اللي فيه مسك يدينها العندليب بكل عصبيه ورماها على الارض وطالع فيها بكل كبرياءوقال>> وش فيك انتي انجنيتي انتي عارفه انا مين والا اعرفك لايكون على بالك اترك اشغالي واتزوجك واقعد كل يوم والثاني جاي بورودي وشموعي بيديني لاياماما اعقلي الرومنسيه والحب هذي خليها للي يبي يعيش طول عمره غبي وفقير ومتخلف اما انا لا انا فوق كفايه ادخل مكان الاقي الكل يهابني ويحترمني ويعمل لي الف حساب لو مو هالملايين اللي اجمعها وش على بالك احد بيعبرني كلممه ولا اثنيها ماعاد ابيك ولا ابي حبك احتفضي فيه لنفسك يا الرومنسيه تصدقون ان فيه قلوب زي كذا واعنف من كذا بس كل واحدفينا مايحاول يعترف بهالشي قلوب مصنوعه من حجر قاسي صلب ماتفكر الا بنفسها بهاللحضات انهارت امرأه وحاولت تجمع كرامتها الباقيه مهما كان الكرامه شي ماحديفرط فيه ومسحت دموعه وناظرت فيه ببرود وقالت>> وانا اذا ندمت وتحسرت على شي فهو اني خليتك جزء من هالقلب وأشرت على قلبها وهالقلب من اليوم ورايح انت بالنسبه له ماضي مؤلم وسيء وتافه وعممري ماراح اذكر هالماضي الا على جثتي وانت روح الله كفيل بأنه ينتقم لي منك وصرخت بأعلى صوتها روح روووح انت ماتفهم بهاللحضات طلع الكل مرعوبين من هالصراخ وانصدموا يوم شافو شكل أمرأه ودموعها وانهيارها على طول راحت لها كوين وهي خايفه وحضنتها ودخلتها داخل ملف وقلب والباقين مو مستوعبين اللي يصير معقوله هالحب يضيع بلحضه قال ملف وهو للحين منصدم >> العندليب وش بلاك انت انجنيت العندليب وهو في قمه عصبيته >> وشو انجنيت انت الثاني وش فيكم ماتفهمون انتم مفروض تحمدون ربكم ان واحد زيي عبركم وجلس معكم بس انتم وجيهكم وجيه فقر وعمركم ماراح تكونون فوق انا ماشي ومخلي لكم اخوتكم اللي جابت لي الهم .>>> لا يالعندليب جرحت وجرحك قاتل مو مؤلم وبس ناظر فيه ملف والباقي والصدمه مخيمه على وجيههم مو معقوله هذا العندليب معقوله الفلوس تسوي كذا وتغير المبادء والقيم معقوله؟؟؟؟؟؟؟؟؟؟؟؟؟!!!!! بهاللحضه ضحك قلب ضحكه استهزاء وبرود وناظر العندليب وقال >>> هههههههههه تصدق اني غبي واللي معي اغبياء ويده تأشر على الباقين مفروض نعرف هالشي من زماان مفروض نعرف ان العندليب اللي يحب الخير للناس قبل نفسه مات وراح وانتهى وتولد مكانه عندليب الملايين عندليب القسوه والألم >> تحولت نظرات قلب الى نظرات جامده وبكل عصبيه قال >> روح ولاعاد نبي منك شي ولاعاد نشوف رقعه وجهك انت انساان ماتشرفنا ولاتشرف أمرأه اللي عمرها ضاع لواحد مايسوى هلله مثلك.......؟؟!! طالع العندليب فيه وبكل عصبيه جا بيتكلم الا وكف مؤلم على وجهه اذهل الجميع وخلاهم يتوقعون انهم في حلم مو واقع مسك العندليب خده وناظر في ملف وقال >> انت ياتافه تمديدك علي؟؟؟ رد عليه ملف وقال>> واقتلك لو بغيت روح ولاعاد نشوف رقعه وجهك يالله. ضحك العندليب بكل خبث وناظر ملف وقال>> كلكم بتندمون بس انت ياملف راح تندم قد شعر راسك ونشوف. راح العندليب بعد ماجرح من جرح وقتل من قتل راح والحقد والكره انزرع بداخله وخلاه يتوعد ويتحلف انه لينتقم منهم لو يخسر اللي قدامه واللي وراه بهاللحضات جامعي يناظر وهو مايدري وش يقول والا وش يسوي صح انه احيانا نذل بس ماتوصل فيه النذاله انه يبيع اخوياه وربعه اما بطبعي فهي طايره من الفرح من جواتها وطبعا مو مبينه غير الحسره وهذا قدامهم والا هو يوم عيدها تشوف افضل ربع شافتهم بحياتها بيتفرقون ............ مرت الأيام واحوال ابطالنا ماتغيرت بالحيل يمكن الشيء الملفت للأنتباه ان أمرأه لازالت ماتبي تقابل ولاتشوف احد وبالنسبه لغرور بعد اللي شافته ترددت وتقريبا رافضه فكره حب جديده اللي شافته من العندليب وأمرأه كفيل بأنه يخوف اي انسان ويغامر بمرحله حب ويخسر. بالنسبه لجامعي وبطبعي لاجديد بحياتهم نوم اكل سوق ضحك فرفشه حش في خلق الله وبطبعي لازالت خططها ماشيه على خراب بيت ملف وكوين بعد شهر من هالاحداث كانوا ابطالنا مجتمعين بأستراحه جامعي عاطل واللي تطل على البحر طبعا هالمره ينقصهم العندليب اللي رجع من وقته الى اوروبا بطبعي كانت مخططه انها تنتقم منهم مهما كلفها الأمر وهدفها كوين وملف العندليب مازال يتابعهم وحط ناس عشان يراقبون تحركاتهم وجاء بباله فكره جهنميه شيطانيه ماتطلع الا من واحد الشر والكره اعمى قلبه تذكرون يوم شاف العندليب نظرات بطبعي لملف قرر العندليب يلعب لعبته بورقه رابحه واللي هي بطبعي يوم بلغوه رجاله انهم في الأستراحه قرر يدق على جوال بطبعي بهاللحضات كانو البنات كلهم يطبخون الغداء في المطبخ وشوي ودق جوال بطبعي رقيقه وشافت الرقم واستغربت قالت ممكن احد مهم وردت الا والعندليب يقول مرحبا خافت وارتبكت ولادرت وش تسوي فقالت >> نعم وش تبي العندليب>> لحضه ياحلوه وش فيك معصبه اطلعي من هالازعاج اللي عندك ابيك بشي يفرحك وتتمنينه من زماااان استغربت بطبعي وقالت خلني اشوف وش يبي بطبعي >>> يالله قول وش عندك العندليب>> شوفي انا ماحب المقدمات والكلام الفاضي انا شفت نظراتك لملف يوم كنا في جبال الألب وعارف انك تبين تتملكينه وتبينه يكون ملك لك صح ؟ تلعثمت وخافت ولاردت قال العندليب>> لاتخافي انتي تبين ملف وانا حاقد على ملف وش رايك باللي يخرب بيت ملف ونكسب احنا الأثنين اكون انا انتقمت منه وتكوني انتي خليتيه يطلق زوجته ويصير لك وحدك؟ ارتسمت ابتسامه عريضه على وجه بطبعي وقالت>> طيب وجامعي؟ العندليب>>> جامعي امره سهل انا ادبره ماعليك بطبعي>> طيب وش المطلوب مني العندليب >> انتم الحين في الأستراحه ورجالي موجودين بالأستراحه اللي يمكم لازم تسمعيني وتنفذي الخطه بدون محد يشك فيك والا مابتنجح بطبعي >> قول قول انا راح اسوي اللي تبيه اهم شي كوين وملف يفترقون العندليب>>.....................؟؟؟؟؟؟ الجزء الثاني العندليب >> انتم الحين في الأستراحه ورجالي موجودين بالأستراحه اللي يمكم لازم تسمعيني وتنفذي الخطه بدون محد يشك فيك والا مابتنجح بطبعي >> قول قول انا راح اسوي اللي تبيه اهم شي كوين وملف يفترقون العندليب>>شوفي ابيك تحاولي تنفردي بملف بمكان مشبوه جوت الأستراحه وبنفس الوقت تعطي خبر لكوين اهم شي تشوفكم مع بعض واذا جات ارمي نفسك في حضنه خليها تتأكد انه خانها عرفتي؟ بطبعي والضحكه شاقه حلقها>> طيب بس انا خايفه من جامعي ؟ العندليب>>>>> ههههههه ماقلت لك حله عندي طبعا قبل ماتسوين كذا ابغاك تعطيني خبر وانا راح اتصل على جامعي واقول له اني ابيه ضروري ولابيك تعلم احد وابيك تجيني الحين بنفس الوقت باحط بسيارته كميه كبيره من المخدرات وراح ابلغ عنه وكذا راح نتخلص منه بطبعي>>> اثاريك شيطان يالعندليب كذا يهونون عليك اخوياك؟ العندليب>>ههههه ضحتيني بكلمه اخوياك تصدقين اني ندمان اني عرفت اشكال كذا بس انا باعلمهم من العندليب الكف اللي جاني راح يدفعون ثمنه كلهم وراح يعرفون اني اقوى منهم بطبعي >> ههههههه طيب طيب شوف انا بانفذ الليله بنص الليل خلك جاهز العندليب>> اوكي اهم شي لاتنسي اي شي من الخطه ونفذيها بحذافيرها لو انكشفنا ترى انتي اللي بتنضري مو انا بطبعي>> افا عليك لاتخاف كل شي بيكون اوكي. نرجع لأبطالنا الساعه 11,30 مساء كانت غرور واقفه باخرالاستراحه وسرحانه تفكر في حياتها وتفكر في مشاعرها اللي للحين تتعذب وتنقتل يوم عن الثاني ولاهي قادره تلم شملها شافها قلب وراح لها ويوم قرب سمع صوت أنين وبكى وحب يتأكد وقرب من غير ماتحس فيه غرور سمعها تبكي بصوت يقطع القلب وتنشد هالكلمات ... الجرح فيني مسكنه والدمع بعيوني ندم .... ...اعيشها في لملمه بين المفاصل والسقم... ... اتخيل اهلي وانتظر افوق من حلم ووهم... ... بفراقهم قلبي احتضر حتى خفوقي ماسلم... ... اشتاق ياهلي وينكم وين المحبه والعهد... ... ياريت موتي موتكم واكون وفيت العهد... ... بس القهر في بعدكم اتعذب ولابه جلد... بقلمي /خطيرالملامح دمعه حارقه انسكبت على وجه قلب من هالشي اللي سمعه وأه بقلبه ماقدر يخبيها وبدون شعور ركض لعند غرور وحضنها بكل قوه وحب ماعاد يهمه الناس ولاكلامهم كل همه انه ياخذ كل هالجروح ويرميها بصدره ماقاومت غرور هالشي يمكن في الاساس محتاجه هالشي واكبر من هالشي محتاجه قلب من ذهب ترمي فيه كل همومها والامها ترمي فيه دموعها ووحدتها ترمي فيه قسوه الزمن وغدر الحياه جلسوا على هالحاله فتره طويله وكل واحديلملم جروح الثاني وبعد فتره رفع راسه قلب ومسح دموعه وناظرها بحب وقال قلب>>> عهدن علي ياغرور مايتركك قلبي وكياني بعد هاللحضه وبكره راح اتزوجك ولاهمني احد غرور>> لاياقلب انت بتنضلم معي انت محتاج انسانه مشاعر وقلب واحاسيس مو محتاج بقايا انسانه تصبحك بهم وتمسيك بهم قلب>> هالقلب ماحب الا انتي ولابيضل يحب الا انتي والله ياغرور ان حياتي فدوه لك . فيصل>> برافوه برافوه وش هالفلم وهالحب اللي انا اشوفه ؟ ذهول عم المكان بوجود فيصل اخو غرور فيصل/اخو غرور الوحيد واللي بقى لها من اهلها طيب لابعد الحدود ويحب غرور من قبل وفاه اهلها وواثق فيها وزاد قربه منها من بعد وفاه اهلها لدرجه انه يراقبها عشان ماتصير وحيده ومن كثر الهموم اللي فيها صار يخاف انها تنتحر غرور بذهول>>> فيصل ؟؟؟؟؟ فيصل>> ايه فيصل اللي مثلتي عليه دورالمسكينه ودور الحزينه وكل هذا عشان تعيشي جو الحب مع حبيب القلب وانا اتعذب ليل نهار واقول اختي حشاشه جوفي واخرها تخوني ربك وتخوني اهلك اللي بالقبر وانا ياغافلين لكم الله...!!! قلب بعصبيه >>> اسمع يافيصل ولاتضلم احد افهم السالفه وبعدين تكلم.. فيصل >> اص ولا كلمه انت ياحقير ياتافه انت لو رجال ماتقابل بنات الناس من ورى الشباك ولو انت فيك ذره رجوله ماسويت اللي سويته حسافه ياقلب ثقتي فيك ماكنت ادري ان اللي بياكل لحم ضهري اقرب الناس لي >>>>>>>>>>> للتوضيح فيصل وقلب اخوياء من زماان >>>>>>>>>>>> انهار من الدموع والالام ماتحملتها غرور اللي طاحت على طول ولاقدرت تتحمل كلام اخوها الكل تجمعوا عليهم يشوفون غرور وش فيها . بهاللحضات صحت غرور وناظرت بأخوها وهي في حاله اقرب الى الموت ومسكت يده ونادت قلب وقالت /لاياخوي لا يابعد طوايفي لا يالغالي انا ماعمري نزلت راسك وراس اهلي بالتراب ولاعمري فكرت اخونكم حاول فيصل يسكتها وماقدر حاول يوديها المستشفى ورفضت قالت غرور ياخوي قلب ماعمره خانك وخان اخوتكم قلب ماعمره فكر انه يستغل هالشي لمصالح نفسه قلب الوحيد اللي يحس في المي وهمي وجرحي ومعاناتي من بعد ماراحوا اهلي وكان بكره بيخطبني منك الكل غارق بدموعه من المنظرالمؤثر مسكت غرور يد اخوها وناظرت بقلب وجاها وهو في قمه هذيانه وانهياره وحطت يدينهم بيدين بعض وبكل الم قالت /هالأخوه ماعمر احد فرقها لاتخلون الشيطان يفرق قلبين عمرها ماخانت بعض هالاخوه كنت ولازلت افتخر فيها قدام الناس خلوني اموت وانا مرتاحه اوعدوني تضلون قريبين من بعض ولاتعذبوني انهار فيصل وقال/لاياغرور لاتقولي كذا انا غلطان اسف لاتموتي بسببي انا عارف انك تحبين قلب قومي وتزوجيه واوعدك بهالشي بس لاتقولي كذا انصدم الجميع وانهار لما شافو غرور ترفع سبابتها تتشهد ولوتسألوني وش حال قلب ماقدر اجاوبكم صدمه انهيار ذبول دموع تحجرت من كثر مانزلت بعد لحضات فارقت غرور الحياه وهي كما عاشتها بالالم والهم والدمعه عالقه في عيونها الكل منهار ومتالم من اللي صار ومن بعدها قلب ماصار يحاكي احد ولايسولف مع احد حتى انهم شكوا انه فقد حاسه الكلام  . بعدها بلحضات قدرت بطبعي انها تنفرد بملف اثناء انشغالهم مع الدكتور وقبل مايبلغهم بأنها ماتت كانوا متأملين خير انهم في حلم بطبعي لملف>>> ملف تعال ابيك شوي في البدروم ملف >> وش تبين مو وقتك ولاوقت مصاختك بطبعي ودموع السحالي بعيونها>>> ليه كذا ياملف انا وش سويت انا تعبانه ومحتاجه اقول لك سر ملف رق قلبه >> خلاص تعالي وهم رايحين قالت بطبعي لحضه بس اجيب لي مويه واجيك ملف>>> اخلصي راحت بطبعي وارسلت رساله لكوين نصها>>> كوين الحقي ملف تعبان بالبدروم وصلت الرساله لكوين وانهارت على ماهي منهاره وراحت ركض للبدروم في البدروم ملف>> هذا حنا وحدنا وش تبين اخلصي بطبعي وهي قريبه منه وعينها على الباب>>> ملف ليش انت تتكلم معي باستحقار ولاتعطيني اي اهتمام انا مهما كان زوجه صاحبك ملف>>> خير وبعدين من انتي عشان اعطيك وجه حالك حال الباقين من متى انا معطي احد وجه؟ بهاللحضه دخلت كوين ودموعها انهار من الرساله كل همها حبيبها ودنيتها ملف بطبعي ماصدقت خبر وارتمت بحضن ملف وحوطت يدينها حول رقبته وملف مصدوم مذهول من اللي يشوفه وقفت كوين والصدمه وقفتها عن الحركه والكلام وبطبعي تضاهرت انها خافت ووخرت عن ملف وبسرعه طلعت وهي فرحانه ومبسوطه ملف حاول يتكلم بس مامداه لان الكف اللي جاه كان اقوى من اي كلمه ناظرته كوين بقسوه وبكبرياء انثى مجروحه وقالت>> ماعمري تصورت انك نذل وخاين حتى بأصعب الضروف غرور ماتت مدري بتموت وانت هنا عايش الحب مع احقر انسانه قابلتها وتقارنها بي وتحطها مكاني وتعطيها الحب اللي انا كنت متصوره انه ملكي انت حيوان ماهمك الا نفسك ولاتوقعتك كذا خساره هالقلب اللي حبك شوف هي كلمه ولالها ثاني الحين تطلقني ولابي اسمع منك ولاحرف ملف وهو مو مستوعب ان هذي كوين الرقيقه الحبوبه الطيوبه >>> مادرى ان الانثى لما احد يجرحها ويجرح هالرقه لايستغرب اذا تحولت الى اسد يفترس اللي قدامه بدون رحمه ملف وهو مذهول وبنفس الوقت يبي يفهمها>> لاياكوين لاياقلب ملف والله ماصار اللي. ماقدر يكمل لان كوين كتمته وقالت وهي بقمه انهيارها>>> اذا انت رجال وعندك كرامه طلقني ملف خلاص عرف انه لو يسوي المستحيل مابيرجع اللي راح نزل راسه للارض وبدمعه حارقه على خدوده>> انتي طالق ياكوين بس انا مضلوم راحت كوين وراح جرحها وراها يسحب نفسه مع انفاسها المقتوله. بالنسبه لجامعي >> قبل مايصير اللي يصير اتصل عليه العندليب ونفذ اللي بباله وبلغ عنه وجامعي انهبل وصابه جنون ماتوقع خويه يسوي فيه كذا ويبليه ببلوى مالها اول ولا ثاني وقبضوا عليه والدليل موجود امرأه لاتنسى والباقين واقفين بعدما طلع الدكتور يطالعونه وبقلوبهم يارب تكون بخير الدكتور >> ياجماعه الله سبحانه وتعالى يعطي وياخذ وهو الباقي والناس ميتين لامحاله عضم الله اجركم ماوصلت الا وهي ميته بسكته قلبيه انهار الجميع بكى ودموع ماتت غرور ماتت الطيبه والرقه يمكن لو تسألوني عن اللي مات بذيك اللحضه اقول لكم قلب وفيصل اللي ماتوا من البكى والحزن اكثر من الباقين ......... بعد مرور ايام من وفاه غرور كان قلب جالس بغرفته ومطفي النور كالعاده من بعد غرور ولا ياكل ولايشرب كل اوقاته يكتب ويكتب ويكتب بدون ملل امرأه مو بقل حال من قلب كل يوم وهي تبكي وتنهار وتنومت اكثر من ثلاث مرات والسبب انهيار عصبي ملف سافر وهاجر من بعد ماخسر كل شي بلحضه كوين للحين وهي تعاني من فراق ملف بس كرامتها فوق كل شي بطبعي رقيقه في قمه وناستها بعد ماخربت كل شي والحين عايشه وحدها جامعي للحين بالسجن ولازال التحقيق جاري خصوصا انه ماعترف ولازالوا يحققون معه العندليب عايش بملايينه ولافكر بأحد وصار مبسوط من اللي صار بعد شهرين من الاحداث كانت بطبعي توها صاحيه تبي تتريق ويالله فتحت الفرن الا والباب حق شقتها يدق >> راحت تشوف ونست الغاز مفتوح فتحت الباب وانصدمت يوم لقت العندليب بوجهها بطبعي >> انت وش تبي العندليب >> وش دعوه مافيه تفضل بطبعي>> بس انت تعرف اني لحالي ومامعي احد العندليب>> لا ياشيخه مسويه الحين انك شريفه وبنت ناس ماكأنك امس فرقتي قلوب وخليتي ناس يتعذبون بسبتك بطبعي حاولت تسكر الباب ولاقدرت دخل العندليب وقفل الباب وسحبها و..... عمل عملته وهي للحين تبكي قرفانه منه ومنهاره جلست تكلم نفسها وهي تبكي انا استاهل ربي جازاني عشاني خربت بيوت الناس انا استاهل اكثر من كذا ضحك العندليب بسخريه وراح المبطبخ عشان يسوي له كوب قهوره يروق مزاجه ويوم جا بيولع الغاز انفجر فيه لان بطبعي نسته وولعت الشقه وجا الدفاع المدني والاسعاف ونقلوهم على المستشفى بعد فتره من الزمن العندليب انحرق حروق من الدرجه الخطيره وافقد بصره وانشل وخسر فلوسه بسبب المراقص والكازينوهات اللي فتحهم والحين هو عايش وكأنه مو عايش تندم على كل شي سواه وعرف ان الله انتقم منه  بطبعي رقيقه راحت لكوين وفهمتها كل شي ورجعت ملف لها ورجعت القلوب تنبض بعدما نزفت الالم والتزمت بطبعي وهي الحين تحفظ الطالبات في تحفيظ القران جامعي عاطل خرج من السجن بعدما اعترف العندليب باللي سواه والتزم وصار امام مسجد وصارت حياته مع بطبعي من اجمل مايكون وجاهم ولد وسموه (( انس)) كوين وملف عايشين احلى عيشه وجاهم توأم (( غاده-غدير)) ومبسوطين فيهم وماشيه حياتهم احسن من الاول امرأه لاتنسى /قررت انها ترمي الماضي خلفها وتنسى العندليب وعاشت حياتها وربي عوضها خير تزوجت واحد حبها ومات فيها وعوضها عن الالم والهم وقدرت انها تحبه وعايشين احلى قصص الحب والعشق  قلب من ذهب مات بعد موت غرور بشهر بسكته قلبيه وتوقف في وضائف الكلى بسبب قله الاكل وهذي اخر ماكتب ((عندما تفارق من تحب/ تتفجر الالام والهموم بداخل اعماقنا وتنتثر تلك الالام كالورود بأرجاءنا ولانستطيع ان نجعلها تغادر لأنها اصبحت جزأ منا . انتم يامن لديكم الفرح يسكن في ارجاء حياتكم انني اطالبكم ولكن لا اطلب منكم ان تهبوني الفرح لا ارجوكم هبوني دموعا ابكي بها لم يتبقى لدي دموع فقد انتثرت ومااتت بموت حبيبتي انا الان هنا وغدا لن اكون فلتجعلوا مني اسطوره في سماء العشاق ونجمه متناثره في سماءكم. فلم يتبقى لي الا دمعه )) بقلمي/خطيرالملامح وهكذا وضعت امامكم ماجال به قلمي وتناثرت به عواطفي فأن وفقت فمن الله وتفاعلكم معي وان قصرت فهذا مني واعدكم بتلاشي اخطاءي في القادم . همسه قد تكون هذه القصه من الخيال ولاكنها تمثل لي الكثير فلقد قضيت فيها الجهد والتعب الكثير فأرجو ان تبقى خاصه لمنتديات زهران وعدم نقلها . تقبلوا فائق حبي واحترامي بقلم /خطيرالملامح  
|
 |
 |
 |
|
|
|
|
|
01-03-2010, 10:14 PM
|
#2 |
 |
رد: اللي بقت دمعه ..... كامله الجزأين لعيونكم .....
وين التفاعل؟
|
|
|
|
|
|
|
|
|
|
|
|
01-03-2010, 10:27 PM
|
#3 |
|
موقوف
|
رد: اللي بقت دمعه ..... كامله الجزأين لعيونكم .....
شكر لك اخي خطير الملامح
ماشاء الله انت شخص واسع الخيال ولديك قدره عاليه على التخيل بعمق ورسم احداث تخيليه وتمثيلها لقصص واقعيه وكانها حقيقيه بالاضافه الى طولت البال في نسج احداث القصص وذكر تفاصيلها ..بتمنى الك مستقبل افضل بكتابه روايات وقصص فانت لديك موهبه رائعه لاتدعها تذهب دون اعطاءها حقها ...لك ودي واحترامي .. التعديل الأخير تم بواسطة ساندرا ** ; 01-03-2010 الساعة 10:34 PM. |
|
|
|
|
|
|
|
|
|
|
|
|
01-03-2010, 10:32 PM
|
#4 |
|
|
رد: اللي بقت دمعه ..... كامله الجزأين لعيونكم .....
يسلممممموا ساندرا مرورك الاجمل
|
|
|
|
|
|
|
|
|
|
|
|
|
01-03-2010, 10:33 PM
|
#5 |
|
موقوف
|
رد: اللي بقت دمعه ..... كامله الجزأين لعيونكم .....
[ALIGN=CENTER][TABLETEXT="width:70%;"][CELL="filter:;"][ALIGN=center]ممممممممممممـ
بعد قرأت النص بالكامل ,,, - اولا يالغلا ماعلجت قضية ,, بل أسلوب مقتبس من عمل ما يعني كونك طالعت مسلسل ما واخذت افكار الاحداث وجعلتها سطور ,, - الجرأة في النص ,,, الجرأة بعض الاحيان قد تعطي صورة منعكسه لانك اعتمدت عليها وتناسيت الفكرة اللي تبي توصلها ,, من بدايت النص وسلكت هالاسلوب !! بصراحة تمنيت انك كتبت من مخيلتك بعيدا عن اقتباس صورة من عمل ما ... يعني لو طلعنا بسيناريو لهذي القصة يمكن تطلع اكثر من كرتر لنا من مسلسل شفناهـ  " تمنيتك أنك تبتعد عن ذكر معرفات ,, فـ القصصي يدرج اسماء من وهم تخيلاته " بالتوفيق لك يا بطل ,,, وننتظر ماهو أجمل  ..والقسم الادبي قد يكون هو الافضل خطير [/ALIGN][/CELL][/TABLETEXT][/ALIGN] |
|
|
|
|
|
|
|
|
|
|
|
|
01-03-2010, 10:39 PM
|
#6 |
|
|
رد: اللي بقت دمعه ..... كامله الجزأين لعيونكم .....
هلافيك ياملف
اولا اشكرك على انتقادك اللي اخذه بعين الأعتبار ثانيا واقسم قسم اني ماخذت فكره من مسلسل ولاغيره انها من خيالي وجات معي كذا ثالثا اذا تبي تنقلها انقلها مع اني تمنيت انك تقول كذا من الاول لاني قلت في الاول اذا بتنقل لقسم ثاني فياريت تقولون عشان ماتعب عمري وانزلها خصوصا ان ابطالها من الاستراحه بس ماعليه عادي انقلها او احذفها كله واحد تحياتي لك ياعسسل |
|
|
|
|
|
|
|
|
|
|
|
|
01-03-2010, 11:29 PM
|
#7 |
|
موقوف
|
رد: اللي بقت دمعه ..... كامله الجزأين لعيونكم .....
اسلوب قصصي رائع استمتعت بقراءته
حتى اني تمنيت ان لا تنتهي القصة .. حرفك راقي..  تبعثرت مني كلماتي التي رتبتها لأصف دفء روحك النقيه ...التي سطرتها لنا بلغة إبداع لامثيل له ... روعه تعبير يعجز عن وصفه قلمي ... خطير ...أكثر من رائع كنت .... لروحك حدائق الزيزفون ... |
|
|
|
|
|
|
|
|
|
|
|
|
02-03-2010, 07:58 AM
|
#8 |
|
|
رد: اللي بقت دمعه ..... كامله الجزأين لعيونكم .....
كوين شرفني مرورك يالغلا واشكر لك اهتمامك بمواضيعي وردودك الممتعه دوما
لكي مني كل الشكر |
|
|
|
|
|
|
|
|
|
|
|
|
02-03-2010, 11:12 AM
|
#9 |
|
رد: اللي بقت دمعه ..... كامله الجزأين لعيونكم .....
[ALIGN=CENTER][TABLETEXT="width:70%;"][CELL="filter:;"][ALIGN=center]
رهيب وتنفع تكون كاتب مسلسلات ولعلمك ترى اندمجت وحسيت نفسي اتابع مسلسل خليجي وخاصه يوم طلع الدكتور وقال ياجماعه الله سبحانه وتعالي ياخذ ويعطي وانهمرو بالبكاء ههههههههه وبعدين عندي نقطتين اول شئ التنسيق يبي لك دورهـ فيه والشئ الثاني :الخروج من المئلوف .. لو تخرج عن اطار القصص الخليجيه والدراما الي شبعو الناس منها بتطلع شئ ثاني انت عندك موهبه لاتضيعها ولااعطنيها انا بهتم فيها [/ALIGN][/CELL][/TABLETEXT][/ALIGN] |
|
|
|
|
|
|
|
|
|
|
|
|
02-03-2010, 04:34 PM
|
#10 |
|
|
رد: اللي بقت دمعه ..... كامله الجزأين لعيونكم .....
يسلممممممموا مخ تلف تعال خذها ههههه مابغاها
|
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : اللي بقت دمعه ..... كامله الجزأين لعيونكم .....
|
||||
| الموضوع | كاتب الموضوع | المنتدى | مشاركات | آخر مشاركة |
| لعيونكم....................!! | خطيرالملامح | المنتدى الأدبي | 0 | 04-02-2010 12:56 AM |
| يقال لكل دمعه نهايه ونهايه اي دمعه ابتسامه | أبو مشعل11 | المنتدى العام | 14 | 20-05-2008 11:53 AM |
| احلى كاريكاتير لعيونكم | فيض المشاعر | الإستراحة | 14 | 14-04-2008 02:59 AM |
| كل دمعه لها نهايه ولكل نهايه دمعه ** | الفيصل | المنتدى العام | 20 | 07-02-2008 07:32 AM |
| صور وسائط لعيونكم | الصغير1 | الاتصالات والجوالات | 13 | 22-01-2008 12:00 PM |
