عندما تطبق الجزية على المسلمين ببلاد الحرمين...فهل نحن من اهل الكتاب؟؟؟

[غربة مشاعر]

اقتباس: المشاركة الأصلية كتبت بواسطة فيصل فيصلي      ههههههههه شر البلية مايضحك...لكنه ضحك اهون منه البكاء تذكرت رواية عن عمر..حينما لقي يهوديا هرما فأمر له بمال من بيت مال المسلمين..فانكر عليه ذلك بعض بطانته فقال:ما أنصفناه ان اخذنا منه الجزية صغيرا وتركناه كبيرا فليت لزعماء المسلمين اليوم من التقوى والورع والعبقرية والذكاء مايجعلهم محصنين أمام بطانتهم وعلى ذكر البطانيات هل الواحد يلبس البطانيه ام البطانيه تنسدح فوقه؟؟؟ يعني عندما اخذ اردى نوعيه من البطاطين من السوق وتكون خفيفه وسيئة الحبك والخامه والبسها بنتي فيصيبها البررررد وتزكم... هل تقوم المدام نلعن في البطانيه وتقول هذي البطانيه فاسده وملعونه زي الناس الصاحين ام ستفعل كالمجانين وتأتي تلومني انا لشراء تلك البطانيه الفاسده

رد محشوا باللوز ..سلمت الانامل يافيصل...
في قريب لي يعرف واحد والواحد يعرف واحد علمة عن واحد يعرف واحد بالديوان يقول انة سمع واحد يقول ان هناك امور كثير لاتصل الى ولي الامر بالصورة الصحيحة ويتم دبلجتها وقصها وقصها وقصها وبعض الامور تنقص بالكامل ويومن تعرض على ولي الامر ميلقى شيء...
الف شكر يابن العم

[خالد بن سعد]

اقتباس: المشاركة الأصلية كتبت بواسطة غربة مشاعر      الليلة قاعدة لك ياخالد.. صدقني يابن العم بعض العايلات مامعهم الا هالقزم يوديهم ويجيبهم ويشري للهوش حب وبرسيم ويودي اخوتة المدارس ونحن نتكلم عن طلاب الثانوية والكليات اعاد انا اتكلم عن حايل والله ياخالد اننا تقول بالضفة الغربية او قطاع غزة ثلاثة تفاتيش بدايري واحد والسرابيت بعد 12 بشارع الاربعين نسمع صوت التفحيط وحنا بالمصيف ماحد يتعرض لهم.. اما القياس اعتقد حتى 5 ريال ضلم وحرام ياخذونة ...

اول شىء انتي اختي على عيني وراسي

ثانيا انا من ردي ما اقصد شىء عناد ولا شىء ولكن بما اني رجل اصلا من يوم عرفت السيارة ما حب السرعة والمخالفة وانقهر من العبطاء والمتهورين اللي تشوفينه كانه يسوق طيارة وكانه مايبي يتاخر عن جلسة مجلس الوزراء ولو عرفتي حقيقة الأمر تلاقين الشباب ينتظرونه علشان يلعبون بلوت والا يطلعون البحر والا واحد ماسح الطبلون ويوم اوخر عنه يمر بجانبي والقية مطوع والدقن ماشاء الله عليها من كبرها وهذا المفروض يكون انسان عاقل قدوة للشباب

والا واحد طاير وماشي من وراء الخط الأصفر علشان يودي مشاوير جده- الطايف مثلا . والا واحد يقطع الأشارة الحمراء طيب ليش؟؟؟ والله قهر والا واحد عاكس الخط .

اقسم بالله مرة كنت راجع الفجر من البحر على كوبري الملك فهد وواحد عاكس الكبري من بدايته معاه سيارة فورد وفيها اثنين شباب منتهين مررره يمكن ضاربين شىء ووقفوا نص الكبري وجاء الراكب وكمل المشوار وهم جالسين اثنينهم في كرسي السواق مع بعض والباب حق السيارة مفتوح لانهم منتهين يمكن مخدرات .

طيب لو صدموا عائلة مساكين في حال سبيلهم وراحت العائلة فيها بسبب اهمال وطيش وقلة ادب . المفروض هذه العينات يتأدبون وتكون مخالفات المرور عليهم قاسية .

للمعلومية كبري الخير يمكن اكثر من 20 كيلو (( مدري كم بالظبط ))

عاد اما الولد الصغير والله ادري ان فيه بعض الناس حالهم مش كويس وماعنهم الا هالولد ولكن اهل الشر ماخلوا لأهل الخير شىء ..... المسرعين والمفحطين وبلاوي المرور هيه اللي خلت المرور يشدد وصار التشديد على الجميع .

والولد اللي في الكليه والا الثانوية يحاول يطلع رخصة او تصريح قيادة مؤقت ويكون في السليم . وعندك التفاتيش اعرفها والله تضيق الصدر بس وش بيدنا نسوي اما اذا المرور يشوف التفحيط هناك ولا يكلمهم والله غلطانين من راسهم الى رجلهم والموضوع تنظيم مو تخويف الناس وقلقهم المفروض نكون راقين في تعاملنا واحد خالف نعطية مخالفته بأبتسامة ونفهمه الصح من الغلط . لان شغلهم تنظيمي مو تخويف الناس .

مره انا في عمان دخلت مطعم اتعشى يوم جيت وتحت المساحة حق السيارة ورقة صغيرة فتحتها مافهمت منها شىء بعدها مشيتوشفت لعسكري عند احد الأسواق ((لولو ))قلت له وش هذه لقيتها في السيارة قال هذه مخالفة مرورية قلت ليش قال وقفت محل مرسوم عليه عربية معاق يعني كان موقف لوقوف سيارات المعاقين . والله لا شفت عسكري ولا احد كلمني . السيارة كانت اجار وكلمت المكتب قال ولايهمك انا اسددها ماعليك ولاتشيل هم .

اما القياس خلاص نخليها 5 ريال ولا عاد ابنزل ريال ههههه

[عاشقه الحريه]

السلام عليكم ورحمة الله وبركاته
صح كلام الاخ خالد بن سعد انا اؤايد كلامه القرارلي صدر والقسايم يستاهلونها لاجل يكون في الامرالجديه الازمه من اجل السلامه لن الاحصائيات اثبت ان كل ساعتين حادث وكل ساعتين حاله وفاه هاد الحال يعجب
وموبضروره الكل ياخذ قسيمه لاكن الي يستاهل الحكومه تكرمه

[الزهراني حسام]

تتضجرين من كترة نقاط التفتيش بالعكس المفروض تنبسطين فهذه النقاط لحفظ الامن بإذن الله
تدبيل المخالفات عند التأخير عن السداد فقط .. صح حرمها آل الشيخ وحللها العبيكان
واللي مخالف يستاهل المخالفات وتدبيلها سواء صغير والا كبير
القياس رسوم ليست جزيه او ضريبه مثل الدول الاخرى ليست ضريبه وما آدراك ما الضريبه ياغربه

تقبلي وجهة نظري المحترمه

[يحيى محمد الزهراني]

لا والله يا غربه ما اقول الا انك زهرانيه اصيله ومن صلب زهران وما عاش من يقول انك ما انتي زهرانيه
واذا كان احد حاول يصطاد في الماء العكر من خلال منتدانا هذا فلا اعلم
اما اذا كان من خلال السمع والبصر فانتي لديك القدره على الرد عليه
نجي للموضوع
نظام الجزيه هذا اللذي يطبقه المرور لا يطبق الا ضد المساكين والعقلاء والشيبان اما الطيش فهم يخالفون جهارا نهارا
ولا احد حولهم وهذا مشاهد وملموس على ارض الواقع
تحياتي لك ولجميع الاخوه
ابو محمد

[ابو عادل العدواني]

اكتفي برد خالد
بيض الله وجهه
والله يعطيه العافيه

[ابو نازي]

اقتباس: المشاركة الأصلية كتبت بواسطة خالد بن سعد      اولا الحمد لله على نعمة الأسلام ثانيا الحمد لله على نعمة الأمن ثالثا الحمد لله على هذه النعمة والخير التي نعيشها في وطننا رابعا الحمد لله على وجود اسرة ال سعود حكاما لنا خامسا ليس صحيح من ذكر عن تدبيل المخالفات المرورية بل الصحيح أن من يتاخر عن السداد ينتقل الى الشريحة التالية من المخالفات وهذه طريقة على حث المخالف على تسدسد ما قام به من مخالفات وهذا في صالح المواطن في حمايته من بعض المتهورين والعبطاء الذين لاتهمهم أرواح الناس وسلامة الاّمنين ... من قطع اشارات وتفحيط وسرعة جنونية . في شركة الكهرباء الذي تتراكم عليه الفواتير ينتقل الى الشريحة التالية اوتوماتيكيا وهذه بالظبط مثل انتقال مخالف المرور الى الشريحة التالية والتي تعتبر اكبر قيمة . فكم من مخالف عليه الكثير من المخالفات لم يسددها من عشر سنوات واكثر . بهذه الطريقة سوف يقوم كل مخالف بالتفكير الف مرّة قبل ارتكاب اي مخالفة كان قد تعود عليها معرضا أرواح الأبرياء للخطر ... وحزام الأمان يهدف الى حماية الشخص نفسه .وبالنسبة لأرتفاع الأسعار فهذه سوق عالمية مرتبطة وذلك نتيجة تدهور الوضع العالمي المالي ونتيجة لأرتفاع تكلفة انتاج السلعة من المصانع في بلدان العالم

الحمد لله اولا واخير على السراء والضراء
تكلمت الاخت غربه بوضوح وخاصه عن طلاب المدارس وأنا احد المتضررين من المخالفات المروريه من عدم حمل الرخصه عندما كنت ادرس فوصلت القسائم المروريه 2800 في ذلك الوقت باقي ما جاء نظام المراباه والزياده المضاعفه

طيب انا وأمثالي اللي ما عمري فحطت ولا قطعت اشاره
من وين اسددها وانا طالب وكيف اداوم طيب؟

والان تتدبل عليهم خاصه طلاب المدارس والجامعات اللي يتصيدونهم اوقات الدوام؟ هو ماقدر يسدد القسايم اللي عليه فكيف بيسددها بعد المضاعفه؟

اما من يفحط ويقطع الاشاره فيستاهل العقاب
والان مع نظام ساهر تتسجل عليك وانت ماشي واللي يقطع الاشاره يستاهل

اما عن القياس فهو مخصص لجباية الاموال من العاطلين المساكين الباحثين عن العمل
لطلاب الثانويه 100 ريال وله الاختبار 4 مرات في عامين يعني 400 ريال وللجامعيين 200 ريال للاختبار والبنات من هذا العام سيطبق عليهم

والسؤال اين تذهب هذه الاموال المأخوذه من هؤلاء المساكين؟

اشكرك اخت غربه على طرح هذه المواضيع مهمه

[الواعظ]

اقتباس: المشاركة الأصلية كتبت بواسطة غربة مشاعر      السلام عليكم ورحمة الله وبركاتة... اولا قبل ان ادلف في حنايا موضوعي اريد ان اقول كلمتين لمن اراد الصيد بالماء العكر... انا والله سعودية زهرانية وادين بالعهد والوفاء لولاة امر هذا البلد واحبهم في الله ولاني احبهم اتوكل على الله وأقول: منذ فجر الاسلام وانتشار الدعوة بصقاع المعمورة وشعارها معروف... اما الاسلام الجزية او الحرب... وكم تملكني العجب ان الثلاث تطبق بحقنا كشعب مغلوب على امرة.. فقد اسلمنا وتركنا الحرب من ايام جنبية السرف واذعنا بالطاعة..فلماذا تطبق ضدنا الجزية؟؟؟ الجزية بالصورة العصرية التي تؤخذ عنوة من افواة المساكين والغلابا وتجعلهم رهن الفقر الى ماشاء الله... تلك الجزية المتمثلة بقسائم المخالفات التي يشنها ابطال المرور بطرقات الطلاب والجامعيين وكبار السن.. هم يعلمون ان ذلك الطالب لايملك سيارة او رخصة وقد احضر سيارة ابية ليكمل تعليمة فلماذا نقاط التفتيش؟؟؟ تلك النقاط المنتشرة بكل زاوة التي ارهقت المواطن ..لا ومن قوة العين قامو بتدبيلها.. ياعالم لم تدبل الجزية على اليهود الملاعين بفجر الاسلام تقومون تدبلونها على عيال المسلمين...؟؟؟ مادعاني الى كتابة هذا الموضوع ان اخي الصغير سجلو عليه ثلاث قسايم باسبوع وتدرون وين مكان التفتيش عند باب الثانوية ... هناك صور عديدة على اخذ الجزية ولكني اكتفيت بما سبق.. فارتفاع الاسعار ورسوم اختبارات القياس...وغيرها والله مالها اي سبب حقيقي...سوى اخذ مال المواطن بلا وجة حق والله انا نحبك ياملكنا وياليت تسمع مانبوح بة غربة بنت مشاعر غفر الله لأبيها

اسمحي لي اقول ان موضوعك مشتت وما تبدين في مواضيعك الا وتطلعين في الثاني يعني تقصدين
في موضوعك القسايم أو المخالفات, هذي بسيطة هناك فرق كبير بين الجزية وما تلمحين له هو الضريبة
.. اقول لك شوفي المراجع اللي عندك وفرقي تمام بين المفاهيم الرئيسية
بعدين وش دخل الحرب في موضوعك ويهود بنو قريظه
مشكورة على الموضوع غربة

[العـز ساسي ودوس ناسي]

عشان الحريم مايفكرون يسوقون
هههههههههههههههههههههههههه

تقبلوا مروري بدون قسيمه
هههههههههههههههههههههه