*** تعالوا نتهرج بسواليف الأولين ***

[نسيم السروات]

اقتباس: المشاركة الأصلية كتبت بواسطة آمـيرهـ بآح ــساسي      احم احم شفتي يانسيم اننا غلالن ماشي كمانا زينة البنات ابشرك تحنيت مع مشنيه يمكن حد يشوفنيه هيله ويهرج فينيه لاتنسينه صدتها يوم الربوع كل واحده تحمي دفها وتحلي لسانها نبغى تيوك القصايد اللي ماشي كماها

أي والله أني شفت ضيعتكن فديتكن ياغلال

بالله أن صدة مشنية يوم الربوع أني باروح أخوض لي شوية حناء

أكسر بها غبرة أيديه وأرجوليه وأسرد لي دفن العب به

لكن يابنات روعة وش أخبارها أخاف أنها يوم الربوع بتركب القزعة من الضيقه

على قحمها صحيح أنها هي اللي خطبت له ولو كان المرة ما تحمل جوزها ينكح عليها بواحدة أخرى

دخيلكن في روعه خلوكنه جنبها أخاف يجيها شي وإلا شي لا سمعت الدف والغطاريف والعروس مقبله

على قحمها والله أنها حاجة ماهي سهلة .

عليه عن ماجوف قلبك ياروعة تحسبين المسألة سهله تخطبين لقحمك خبطوا شوفه علينا ذكر الله

لا عاد بينكح فوقك ماتستاهلين عليه ياحبيبتيه عليه

[العندليب]

داخ بيه رااسيه أشم ريحة حنا من أبو ريالين
هويه يانسيم تضيعه
وش تالعلوم معك
أجل مشغل راشد الماجد
ها بواها مالقي شئ يتغزل به باحوا الكهيله
وقال مامعيه يكون تاعك الكهله أسمها نسيم
ماشئ كماها ذكر الله عليها حبس الرحمن

الراقيه يقلون جا يصاهر فيها قحمن عمره سبعين سنه عند أبعن من النسوان
عيت منه المغزوله تقول أبغي لي واحدن ماحك الشيب راسه
مغزوله والإ من يجي يصاهر فيها وهي طبقت ال 65 سنه
ياما من الغزله يناه

نسيت أنساه اللي هي الكهله مسفره يقولون شبكتها بعد يومين
جاها ذاك القحم الغله ماكماه مايتخفس الإ في طاسة السمن

مجدهم ياجده مسفره

[نسيم السروات]

اقتباس: المشاركة الأصلية كتبت بواسطة نسيت انساه      روعة نحين بناتن يايخته ماشي كهله الا نسيم :D وين لقينه ذلينك البنتا كل ماجيت افلحنه مدري وين يخشخشنه يوف العرعرة بهناديلهنه ومداريههنه حتى تاك عروسن مشنقله بكراعها فوق المدريه ـا والله لاعلم عليك اخوك ابو الكعشه من يوم لقى الشام وهو مكعشن يغاير ذلوك اللي كعشهم نافره انفروا به ياشيطان اهوه واخته هيا ودعت الله بزيد اعود ويلا العصر

سمي بالرحمن خلي المناذير لا يزيدون ينفرون بك مع ذا المغرب بسم الله عليك وعلينا أذكري الله يانسيت

لا تكونين مرة كذية

بعدين تراني سمعتك يوم تقولين ماشي كهله إلا نسيم هويه يايخته تعبني كهله وأني باقي ماجا عمري 30

يوم جابتك أمك وأنا باقي أحبي ويوم نكحت شفتك تلعبين مع البنات صبية الصبايا المصهرة فيك كيف علمك ذيه

هيا وداعة الله الملاقا لنا يوم الربوع في صدة مشنية .

[نسيم السروات]

اقتباس: المشاركة الأصلية كتبت بواسطة العندليب      والله كنيه قاعدن مع كهيل الدار عندنا مسفره وبعيثرانه والكهله أم عطيه وجدتيه مشنيه هههههههههه حلوة بعيثرانه ومشنية أثرها جدتك اللي بتنكح على قحم روعة يوم الربوع والله يبغالك مشلحن يالعندليب كسوة على جدتك مشنية هيا لا تنسى أندر بجدتك مشنية السوق ضعيفه عشان تقضي مقاضي الصدة يبغلها حناء وثوب محبوك وقلائد ضفار وحزام فضه وحجولن ومر بها على سوق الكادي تأخذ لها غرازن خوطين ريحان وبعيثران وكادي تحطه فوق الصمادة وتعالوا بها بدري في بيت قحم روعه وأنحن بنستقبلكم بلعبن جوف الساحة وروعه حلفت أنها لتستقبل العروس بذاك البيرق وتمشي قدام العروس ولا همها ماشاء الله عليها . وين الكهله نسيم أشوفها تبدي في الشهر مره والله أني مريضه وأنا جدتك ياعندليب ماحد ديح بي الصوحية يعبون لي علاجن من يوم خلصنا الجنادرية وأنا معي كما الهكبه جوف عضامي مدري وش جرى ليه عليه عنية وكان كلن ماهمه إلا عمره تيه الصفه هيا وداعت الله مهلا جيت ألمح عنكم

الله يوجه لك يافرخية أفلح وجب أمك تجي تلمح عنيه وتبخنية كمن يكون معي عينن

[طوق الياسمين]

نسيم .. وشيا نسيم
غرّب عليك انكاني من ظهرى تحرولت كراعينيه ادورك جوف السندان
وش تعبين في تمعك الحده ؟



اسمعي
امي تسلم عليك وتقلك تعالينا بكره وجيبي معك غلقتها اللي استرقتيها ياسرقه
تحسبينها يوم انها كهلة ماعاد تصيّر .. والله والله انها اصقر منك
آهي جنبيه تقول بقت لك زبده جوف المحقن ادهني بها وجهك لاتجنا بقرّتك عشان اخواليه بيجون .. وانكان تبغين الحليب تعاليب معك هبشة قضب رشوة للبقرة وامسكي عنها الحسيل لا يمتص اللبن من الطاسه

[نسيم السروات]

اقتباس: المشاركة الأصلية كتبت بواسطة سـحـــاب      [/QUOTE ]طبعا ما فهمتي قصدي. إذا جت نسيم تعلمك. يقلون أنها تلعب بلوت

اقتباس: المشاركة الأصلية كتبت بواسطة سـحـــاب      [/CENTER]

صنوا قفاتك ياسحاب من علمك أني ألعب بلوت هاه ؟؟؟

لايكون بعد تعرف أني ألعب كورة وتنس طاوله وكورة السلة

ترى ما يخفى عليك شي مصيبة المصائب [/COLOR][/SIZE]

[العندليب]

أيش ياطوق
ماودك اجيب لك طاسه تهبين فيها شوية حليب
وتهبين لي جوف ذاك الكيس شوية سمن
وأبشري بذاك القضب حملت دينه

مابغيت اكلف عليكم بس معي شترة خبزه لها أسبوعين جوف القدر
ومامعي ما أبتله فيها يكون ذاعك الحليب وإن كاني كسرت في خاطرك وهبيتي لي
وإن كان ماعليك كلفه سلميني على جديته الكهله صندله
وخليها تقني لي خبزه حوبيه لا تكثر
وإن كان ما معها قنا
باجيب معيه مد طحين وأبغيها تعصدها لي ولا تكلف نفسها وتغدي تريخ لي كيس لحم وتمرقه
باسنع المرقه هنيه جوف حلتيه
ها وعلمينيه قوام

أيش ياجده طوق سمعتينيه وش أقول ها عجلي عليه لي يومين ما أندر نحريه يكون
شترت خبزه قافره مافوقها شئ
وسنونسه ماشئ هيله مهلا أريخها جوف مايُ(ن)

[طوق الياسمين]

اسمعوا اسمعوا المغزول ذيه وش يقول !
اقول لا تاكل الشترة مخوره يكووووه ريحتها مجوية .. والله اني من عصرى اتحطب من حول بيتكم وشميت لي ريحه ذماه
امي تقول ماشي ولا قنى لكن بنعبالك مشرقن وبنحلب لك من عنزن معنا مكسورة ومربوطة تحت الرحاه وفوقها لحسة عصيدة
والعصيدة صرّها جوف خريطة طحين لابكره تغدى عليها وتعال بحلتك نطبخلك فيها حبتين قليمن لقيناها في سحارية الكهلة من عهد الضحية العام

[نسيم السروات]

اقتباس: المشاركة الأصلية كتبت بواسطة سـحـــاب      ما عمري تتنبكت يا نسيم، لا تظلمين بختك و فيوق زدنا عفنا منها أبوها طلب مية ألف مغسلة مكفنة و أمها نشبت في عشرة آلاف. يوم سمعت كلامهم قلت لبيه: أبغي أشتور معك. طلعنا عند بابن معهم و قلت يا يبه البنت فُـقه و ما تتعوض، لكن قللهم يسوون لنا ذاك يقلون له دسكاون مدري دسكاونت. سمعت بالمثلة اللي تقول لو كان الناس صحاحن كلهم ما تعوشوا مع بعضهم البعض راحت منك الصبية وأنت مسوية نفسك الله وما قالت . قال دسكاونت قال دكوا ضرسك منين الأولين يعرفون الدسكاونت ذا معك تعلم له كلمتين من الكوريين وجا يقولها للقحم أبو فيوق حاح من عقول بعض الناس وشعرف أبو فيوق بالكاونتات حقتك يالله الصلاح منك هيا ربي فكها خذت لها واحدن من ويلا غامد يقولون معه دكاكينن ومغالقن مالها طرف تعلمني أختها صندله تقول والله تها والله تها يانعمة هي فيها ماحد فيها تقول لو كان أخذت سحاب الشحيح ماتت من السيله عليه عنها لكن الله فكها. تقول راحت عند ذاك الغامدي مايوكلها إلا خبز فران ومعلبات ياحظها . أثر أبوها يتحسس فينا، قال: يا ابو سحاب عي الطلاق ما تكون له حليلة راعي دسكاونت. بنتي ما بارت، ما هلا عد تقهوه. بيض الله عيونه قصدي وجه أنا أشهد أنه أقدى فيك وأنا بنت بيه قال أبيه: طلاقي ماهو طلاقك ما عد أروح لك بيت. و بنتك هب لها بُندقة. و قل لأمها آهم ما يأخذون سياقة إلا ع الغنم و الهوش لا هبطوا بها يبيعونها. أبوك يالمهايطه من ذا القحم وسحاب قعد بها هويه أمها مسكينة تعبت عليها تكاثرتوا عليها عشرة الاف ريال ضعيفه.!! و الله لفلحنا من عندهم وفي قلبي كما الجمرة، لكن بعض المعارف ما تربح راعيها. وش أغداني اتفلسف؟ كان سدينا نحورهم بالمهر و خذنا البنت. و الله يا قامة عليها و زينن فيها، ماهي في النسوان و لا قد راح بيوتنا كماها - تمبلع بثيابها. هيا خذها ذاك الغامدي وخلاك تروح تلكك يارعي القالات يقول دسكاونت يحسبها علبة حليب تحسبينها كماك يا نسيم؟ صُندحتك تقول الخورمة

هويه تمسح المكتل العماري وتحط خورمه ههههههههه

المكتل أحلى من الخورمه خرموا أذنك وعلقوا فيها سيخ حديد وش دراك عن صندحتي ؟؟؟ غرب غرب الله عليك .

بسم الله على صنادحيه كما الميراه ماشي كماها لكن أنت أكيد خشمك كما خشم دنحي عبارة عن عبارتين

[العندليب]

اقتباس: المشاركة الأصلية كتبت بواسطة طوق الياسمين      اسمعوا اسمعوا المغزول ذيه وش يقول ! اقول لا تاكل الشترة مخوره يكووووه ريحتها مجوية .. والله اني من عصرى اتحطب من حول بيتكم وشميت لي ريحه ذماه امي تقول ماشي ولا قنى لكن بنعبالك مشرقن وبنحلب لك من عنزن معنا مكسورة ومربوطة تحت الرحاه وفوقها لحسة عصيدة والعصيدة صرّها جوف خريطة طحين لابكره تغدى عليها وتعال بحلتك نطبخلك فيها حبتين قليمن لقيناها في سحارية الكهلة من عهد الضحية العام

هويه تضعيه
وش أعبى ياطوق يقولون اللي أيده في مدري أيش ماهو كما اللي أيده في السمن
والله أني نقدها حسيت طعمها محمضن بس وش أعبى أقعد بجوعيه
هيا أحلبي لي من تالعنز المكسورة مايرزا أبل به ريقيه لا أغدي كعمور(ن)ماحد درى عنيه
وهبي لي من ذا المشرق ولحسة العصيده صريها في كيس(ن) بدسها وألفها جوف طمره
وإن جيتي مره ثانيه تتحطبين خذي بقرتك معك والله ياجنب الركيب حقيته مزرعه لجارجه غرم الله
خليها ترعى ألين تنفقع وتغدي كما البرميل
وماعليك منه أنا بغدي لا عنده وأهرجه ومابخليه ينطق لك

هيا قوم ريقيه نشف