شاعرات من زهران ( من شعر لعب النساء في المناسبات )

[نسيم السروات]

اقتباس: المشاركة الأصلية كتبت بواسطة فزاع      [OVERLINE] متصفح مليء بالعذوبة والأصالة سعدت بالقراءة والتصفح فلمعدة الموضع جل التقدير والتبجيل [/OVERLINE]

حياك الله أخي فزاع وبياك وألف شكر وتقدير على الإطراء الجميل منك


نتشرف بمرورك بارك الله فيك .

[نسيم السروات]

اقتباس: المشاركة الأصلية كتبت بواسطة قلب العنا      اليوم الثالث لصدةزيدان لبسنه نساءالدار الثياب المكلفه والحواك البفت وحلي من الفضه وتعطرنه من عطر ابو حنش وقلب شاديه وتغرزنه بالكادي والبعيثران والريحان واللتي معها ذرى وظعته جوف الركوه وتعلقتها وافلحت للصده وبعدماتجمعنه في بيت العريس زيدان رزين اللعب وبدات شاعره بالقصيده الاولى وقالت سوى سوى يابنات الدار فضه جبور===والهيل والشين في تي الصفه ماعد يبور ردت بنت اخت العريس زيدان صيده بقصيده ترحيبيه بالعروس عقشه وقالت يامرحبا عد قول الله الوفن وميات ===بك يم جعد(ن) على الكادي ضماير ولمات ردت شاعره من اهل العروس وقالت ياعقشه لاحد نشد يام الغراز المنصبا === انك قلي اهلي خذوا القالات عناس غصبا ردت بنت اخت زيدان صيده وقالت عروسنا ياغزال الصيد يراعى فلاته===ياناس خالي تغانا واعجبتني غناته قامت شاعره من القريه المجاوره وقالت ياعقشه ياشهر يبدي في ليالي نصوفه===قمر صناعي وبالحنا يردع كفوفه وهنا تلقفت شاعره ملقوفه من اهل العروس وقالت اقول ياعقشه كما موز حالي ===ان كان ماجالك هياله تعالي ياصقعتها صعقتاه في تي القصيده واحتدمت المعركه بين الشاعره الملقوفه وبين اهل العريس (لاتروحون بعيد فاصل الى حين تنفض المعركه

وأشتدت الغطاريف وزاد حنين الدففه وعلت أصوات الشاعرات وريحة الكادي والريحان والبعيثران والعطور

عبقت بالمكان والله تخيلت نفسي في الصف أدق دفي واغطرف بعد كل قصيدة مع النسوان أه يازمان

وما زالت الملقوفه ترمي بالكلام في قصائدها أي والله ياصقعتها صقعتاه في تاك القصائد ياعم قلب العنا

شكلها تنخش الدبل واللي مايرف الدبل يعني تحثلها أو تكددها والمعنى أي أنها تبحث عن المشاكل

بصراحة قصائدك ياعم قلب العناء في منتهى الروعة صح لسانك وبارك الله فيك وصف جميل لليوم الثالث

ومايحدث فيه من اللبس والأستعداد والقصائد والردود بين الشاعرات كأنك ياقلب العناء كنت جالس

وتتفرج في كل شئ


ألف ألف شكر على أتحافنا بهذه المشاركات الأكثر من رائعة عمو قلب العناء الله يسعدك دنيا وأخرة .

[نسيم السروات]

اقتباس: المشاركة الأصلية كتبت بواسطة قلب العنا      عدنا ابشركم انفض الاشتباك بين الغلايم والحمدلله لم يكن هناك اصابات سوى اصابتين اصيب ولد صغير في شدقه عندما كانت امه توجره حليب وسمن بالميجر اماالاصابه الثانيه قبعه في جبهة واحده من اللواعب من القريه جت تفرع وتم الصلح وتسامحنه ولا يذكر طاري خلاف سوى ما ذكرت لكم وان طرى خلافن بنعلمكم به ولا بندسه عنكم حشا وكلا هيا تلمحوفي اللعب \قامت شاعره من اهل العروس تنصح ام زبدان حمامه وقالت حمامه بانصحك لاتقلين خسرت مالي===قنصتي الصيدمن بين السباع الشوالي ردت بنت اخت زيدان صيده بقصيده تمدح العروس وتمدح خالهازيدان قالت ياعقشه يابر في بيضان صفوا مروحه===ذاما يناصي كما زيدان ياوجد روحه ردت العروس تمدح رحيمها زيدان وابوه عطيه واخواله قالت زيدان وابوه واخواله جبا لن رواسي===ياحيلي مثلهم حتى تلين القواسي ردت ام العريس تمدح العروس وتعدها بان مايلحقها زحمه مع زيدان قالت ياعقشه ياصيد في عيسان يصبح ويمسي===مجار مايلحقه بردن ولاحر شمسي ردت شاعره وهي احدى زوجات اخوال زيدان وقالت اخوال زيدان مثل البحر لاراج بالماء===يسيرون العدوا بطريق خطره وظلماء اخواني واخواتي فاصل لاان اللواعب ضامياتن وبيغين يشربنه القهوه والقشر ونعود لكم

ههههههههههههه ياويلي أنصرم بطني من الضحك

وش ذنب الصغير اللي أنشدق لحيه أكيد أمه الشاعرة الملقوفه مستعجلة تبغى تقوم تقول قصيدتها وشدقت

الحاء الولد ضعيفن .

والأخت اللي جاي تفرع يقولون قصة الفراع مطرية دائم يأكل العلقه الأخيرة .


أيضا هنا يبرز الإبداع في وصف قلب العناء اللعب وما يحدث فيه أحياناً من سلبات

ومطاحنة بين النسوان الله يكفينا الشر ومن كل من فيه شر .

والنسوان صابهن الحنق من الغناء واللعب وشربن المشروبات وعودن يلعبنه بنشاط وقوة .

وصف رائع تسلم قلب العناء عسى الله يوفقك .

[نسيم السروات]

اقتباس: المشاركة الأصلية كتبت بواسطة قلب العنا      نسيم نسيم ادعي الغلمه والغلايم يلمحون في اللعب اهنه شربنه اللواعب ورزين اللعب والشاعرات يجي عددهن احدى عشره شاعره الحقنه بدت شاعره من الدار تمدح العريس باانه غني ولايوجد عليه دين تقول زيدان ماعد يفكر في ديونن ولااعسار===والخير يدني عليهم مثل هلاان الامطار ردت شاعره من اهل العروس وقالت ياعقشه لاحد نشد ياالهيل ياموز حالي===وانك قلي بيه موكلني على كل غا لي ردت ام العروس وقالت الله يغرم عيكم يارجا لن بدورا===السمن خمسين عكه والشحم في القدورا والله ام العروس شاده حيلها وتبغى تعود لبيتها والدليل تي القصيده توصي ام العريس تقول وداعتك عقشه هي في ذمتك ياحمامه=== وانحن بنفلح ويعقبنا الستروالسلامه ردت ام العريس على ام العروس وقالت عقشه في العين وفي القلب يخته عتيقه===والله مااشدها بشين وهي ما تطيقه ردت ام العروس توصي ام العريس اوصيك ياعقشه ياقلبي وياقرة العين===بالحشمه والطيبه والمعروف والمذهب الزين اخواني واخواتي فاصل ونواصل لتوزيع الكسا

هاه شوف ياقلب العناء دعيت كل الغلائم يجينه يشفن اللعب اليوم الثالث اليوم المغبون حليل من فاتها ذا اليوم


تذكرت قصيدة شاعرة في لعب كان أخر الليل سرت وباقي اللاعبات يلعبنه قالت من مما في قلبها كيف تسري وباقي

اللعب مستمر عودت تقول تيه القصيدة :


أنحن بنسري عقبنا قنبله ياشريفه ***** من بيت عمي سعد لا عند بيت العريفه ههههههههههههههه


يادافع البلا كل ذيه حبن في اللعب دعت عليهن بالقنبله عشان يفكينه اللعب وما تجيها الغبينه .


هيا لا تنسى ياعم قلب العناء تكسيني مصنف حديدي وخمسين ريال .

عشاني حضرت صدة ولدك زيدان .


وبهديك تيه القصيدة عشانك كسيتيني :

من كسوة قلب العناء ياناس بغدي مديرة **** وبشتري باخرة وسط البحر مستديرة

مكثور خيره عسى الجنات تالي مصيره **** واللي كماكم يشرفنا وعيني قريره .



غطرفن يابنات وكل واحدة تأخذ مصنفها فوق رأسها وتلقي بيتها يالله باحت الصدة .


وباقي النقلة إذا جت النقلة تعلنه العبن معنا وقلب العناء بيقصد لنا الله يحفظه .

[نسيم السروات]

اقتباس: المشاركة الأصلية كتبت بواسطة عطر الكون      اقول انا ماعندي ألا قصايدآ صدقآ - عشان اللي تبغي تنتقلها وتقولها مسامحه وفداها -- اقول وبالله التوفيق ياهم مالك طبيبآ والدوا مايحيلك--منازلك عاليه في القلب وتشد حيلك ياليت للهم صوحيه ودكتور رسمي-- واخذ مواعيد باالساعات واسجل اسمي ياهم مالك تخصص في مجال الدراسه--ونحاكمك عند قاضى الشرع ونقص راسك وعلا فكره - كل بيتين لحال

الله عليك ياعطر الكون قصائدك أروع من الروعة مشاء الله عليك طلعت المواهب فينك من زمان ياشيخه


هيا تعالي محتاجينك سدحي كل قصائدك هناء ومدينة لك بالشكر والعرفان بالجميل بارك الله فيك وحفظ لك عيالك


وألف شكر على مرورك ومشاركاتك الثمنيه يالغالية .


تقبلي تحياتي .

[نسيم السروات]

اقتباس: المشاركة الأصلية كتبت بواسطة قلب العنا      ردت ام العريس الحمد لله ماعدبه شقى يتعب الراس=== من بعد جت عقشه اللي كنها خاتم الماس وردت بنت اخت العريس صيده وقالت ياعقشه ياتمر جوف النخل لاسال ربه=== يحميه من عين حساده ومالشر ربه ردت ام العروس تشيد بالكسوه مصنف وقماش وعشره ريال فرانسي الله يكثرخير من هو كساني ===كساني المصنف وحبك سباني مدري ويش معها ما علمت بالقروش اللي اعطاها رحيمهازيدان هيا مع السلامه والى القاء في صده اذا تريدونها من صدات زماننا هذا اللي يريد يصوت ب نعم اولا

نعم نعم نعم كل شي من عمي قلب العناء مقبول دامها من قصائد لعب الحريم زمان أو من تالي كلها واحد


وتدري ليش ماعلمت بالقروش في القصيدة لأنها ماعجبتها مهلا عشرة ريال وش تنفعها به وعقشه أفلحت كلها


يالله ننتظر صدة جديدة من قلب العناء الله يعينه علينا تعبناه معنا الله يعطيه العافية .

[نسيم السروات]

اقتباس: المشاركة الأصلية كتبت بواسطة عطر الكون      معي قصيده فيك - يااااا نسيم السروات- تري هي من كلماتي - وتستاهلينها يا بنت الرجال - وهي كما يلي - اقول نسيم يا نجمتآ بين النجوم الزواهر --- يااااااااا مجمل الخلقه وألأخلاق والعلم وافر

يووووه يايخته خجلتني بتيه القصيدة

ألف ألف شكر لك يالغالية .

وصح لسانك وأبشري بالرد يالنشمية وتستاهلين أكثر :


ياعطرة الكون ماشفتك من أهل المظاهر **** سبحان من زينك بالعقل والدين ظاهر .

أن شاء الله تعجبك .

[عطر الكون]

شكرآ يا نسيم الله يعطيك العافيه - قصيدتك فيه هيله جهدا ولله انك شاعره ممتازه - قلت هاذى الابيات
في عضوات منتدى زهران-- فيمنزل اهل الكرم شفنا به النور زهران-- في داخله لول والمرجان والاسم زهران

[قلب العنا]

نسيم وانا عمك والله الفضل بعدالله تعالى لك يا بنت الرجال وانتي صاحبة الفكره الف الف الف الا ملبار شكر لك
اهديتيني قصيدتك اللتي اكثر من رايعه واليك الرد وسامحيني اذا به قصور
نسيم احيت لنا الماضي باامانه تديره====وبكل قسمن لهافي منتدانا جديره

تراث مرت عليه اعوام ماهي قصيره====موروث للجيل عن اهل الحكم والبصيره

وانا اشهد وانا عمك بانك جديره بحمل السؤليه وقدها وقدود وسمعت انك بتغدين الديره واني مدري يتبدين في مواضيعنا وانتي في الديره والا لا اسال الله ان يوفقك في حلك وترحالك واني في جده يمكن ان كان جاء معي قدره بدعر الى عندكم اخذلي شوية خوخ وشويه رمان من عقلتكم ذيك تحت السد ماعيني اكثر ملا الخرج هيا مع السلامه وانتظروا نقلة عقشه

[ابو مشعل الحريري]

موضوع مميز جداً لك الشكر اختي الكريمه نسيم السروات
كما اشكر الاخ قلب العنا على هذه الذاكره القويه ماشا الله تبارك الله
ومبروووك لعقشه الحقيقه ان صدتها ماصار مثلها مره
عساكم على القوه متابع 0