هروج العصرية فوق الرعش و تحت الفية ....

[ابو نازي]

اقتباس: المشاركة الأصلية كتبت بواسطة شتآتـ      لكن وان قاله الله ماتكون حلال لا بو نازي ولا غيره وانا حيه خذت في حياتها نعمه الضعيفه

علي الطلاق من ظهر خضراء المشفوطه لن ما حلتي عنيه انك لتلحقين شنان بن جمعان

ها معد معي لا بلد ولا تلد ولا وما بقي من العمر مثل ما بقي ولاعد معي شين اذل عليه

البلاد افلحت قدام عينيه وانا ألمح فيها.. والسجن قعدت فيه حول وزول ولا ترزا مقتولن

طعنه ويقلون الغرقه ما ترزاها الرشاشه

ويالسوجن ذامعك فوق كتفك لنلقى مخراج خلك عاقله يا كهله شتات واحضري الصده لامنا صلحنا

وطرفي لنا ثنتين والا ثلاث من القصايد الحلاه وابشري بذيك الكسوه حصن الوادي عندني

سمعت انه بيجيب لي اربعه ريال فرانسه مدري ريالين عربي اني بعطيكها وفوقها بنكسيك بمصنفن

ونعبالك خمسن من الغنم من طرف غنم سحاب الله يرحمه ويبيح منه خل الجماعه تلحق فيه

ها سمعتي وانا عمك خلك كما نسيم والله انها راعية واجب واني لاشتري لها ثنتين من

الخبيش من وادي حلي اتنقى لها افرع الفرعه والله انها بنت رجال تستاهل نحيكها غايبه ماتسمع


يا نافدا حصن الوادي والله انك خيار الجماعه ان ما وقف معيه الا انته اما بعضهم ما لحقني

منه يكون الشماته والله والله ماعد بدوا فيه ولا راحوا بيتيه من يوم بعت البلاد والحلال

والقسبه والله انك مجدك بتريخها لين تلين في القهوه واتزرطها بعجمها

لا ازيد ألحق واحدن قدام غدا يصاهر ويبغي يسوي نفسه ان فيه قوة تحمل ما هلا فيه

وبعدما تقهوى قام يعمر الغليون وقال اعطوني جمره وحطوها فوق ركبتي لين اسنع التعميره

تلمحت فيه العروس قالت لاعد تيه دلايلك عود من الطريق اللي جيت منه.

وانكان بتسمع كلاميه فكهلة القحم ذاك يقال له عندل الله يرحمه بعد في شدة والله انها تديس

وتذري وهي واقفه لكن خلني (اتمكن) و لا يزيد يقوم بصدتك وقرى صيفانك يكون انا ترا

سحاب الله يرحمه معه سحاريه ودوشقن مليانه من طرفها الى طرفها دراهمن والعلم ذيه اهو

بيني وبينك. والله ما احرمك يا حصن الوادي انك صديقن اما انته.

والله يافقوشه كانت جوف كعوب كراعينيه اني كنت لامني مشيت فوق الفرش والا الجاعد

انها تنشب جوف كراعينيه وتسايرني الى عند السده ما هلا الورعان يجون يتخرطونها.

لكن الكهله خضرا لها سبوعين تدهنا بذاك الوازلين انها تغرف العلبه كلها وتسدد الخفوشه ذيك..

[ابو نازي]

اقتباس: المشاركة الأصلية كتبت بواسطة فيصل فيصلي      اقول اسمع العلم يالحصن وفقع بها اذاني بونازي سفانها معينهم به ياخذ امهم..وولدها الكبير شتحان قال قصيدة يقول علموه بها: خل ابونازي يقعد على كهلته ام نازي, لايتختم بشتحان واخوته يفقعون راسه عند اخر عمره وانت ونسيم لاتحرشونه وتنزونه في بعض العلوم اللي ماتجمل لاعليكم ولاعليه وكهلته ام نازي المنتزي كان تسده,وبتامحله وبتتحمله,ويتساوقون الاعمار هو وياها..والمثل يقول: ارض بقردك لايجيك اقرد منه والا ان حكمت وماعينه الا بالنكح خله يلقي ويلى سوريا...ان حكمت يتعب على شي يستاهل(( لك تأبش البي أبش)) ماهب ذيك الكهله الشيطان ماهلاه تنذر به,ويمكن الله يرزقه بسفانن ينلمح فيهم والا بنات يمشي سوقهنه,يعني تهجين على اصوله,وان كان بو نازي مافيه بصيره,فره الله يغطه والله لاياخذ واحده كما عين الشمس مايجيب الفري الا فري كماه

والله يا تالقصيده ما عباها يكون انته على لسان شتحان الا هو ضعيف الله ما يعرف يمش

المخاطه واني عرفت مقصدك يا قطاع الساقه وعرفت طمعتك يوم تغدي تحرش شتحان

واخوته وحياة الله قاطع المال والذريه والعصبه القويه لن قعدت تحرش ورعان الكهله شريفه

ليختلط شريه بشرك وادفنك انت والكهله شتات في نهارن واحد.

اسمع يا فيصل الفيصلي انت جارن وصديقن و5000 اضنها تسدك وانت تسد نحرك ها وش قلت وخل الناس تسترزق >>>>> (أضنها بتبيح قروش سحاب ما لحقنا فيها)

[فيصل فيصلي]

انا يابو نازي ذيه,يبغي ياهبلي رشوووه رشوان
كبرت(xxx) وماعد تاهب رشوه الا بالعمله الصعبه(الفرانسه) ياقحم بونازي
ايييييه وانا فيصل سميت...ماهلاه حني شوي وماسريت اويت من راسيه والا كان ماتستهدي الا وانا فوق راسك
لكن ماعليه.. المقبلات كثير..وباذن الله يالكهله شريفه ماتتحلس عليها لانته ولا الحصن ابو وجهين ذاعك
ترا مايدق في ساقتك الا هوه وذب يهرج فيها من وراك..ماهب كمايه صداقن وازقيبها ملا كاشرك وماعندي في لحيتك

[شتآتـ]

اقتباس: المشاركة الأصلية كتبت بواسطة نسيم السروات      شتات غربي غرب الله عليك في تيه الهروج اصه عنا لا تشعشعين بالموضوع باقي مابعد صلحنا خلي الناس تسترزق وأنك لا تكونين قطاعة نصيب وقطاعة رزق وأبو نازي وعدني أنها لو وافقت أنه ليشتري لي خبشه أترباها وتصير بقرة أتحلبها وأسوي لي منها لبنن وسمنن واسكتي ساكته لا تعلمين أحد وباخلي أبو نازي يشتري لك جبة حمراء تقوبعين بها حد الشتاء ذيه والقرررررة أسمعي ياتيه ماشفتي لي حكاية مدري وين لقت المخذوله لي ميمة ماشفتها والله ياغربتها جوف قلبيه الله يخشعها لا منها أفلحت ماعد عودت . ما ودك تفلحين معيه بكرة عند الكهلة ثامرة سمعت أنها شوي الشريه يقولون أنه طلع معها فجرن جوف سرها ضعيفه من شيل القرب والحطب في مقدم صباها يحلفون أن فيها حية وريه تفج وتجلع . وأن كان بتفلحين خذي معك طبخة قهوة وأنا بأخذ معي مدن طحينن ونغدي نعسها ونعود وخبري بقيه النسوان في طريقك وأنتي تهجولين طول المساريب قولي لهن يفلحنه معنا . ها ردي منيه أن كان بتجين معي .

حيلي عنيه كذن انا ضايقه عليك

ماهلا عنقفا الكهيل تصاهرين للقحامه
غدا بك الطمع ترا الدنيا دواره كمن زاد نكح فوقك قحمك وبعدها اقعدي بغزلتك وخلي ابونازي ومن معه ينفعونك 00 شيبتك ادنا ماعذر عليه


وابو نازي لوكان فيه خير ماتسلت البلاد وذلحين يبغي يترزق الله في الكهيل
حاح من بعض العقول

[ابو نازي]

رشوة أيش يا قحم فيصل رشوك بزيت حميس يمتلخ ظهرك من علوه

نبغي بكبر واجبك يا مخاطان وناهب لك 5000 ومصنفن كسوه لكن والله انك ما ضريت بالهياله

لكن يارعياك شريفها قطعنا علمها امسي عشية الخميس جاء اخوها ذاك اسمه مشتي من الطايف

وقطع علينا حبوه 100.000 مية ألف على شريفه كهلة غصبا تقوم وغصبا تقعد وقال الموخر
500.000 خمس مية ألف على قوف ماعد نتوخر

قال اهي تدرس في نحو الاميه حد العشوه لها سنه ونص واشترط انها تتغلق النص الثاني لكن العريفه

جيد حضر معنا وقال تدرس وهي عند رجالها ونشترط انه ما يمنعها قلنا ما ينقال الا خير

واهو لا يغرك ذاك اسمه مشتي مثيل قطمة الرز ابو عشره كيلو والله ماهو من قيسه انه يقدم ويوخر

الله ولا غيره ان كان مشتي يتشرط عليه عند اخره من عمريه لكن بعد معي له ذاك النتفه



اما انتي يا كهله شتات احرمتي عمرك بغينا ناهب لك خمسن من الغنم لكن غدت بك القاله

أما نسيم اهي تدور الاجر واهي تلمح لدنياها واخرتها فكرت بعين العقل لتياك الضعيفه اسمها شريفه من

يروف بها ويهيب عليها وان اشترينا لها خبشه فهي تستاهل ويا بخت من وفق راسين بالحلال


و الصده انكان عشنا اهي دور اليوم وانت يا حصن الوادي لا تبطي عنا والله ماعنك غناه

وانتي يا نسيم بنرسل لك مدين والا ثلاثه طحينن تسوينها خبزه نهار الصده وبعد نفرق الخبز الباقي

على امهات الدار يسوينه واللي فارغ منكم يا جماعه يهبط بي بكره ندور لنا جلب نقري به الضيفان

انا ماعد معي في السفل ولا شعر غدت في دية شنان.

[شتآتـ]

ذكر النبي

يبغون يتورثون المخلوقه حيه ويمصون ماوراها وماقدامها ويقول بخت من وفق بين راسين بالحلال

وانتم خليتم فيها حلال يالطماعين ؟

اعاد معكم هيله في قحامة اخر الزمان

عليه عن ماوسط عينك باكهلة شريفه ان كان صدقن جعل الله بي عنها

[سـحـــاب]

اقتباس: المشاركة الأصلية كتبت بواسطة ابو نازي      سحاب الله يرحمه معه سحاريه ودوشقن مليانه من طرفها الى طرفها دراهمن

الله يجعل يومك قبل يومي يابو نازي،، وش معك تتفاول عليه بالموت؟
انكان ذا الكلام من أقصاك، فأخذلك الله عما يفيق لك،، وانكان ما تصخاني وماهلا تمزح، فماشي زحمة

أما تمعك الرجالية راعية السوجن، فحليلها من ضل عقلها،،، والله لقهر فيها رجالها وعود دكَّ عليها،، حِل عنها،، آهم يقلون إنها هتيمية،،، ماهلا تتخزى فوق الناس

[شتآتـ]

يوه يوه يوه 000 يانا في سد وجهك انت باقي حيا

علينا ذكر الله

اعاد معكم هيله في ذيه المخلوق ؟

اني ماهلا ادافع عن حلالك يالمغزول يبغون يتورثون كهلتك الشيبان وانت ماهلا تهمهم من ديره لديره اغدوك انتك ميتن والكهله شريفه مراحها يوم الخميس

غربوا غربوا

[سـحـــاب]

اغدي المحي لك شغلة وحيلي اللحِدة تمعك فيدك

[حصن الوادي]

اقتباس: المشاركة الأصلية كتبت بواسطة فيصل فيصلي      وباذن الله يالكهله شريفه ماتتحلس عليها لانته ولا الحصن ابو وجهين ذاعك ترا مايدق في ساقتك الا هوه وذب يهرج فيها من وراك..ماهب كمايه صداقن وازقيبها ملا كاشرك وماعندي في لحيتك

أنا لله أنا لله , هويه يا فيصل فيصلي يا قليل الخاتمه على زوالك , هبيتانيه أبو وجهين ,
والله الذي خلق اني خيار الجماعة وانهم ما يعتقدون بني حسن أكون جوف مجلسيه وأنت
تقول أبو وجهين غررررب غرب الله عليك , والله ماني خطلن واني أقدرآخذ حقيه بيده
لكن أي نحن كلنا تحت حكم الله ثم حكم بن سعود , ولا تحسبنيه مغزولن كا ابو نازي (آهو
أغدى أماعي شنان نثره ملى الصاعدة وآهو زاد باع اللي قدامه واللي وراه وحاشها دية في
شنان الله يغفر له وهو ما يسوى ملى أذنه فريقه) , لكن أبو نازي يعرف لها والله ما تضيع
عليه وأنه دندونن وشي معرفه وبعد يرتد البلاد وفوقها مثيلها بحيل الله.

وألمح يابو نازي آني فرحت يوم جاني مندوبك يبلغني أن معك صده يوم الخميس (دور امسي) , وما
دريت عن هرجتكم انها تمت مع الكهلة شريفه , بقوف اني هبطت سوق الشعراء وسوق
الشعراء مافيه إنترنت هههههه.

ويشهد الله يابو نازي أني ما اعدك إلا واحدن من أخوتيه , وأني لهبطت سوق النقعة حشمة ذامعك
الروح وخذيت لك فرقين حنطه , وأني لتخيرتلك 10 طليان من خيار غنميه من غير 4
ريال فرانسه وفي خاطريه أني بعد اتعذر منك على قلتها , وما دريت يابو نازي إلا
وأنهم يقولون القحم سحاب عود وأنتم تقولون مات وش تالتهاويل معك ومع نسيم , وانحن
يا رفيقه بغينا ننكح كهلته وهو حين يرزق , أما أنا آبرى لله من ذنبكم وذنبها.

لكن أنكان أب تطاوعنيه يابو نازي فخل الكهلة شريفة للشياطين , وخلنا ندرج الهرجه في الكهله
شتات آني سمعت أن قحمها أعطاها حقتها ودكه بها , والله الذي خلق أن معها سوجن
تسوى لها مسوى وأنك لا تاخذ شتات أنها ما تردك في ندامه , و شي صحبه بينها وبين
نسيم , ولو كان يابو نازي آهي قبيحه ولسانها يلاعب شدوقها لكن حتى أنت يابو نازي ما
عليك خصه من هذي الناحية .
ها خاير وشاور وهرج نسيم خلها تغدي تهرجها وتتسيس عليها أن كان الله هداها وخذتك
يابو نازي , وآني معك في تي الهرجة وفي غيرها , وحتى بلادك أنا لنرتدها بحيل الله قوي
الحيل.