قصيده لشاعر بديوي الوقداني العتيبي ...........(كــــامله)

[دوس001]

بسم الله الرحمن الرحيم
اخواني واخواتي اعضاء وزوار ومشرفيين وأداريين منتديات زهران
السلام عليكم ورحمة الله وبركاته ,وبعد
[align=justify]هذه اول مشاركه لي في منتداكم الرئع فأحب ان اهدي اليكم هذه القصيده لشاعر الكبير من قبيلة وقدان التي تسكن
ضاحية (نخب)بالطائف ,خرج هذا الشاعر في عصره حاملا لواء الشعر ,اذا غرد اسكت البلابل ,واذا غنى اطرب المحافل فارس الميادين ونال جوائزهم ,وبز اقرانه فلم يلحق له غبار ,كان في بدء امره مشهورا بنظم (الحميني)ثم قرا قليلا
من النحو والادب فنظم القريض واجاد فيه .
[/align]اما قصيدة البديوي في هذه الرباعيه التي احسن استهلا لها وختامها وحوت بعد الثناء على الله انواع من الغزل الرقيق والحكم
الغاليه :
واتمنى ان تنال اعجابكم وهي من افضل القصائد لدي
[align=justify] أول استبـداي باسمـك ياحـنـون =ياكريـم مـا تخالـفـه الظـنـون
امرك المحفوظ فـي كـاف ونـون = وانت لي فـي كـل مغـواة دليـل
هيج اشواقي حمـام فـي الغصـون = بات ساجع فـي بديعـات اللحـون
بيـن تغريـد وترجـيـع يـهـون = مادرى اني في الهوى مثلـه عليـل
ياحمـام الـدوح هيجـت الـغـرام = ما سبب نوحك ومالـك مـن مـرام
اعطني عهـدك وخـذ منـي ذمـام = بيعني شوقك وخـذ شوقـي بديـل
ان فـي قلبـي جـروح ماتطيـب = مابـدت حتـى يداويهـا طبـيـب
من هواجس جات من فرق الحبيـب = باح مكنونـي وصبـري مستحيـل
كلمـا هـب الصبـا قلبـي صبـا = من غزال في الحمـا فـاق الظبـا
ظبي جـازي يرتعـي نبـت الربـا = يسلب العشـاق بالطـرف الكحيـل
مـال عنـي بالتجافـي والصـدود = مابقي غيـر الحسايـف والوجـود
كم رعيـت النجـم والعالـم رقـود = والمحاجر دمعهـا الصافـي يسيـل
زارني طيفـه كمـا طيـف النسيـم = جـدد الاشـواق والعهـد القـديـم
وانثنى فـي داجـي الليـل البهيـم = قلـت زدنـي قـال يكفيـك القليـل
آه مـن هـم شـوى قلبـي بـنـار = وان طلبـت الصبرماالقالـه قـرار
كيـف ابـا صبروالحشـا للهم دار = صار مالكنـي وانـا عنـده نزيـل
قمت ممـا حسنـي عنـد الهجـوع = يـوم كـل نـام ولعـت الشمـوع
والهواجس جاتني تمشـي جمـوع = مثل ورد النحـل فـي وادي طفيـل
أو كما سيـل تسايـل مـن مضيـق = يقلـع الحيطـان والسـد الوثـيـق
يأخـذ الاشجـار ويسـد الطريـق = زاد عن حده وضـاق بـه المسيـل
طار نومي يوم نامـت كـل عيـن = بت ساهـر مـع نجـوم الفرقديـن
من هواجس من جفا من جور ديـن = ما بقـا الا البعـد عنهـا والرحيـل
صوب ارض الشام أو ارض العراق = عـل يـوم فيـه ينحـل الـوثـاق
كم نقاسـي والقسـا مـر المـذاق = ربمـا نلقـى عـن المنـزل بديـل
دع بـلاد الـذل وارحـل يالبيبب = واغتـرب فالكـل بالدنيـا غريـب
القضا مكتـوب والداعـي نصيـب = اركب الاخطـار والهـول المهيـل
وان جفتك الـدار أو مـال الزمـان = لاتعـيـش بــدار ذل أو هــوان
لـو يظلـي نبتهـا مـن زعفـران = صاحب الاخطـار واجعلهـا دليـل
شد عن ارض الاعـادي والحسـود = واطلـب العليـا وبالـغ بالجـهـود
لو يكون العز فـي غـاب الاسـود = خير مـن دار تعيـش ابهـا ذليـل
كـل مـن رام العـلا يرقـى لهـا = سلـم الاخطـار فــي اهوالـهـا
مـن تراخـى عزمـتـه مانالـهـا = دونهـا يقصـر البـاع الطـويـل
اقطع البيـدا علـى عـوج النضـا = لو يكن تمشي على جمـر الغضـا
مـا يفـوت العمـر قـدام القضـا = ديـن عنـدك ليـن ياتيـك العميـل
عاشر الاحرار مـن اهـل الرتـب = تستفيـد العـقـل منـهـم والادب
حيث هـم اهـل المـروة والنسـب = واترك الانذال مـا منهـم حصيـل
سل عـن الجيـران قـدام النـزول = وان سمعت الناس تهـرج لاتقـول
تكتسـي ثـوب المعـزة والقبـول = والخلايـق يذكـرونـك بالجمـيـل
كم كـلام راح فـي نقلـه نفـوس = وانت ماتاخـذ علـى نقلـه فلـوس
لاتفتـش كـل حـب فيـه سـوس = كم تخوض الناس فـي قـال وقيـل
صون عرضك من ملاغات السفيـه = واتـرك الكذبـان سـودان الوجيـه
من حكى عنهم يعـود الكـذب فيـه = كيف تاخذ هرج مـن بايـر هبيـل
اترك البيت الردي وانص الرجـال = خذ عريب البيت مـن عـم وخـال
يوم تنظـر فـي ولدهـا كالهـلال = وان مشى بالدرب ما يغوى الدليـل
خذ عزيز البز مـن زيـن القمـاش = والردي لو كـان يعطونـك بـلاش
ما يفيدك كيف تاخـذ شـي مـاش = بيعـة المغبـون منـهـا يستقـيـل
دور الطيـب لـو وغـال الثـمن = لو يكون القصد في صنعـا اليمـن
لا تغـرك صقلـة الوجـه الحسـن = ابـذل المجهـود بالمـال الجزيـل
الذهـب مـا يخلطونـه بالنحـاس = غير بعض الناس مـا عنـده قيـاس
خذ نصايح ما حواهـا بـو نـواس = مثل نظم الـدر واللولـو الأصيـل
وان ملكت المال لاتغـدي شحـوح =اطعم الجيعـان واكسـي كـل روح
الدبـش والمـال لابــده يــروحو = الثنـا والمجـد جيـل بعـد جيـل
هم روحك واغتنم عصـر الشبـاب = ان لـلأيـام مـيـل وانـقــلاب
ونت فيهـا تنطـوي طـي الكتـاب = لاتغـرك صحـة العمـر الطويـل
اترك الدنيـا ليـا جاتـك ضحـوك = لا تغـرك بالملاعـب والشـكـوك
كم غرر فيها وكـم غـرت ملـوك = ضحكها غرار ما اسرع مـا تميـل
والعـدو لا تأمنـه لـو بعـد حيـن = لو حلف بالبيـت والركـن اليميـن
الحقد والبغـض فـي قلبـه دفيـن = وان ضحك بالوجه قلبه لـك غليـل
خـل عنـك الكبـر فالله الكبـيـر = لا تحـاقـر عـاجـز والا فقـيـر
واعـلـم ان الأمــر لله الخبـيـر = يقصـم الجبـار ويـعـز الذلـيـل
كم فقــير ماتقدام المــمات=موت بعض الناس خيرا من الحيات
ان بكن أو ما بكن النايحات=البكا خسران في بعض الهزيل
والف صلو ماسجع بالأشتراك =ساجع الجمرى على غصن الاراك
في رياض علها نـــو السماك =كل يوم الركب له فيها مجيل
نبلغالمختار والصحب النجوم = ماسعا او طاف بالبيت القدوم
والمصاحف والمكاتب والعلوم =والحصا والرمل ميل بعد ميل [/align]الشاعر / بديوي الوقداني العتيبي

[Mansour Al-zahrani]

صح لسانك
والله يعطيك الف العافيه

[جــلــجــل]

[align=center]الله يرحمك يابديوي الوقداني
شاعر من أعظم ماعرف التاريخ
شكرا على نقل القصيده[/align]

[سالم الدوسي]

الله يعطيك الف العافيه

[m7bcom]

نسال الله أن يرحمه

وشكراً على النقل