................... الذاهبه ..............

[الزهراني خالد]

كتبتها لوداع من احببت

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا سعود الروح من وجع الهموم اقبل اجلها = وارتوى مــــن غبّّة اوهــــام الامل نفس ضريره
والولايف حد علمي ماحدن منــــهم وصـلها = والحقوا بالخاطر اللي ما صـــفى يوم كســــيره

هو صحيح ان المــحبه تخفي السم بعسلها؟ = والا في لون المشاعر دايما تــــعـــمى البصيره؟
والوفا قمّه صــــــعيبه قل منهو قد وصلها = وانت يا طبع الخيانه مْـــيـــّسر ْدروب المــسيره

من قديم وفلــسفة دنيا العنا محد جــــــهلها = مثلــــما للوصل مــــوطن لــلجـــفا دار وديــــره
ناس تخــلف بالعهود وناس ما تنكث غزلها = لو تصادفك العــــجايب بعــــضــــهم نفسه اثيره

غازلتني دنيتي والغدر بــــاين في غــــزلها = وللاسف ماطـلت مــــدخرها لي بنظره خبيره
ورّدتني للــــهلاك وديــــرة مــــحد نـــزلها = لـسـّــــما فيها ســــحاب وبارد الــــجو بــظهيره

والله اني دومن اجهل جــدها لقبل هــــزلها = غير هالمره عــرفت ان العذاب اقبــــل ســــعيره
وادعت عيني مــلاك وقتي القاسي عــــذلها = عن مداري واصبحت في كون مدري من يديره

وادعتني دمـــعة بالجــــفن ما وقف بــــللها = وادعــــتني بالــــظلام وكسر مـــن غير الجبيره
مــــن بــــعدها كل سملول بعيني قد عــزلها = عن منام الــــهاجس اللي ما قوى غفوه قصيره

آه انا وش لون ابنسى كل مــيقاف حــــملها = جالــــها اللي محتويني منــــها ذكــــرى مـــثيره
حسبي الله ع الذي من دم شرياني انتــشلها = مابتســــكن بالــــوريد ولا بــتدله فــي حريره

حملوا نفــسي عذاب لــــين ما بين خــــللها = لين ماصــــارت بــــدنيا الخوف والحسره اسيره
ماتحرك ساكن احــساسي ولا حــــتى سالها = عن سبايب هالوداع اللي عجزت اعرف مصيره

وكلما همت جروح تهمل اللي قــــد هــــملها = تاقت لشووف الملاك الذاهـــبه عين ســــهيره
اكتـمل حلمي ولادري منهو بالشــــينه كملها = ماتت فـْروعي ضما والاصل راوي من غديره

لو بيجزع خافقــــي آهات ما خفــــف كللها = وان صــبرنا ما بيتلى صبرنا سلوى و خــيره
يا بتسام الورد يا ظلٍ ظــليل قــــد ظـــللها = يانــــجـــوم سامــــرتها يا كــــتاب تستــــعيره

ليه تجعل كل عبره داخلي تطــوي عــــملها = يكبت انفاســــي الانين وقل من يسمع صفــيره
كم كتبت ابيات شوفتها واتمــــتم وافتـــعلها = وارسم احلامي بطلتها على نفــــس الوتــــيره

من عشق ثيب كساها الطيب ما يرضى بدلها = كيف لو عذرى خذت من كل غرشــــوب كثـــيره
(...) بنتك وهــبها الله عين ٍ مــــن كــــسلها = ارتجي لا غمضـــّت شمس المنار المــــستديره

لارضت كني ملكت المال والــــماس وهللها = ولابكت كنــــّي احايل بالمهد طفــــله صــــغيره
رفرفت جنحانها اللي ماتــــميل لمــن عدلها = في سما عقب المــفارق تنشد القنــــاص طيره

ياعذاب منكتب لي قبل لا اصــــلاك ســــلها = منهي اجدر نفس هي اولى باحضـــانك ظفيره
وياعنا حالي هواجس خــــاطري يكثر جدلها = ليه ماقبل الذي قد صــــار.. ربــــي تســــتخيره؟ [/poem]

[صالح بن فارس]

أخوي خالد

كل هذا من ورانا واحنا ما ندري ...


صح لسانك

ولا هنت


مع تمنياتي لك بالتوفيق ..

وفي انتظار جديدك ..

تحياتي ؛؛

[بحــــار]

من قديم وفلسفـة دنيـا العنـا محـد جهلهـا
مثلمـا للوصـل موطـن للجفـا دار وديـره


اذا كان للوصل موطن وللجفا دار وديره .... فللشعر قصر بإسم الزهراني خالد .... قصيدة جزلة وشاعر له كل الاحترام

لا يهمك دامها شمس الغياب الله جعلها
تعشق المغرب وهي وسط الظهيره


بحــــــار

[العرنين]

صح لسانك يا خالد
ابداااااااااااااااااااااع
قصيده رائعه وبكل المقاييس
.
.
دمت مبدعا