|
|
|
|
|
 |
 |
 |
|
#1
22-04-2011, 07:07 AM
|
||||
|
||||
كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
اتبع النقاط التالية وانضم لعالم المثقفين 1 - البس غترة وامحط اللحية والشنب . 2 - اذا سألك أحد من تسمع له قل لفيروز وشاديه حتى لو انك ماتسمع الا لمزعل وسعد جمعة . 3 - اذا قالوا لك من شاعرك المفضل قل محمود درويش و ادونيس حتى لو انك ماتقرأ إلا لضيدان بن قضعان وسعد بن جدلان . 4 - ابتعد عن المباشرة في الكلام واعمد الى " التفعيط " و " التمطيط " وبدل ماتقول "في البداية " قل : " بادئ ذي بدء " وبدل ماتقول "وهذا يدل على " قل : " وهذا إن دل فإنما يدل على " ... لاتقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!!!.. 5 - اذا كتبت مقالاً فلازم تطعمة ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وانت تكتب المقال لا... إذا قضى الامر أبد لزهن فيه كلمة منا وكلمة مناك الين يقضن "" إن ماكتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه الف موسوعة ""؛ وانتبة تقول : "الرأسماليه والأشتراكيه والقوميه " ترى ذي الكلمات حقت مثقفين منول .. اما الحين ماعاد يوكلن عيش. 6 - كثر من الكلمات اللي تنتهي بـ"قراطيه" مثل : " الديمو قراطيه . البيروقراطيه . الأرستقراطيه . الأوتو قراطيه . التيوقراطيه ". واذا انزنقت "فخربط" لك اي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف مافي احد يبي يسألك ويقول وش معنى ذا الكلمه عشان ماينكشف " جهله " ويدرون الناس انه مهوب مثقف 7 - خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه . 8 - انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون الا بالميلادي ويفضل بعد انك اذا كتبت قصيده حداثيه تكتب الشهر كتابه مهوب رقم زي كذا " حزيران 2007 " اما ذا الشهر حق مثقفين بقوه وينصح بعد انك تحط تحت التاريخ اي عاصمه اوربيه " لندن , جنيف , باريس " حتى لو انك كاتب القصيده في حريملاء والا شقراء. 9 - اذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامه و الدهماء وانه معول من معاول هدم اللغه ولابد من اعلان الحرب عليه دون هواده !!! 10 - اذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا.. وقل الحياه والشرق الاوسط والاقتصاديه حتى لو انك مابعد شفتهن على الطبيعه ..بس لزوم الثقافه . 11 - اذا قال لك احد وش الاجواء اللي تجد فيها نفسك , لاتفضحنا وتقول اذا جلست مع اهلي والا اذا طلعت للبر والا اذا صرت اضبب !! لاياحبيبي , قل له انا تاسرني الليالي البيروتيه المقمره وخصوصا في فصل الخريف حتى لو انك ماتفرق بين الخريف و" المربعانيه ". 12 - حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين. ودمتم بوود 
|
 |
 |
 |
|
|
|
|
|
22-04-2011, 11:18 PM
|
#2 |
|
مراقب عام 
 |
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
2 - اذا سألك أحد من تسمع له قل لفيروز وشاديه حتى لو انك ماتسمع الا لمزعل وسعد جمعة .
نصائح رائعه |
|
|
|
|
|
|
|
|
|
|
|
22-04-2011, 11:41 PM
|
#3 |
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
اذا قال لك احد وش الاجواء اللي تجد فيها نفسك , لاتفضحنا وتقول اذا جلست مع اهلي والا اذا طلعت للبر والا اذا صرت اضبب !! لاياحبيبي , قل له انا تاسرني الليالي البيروتيه المقمره وخصوصا في فصل الخريف حتى لو انك ماتفرق بين الخريف و" المربعانيه ".
هههههههههههههه حلوه الليالي البيروتيه  |
|
|
|
|
|
|
|
|
|
|
|
|
22-04-2011, 11:44 PM
|
#4 |
|
اداري
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
أبو عدي
الزهرة زاادت الصحفة ضياء بمروركم الكريم فدمتم بوود |
|
|
|
|
|
|
|
|
|
|
|
|
23-04-2011, 12:06 AM
|
#5 |
|
.
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
هههههههههه
أخي سعد بادئ ذي بدء أشكرك على دعمك لقسم الأستراحه وعلى نشرك للثقافه فذلك ان دل على شيء فانما يدل على مدى وعيك وثقافتك بصراحه نصائح خوقراقيطيه،، خالص تقديرياقطيه واحتراميقطيه،، |
|
|
|
|
|
|
|
|
|
|
|
|
23-04-2011, 12:11 AM
|
#6 |
|
اداري
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
هههههههههههههههههههههههههههههه
سعود عند ذهابك ومرورك هل تعلم عن مدى هذا كان ومازال مستمر الوعي والأدالال الا متنهاي وتفادي لكثرة ماذهب به قد وجد فياليت الكل يعلم بذلك <<< يالليل الثقافة خخخخخخخخ سعود ((لاتنسى نهايت معرفي يطة )) يعني الثقافة عندي بالوراثة >>> خخخخ سعدت بمرورك الكريم فدم بوود |
|
|
|
|
|
|
|
|
|
|
|
|
23-04-2011, 12:52 AM
|
#7 |
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
[ALIGN=CENTER][TABLETEXT="width:70%;"][CELL="filter:;"][ALIGN=center]
هههههههههههههههههههههههههههههههههههههه هذاي الثقافه والا بلاش [/ALIGN][/CELL][/TABLETEXT][/ALIGN] |
|
|
|
|
|
|
|
|
|
|
|
|
23-04-2011, 09:41 AM
|
#8 |
|
مراقب عام
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
- كثر من الكلمات اللي تنتهي بـ"قراطيه" مثل : " الديمو قراطيه . البيروقراطيه . الأرستقراطيه . الأوتو قراطيه . التيوقراطيه ". واذا انزنقت "فخربط" لك اي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف مافي احد يبي يسألك ويقول وش معنى ذا الكلمه عشان ماينكشف " جهله " ويدرون الناس انه مهوب مثقف
سعد شقراطيه ههههههههه  |
|
|
|
|
|
|
|
|
|
|
|
|
24-04-2011, 03:50 AM
|
#9 |
|
اداري
|
رد: كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
^^
ههههههههه صقر ابن روزه سعدت بمروركم الكريم فدمتم بوود |
|
|
|
|
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه للموضوع : كيف تصبح مثقف ((نظرا لعدم وجود أي مثقف في قسم الأستراحة حبينا نفيدهم))
|
||||
| الموضوع | كاتب الموضوع | المنتدى | مشاركات | آخر مشاركة |
| [خبر] مليونيرة جديدة تبحث عن عريس مثقف.!! | ĄĿ Ĝęήẻяął | الاخبار المحلية والعالمية والمنقولات | 1 | 12-05-2010 11:44 AM |
| سين وجيم لمحشش مثقف!!! | tiger of zahran | الإستراحة | 7 | 15-07-2009 11:15 PM |
| في ضيافة مثقف | ابراهيم السعدي | المنتدى العام | 25 | 17-02-2008 03:30 PM |
| §¤~¤§¤~¤§ضوابط في ضيافة مثقف§¤~¤§¤~¤§ | ابراهيم السعدي | المنتدى العام | 10 | 17-02-2008 03:10 PM |
