ياورقة المقاضي شيبتينا ...

[حكــ حنين ــآية]

اقرأ واضحك

ياعااااااااالم قسم راحت حياتي اوراق صغيره . جيوبي مليانه .. كل ظهريه وبعد صلاة العشا طيب يامرتي العزيزه فيه شي اسمه دمج .. رئاسة تعليم البنات بكبرها دمجوها ..ما تدمجين انتي ورقة مقاضي الظهر مع ورقة مقاضي الليل ونفتك من هالقلق اليومي ..

المشكله وشي . المشكله اني اقرا طلبات مالها داعي بس مجبور اجيبها . دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين??

طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيفيجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لمرتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه ..اخيرا شفت ورقة المقاضي صدق.. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ما ناقص الابطل بلاك .. الى درجة اني رحمت يوم شفت سفرتنا ههههههههههههههه

المشكله ان مرتي تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

واروح البقاله ما لقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت يا اخي معليش انا نسيت اسمها بس انها كنافه ما هيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ما غير ناكلها الى درجة ان ابوي اضافها في دفتر العايله لانها صارت جزء من العايله ووحده مننا هههههههه

الله يحفظ الوالده . ورقة المقاضي حقتها ماتتغير علشان كذا ما نرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمةاومليت مادريت انه بيض !!!

المشكله ماعندهم رحمه .. درجة الحراره في عز الصيف ألف وانت تطامر من محل الى محل وبمعية سموكورقة المقاضيلو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخيييييييييييل .. ويا عيني على استخدام التقنيه .. ورقة المقاضي صارت من العصر الحجري ..

الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي العزوبيه .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك . ) وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وما قطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه ومعي كالعادهرفيقة دربي ورقة المقاضي طولها حوالي 7.12 مترويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه

ماهو انا اللي كتبتها جتني ايميل

شكرا

[سعد الحبيطه]

ههههههههههههههههههههههههههههههههههههههههه

[جنون البآرسآ]

بطني عورني يوم شفت مكتوب ( ورقة مقآضي )

من جد أغرآض الحريم مآ تنتهي ، يعني مثلآ أجي طآلع من البيت أقول هآآه وش نآقص وش أجيب معي !؟

و يطلّعون ورقة و قلم و يقعدون يكتبون و يكتبون و يكتبون ، عآد أنآ على طول بطني يعورني و أحس إني مصدع

و أقول خلآص أنآ بروح و إنتم أرسلوهآ ع الجوآل و أطلع و بعد شوي تجيني رسآله و أفتحهآ

و يجيني مكتوب جزء من النص مفقود من كثر المقآضي < على أيآم أبو كـشّآف


أكثر شي أكرهـه الأغرآض اللي أسمآئهآ غريبه . يعني اللي مآ أعرفهآ ، أقعد أفرفر السوبرمآركت

لين ألآقيهآ ، لكن إذآ لقيتهآ أحس إني مرتآح نفسيآ

[س+2س=3س]

هههههههههههههههههههههههههههههههههههه
والله يالحريم أغراضهن ما تخلص

[ابن روزه]

اصبحت ورقة المقاضي رفيقة درب الزوجومستحيل يطلع من البيت بدونهاادمان

[كبريآء ملكـ]

طيب آنآ قريتَ بسَ مَ ضحكِت


//

طَيب سمِيد وبآكنج بودر ودريم وِيب وحليب نستله
وفِ آلنهآيه وعوه


شكراً بحجم حكآية حَنينك

[شتآتـ]

^
^
هههههههههههههههههههه

اذا تبون تنفكون من الاوراق كل اسبوعين خذوهم للسوبر وخلوهم يفحطون بالعربيات في بنده او في اي سوبر ثاني لمن يدوخون

انتم اجلسو تفرجوا بس
لكن اهم شي ماتاخذ بنده كلها هههههههههههههههه

[مياسه]

كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه ??

ههههههههههههههههههههههههههههههههه
الله يهديهم الحريم المفروض تااكل زوجها وتتفنن له بالطبخ قبل الكل
لانه كل مااهتمت فيه راح يحبها وهذا الشي اللي احسه اهم شي بدنيا حب الزوج ورضاه والباقي مايهموني <<
صفقه قويه عشاني ههههههههههههههههه

[عبدالله العلي]

هاهاهاهاهاهاهاهاهاهاهه . احلى تمرد .

قواسم مشتركه بيني وبينه ..


العشاء .. ياناس وجبة العشاء هذه بالله وش سالفتها معي .. ؟ والا مو بس انا ؟. الظاهر السعوديين كلهم !


يسلموووووووووووووا ع الموضوع المبكي دا

ههههههههههه

[المُهرهـ]

يوه لهالدرجه ازمه الطلباات
ورربي دووبي اعررف
!!!!!!!!!!!!!!


على العمووم ربي يقوويكم وتجيبوون كمان وكمااااان

تحيتي